Avyakt murli du samedi 7 janvier 1978

>

07-01-78om shanti avyakt baapdaadaamdhuban

videshi baap ki videshi bachchon se mulaakaat

avinaashi khushi va ateendriy sukh dene vaale, maaya proof banaane vaale baap-daada videshi bachchon ke prati bole :-

aaj videshi baap is saakaar duniya ke videshi bachchon se milne aaye hain। hain donon hi videshi। aaj vishesh videshi bachchon se milne kyon aaye hain, apni visheshta ko jaante ho? jis visheshta ke kaaran baap bhi vishesh roop se aaye hain। videshiyon mein kaun si visheshta hai?baap jaante hain ki mere hi kalpa pahle vaale bachche jo door-door in vyakta deshon mein bhinna naam,roop, dharma mein chale gaye the ve phir se apne bichhde hue baap va parivaar se milne apne asli sthaan par aa pahunche hain। aise anubhav hota hai? jitni aap logon ko baap ke paane ki va apne parivaar ko paane ki khushi hai, usse jyaada baap ko khushi hai। kyonki baap jaante hain ki bachche hi ghar ka shrringaar hain। jaise shrringaar ke bina koi bhi vyakti ya sthaan achha nahin lagta aise hi baap ko bhi bachchon ke shrringaar ke bina achha nahin lagta। videshi aatmaon mein ek visheshta ke kaaran vishesh baap ka jyaada lav (Love) hai। kaun si visheshta? jaise india (bhaarat)mein ek khel khelte hain to kai cheejon ko kapde ke andar chhipaakar rakhte hain, oopar se kapde ka cover(Cover) daal dete hain aur bachchon ko kehte hain cover utaar kar sab cheejon ko dekho phir cover laga dete hain,phir bachchon ki buddhi ka paper (pareeksha) lete hain ki kaun-kaun si cheeze thi aur kitni cheeze thi। phir jo jaisi cheez thi, jitni thi utni hi yaad kar lete hain va sunaate hain, phir unko number milte hain। yeh buddhi ka khel bachchon ko karaaya jaata hai। aise hi videshi bachche bhi bhinna dharma,bhinna philosophi (Philosophy), bhinna prakaar ke rahan-sahan-is cover ke andar chhipe hue baap ko, jo hai,jaisa hai, vaise jaan liya, is buddhi ki kamaal ke kaaran videshi bachchon se sneh hai। samjha।

is buddhi ke khel mein jo koton mein koi paas hue hain aise bachchon ko dekh baapdaada bhi harshit hote hain। aap sab bhi harshit hote ho। baap jyaada harshit hote ya aap jyaada harshit hote ho? sadaiv yahi khushi ke geet gaate raho ki jo paana tha,woh pa liya। is khushi mein rahne se kisi bhi prakaar ki uljhan va udaasi aa nahin sakti arthaat maayaaprooph ho jaayenge। aise maayaaprooph ban jaao jo aapka egzaampal1(Example) baap-daada sabhi ko dikhaaven। aise egzaampal bane ho? kaun samajhte hain ki ham abhi aise egzaampal bane hain jo vishwa ke aage baap-daada humein rakh sakte hain?evarraidi nahin raidi hain?kyonki videsh ke rahne vaale bachchon ko yeh bhi ek vishesh lift (Lift) hai jo svayan ko vishwa ke aage prakhyaat kar baap ka parichay dete hain-aisi service karne se extra marks (ExtraMarks) mil jaayengi। aisi service ki hai ya karni hai? bhaarat ki aatmaayen aap logon ko dekh samjhengi ki inhonne baap ko pahchaana lekin ham logon ne nahin pahchaana। aapki pahchaani hui soorat ko dekh bhaaratvaasiyon ko pashchaataap hoga ki hamne apne bhaagya ko kho diya। isliye aap sab service ke prati nimitta ho। abhi dehli conference mein bhi aap sab videsh se aaye hue bachchon ki vishesh yahi seva hai ki jis bhi aatma ko koi dekhe to har chehre se baap dvaara praapta hui avinaashi khushi, ateendriy sukh ki avinaashi shanti ki jhalak dikhaai de। aap sabke chehre baap dvaara praapta hui property(Property) dikhaane ke aaeenen ban jaayenge। aisi service karne vaalon ko baap-daada dvaara vishesh marks ka inaam milega। yeh service to sahaj hai na ya mushkil hai?

jaise koi bhi prakaar ki light apni taraph aakarshit zaroor karti hai, aise aap sab aatmaayen bhi light aur might roop ho। baap ki taraph aakarshit karo। samjha conference mein kya seva karni hai? videsh mein rahne vaale bachchon ke paas maaya aati hai?ghabraane vaale to nahin ho na। challenge (Challenge) karne vaale ho na। maaya ko challenge karte ho ki aao aur vidaai le jaao। maaya ka aana arthaat anubhvi banna। isliye maaya se kabhi ghabraana nahin। ghabraayenge to woh bhi vikraal roop dhaaran karegi। ghabraayenge nahin to namaskaar karegi। hai kuchh nahin।kaagaz ka sher hai। kaagaz ke sher se ghabraane vaale ho kya? vikraal roop dhaaran karti hai lekin hai shaktiheen। jaise yahaan bhi bhayaanak chehre lagaakar daraate hain lekin andar to manushya hi hote hain। baahar ka cover utaar do to koi dar nahin। lekin agar baahar ke roop ko dekh ghabraayenge to fail ho jaayenge। maaya se haar jyaada hoti hai ya vijay jyaada hoti hai?

videsh se aaye hue bachchon mein se kaun samajhte hain ki ham 108 ki maala ke mankon mein hain। nishchay ki vijay to ho hi jaati hai। kabhi bhi lakshya kamzor nahin rakhna। sada shreshtha lakshya rakhna ki ham hi kalpa pahle vaale vijayi the aur sada rahenge। to sada apne ko vijayi ratan hi anubhav karenge।

bahut deshon se aaye hue hain। jin-jin deshon se baap ke bachche nikle hain un sthaanon ka bhi mahatva hai। yeh sthaan bhi kisi na kisi roop se yaadgaar ban jaate hain। aap log vishesh un sthaanon par chakkar lagaate rahenge। (bijli banda ho gai) ashareeri banna itna hi sahaj hona chaahiye। jaise sthool vastra utaar dete hain vaise yeh deh abhimaan ke vastra second mein utaarne hain। jab chaahen dhaaran karen, jab chaahen nyaare ho jaaen। lekin yeh abhyaas tab hoga jab kisi bhi prakaar ka bandhan nahin hoga। agar mansa sankalp ka bhi bandhan hai to detach (Detach) ho nahin sakenge। jaise koi tang kapda hota hai to sahaj aur jaldi nahin utaar sakte ho। is prakaar se mansa, vaacha,karmana,sambandh mein agar attachment (Attachment) hai, lagaav hai to detach nahin ho sakenge। aisa abhyaas sahaj kar sakte ho। jaisa sankalp kiya,vaisa swaroop ho jaae। sankalp ke saath-saath swaroop ban jaate ho ya sankalp ke baad time lagta hai swaroop banne mein? sankalp kiya aur ashareeri ho jaao। sankalp kiya master prem ke saagar ki sthiti mein sthit ho jaao aur woh swaroop ho jaae। aisi practice (Practise) hai? ab isi practice ko badhaao। isi practice ke aadhaar par scholarship (Scholarship)le lenge।

ab tak videshiyon ne ek plan practical nahin kiya hai। yaad hai ki kaun sa plan diya tha। abhi bhaarat ke kumbhakran khoob soye hue hain। ab dekhen conference mein kaise chheente lagaate ho। jo bilkul gahri neend mein soye hote hain unko paani ke chheente lagaakar uthaana padta hai। yeh plan practical mein laao। aisa ho jo bhaarat ke saamne aayen aur woh samajh jaayen ki ham logon ko bhi jaagna chaahiye aur banna chaahiye। sabka unki aavaaz ki taraph na chaahte hue bhi attention jaae। kisi bhi taraph se aisa koi taiyaar kiya hai?

sabhi service sthaan theek chal rahe hain? sabhi svayan aur service se santushta ho? aap most lucky (Most Lucky) ho। samajhte ho ki ham vishesh sikeeldhe laadle hain। sabhi centres mein race (Race) mein number one kaun hai? harek desh ki apni visheshta bhi hai,London to nimitta hone ke kaaran planning centre ho gaya hai। is visheshta ke kaaran London ko number one kahenge। lekin serviceable(Serviceable) aur aavaaz phailaane vaale vishesh quality (Quality) ki service mein gayaana number one hai। sankhya ke hisaab se Mauritius number one hai aur lusaaka itna sab kuchh sahan karte hue sarkamstensez(Circumstances) ko paar karne mein, halchal ki paristhiti hote hue bhi achal rahne mein,number one hai। Australia ki bhi visheshta hai, ek-ek deepak se anek deepak jagaakar deep maala karne mein number one hai। Australia aur bhi aage badh sakta hai। plaaning (Planning) buddhi hain aur plan bhi bahut achhe banaate hain। agar vahi sab plan practical mein laayen to London se bhi number one ho sakte hain। lekin abhi buddhi tak plaansa hain, practical nahin kiye hain।

ek-ek ratna valuable (Valuable) hai lekin apni value ko stage tak nahin laaya hai। baap-daada ki ummeed hai yeh (maariya) kar sakti hai। sirf tyaag aur tapasya ki dress (Dress) pahan phir stage par aao to vijay aapke gale ka haar ban jaavegi। service karke phir kisi ko saath mein india le aao। Australia ki dharni achhi hai।

jarmani se bhi aavaaz nikaalne vaali aatmaayen nikal sakti hain। mehnat achhi kar rahe hain। ab vahaan se aisa koi praikteekal mein vishesh egzaampal chaahiye jisko saamne dekhte hue aatmaon ko vishesh prerna mile। lekin himmat aur ullaas mein number one hain। laistar to London ke saath hain। laistar vaalon ki bhi kamaal hai, laistar mein nishchay-buddhi vijayanti bachche bahut achhe hain। parivaar ke parivaar egzaampal dene ke liye bahut achhe taiyaar hue hain। baap-daada ke dil-pasanda hain। nairobi aur bulvaayo teevra purushaarthi,lagan mein magan rahne mein kam nahin hain। number aage hain। shama par parvaane banne ka egzaampal praikteekal mein dekha na। agar woh nimitta bani hui aatma kahin bhi apna anubhav sunaaye to uski aavaaz bhi kuchh kaarya kar sakti hain। haangakaang ki dharni mein snehi aur sahayogi aatmaon ki visheshta hai aur shaktishaali aatmaayen bhi haangakaang ki dharni mein hain lekin abhi chhipi hui hain। samay aane par haangakaang ki dharni par chhipe hue ratna sabke aage dikhaai denge। to harek videsh ke seva-kendra ki apni-apni visheshta hai,isliye sab number one hain। Canada bhi abhi ismen number le raha hai, raidi ho raha hai। Canada ki dharti mein bhi visheshta hai,jo vahaan se ek agar nikal aaya to sahaj hi ek anekon ko nikaal sakta hai। ummeedvaar hain। ek bhi nikal aaya to phir der nahin lagegi। last so fast jaayenge, mehnat achhi kar rahe hain, lagan bhi achhi hai। mehnat bhi achhi hai। shubh bhaavna bhi achhi hai। shubh bhaavna apna phal zaroor deti hai।

phir bhi kamaal janak ki hai jo videsh ki dharti mein sada umang, utsaah badhaane ke nimitta bani hui hai। paan ka beeda uthaaya hai। sahayogi hands bahut achhe hain phir bhi kahenge paan ka beeda uthaaya hai। jaise-jaise vinaash ka samay aata jaaega to vaataavran ko dekh aap sandesh dene vaalon ko dhoodhenge ki yeh kaun se pharishte the jinhonne humein baap ka parichay diya। service mein jahaan bhi paanv rakha hai,vahaan saphalta na ho, yeh ho nahin sakta। koi dharti jaldi hi phal deti hai, koi dharti phal dene mein samay leti hain, lekin phal zaroor deti hai।

jaise india mein train jaati hai to beech-beech mein apne sthaan (sevaakendra) hain vaise hi plen jahaan-jahaan thahre vahaan bhi centre hon। hone hi hain baaki videsh vaalon ki race achhi chal rahi hai। achha।

vibhinna sthaanon ki paartiyo ke saath baatcheet mein gyaan-saagar shivbaaba dvaara purooshaartha mein teevrata laane ki sahaj yuktiyaan

1. vritti chanchal hone ka kaaran tatha achal banne ki sahaj yukti

vritti chanchal hone ka kaaran kyon aur kya - yahi do shabd halchal mein laate hain aur ek shabd nothing-new achal bana deta hai। aur hona hi hai aur hua hi pada hai। iske sivaae aur koi baat nahin to chanchal hongen? nothing-new to kyon aur kya samaapta ho jaata hai। kaisi bhi baat aajaae, chaahe mansa ki, chaahe vaani ki, chaahe samparka sambandh ki,lekin nothing-new। kya aur kyon ka question nai cheez mein lagta hai। nothing new mein na question aur na aashcharya। to isi paath ko rivaaeez karke pakka karo।

2. maaya ki chaal se bachkar sada vijayi banne ki vidhi

master sarvashaktivaan ki stage par sthit raho। master sarvashaktivaan arthaat vijayi ratna। maaya andar se bilkul hi shaktiheen hai, uska baahar ka roop dekh ghabraao nahin,usko zinda samajh moorchhit na ho jaao, maaya moorchchhit hui padi hai। lekin kabhi-kabhi moorchchhit ko dekhkar bhi moorchchhit ho jaate hain। ab use khushi-khushi vidaai do। knowledgeful ki stage par raho to kabhi ghokha nahin kha sakte।

3. amarnaath baap dvaara sangam par bhi sada amar rahne ka vardaan

‘amar bhav’ yeh vardaan is janma mein bhi aur bhavishya mein bhi praapta hota hai। sangam par maaya se bachne ka amar vardaan aur bhavishya mein akaal mrityu se bachne ka vardaan mila hua hai। amar-bhav ke vardaan paane vaale ko maaya hila nahin sakti, door se bhi nazar nahin daal sakti। sada namaskaar karti hai। sada smriti rakho ki humein amar bhav ka vardaan mila hua hai। vardaan vaali aatma nishchay buddhi hone ke kaaran vijayanti hoti hai। jinhen is vardaan ka nasha rehta hai woh svapna mein bhi maaya se moorchchhit nahin ho sakte। baap dvaara vardaan milna koi kam baat hai kya?