Avyakt murli du jeudi 2 juin 1977

>

02-06-77om shanti avyakt baapdaadaamdhuban

sarva aatmaon ke aadhaar moortta, uddhaar moortta aur poorvaj ‘‘brahman so devta hai’’

sada apne poorvaj ki position mein sthit rahnevaale, sarva ke aadhaar moortta aatmaon prati avyakt baap-daada bole:-

baapdaada chaaron or ke bachchon ko unhon ke vishesh do roopon se dekh rahe hain। woh do roop kaunse hain, jaante ho?woh do roop hain - ek sarva ke poorvaj, doosra sarva ke poojneey। poorvaj aur poojneey! poojan ke saath-saath gaayan yogya to hain hi। aise apne donon ki smriti rehti hai ki ham hi sarva dharma sthaapak va sarva dharma ki aatmaon ke poorvaj hain? ‘brahman so devta’ arthaat aadi sanaatan dharma ki aatmaaen beej arthaat baap dvaara direct tana ke roop mein hain। srishti vriksha ke chitra mein bhi aapka sthaan kahaan hai? mool sthaan hai na। to mool tana,jis dvaara hi sarva dharma roopi shaakhaaen utpanna hui hain। to mool aadhaar arthaat sarva ke poorvaj ‘brahman so devta’ hain,aise poorvaj arthaat aadi dev dvaara aadi rachna ho। har ek ko apne poorvaj ka regard aur sneh rehta hai। har karma ka aadhaar, kul ki maryaadaaon ka aadhaar, reeti-rasma ka aadhaar, poorvaj hote hain। to sarva aatmaon ke aadhaar moortta aur uddhaar moortta aap poorvaj ho। aise apne shreshtha svamaan mein sthit rehte ho?

poorvaj ka svamaan hone ke kaaran poorvajon ke sthaan ka bhi svamaan hain। kisi bhi dharma vaale na jaante hue bhi bhaarat bhoomi arthaat poorvajon ke sthaan ko mahatva ki nazar se dekhte hain। saath-saath sarva mahaan praaptiyon ka aadhaar sahjayog va kisi bhi prakaar ka yog va aadhyaatmik shakti ki praapti ka kendra bhaarat ko hi maante hain। bhaarat ke yaadgaar geeta shaastra ko bhi sarva shaastron ke shreshtha svamaan ka shaastra maante hain। science aur silence donon ko prerna dene vaale geeta shaastra ko maante hain। apne poorvajon ka chitra aur chaaritra dekhne aur sunne ki man mein ichchha utpanna hoti hai। poori pahchaan na hone ka kaaran, smriti na hone ka kaaran, ichchha hote hue bhi dharma aur desh ki bhinnata hone kaaran, itne sameep nahin aa paate hain। in sab baaton ka kaaran,un sabke poorvaj aap ho। jaise laukik reeti mein bhi apne poorvajon ki bhoomi arthaat sthaan se, chitron se, vastuon se, bahut sneh hota hai, aise hi jaane anjaane bhaarat ki puraani vastuon aur puraane chitron ka moolya aur dharma vaalon ko ab tak bhi hai।

aise nimitta bane hue poorvaj aatmaaen sada yeh mahaamantra yaad rakhte hain ki jo is samay apna sankalp arthaat mansa, vaacha aur karmana dvaara karma va sankalp chalta hai woh sarva aatmaon tak pahunchta hai? tana dvaara hi sarva shaakhaaon ko shakti praapta hoti hai। aise aap aatmaon dvaara hi sarva aatmaon ko shreshtha sankalpon ki shakti va sarvashaktiyon ki praapti otometeekli hoti rehti hai। itna attention rehta hai? poorvaj ko hi sab follow karte hain। to jo sankalp, jo karma aap karenge usko sthool va sookshm roop mein sab follow karte hain। itni badi jimmevaari samajhte hue sankalp va karma karte ho? aap poorvaj aatmaon ke aadhaar se srishti ka samay aur sthiti ka aadhaar hai। jaise aap sato pradhaan hain। golden ej prakriti va vaayumandal saare vishwa ka sato pradhaan hai। to samay aur stage ka aadhaar,prakriti ka aadhaar aap poorvaj ke oopar hai। aise nahin samjho ki hamaare karma ka aadhaar sirf apne karma ke hisaab se praalabdha prati hai। lekin poorvaj aatmaon ke karmon ki praalabdha svayan ke saath-saath sarva aatmaon ke aur srishti chakra ke saath sambandhit hain। aise mahaan aatmaaen ho?aisi smriti mein rahne se sada svatah hi attention rahega। kisi bhi prakaar ka albelaapan nahin aayega। saadhaaran va vyartha sankalp va karma nahin hoga। sada is shreshtha paazeeshan mein raho। aapki position ke aage maaya namaskaar karegi। paanch vikaar aur paanch tatva aapke aage daas roop mein ban jaayenge। aur aap paanch vikaaron ko order karenge ki aadha kalpa ke liye vidaai le jaao। prakriti sato pradhaan sukhdaai ban jaayegi। agar poorvaj ki position se sankalp dvaara order karenge to woh na maane,yeh ho nahin sakta। arthaat prakriti parivartan mein na aae va paanch vikaar vidaai na len, yeh ho nahin sakta। samjha! aisa shreshtha svamaan baap chaaron or ke mahaaveer bachchon ko de rahe hain। nambarvaar to sab hain hi। achha।

aise sarva ke aadhaar moortta, maaya aur prakriti ke bhi bandhanon se mukta, sada adhikaari sada apne poorvaj ki position mein sthit rahne vaale, apne har sankalp aur karma dvaara sarva aatmaon ko shreshtha aur shaktishaali banaane ke nimitta samajhne vaale,aise master rachta,master sarvashaktivaan,knowledgeful aatmaon ko baap-daada ka yaad-pyaar aur namaste।

nirmalshaanta daadi ji se

svayan ko poorvaj samajhti ho? abhi videsh mein bhi jo nimitta daadi gai hai lekin kis liye gai hai? sarva dharma vaalon ko apne poorvaj ki nazar se dekhengi। bhaasna aaegi,vibration aayegi ki yeh aatmaaen hamaare sambandhi hain। hamaare hain। lekin kaise hain, woh jab samparka mein aayenge to samajh sakenge। lekin vibration zaroor aayega। har sthaan par oonchi nazar se oonch aatmaon ki bhaavna se vibration dvaara, drishti dvaara kuchh praapta ho jaae, is bhaavna se dekhenge। aur dekh bhi rahe hain। jaise baadlon ke beech chhipa hua chaand aakarshit kar raha hai। aise bahut shreshtha vastu va shreshtha vyakti hain aise anubhav karenge। lekin knowledge na hone ke kaaran baadlon ke beech mein abhi anubhav karenge। baadlon ke beech thodi kirnen thodi sheetalta nazar aayegi aur aakarshan honge spashta paane liye। to poorvajon ki pratyakshata ki seva arth nimitta ban rahe hain - koi saakaar mein koi aakaar mein। lekin sada ek do ke sahayogi hain - aisa hai na? aap sabhi bhi svayan ko sahayogi samajhte ho na? nimitta to ek hi banta hai - lekin saakshaatkaar to shakti sena ka hoga ki ek ka hoga? jaise baap dvaara bachchon ka saakshaatkaar hota hai, bachchon dvaara baap ka hota hai, vaise hi nimitta ek aatma dvaara sarva sahayogi aatmaon ka bhi saakshaatkaar hota hai। agar sab vahaan chale jaaen to baaki yahaan dekhne kisko aayenge? sunenge,aur bhi aise hain - to aakarshan hogi। sab cheez ek baari thodi dikhaai jaati hai। saudaagar bhi hota hai to sab cheez ek hi baar baahar nikaal deta hai kya?ek-ek baat ka mahatva rakhte hue phir usko aage karte hain। draamaanusaar har ratna ki value alag-alag samay aur alag-alag stage par pratyaksha hoti hai। isliye chaaron or yaadgaar mandir bane hue hain। sirf ek sthaan par hai kya? phir to ek hi sthaan par sabka mandir ban jaae। lekin har ratna ka har sthaan bhinna-bhinna seva ke mahatva ka hai, isliye chaaron or mandir hai। chaaron or yaadgaar hai na। gaanv mein bhi yaadgaar hoga। aisa koi nahin hoga jahaan aap poorvajon ka yaadgaar na ho। hai koi aisa gaanv?

deedi ji seh -

aapka vimaan tej hai va daadi ka? unka vimaan to sthool hai aur aapka? woh hai science ka vimaan aur aapka silence ka। science ka rachta hai silence। silence ki shakti se hi science nikli hai। rachta to powerful hota hai na! jaise nimitta bani hui saathi vishesh is samay kis sthiti mein sthit hai? saakshaatkaar va vardaani moortta, mahaadaani moortta hain,jo bhi khazaane hain unko (mahaadaani moortta) baap se shakti lete sahaj svayan ki shakti dvaara sarva ko sankalp dvaara vibration dvaara light-might ka anubhav karaana yeh vardaan hai। to jaise nimitta ek ratna bana aise aur bhi ratna banenge। vishesh is seva ka kangan baandhana chaahiye। tab hi service ka naya mod praikteekal mein dikhaai dega। nimitta bani hui aatmaaen jo parde ke andar hain, woh stage par aane ki himmat dikhaayegi tab to naya mod hoga। saara samay poorvaj ki position par sthit ho, svayan ko tana samajh sarva shaakhaaon ko shaktiyon ka jal do। nahin to sookhi padi hui hain,unhonko phir phir se taaja banaao। achha।

party seh -

harek svayan ko vishwa kalyaankaari samajhte hue, har sankalp aur karma dvaara vishwa ka kalyaan ho, aise sankalp va karma karte ho?jab har sankalp shreshtha hoga tab hi svayan ka aur vishwa ka kalyaan hoga। apni duty sada smriti mein rahni chaahiye ki main vishwa kalyaan ki incharge hoon। incharge apni duty ko nahin bhoolta। laukik reeti mein bhi koi duty vaala apni duty ko achhi tarah na sambhaale to usko kya karte hain (nikaal dete hain) yahaan kisi ko bhi nikaala nahin jaata lekin svatah hi nikal jaata। vahaan tanakhvaah kat kar denge,ya warning denge nikaal bhi, lekin yahaan agar apni duty theek nahin bajaate to draamaanusaar praapti ki tanakhvaah kat hi jaati hai,khushi kam ho jaati,shakti kam ho jaati। svatah hi anubhav karte - naamaaloom khushi kam kyon ho gayi? kaaran kya hota? kisi na kisi prakaar se apni duty yathaartha reeti bajaate nahin। kuchh miss zaroor karte। to duty par achhi tarah se lage hue ho?vishwa kalyaan ke sivaae aur koi sankalp chale,yeh ho nahin sakta। agar chalta hai to duty poori hui hai kya? to apni duty par sada kaayam rehte ho? ki had ki jimmevaari nibhaate is alaukik jimmevaari ko bhool jaate ho? sada yeh nishchay rahe ki main vishvakalyaankaari hoon, jitna nishchay utna nasha। agar nasha kam to seva bhi kam karenge। isliye sada duty par accurate raho। jo duty par accurate rehta hai usko sabhi eemaandaar ki nazar se dekhte hain। faithful ki nazar se dekhte hain na। baap bhi samajhte hain, jo accurate apni seva mein rehte hain vahi baap ke faithful hain।। ek hota hai baap ke nishchay mein poorn, lekin baap ke nishchay ke saath-saath seva mein bhi faithful। yeh bhi subject hai na। jaise gyaan ki subject hai vaise seva ki bhi subject hai। to ismen faithful hi number aage ja sakta। number total marks ka hota hai। lekin doosron ki seva karte svayan ki bhi seva karo, aise nahin ki apni seva karte doosron ki bhool jaao; ya doosron ki karte apni bhool jaao। donon ka balance chaahiye;aise ko kaha jaata hai vishwa kalyaankaari। to aatmagyaani bhi ho। lekin vishwa-kalyaankaari,baap dvaara nimitta bachche hi ho sakte। to maataaen va shakti sena shakti roop se seva mein upasthit rehti ho, svayan ki kamzori hongi to seva mein bhi kamzori ho jaaegi। isliye shakti swaroop ho seva karo tab saphalta nikle। apne ko saadhaaran maata nahin samjho - jagat maata samjho, jagatmaata arthaat vishwa-kalyaankaari।

paandav bhi mahaaveer samajh seva mein upasthit ho? mahaaveer mushkil ko sahaj banaata, yaadgaar dekha na, sanjeevni booti laana kitna mushkil tha,lekin saara pahaad hi le aaya। mahaaveer arthaat pahaad ko raai banaane vaala। aise mahaaveer ban seva ki stage par aao। jaisi stage hogi vaisa respond milega। actor jab koi act karta to agar stage achhi hogi to act ki bhi value hogi। kaam bhala kitna karo lekin kaunsi?staij powerful hai,ki sirf act karte rehte? stage par sthit rehte har act karo phir dekho kitni saphalta milatti।

madhuban vaaseeh -

nirvighna ho na? akhanda yogi ho? yog kab khandan to nahin hota? jisse preet hoti, woh preet ki reeti nibhaane vaale akhand yogi hote। aajkal jo mahaan aatmaaen bhi kahlaati hain unhon ke naam bhi akhandaananda hain, lekin sab mein akhand swaroop to aap ho na! aananda mein bhi akhand, sukh mein bhi akhand… sabmen akhand ho?vaataavran aur vibration ka bhi sahayog hai, bhoomi ka bhi sahayog hai, to madhuban nivaasiyon ke liye sahaj hai - sirf sangadosh mein na aaen, doosra - doosre ke avgunon ko dekhte-sunte ‘donta care।’to is visheshta se akhand yogi ban sakte। agar koi ke sangadosh mein aa jaate ya avgun dekhte to yog khandit hota। jo akhand yogi nahin woh poojya nahin ho sakte, agar yog khandit hota to thode samay ke liye poojya honge;sada ka poojya banna hai na। aadha kalpa svayan poojya-swaroop,aadha kalpa jad chitron ka poojan। aise ho?achha।