Avyakt murli du samedi 25 juin 1977

>

25-06-77om shanti avyakt baapdaadaamdhuban

pavitrata ki sampoorn stage

sada sachchchi dil vaale, satyata ke aadhaar par sarva ke aadhaar moortta banne vaale, har anubhav aur praapti ke aadhaar par apne jeevan ko shreshtha mat par chalaane vaale purooshaarthiyon ke prati baap-daada bole:-

baapdaada sabhi bachchon ki vishesh do baaten dekh rahe hain। harek aatma yatha yogya tatha yatha shakti honest (Honest;eemaandaar) aur holiesta (Holiest;parampoojya) kahaan tak bane hain। harek purushaarthi aatma baap ke sambandh mein honest arthaat baap se eemaandaar,sachchi dil vaale banne ka lakshya rakh chal rahe hain, lekin honest banne mein bhi nambarvaar hain।

(1)jitna honest hoga utna hi holiest hoga। holiest banne ki mukhya baat hai - ‘baap se sachcha banna।’ sirf brahmacharya dhaaran karna yeh pyooriti ki highest stage (Highest Stage;sarvochcha sthiti) nahin hai; lekin pyooriti arthaat reality arthaat sachchaai। aise sachchi dil vaale dilvaala baap ke diltakhta nasheen hain aur diltakhta nasheen bachche hi raajya raajyatakhta nasheen hote hain।

(2)honest arthaat eemaandaar usko kaha jaata hai jo baap ke praapta khajaanon ko baap ke direction bina kisi bhi kaarya mein nahin lagaave। agar manmat aur parmat pramaan samay ko,vaani ko,karma ko, shvaans ko va sankalp ko parmat va sangadosh mein vyartha taraph ganvaate,sva-chintan ki bajaae parchintan karte hain, svamaan ki bajaae kisi bhi prakaar ke abhimaan mein aa jaate hain, isi prakaar se ‘shreemat’ ke virooddha arthaat shreemat ke badle manmat ke aadhaar par chalte hain, usko honest va eemaandaar nahin kahenge। yeh sab khazaane baap-daada ne vishwa-kalyaan ke seva arth die hain, to jis kaarya ke arth die hai us kaarya ke bajaae agar anya kaarya mein lagaate hain, to yeh amaanat mein khyaanat karna hai। isliye sabse badi te badi pyooriti ki stage hai - ‘honest banna।’ harek apne aapse poochho ki ham kahaan tak aanesta bane hain।

(3)honest ka teesra lakshan hai - sada sarva prati shubh bhaavna va sada shreshtha kaamna hogi?

(4)honest arthaat sada sankalp aur bol va karma dvaara sada nimitta aur nirmaan honge।

(5)honest arthaat har kadam mein samartha sthiti ka anubhav ho। sada har sankalp mein ‘baap ka saath aur sahayog ke haath’ ka anubhav ho।

(6) honest arthaat har kadam mein chadhti kala ka anubhav ho।

(7) honest arthaat jaise baap - jo hai, jaisa hai baap bachchon ke aage pratyaksha hain; vaise bachche jo hain,jaise hain vaise hi baap ke aage svayan ko pratyaksha karen। aise nahin ki baap to sab kuchh jaanta hai, lekin baap ke aage svayan ko pratyaksha karna sabse bade te bada ‘sahaj chadhti kala’ ka saadhan hai। anek prakaar ke buddhi ke oopar bojh samaapta karne ki saral yukti hai। va svayan ko spashta karna arthaat purooshaartha ka maarga spashta hona hai। svayan ko spashtata se shreshtha banaana hai। lekin karte kya ho?kuchh bataate kuchh chhipaate hain। aur bataate bhi hain to koi salvation (Salvation;sahooliyat) ke praapti ke svaartha ke aadhaar par। chaturaai se apna case saj-dhaj kar manmat aur parmat ke plan achhi tarah se banaakar, baap ke aage va nimitta bani hui aatmaon ke aage pesh karte hain। bholaanaath baap samajh aur nimitta bani hui aatmaon ko bhi bhola samajh chaturaai se apne aapko sachcha siddha karne se result kya hoti hai? baap-daada va nimitta bani hui aatmaaen jaante hue bhi khush karne ke arth alpakaal ke liye, ‘haan ji’ ka paath to padh lenge। kyonki jaante hen ki har aatma ki sahan shakti, saamna karne ki shakti kahaan tak hain। is raaj ko jaante hue naaraaz nahin honge। unko aur hi aage badhaane ki yukti denge। raaji bhi karenge, lekin raaj se raaji karna aur dil se raaji karna - pharka hota hai। banne chatur chaahte hain, lekin bhole ban jaate hain। kaise jo thode mein raaji ho jaate hain। haar ko jeet samajh lete hain। hai janma-janma ki haar, lekin alpakaal ki praapti mein raaji ho apne aapko sayaana, hoshiyaar samajh vijayi maan baithte hain। baap ko aise bachchon ke oopar raham bhi padta hai ki samajhdaari ke parde ke andar apne oopar sada kaal ke akalyaan ke nimitta ban rahe hain। phir bhi baap-daada kya kahenge?shreshtha purooshaartha ki bhaavi nahin hai।

(8) honest arthaat kisi bhi baaton ke aadhaar par foundation na ho। harek baat ke anubhav ke aadhaar par,praapti ke aadhaar par foundation ho। baat badli aur foundation badla, nishchay se sanshay mein aa gaya। aur kyon,kaise ke question mein aa gaya, usko praapti ke aadhaar par anubhav nahin kahenge। aisa kamzor foundation chhoti si baat mein halchal paida kar leta hai। jaise aajkal ki ek ramneek baat baap ke aage kya rakhte hain ki 1977 tak pavitra rehna tha, ab to jyaada samay pavitra rehna mushkil hai। isliye baap ke oopar baat rakhte hue khud ko nirdosh banaakar khuda ko doshi bana dete hain। lekin pavitrata braahmanon ka niji sanskaar hai। had ke sanskaar nahin hai। had ki pavitrata arthaat ek janma tak ki pavitrata had ka sanyaas hai। behad ke sannyaasiyon ko janmajanmaantar ke liye apvitrata ka sannyaas hai। baap-daada ne pavitrata ke liye kab samay ki seema di thi kya? salogan (Slogan) mein bhi yeh likhte ho ki baap se sada kaal ke liye pavitrata sukh-shanti ka varsa lo। samay ke aadhaar par pavitra rehna,isko kaun-si pavitrata ki stage kahenge?isse siddha hai ki svayan ka anubhav aur praapti ke aadhaar par foundation nahin hain। to honest bachchon ke yeh lakshan nahin hain। ‘honest arthaat sada holiest।’samjha, honest kisko kaha jaata hai? achha।

aise sada sachchi dilvaale, satyata ke aadhaar par sarva ke aadhaar moortta banne vaale,har kadam aur praapti ke aadhaar par apne jeevan ke har kadam ko chalaane vaale, sada shreshtha mat aur shreshtha gati par chalne vaale, aise teevra purooshaarthiyon ko baap-daada ka yaad- pyaar aur namaste।

party se

svayan ko sada vijayi anubhav karte ho? master sarvashaktivaan arthaat sada vijayi। shreshtha paartadhaari aatmaon ka yaadgaar bhi vijaymaala ke roop mein hai sirf maala nahin kehte lekin ‘vijay maala।’isse kya siddha hota hai?ki shreshtha aatma hi vijayi aatma hai। isliye vijaymaala gaai hui hai। aise vijayi ho? ya kabhi maala mein piro jaate, kabhi nikal jaate।

kisi bhi baat mein haar hone ka kaaran kya hota hai woh jaante ho? haar khaane ka mool kaaran - svayan ko baar-baar check nahin karte ho। jo samay prati samay yuktiyaan milti,unko samay par use nahin karte। is kaaran samay par haar kha lete hain। yuktiyaan hain, lekin samay beet jaane ke baad, pashchaattaap ke roop mein smriti mein aati - aise hota tha to aise karte…। to checking ki kamzori hone kaaran change (Change;parivartan) bhi nahin ho sakte। checking karne ka yantra hai - ‘divya buddhi।’ vaise checking ka tareeka chart rakhna to hai, lekin chart bhi divya buddhi dvaara hi theek rakh sakenge। divya buddhi nahin to wrong ko bhi right samajh lete। agar koi yantra theek nahin to result ulti niklegi। divya buddhi dvaara checking karne se yathaartha checking hoti hai। to divya buddhi dvaara checking karo,to change ho jaaenge; haar ke badle jeet ho jaaegi।

sada apne ko chalte-phirte light ke kaarba ke andar aakaari pharishte ke roop mein anubhav karte ho? jaise brahma baap avyakt pharishte ke roop mein chaaron or ki seva ke nimitta bane hain, aise baap samaan svayan ko bhi light swaroop aatma aur light ke aakaari swaroop pharishte swaroop mein anubhav karte ho?baap-daada donon ke samaan banna hai na?donon se sneh hai na?sneh ka saboot hai - ‘samaan banna।’ jisse sneh hota hai to jaise woh bolega vaise hi bolega, sneh arthaat sanskaar milaana। aur sanskaar milan ke aadhaar par sneh bhi hota। sanskaar nahin milta to kitna bhi snehi banaane ki koshish karo,nahin banega।

to donon baap ke snehi ho? baap samaan banna arthaat light roop aatma swaroop mein sthit hona aur daada samaan banna arthaat ‘pharishta’। donon baap ko sneh ka return (Return) dena pade। to sneh ka return de rahe ho? pharishta bankar chalte ho ki paanch tatvon se arthaat mitti se bani hui deh arthaat dharni apne taraph aakarshit karti?jab aakaari ho jaaenge to yeh deh (dharni) aakarshit nahin karegi। baap samaan banna arthaat double light banna। donon hi light hain? woh aakri roop mein,woh niraakaari roop mein। to donon samaan ho na?samaan banenge to sada samartha aur vijayi rahenge। samaan nahin to kabhi haar,kabhi jeet,isi halchal mein honge।

achal banne ka saadhan hai samaan banna। chalte-phirte sadaiv apne ko niraakaari aatma ya karma karte avyakt pharishta samjho। to sada oopar rahenge, udte rahenge khushi mein। pharishte sadaiv udte hue dikhaate hain। pharishte ka chitra bhi pahaadi ke oopar dikhaaenge। pharishta arthaat oonchi stage par rahne vaala। kuchh bhi is deh ki duniya mein hota rahe, lekin pharishta oopar se saakshi ho sab part dekhta rahe aur sakaash deta rahe। sakaash bhi dena hai kyonki kalyaan ke prati nimitta hai। saakshi ho dekhte sakaash arthaat sahayog dena hai। seat se utar kar sakaash nahin di jaati। sakaash dena hi nibhaana hai। nibhaana arthaat kalyaan ki sakaash dena, lekin oonchi stage par sthit hokar dena - iska vishesh attention ho। nibhaana arthaat mix nahin ho jaana, lekin nibhaana arthaat vritti- drishti se sahayog ki sakaash dena। phir sada kisi bhi prakaar ke vaataavran ke sek mein nahin aaega। agar sek aata to samajhna chaahiye saaksheepan ki stage par nahin hain। kaarya ke saathi nahin banna hai,baap ke saathi banna hai। jahaan saakshi banna chaahiye vahaan saathi ban jaate to sek lagta। aise nibhaana seekhenge to duniya ke aage light house ban karke prakhyaat honge।

aajkal ki lahar kaun-si hai? mahaarthiyon ke man mein jaise shuru mein josh tha ki apne hamjansa ko apvitrata se pavitrata mein laana hi hai। pahla josh yaad hai? kaisi lagan thi? sabko chhudaane ki bhi lagan thi; shakti bharne ki bhi lagan thi। aadi mein josh tha ki hamjinsa ko chhudaana hi hai,bachaana hai। abhi aisi lahar hai? chaahe chalte- chalte kamzor hone vaale, chaahe nai aatmaen jo ki bandhanayukta hain, aise ko bandhanmukta banaaen - itna josh hai ya drama kah chhod dete ho?vartamaan samay aap logon ka part kaun sa hai? vardaani ka, mahaadaani ka, kalyaankaari ka। drama to hai, lekin drama mein aapka part kya hai?to yeh lahar zaroor phailni chaahiye? jaise fire brigediyar ko josh aata hai। aag lag rahi hai, to rook nahin sakte। to aisi lahar honi chaahiye। aapki lahar se unhon ka bachaav ho। agar aap log drama kah chhod denge,ya sochenge raajdhaani sthaapan ho rahi hai, to unhon ka kalyaan kaise hoga? knowledgeful hone ke kaaran yeh knowledge hai ki yeh drama hai,lekin drama ke andar aapka karttavya kaun sa hai? to mahaarthiyon ki lahar kya honi chaahiye? kuchh bhi sunte ho to ‘shubhchintan’chalna chaahiye,parchintan nahin। aapka shubhchintan unheen ki buddhiyon ko sheetal kar sakta hai। aap log chhod denge to woh to gae। kyonki practical mein nimitta shaktiyon ka part hai। baap to baik bon (Backbone;sahaara) hai। shaktiyon ko kaun si sthiti mein rehna chaahiye?jaise deviyon ke chitra mein do visheshtaaen dikhaate hain। aankhon mein maatra bhaavna aur haathon se shastradhaari arthaat asur ka sanhaar karne vaali। maatra bhaavna arthaat raham ki bhaavna aur sanghaar ki bhaavna bhi। sanghaar karna arthaat unhonke aasuri sanskaaron ke khatma karne ka plan bhi ho aur raham bhi ho। lophul (Lawful) aur loveful (Loveful) ka balance ho। donon saath-saath hon। yeh jo kamzori ki lahar hai, yeh aise nahin ki vinaash ke kaaran pratyaksha ho gae hain, kamzori bahut samay ki hoti, lekin abhi chhip nahin sakte। pahle andar-andar gupta kamzori chalti rehti, abhi samay najdeek aa raha hai। isliye kamzori chhip nahin sakti। raaja banne vaala, praja pad vaale, kam pad paane vaale,sevaadhaari banne vaale, sab abhi pratyaksha honge। ant mein jo saakshaatkaar kaha hai, woh kaise hoga? yeh saakshaatkaar kara rahe hain। baaki aise nahin hai, kamzori nahin theen ab hui hai - lekin ab prasiddha roop mein chance mila hai। jaise samaapti ke samay sab beemaari nikalti, vaise samaapti ka samay hone ke kaaran harek ki variety kamzoriyaan pratyaksha hongi। abhi to ek lahar dekhi hai aur bhi kai lahren dekhenge। ati mein jaana zaroor hai, ati ho tab to ant ho। jo bhi andar kamzoriyaan hain, andar chhip nahin sakti,kisi na kisi roop mein pratyaksha roop mein aaegi,lekin aapki bhaavna rahe ki - in sabka bhi kalyaan ho jaae। aap vardaani ho to aapka har sankalp,har aatma ke prati kalyaan ka ho। lahren to aur bhi aaegi ek khatma hogi,doosri aaegi,yeh sab manoranjan ke baaiplaatas hain। aur pad bhi spashta ho rahe hain। yeh hote rahenge। aashcharyavat scene honi chaahiye। ek taraph nae-nae race mein aage dikhaai denge। doosre taraph thakne vaale, rookne vaale bhi prasiddha honge। teesre taraph jo bahut samay se kamzoriyaan rahi hui hain,woh bhi pratyaksha hogi। nothing new (Nothing New) hain, lekin raham ki drishti aur bhaavna donon saath hon। achha।