Avyakt murli du lundi 10 janvier 1977

>

10-01-77om shanti avyakt baapdaadaamdhuban

jaisa lakshya vaisa lakshan

sada birth-right (Birth-Right) ke nashe mein rahne vaale, eeshvareey nashe mein masta rahne vaale, lakshya aur lakshan samaan karne vaale, sarva ko sarva ulajhnon se nikaalne vaale bachchon prati baap-daada bole :-

aaj baap-daada har bachche ke mastak aur nainon dvaara ek vishesh baat dekh rahe hain। ab tak lakshya aur lakshan kitna sameep hain। lakshya ke prabhaan lakshan praikteekal roop mein kahaan tak dikhaai dete hain? lakshya sab ka bahut ooncha hai lekin lakshan dhaaran karne mein teen prakaar ke purushaarthi hain। woh kaun-se hain?

(1) ek hain - jinhen sun kar achha lagta hai, karna chaahiye, lekin sunna aata hai par karna nahin aata hai।

(2)doosre hain - jo sochte hain, samajhte bhi hain, karte bhi hain। lekin shakti-swaroop na hone ke kaaran double part bajaate hain। abhi-abhi brahman,teevra purushaarthi abhi-abhi himmatheen। kaaran? paanch vikaar aur prakriti ke tatva, donon mein se kisi na kisi ke vasheebhoot ho jaate hain। isliye lakshya aur lakshan mein antar pad jaata hai। ichchha hai lekin ichchha maatram avidya banne ki shakti nahin,is kaaran apne lakshya ki ichchha tak pahunch nahin paate hain।

(3)teesre hain - jo sunna, sochna aur karna, teenon ko samaan karte hue chalte hain। aisi aatmaon ka lakshya aur lakshan 99% samaan dikhaai padta hai। aise teen prakaar ke purushaarthi dekh rahe hain।

vartamaan samay harek brahman aatma ke sankalp aur bol ko lakshya ki kasauti par chaik karna chaahieh lakshya ke pramaan sankalp aur bol hain? lakshya hai - pharishta so devta। jaise laukik parivaar aur occupation (Occupation) ke pramaan apna sankalp, bol aur karma chaik (Check) karte hain vaise brahman aatmaaen apne oonch se oonch parivaar aur occupation ko saamne rakhte hue chalte hain? vartamaan marjeeva brahman janma natural (Natural) smriti mein rehta hai va past shudrapan ke lakshan natural roop mein part mein aa jaate hain? jaisa janma hota hai vaise karma hote hain। shreshtha janma ke karma bhi svatah hi shreshtha hone chaahiye। agar mehnat lagti hai to brahman janma ki smriti kam hai। vaastav mein shreshtha karma va shreshtha lakshya shreshtha janma ka birth-right (Birth Right) janmasiddha adhikaar hai। jaise laukik janma mein sthool sampatti birth-right hoti hai। vaise brahman janma ka divya gun roopi sampatti, eeshvareey sukh shakti birth-right hai। birth-right ka nasha natural roop mein rehta hi hai, mehnat karne ki aavashyakta hi nahin। agar mehnat karni padti hai to avashya sambandh aur connection mein koi kami hai। apne aap se poochho birth-right ka nasha rehta hai?is nashe mein rahne se hi lakshya aur lakshan samaan ho jaayega, iske liye sahaj yukti jisse mehnat se mukti mil jaaye vo kaun-si hai? svayan ko jo hoon, jesa hoon, jis shreshtha baap aur parivaar ka hoon vaisa jaante ho; lekin har samay maante nahin ho। apni takdeer ki tasveer nahin dekhte ho। agar sadaiv apni takdeer ki tasveer ko dekhte raho to jaisa saakaar shareer ko dekhte hue natural deh ki smriti-swaroop rehte ho vese hi natural takdeer ki tasveer ke smriti mein rahenge। chalte phirte vaah baba! aur vaah meri takdeer ki tasveer! yeh ajpaajaap arthaat man se yeh aavaaz nikalti rahe। jo bhakta log anhad aavaaz sunne ka prayatna karte hain, yeh aap ki hi sthiti ka gaayan bhakti mein chalta rehta hai। apne kalpa pahle ki khushi mein sada naachne ka chitra jisko raas-leela ka chitra kehte hain - har gopi va gop sada gopeevallabh ke saath raas karte hue dikhaate hain,yeh khushi mein naachne ka yaadgaar chitra hai। aap ke praikteekal charitra ka chitra bana hai। aisa praikteekal charitravaan chitra sada dekhne mein aata hai? aise anubhav karte ho ki yeh mera hi chitra hai? isko kaha jaata hai ‘takdeer ki tasveer’। roz apni takdeer ki tasveer ko dekhte hue har karma karenge to mehnat se mukta ho birth-right ki khushi ka anubhav karenge।

ab mehnat karne ka samay nahin raha, ab to yeh smriti-swaroop bano - jo jaanna tha woh jaan liya,paana tha so pa liya aisa anubhav karte ho?baap-daada to har ek ke takdeer ki tasveer dekh harshit hote hain। aise hi tat tvam। baap-daada ko vishesh aashcharya ek baat ka lagta hai - master sarvashaktivaan shreshtha takdeervaan chhoti-chhoti ulajhnon mein kaise ulajh jaate hain jaise ki sher cheenti se ghabra jaata hai। agar sher kahe ‘‘main cheeteen ko kaise maaroon, kya karoon’’ to kya sochenge?sambhav baat lagegi ya asambhav lagegi?aise master sarva shaktivaan zara-si uljhan mein ulajh jaaen to kya baap ko sambhav baat lagegi ya aashcharya ki baat lagegi? isliye ab chhoti-chhoti ulajhnon se ghabraane ka samay nahin hai, ab to sarva uljhi hui aatmaon ko nikaalne ka samay hai। samjha ye bachpan ki baaten hain। master rachayita ke liye yeh bachpan ki baaten shobhti nahin is liye kaha hai ki sadaiv umang, ullaas ki raas mein naachte raho। sada vaah mera bhaagya! aur vaah bhaagya vidhaata!! is sookshm man ki aavaaz ko sunte raho। naachne ke saath jese saaj chaahiye na, to yeh anaadi man ka aavaaz sunte raho aur khushi mein naachte raho।

aise sada birth-right ke nashe mein rahne vaale, eeshvareey masti mein sada rahne vaale, mehnat se mukta hone vaale, lakshya aur lakshan samaan karne vaale, sarva ulajhnon se nikaalne vaale,aise shreshtha takdeer vaale,padmaapadma bhaagyashaali bachchon ko yaadapyaar aur namaste।