Avyakt murli du mardi 7 juin 1977

>

07-06-77 om shanti avyakt baapdaadaamdhuban

sangamayug (dharmaau yug) ko ‘chadhti kala sarva ka bhala’ ka vishesh vardaan

svayan ko maaya ke anek prakaar ke royal roop se bachaane ki yuktiyaan bataate hue avyakt baap-daada ne mahaavaakya uchchaare:-

sabhi samay ke pramaan svayan ko chadhti kala mein har second va sankalp mein anubhav karte ho? kyonki yeh to sab jaante ho ki yeh chhota sa sangamayug chadhti kala ka hai। is yug ko va samay ko draamaanusaar vardaan mila hua hai - ‘chadhti kala sarva ka bhala’ - aur koi bhi yug ko aisa vardaan praapta nahin hai।

yeh visheshta dharmaaooyug bhi hai arthaat yathaartha dharma aur yathaartha karma karne vaali shreshtha aatmaaen is dharmaaooyug mein part bajaati hain। dharma satta, raajya satta, vigyaan ki satta, sarva sattaaen is yug mein hi apna vishesh part dikhaati hain arthaat is samay hi yeh teenon sattaaen aatmaon ko praapta hoti hain। aise shreshtha samay ke vishesh paartadhaari kaun hain? svayan ka aise samay par shreshtha paartadhaari samajhte ho?

chadhti kala ka aadhaar aap vishesh aatmaon ke oopar hai। aapki chadhti kala se hi sarva aatmaon ka bhala arthaat kalyaan hota hai। sarva aatmaon ki bahut samay ki aashaaen - mukti ko praapta karne ki, aapki chadhti kala ke aadhaar se hi poorn hoti hain। sarva aatmaon ki mukti praapti ka aadhaar, aap aatmaon ke jeevan mukti ki praapti hai। aise apne ko aadhaar moortta samajh chalte ho?dene vaala daata baap hai - lekin nimitta kisko banaaya hai? varsa baap dvaara praapta hota hai, lekin baap bhi nimitta bachchon ko banaate hain। itna attention har kadam apne oopar rehta hai?ki ham vishesh aatmaon ke aadhaar se sarva aatmaon ka bhala hai। yeh smriti rakhne se albelaapan aur aalasya samaapta ho jaaega, jo vartamaan samay kisi na kisi roop mein majority mein dikhaai deta hai। jis kaaran chadhti kala ke bajaae rookti kala mein aa jaate hain aur is rookne ki kala mein bhi bahut hoshiyaar ho gae hain। hoshiyaari kya karte hain?gyaan ki suni hui baaten va samay-samay par jo yuktiyaan baap dvaara milti rehti hain, un yuktiyon va baaton ko yathaartha se use nahin karte, miss use karte hain। bhaav ko badal bol ko pakad lete hain। apne puraane svabhaav ke vasheebhoot ho yathaartha bhaav ko,svabhaav vash badal lete hain।

jaise baap-daada drama ke rahasya ko master trikaaldarshi banaane ke kaaran sarva rahasya bachchon ke aage spashta karte hain। baap drama ke raaj anusaar purooshaarthiyon ke number va raajdhaani ke rahasya sunaate hain ki drama mein raajdhaani mein sab prakaar ke pad paane vaale hote hain। va maala number vaar banti hai to sab mahaarthi to banenge nahin। athva sabhi vijaymaala mein to aayenge nahin। sab mahaaraaja to banenge nahin। isliye hamaara part hi aisa dikhaai deta hai। baap sunaate hain advance mein jaane ke liye, lekin bachche advance jaane ki bajaae ulta advantage (Advantage;laabh) utha lete hain। arthaat apne albelepan aur aalasya ko nahin mitaate lekin baap ki baat ka bhaav badal usi baat ko aadhaar bana dete hain। aur baap ko sunaate hain ki aapne aise kaha। isi prakaar apne bhinna-bhinna svabhaav ke vash yathaartha baaton ka bhaav badal, rookti kala ki baazi bahut achhi dikhaate hain। maayaajeet banne ki yuktiyon ko samay par kaarya mein lagaane ka attention khud kam rakhte hain, lekin apne aap ko bachaane ka saadhan - baap ke bol ko use karte hain, kya kehte hain ki aapne hi to kaha hai ki maaya badi dustar hai। brahma baap ko bhi nahin chhodti,mahaarthiyon ko bhi maaya vaar karti hai। jab brahma baap ko bhi nahin chhodti,mahaarthiyon ko bhi nahin chhodti to hamaare paas aai aur haar khaai to kya badi baat hai,yeh to hona hi hai, ant tak yeh to chalna hi hai! is prakaar purooshaartha mein rookne ke bol,apna aadhaar banaae chadhti kala mein jaane se vanchit ho jaate hain। baap kehte hain maaya aayegi lekin maayaajeet jagatjeet banna kaun gaae hue hain? agar maaya hi na aave to bina dushman ka saamna karne koi vijayi kahlaate hain? maaya aayegi lekin haar khaana yeh to baap nahin kehte। maaya par vaar karna hai na ki haar khaana hai। kalpakalpa ke vijayi ratna hain aur vijayi bankar hi dikhaayenge - yeh samartha bol bhool jaate hain। lekin apni kamzori ke kaaran baap ke bol ko bhi kamzor bana dete hain। jaise brahma baap ne maayaajeet ban jagatjeet ka pad praapta kar hi liya, jo kalpa-kalpa ki noondh yaadgaar roop mein bhi hai। to jaise baap brahma ne,maaya prabal hote hue bhi,svayan ko balvaan banaaya; na ki ghabraaya। to aise follow father (Follow Father;baap ke pad-chinha par) karo।

vijayi banne ka bhaav uthaao। purooshaartha heen hone ka bhaav, apne alpa buddhi ke pramaan samajhte hue svayan ko dhokha mat do। baap ke har bol mein har aatma ke teenon kaal ka kalyaan bhara hua hai। tab hi vishwa-kalyaani gaae hue hain। kalyaan ke bol ko svayan ke akalyaan arth kaarya mein na lagaao। aajkal majority isi prakaar ke knowledgeful bahut hain। is prakaar ke knowledgeful samajhne se apne ko samajhdaar bahut kahlaate hain, aur karte hain vyartha aur ulte kaarya,jisko royal roop ke vikarma kahen। lekin apne ko samajhdaar siddha karne ka tareeka bahut achha aata hai। vyartha karma va royal roop ke vikarma jo dikhaai kuchh dete hain, lekin hota hai svayan ko aur doosron ko nuksaan dilaane vaala। uski parakh hi hai, aise karma karne se svayan bhi andar se santushta nahin hoga। khushi ka anubhav, shakti ka anubhav nahin karega। apne ko gunon se,shaktiyon ke khazaane se khaali anubhav karega। lekin baahar se deh ahankaar ke kaaran, samajh ka ahankaar hone ke kaaran apni samajhdaari ko spashta karta rahega। uska har bol andar se khaali, lekin baahar se svayan ko chhipaane ka roop hoga। jaise kahaavat bhi hai ‘khaali vastu aavaaj jyaada karti hai।’ dikhaava bahut hota hai lekin andar ka dhokha, baahar ka dikhaava hota hai। saath-saath aise karmon ka parinaam anek brahman aatmaaen aur duniya ki agyaani aatmaon ki dis-service karne ke nimitta ban jaate hain। aise vikarmon se va vyartha karmon, ek svayan se dissaitisphaayad (Dissatisfied;asantushta) doosra anekon ki disservice is kaaran chadhti kala ki bajaae rookti kala mein aa jaate hain।

apne aap ko check karo, chalte-chalte khushi kam kyon ho jaati hai?va teevra purooshaartha ka umang, utsaah kam kyon ho jaata? va yogayukta ki bajaae vyartha sankalpon taraph kyon bhatak jaate? va apne svabhaav-sanskaaron ka bandhan kyon nahin chuktu hota?kaaran kya hota hai? kaaran jaante ho? vicious kaaran hai - jaise shuru mein aate ho to baap se praapta hue purooshaartha ki yuktiyon aur mehnat se karne lag jaate ho। din-raat thakaavat athva maaya ki rookaavat koi ki parvaah nahin karte। baap mila, varsa paana hai, adhikaari banna hai - isi nashe mein kadam ko bahut teevra roop se aage badhaate chalte ho। lekin ab kya karte? jaise aajkal ke jamaane mein mehnat karna mushkil lagta hai। tanakhvaah chaahiye lekin mehnat nahin chaahiye। vaise brahman aatmaaen bhi mehnat se albeli ho jaati hain va aalasya mein aa jaati hain। banna chaahte sabhi mahaaveer, mahaarthi,lekin mehnat pyaade ki bhi nahin karte। bani banaai stage chaahte hain - mehnat se stage banaane nahin chaahte। sochenge ham kam kismen bhi na hoven,naam mahaarthiyon ke list mein ho। lekin mahaarthi ka vaastavik arth hai ‘mahaarthi ki mahaanta’;usmein sthit hona mushkil anubhav karte hain। sahayogi naam ka advantage theek uthaate hain। is kaaran jo kadmakdam par mehnat aur attention chaahiye;purushaarthi jeevan ki smriti chaahiye,baap ke saath ki samarthi chaahiye,woh prektikal mein nahin hai। mehnat nahin karne chaahte,lekin baap ki madad se paar hona chaahte hain। baap ka kaam jyaada yaad rakhte hain, apna kaam bhool jaate hain,is kaaran jo yuktiyaan bataai jaati hain woh kaarya mein nahin lagaate,samay par use karne nahin aati। lekin baar-baar baap se poochhne aate hain - yog kyon nahin lagta, kya karoon? bandhan kyon nahin katta, kya karoon? jab rivaaeej course chal raha hai, realisation course (REALIZATION;anubhooti) chal raha hai, to kya course mein baap-daada ne yeh bataaya nahin hai? kuchh rah gaya hai kya jo phir sunaana pade?yeh to pahle doosre class ka course hai। is kaaran sune hue ko manan karo। manan na karne se shaktishaali na ban kamzor ho gae ho। aur kamzor hone ke kaaran baar-baar rookte ho। chadhti kala ka anubhav nahin kar paate ho। isliye sada yeh yaad rakho ki ham nimitta bani hui aatmaon ki chadhti kala se hi sarva ka bhala hai। achha।

baap ko aur baap ke har bol ko yathaartha roop se samajhne vaale, apne par sada mehnat se svayan ko mahaan banaae sarva ko mahaan banaane vaale,har kadam mein chadhti kala ka lakshya aur lakshan anubhav karne vaale, sada svayan ko anek prakaar ke maaya ke royal roop se bachaane vaale,aise maayaajeet kalpa-kalpa ke vijayi ratnon ko baap-daada ka yaad- pyaar aur namaste।

party se

sada nishchay buddhi vijayi ratna hain - yeh smriti rehti hai? nishchay ka phal hai - ‘vijay।’koi bhi kaarya karte hain, agar kaarya karte hue svayan mein,baap mein,drama mein nishchay hai, sab prakaar se nishchay hai to kabhi bhi vijay na ho aisa ho nahin sakta। agar haar hoti to uska kaaran - nishchay mein kami। agar svayan mein bhi sanshay hai - yeh hoga nahin hoga; saphalta hogi ya nahin,to bhi sampoorn nishchay nahin kahenge। nishchay buddhi ka sankalp dridh hoga, kamzori ka nahin। jo hoga woh kar lenge, yeh bhi sanshay ka sankalp hai। jo hoga, nahin,hua hi pada hai - aisa nishchay। karma karne ke pahle bhi nishchay ho ki hua hi pada hai। aisi stage hai?kaisi bhi maaya aave lekin dagmag na hon। nishchay buddhi har toofaan va maaya ke vighna ko aise paar karega jaise kuchh hai hi nahin। jaise science ke saadhan hain to garmi hote bhi uske liye garmi nahin hai। aise jo nishchaybuddhi hoga unke aage maaya ke toofaan aaenge lekin uske liye badi baat nahin hogi। safe (Safe;bachaav) rahne ke saadhan uske paas hain to maayaajeet ban jaaenge।

har kaarya mein svayan nishchaybuddhi। aisa nishchay buddhi sada saakshi hokar apna part bhi dekhte aur doosron ka bhi dekhte, vichlit nahin hote। kya, kyon mein nahin jaate।

sthaapna ke kaarya mein jo aadi ratna hain, unhein ‘aadi ratna’ka nasha hai?yeh nasha bhi khushi dilaata hai। jis bhaagya ko aaj svapna mein bhi dekhne ki ichchha rakhte,woh bhaagya apne practical jeevan bitaakar anubhav kiya। aap logon ne chetanya mein anubhav kiya abhi sab charitra sunne vaale hain;to yeh kam bhaagya hai kya?aur kisi bhi prakaar ka bhaagya abhi bhi praapta kar sakte, lekin yeh bhaagya praapta nahin kar sakte। aisa bhaagya to koton mein kou, koi mein koi praapta hota hai। agar aadi mein aane vaale aur kuchh bhi yaad na karen, sirf bhaagya ka sumiran karte rahen ki kalpa-kalpa ka noondha hua hamaara part hai to bhi sada khush rahenge। braahmanon ki visheshta hai khushi। khushi’nahin to brahman nahin।

vartamaan samay videsh se fast (Fast;teevra gati vaali) service shuru ho rahi hai। thode samay mein bahuton ko ek hi samay sab saadhnon se paigaam dene ka shuru ho gaya hai, jaise abhi videsh sandesh dene mein jyaada sahayogi hain। sab saadhan sahaj hi praapta hote ja rahe hain; yahi copy videsh se bhaarat karega। bhaarat vaasi phiraak dil nahin hote hain; sankoch vaale hote hain। aur videshi phiraak dil hote hain। to yahi vahaan ka aavaaz bhaarat tak pahunchte bhaarat ko shiksha milegi, sharma aaega ki videshi hamaare bhaarat ki philaasphi ko mahattva dete aur ham nahin dete। yeh ek hi samay mein sab saadhnon dvaara fast service ka foundation phailta ja raha hai। har varsha mein koi naveenta chaahiye to videsh se yeh aakarshit honge gyaan aur yog ki knowledge mein। yeh bhaarat vaasiyon ko ek paath mil jaaega। jo bhi hota hai us part mein koi na koi visheshta। to respond chaaron or ke umang utsaah hone kaaran achha hai। yeh bhi yaadgaar bante jaaenge। yahi videsh jahaanjahaan braahmanon dvaara seva ka part chalta hai, vahi phir bhavishya mein sair ke sthaan ban jaaenge। yaadgaar ke roop mein banenge,mandir nahin honge। prekteekal sthaan ki vyu (View;drishya) yaadgaar ke roop mein hoti। vishesh naami-graami vyaktiyon dvaara jo seva ho rahi hai, usse bhaarat ko shiksha bhi mil rahi hai aur bhavishya raajdhaani ke sthaan bhi nishchit hote ja rahe hain। achha।