Avyakt murli du samedi 23 avril 1977

>

23-04-77om shanti avyakt baapdaadaamdhuban

baap dvaara praapta sarva khazaanon ko badhaane ka aadhaar hai - mahaadaani banna

sada sarva khazaanon se sampanna, vyartha ko samartha banaane vaale,sada praapti swaroop, har second aur sankalp mein padmaapti banne vaale, aise akhut khazaane ke adhikaari aatmaon prati baba bole :-

baapdaada sabhi bachchon ko sab khazaanon se sampanna swaroop mein dekh rahe hain। ek hi sarva adhikaar dene vaala, ek hi samay sabhi ko samaan adhikaar dete hain। alag-alag nahin dete hain। kisko gupta vishesh khazaana alag nahin dete hain। lekin result mein number vaar hi bante hain। sarva khazaanon ke adhikaar hote bhi, dene vaala saagar aur sampanna hote hue bhi, number kyon bante hain? kya kaaran banta hai?samaane ki shakti apni parsentej mein hai। is kaaran sabhi saint-percent (Cent-Percent;sampoorn) nahin ban paate। arthaat sarva baap samaan nahin ban sakte। sankalp sabhi ka hai, lekin swaroop mein la nahin sakte। har ek ko apne khazaanen ki parsentej chaik karni chaahiye ki sabhi se jyaada kaunsa khazaana hai, jisko vyartha karne se sarva khazaanon mein bhi kami ho jaati hai - aur woh khazaana majority (Majority;adhiktar) vyartha karte hain। woh kaunsa khazaana hai? woh hai ‘samay ka khazaana।’ magar samay ke khazaana ko sada svayan ke va sarva ke kalyan ke prati lagaate raho to anya sarva khazaane svatah hi jama ho jaae। sankalp ke khazaane mein sada kalyaankaari bhaavna ke aadhaar par, har second mein anek padmon ki kamaai kar sakte ho। sarva shaktiyon ke khazaane ko kalyaan karne ke kaarya mein lagaate rahne se, mahaadaani banne ke aadhaar se ek ka padma guna sarva shaktiyon ka khazaana badhta jaayega।‘ek dena das paana’ nahin,lekin ‘ek dena padma paana।’

gyaan ka khazaana samay ki pahchaan ke kaaran ab nahin to kab nahin de sakte। ab denge to bhavishya mein anek janma praapta hoga। is aadhaar par samay ke mahatva ke kaaran sada vishwa-sevaadhaari banne se seva ka pratyaksha phal khushi ka khazaana akhut ban jaata hai। svaason ka khazaana, samay ke mahatva pramaan ek ka padma guna ya banne ke vardaan ka samay samajhne se arthaat karma aur phal ki guhya gati samajhne se, vyartha svaason ko saphal banaane ki sada smriti rahne se, shreshtha karmon ka khaata va shreshtha karmon ka sookshm sanskaar roop mein bana hua khazaana svatah hi bharta jaata hai। to ‘sarva khazaanon ke jama ka aadhaar samay ke shreshtha khazaanon ko saphal karo’to sada aur sarva saphalta moortta sahaj ban jaaenge। lekin karte kya ho? albela arthaat karne ke samay karte hue bhi us samay jaante nahin ho ki kar rahe hain,peechhe pashchaattaap karte ho। is kaaran double, triple samay ek baat mein ganva dete ho। ek karne ka samay, doosra mahsoos karne ka samay, teesra pashchaattaap karne ka samay,chautha phir usko chaik karne ke baad change karne ka samay। to ek chhoti si baat mein itna samay vthartha kar dete ho। aur phir baar-baar pashchaattaap karte rahne ke kaaran, karmon ka phal sanskaar roop mein pashchaattaap ke sanskaar ban jaate hain। jisko saadhaaran bhaasha mein ‘meri aadat’ ya nature (Nature;prakriti va svabhaav) kehte ho। natural nature braahmanon ki sada sarva praapti ki hai। arthaat braahmanon ke aadi anaadi sanskaar vijay ke hain arthaat sampanna banne ke hain। pashchaattaap ke sanskaar braahmanon ke nahin hain। yeh kshatriypan ke sanskaar hain। chandravanshi ke sanskaar hain। sooryavanshi sada sarva praapti sampanna swaroop hai। chandravanshi baar-baar apne aap mein va baap se in shabdon mein pashchaattaap karte hain - aise sochna nahin chaahiye tha, bolna nahin chaahiye tha,karna nahin chaahiye tha, lekin ho gaya, ab se nahin karenge। kitne baar sochte va kehte ho। yeh bhi royal roop ka pashchaattaap hi hai। samjha?kaun se sanskaar hain?sooryavanshi ke va chandravanshi ke?bahut samay ke sanskaar samay par dhokha de dete hain। to pahle svayan ko svayan ke dhokhe se bachaao to samay ke dhokhe se bhi bach jaayenge। maaya ke anek prakaar ke dhokhe se bhi bach jaayenge। duhkh ke ansh maatra ke mahsoosta se sada bach jaayenge, lekin sarva ka aadhaar - ‘samay ko vyartha nahin ganvaao।’ har second ka laabh uthaao। samay ke vardaanon ko svayan prati aur sarva ke prati kaarya mein lagaao। achha।

sada sarva khazaanon se sampanna, vyartha ko samartha banaane vaale,sada praapti swaroop, har second aur sankalp mein padmaapti banne vaale, aise akhut khazaane ke adhikaari aatmaon ko baap-daada ka yaad-pyaar aur namaste।

party se:-

sooryavanshi sanskaar hain na? baar-baar ek hi bhool karne se sanskaar pakke ho jaate hain। to sooryavanshi arthaat soorya samaan master soorya ho। apni shaktiyon ki kirnon dvaara kisi bhi prakaar ka kichda arthaat kami va kamjori hai, to soorya ka kaam hai second mein kichde ko bhasma karna। aisa bhasma kar dena jo naam, roop,rang sada ke liye samaapta ho jaae। jaise shareer ko agni dvaara jalaate hain, to sada ke liye naam, roop,rang samaapta ho jaata hai। to bhasma karna arthaat ‘bhasma’bana dena। raakh ko bhasma bhi kehte hain। to sooryavanshi ka yeh karttavya hai। na sirf apni lekin auron ki kamjoriyon ko bhi bhasma bana dena, itni shakti hai na?soorya ki shakti se aur koi shaktivaan hai kya? chandrama ke oopar soorya hai, soorya ke oopar to aur koi nahin hai na? chandrama mein bhasma karne ki shakita nahin,lekin soorya mein bhasma karne ki shakti hai। to aise ho na? master soorya ho ki chandrama ho?ya samay par chandrama, samay par soorya ban jaate ho? master sarva shaktivaan arthaat master gyaansoorya ki har shakti bahut kamaal kar sakti hai - lekin samay par use karna aata hai? to samay hai sahan shakti ka aur use karo nirnay karne mein samay hi ganva do to result kya hogi? jis samay jis shakti ki aavashyakta hai us samay usi shakti se kaam lena pade। samay par vahi shakti shreshtha gaai jaati hai। to samay pramaan use karne ka tareeka ho to har shakti kamaal kar sakti hai; do-chaar shaktiyaan bhi use karne aave to bahut-kuchh kar sakte hain। do-chaar mein raaji nahin hona hai,banna to sampanna hai,lekin agar do bhi hain to bhi kamaal kar sakte ho। har shakti ka mahatva hai। bhakti maarga mein dekha hoga - har shakti ko,prakriti ki shakti ko bhi devta ke roop mein dikhaaya hai। soorya devta,vaayu devta,prithvi devta। to in sab shaktiyon ko devtaaon va deviyon ke roop mein dikhaaya hai; arthaat inka itna mahatva dikhaaya hai। jab ki aapki har shakti ka bhi poojan hota hai - jaise nirbhayta ki shakti ka swaroop ‘kaali devi’hai। saamna karne ki shakti ka swaroop ‘durga’ hai। yeh bhinna-bhinna naam se aapke har shakti ka gaayan aur poojan ho raha hai। santushta rehna aur karne ki shakti hai to ‘santoshi’maata ke roop mein gaayan ho raha hai। santushta rehna arthaat sahan shakti। itni mahima hai aapki।

vaayu samaan halke banne ki, athva double light banne ki shakti aap mein hai to uska poojan vaayu devta roop mein kar rahe hain va ‘pavanputra’ke roop mein poojan kar rahe hain। hai yeh aapke double light rahne ka poojan। samjha? to jiske har shakti ka itna poojan hai woh svayan kya hoga? itna mahatva apna jaano। jaante ho apna mahatva! anginat devi-devtaaen hain, naam bhi yaad nahin kar sakenge। itne param-poojya ho! jaante ho apne ko ki saadhaaran hi samajhte ho?agar apne poojan ko bhi smriti mein rakho to har karma poojya ho jaaega।

harek ko svayan ko dekhna hai ki main race mein kis number par ja raha hoon। race kar raha hoon, yeh koi badi baat nahin, lekin number kaunsa hai? chal to rahe hain lekin kahaan cheenti ki chaal chalna, kahaan sher ki chaal chalna! pharka kitna hai! chal to sabhi rahe hain lekin chaal kaunsi hai? sher arthaat raaja। to raaja kiske adheen nahin hota। aise ho? kabhi kisi bhi prakriti ya maaya ke adheen to nahin hote?adheen na hona arthaat sher va sherni ki chaal chalna। cheenti ki chaal se to bakri ki chaal achhi।

madhuban nivaasiyon ke saath:-

sabse sameep kaun hai? kahaavat hai sindhi mein - ‘jo choolhe par vo dil par।’to sabse sameep rahne vaale madhuvan nivaasi hain। to sameep rahne ka return kya hai? bhakti mein bhi pukaarte hain to yahi kehte hain, ‘apne sada charnon mein baithne do’, woh to hue bhakta। lekin gyaani tu aatma to sada dil par rehte। to aise sameep te sameep rahne vaale jaise sab sthaanon se sameep ho, vese sthiti mein bhi sameep ho? sthiti mein sameep rahne vaalon ka sthaan‘dil takhta’hai। sthaan mein sameep rahne vaale sthiti mein bhi sameep rahne vaale hain?sabhi ne suna to bahut hai ab karttavya kya raha hai?suna hua jo hai uska return dena। woh return de rahe ho। sunaaya na ek hain hard-worker (Hard Worker;adhik mehanti), doosre hain chalte-phirte yogi ho? agar sirf hard-worker ho to hard-work karne ke time sthiti bhi hard rehti hai ya light rehti hai? jaise hard-work karne ke samay shareer halchal mein hota hai, vaise sthiti bhi halchal mein hoti hai ya pharishte roop mein hoti hai? kaam bahut achha karte ho, karttavya ki mahima sab karte hain, lekin karttavya ke saath sthiti ki bhi sab mahima karen। jo kuchh karte ho to kie hue shreshtha kaaryon ka phal yahaan ke saath bhavishya ke liye bhi jama karte ho? va yahaan hi kiya,yahaan hi khaaya? sangam yug par kaarya ka phal ‘ateendriy sukh’ hai iske sivaay alpa kaal ka naam, maan,shaan va prakriti daasi ka phal sveekaar kiya to bhavishya khatma ho jaata hai। jo jaisa aur jitna baap ne kaha hai, uska pratyaksha phal yahaan bhi len to bhavishya khatma ho jaata hai। to chaik karo yahaan hi kiya, yahaan hi khaaya, ya jama bhi hota hai? jo jaisa aur jitna baap ne kaha hai uska pratyaksha-phal yahaan bhi len aur bhavishya jama bhi ho। jis phal ke liye baap ne kaha hai,woh sveekaar karne ke sivaay aur koi phal sveekaar kar lete to nuksaan ho jaata। to sameep rahne vaale arthaat samaan banne vaale। sameepta ka laabhasmaan ban karke dikhaana। lakshya ko lakshan mein laao। har lakshan lakshya ko spashta kare। lakshya to bahut ooncha hai na। to lakshan bhi itne oonch ho। aise sample ban dikhaao jo baap-daada challenge kar sake ki ‘jaise yeh chal rahe hain aise chalo।’

madhuvan ke vaayumandal ka prabhaav aatometeekli (svatah) chaaron or phailta hi hai jaise madhuvan ke vaataavaaran ko koi svarga ka model kah karke varnan karte hain। vaise hi brahman parivaar mein chaaron or madhuvan ka vaataavran baap samaan chalte phirte yogeepan ka phailta hai। madhuvan nivaasiyon ka sirf karttavya nahin ki apne aap mein theek chal rahe hain। aapka karttavya hai chaaron or madhuvan ke vaataavran aur vibration (Vibration) dvaara sarva ko sahayog dena। jaise chance double, triple hai to karttavya bhi double। madhuvan nivaasiyon ka har sankalp aur karma vardaan yogya hona chaahiye। kyonki madhuvan hai ‘vardaan bhoomi’। aakhir woh din bhi aaega jo sabke mukh se yeh shabd niklega ki ‘madhuban nivaasi har sankalp va karma mein vardaani hain sangathit roop mein।’ abhi baap is date ko dekh rahe hain। achha।