Avyakt murli du dimanche 1 février 1976

>

01-02-76 om shanti avyakt baapdaadaamdhuban

roohaani shama aur teen prakaar ke roohaani parvaane

sarva prakaar ke chakkaron se chhuda kar chakravarta mahaaraaja banaane vaale, sada jaagti jyoti,roohaani shama parampita shiv bole –

aaj roohaani shama roohaani parvaanon ko dekh rahi hai। sabhi parvaane ek hi shama par svaaha hone ke liye nambarvaar prayatna mein lage hue hain। jo number one parvaane hain unko svayan ka arthaat is deh-bhaan ka, din-raat ka, bhookh aur pyaas ka, apne sukh ke saadhnon ka, aaraam ka - kisi bhi baat ka aadhaar nahin। sab prakaar ki deh ki smriti se khoye hue ho,arthaat nirantar shama ke lav mein lavleen hue ho?jaise shama jyoti-swaroop hai, light-might roop hai, vaise shama ke samaan svayan bhi light-might roop ho? doosre prakaar ke parvaane, shama ki light aur might ko dekhte hue uski taraph aakarshit zaroor hote hain,sameep jaana chaahte hain, samaan banna chaahte hain, lekin deh-bhaan ki smriti va deh ke sambandh ki smriti, deh ke vaibhvon ki smriti, deh-bhaan ke vash tamoguni sanskaaron ki smriti sameep jaane ka saahas va himmat dhaaran karne nahin deti hai। in bhinna-bhinna smritiyon ke chakkar mein samay ganva dete hain! first number hain lavleen parvaane arthaat baap ke samaan swaroop aur shaktiyaan dhaaran karne vaale, baap ke sarva khajaane svayan mein samaane vaale, samaan banne arthaat sama jaane arthaat mar mitne vaale। doosra number - anek prakaar ke chakkar kaatne vaale aur anek smritiyon ka chakkar kaatne vaale। woh hain samaane vaale, yeh hain sochne vaale। teesre number ke parvaane - shama ko dekh aakarshit bhi hote, sochte bhi lekin duvidha ke chakkar mein rehte hain। arthaat do naav mein paanv rakhna chaahte hain। maaya ke,alpakaal ke sukh bhi chaahte hain aur shama dvaara va baap dvaara avinaashi praapti bhi chaahte hai। ye hain baar-baar poochhne vaale। woh sochne vaale aur ye poochhne vaale ‘‘aisa karen ya na karen? praapti hogi ya nahin hogi? ho sakta hai, ya nahin ho sakta hai? mushkil hai ya sahaj hai?yahi ek raasta sahi hai ya aur bhi hai?’’ -aise svayan se va anya anubhvi aatmaon se poochhne vaale। ichchha hai lekin ‘ichchha maatram avidya’hone ka saahas hi nahin hai। milna bhi chaahte hain, lekin jeete-ji marna nahin chaahte। jeete-ji marne athva chhodne mein hday videerna hota hai। aise teen prakaar ke parvaane shama par aate hain।

ab apne-aap se poochho ki main kaun-sa parvaana hoon? anek prakaar ki smritiyon ke chakkar samaapta hue hain ya ab tak bhi koi-na-koi chakkar apni taraph kheench leta hai? agar koi bhi vyartha smriti ke chakkar ab tak lagaate ho to svadarshan chakradhaari, sangamayugi braahmanon ka title praapta nahin ho sakega! jo svadarshan-chakradhaari nahin, woh bhavishya ka chakravarta raaja bhi nahin hoga। 63janma bhakti-maarga ke anek prakaar ke vyartha chakkar lagaane mein ganvaaya। vahi sanskaar ab sangam par bhi na chaahte hue bhi kyon emerge kar lete ho? chakkar lagaane mein praapti ka anubhav hota hai ya niraasha hoti hai? 63 janma chakkar lagaate,sab-kuchh ganvaate, svayan ko aur baap ko bhoolte hue ab tak bhi thake nahin ho? ki thikaana milte bhi chakkar kaatte ho? avinaashi praapti hote, vinaashi alpa-kaal ki praapti ab bhi aakarshit karti hai? ab tak koi anya thikaana praapti karaane vaala nazar aata hai kya? ya shreshtha thikaana jaante hue bhi alpakaal ke thikaane aaeevel arthaat aise samay ke liye bana kar rakhe hain? aise bhi bahut chatur hain। lene ke samay sab lene mein hoshiyaar hain,lekin chhodne ke samay baap se chaturaai karte hain। kya chaturaai karte hain? chhodne ke samay bhole ban jaate hain। ‘‘purushaarthi hain, samay par chhoot jaavega,sarakmastaansiz aise hain, hisaab-kitaab kada hai, chaahta hoon lekin kya karoon? dheere-dheere ho hi jaayega’’ - aise bhole ban baaten banaate hain। knowledgeful baap ko bhi knowledge dene lag jaate hain! karmon ki gati ko jaanne vaale ko apni karma-kahaaniyaan suna dete hain। aur lete samay chatur ban jaate hain। chaturaai mein kya bolte hain - ‘‘aap to merciful ho, vardaata ho। main bhi adhikaari hoon,bachcha bana hoon to poora adhikaar mujhe milna chaahiye।’’ lene mein poora lena hai aur chhodne mein kuchh-na-kuchh chhupaana hai arthaat kuchh-na-kuchh apne puraane sanskaar, svabhaav va sambandh - woh bhi saath-saath rakhte rehna hai। to chatur ho gaye na। lenge poora lekin denge yatha-shakti। aise chaturaai karne vaale kaunsi praarabdha ko paayenge। aise chatur bachchon ke saath drama anusaar kaun-si chaturaai hoti hai?

svarga ke adhikaari to sab ban jaate hain, lekin raajdhaani mein nambarvaar to hote hi hain na। svarga ka varsa baap sabko deta hai,lekin seat harek ki apne number ki hai। to drama-anusaar jaisa purooshaartha,vaisa pad svatah praapta ho jaata hai। baap number nahin banaate, kisi ko raaja ka,kisi ko praja ka gyaan alag-alag nahin dete; kisi ko sooryavanshi,kisi ko chandravanshi ki alag padhaai nahin padhaate kisi ko mahaarthi, kisi ko ghodesvaar ki chhaap nahin lagaate, lekin drama ke anusaar jaisa aur jitna jo karta hai vaisa hi pad praapta kar jaata hai। isliye jaisa lene mein chatur bante ho vaise dene mein bhi chatur bano, bhole na bano! maaya ki chaturaai ko jaankar maayaajeet bano। check karo ki ek yathaartha thikaane ki bajaay aur koi alpa-kaal ke thikaane ab tak rah to nahin gaye hain; jahaan na chaahte hue bhi buddhi chali jaati hai? buddhi ke kahin jaane ka arth hai ki thikaana hai। to sab had ke thikaane check karke ab samaapta karo। nahin to yahi thikaane sadaakaal ke shreshtha thikaane se door kar denge। baap shreemat spashta dete hain ki aise karo lekin bachche‘aise ko kaise’mein badal lete hain। ‘kaise’ ko samaapta kar, jaise baap chala rahe hain,aise chalo। achha!

shama-samaan light-house, might-house number one parvaane, anek chakkar samaapta kar svadarshan chakradhaari banne vaale, vishwa ke maalik banne ke adhikaar ko praapta karne vaale,baap ki shreemat par har kadam uthaane vaale, aise kadmon mein padmon ki shreshtha kamaai jama karne vaale, sada lavleen rahne vaale parvaanon ko baap shama ka yaad-pyaar aur namaste!

is murli ka saar

1. agar koi bhi vyartha smriti ke chakkar ab tak lagaate ho to svadarshan-chakradhaari,sangam yugi braahmanon ka title praapta nahin ho sakega।

2. nambarban parvaane vahi hai jo nirantar shama ke lav mein lavleen hue ho,jo baap ke samaan swaroop aur shaktiyaan dhaaran karne vaale ho, baap ke sarva khazaane svayan mein samaane vaale ho, samaan banne arthaat mar mitne vaale ho।