Avyakt murli du samedi 1 avril 1978

>

01-04-78om shanti avyakt baapdaadaamdhuban

nirantar yogi hi nirantar saathi hai

(london sevaakendron ki pramukh daadi jaanki tatha anya mahaarthi bhaai bahinon ki baithak ke samay avyakt baap-daada ke uchchaare mahaavaakya)

sada shoorveer va sada takhta va taajdhaari banaane vaale, har second har sankalp mein shreshtha tyaag karaakar shreshtha bhaagya banaane vaale,sarva khazaanon se sampanna karne vaale shivbaaba bole:-

aaj maayaajeet vijayi ratnon ka vishesh sangathan hai। aaj ke sangathan mein baapdaada kinhon ko dekh rahe hain-jo aadi se ant tak baap-daada ke sada faithful, sada baap ke kadmon par kadam rakhne vaale, sada ke sahayogi aur saathi hain। har samay baap aur seva mein magan rahne vaale, sada shreshtha maryaadaaon ki lakeer se sankalp mein bhi baahar na nikalne vaale maryaada purooshottam,aise bachche sada har second har sankalp mein janma-janma saath rehte hain। jo abhi baap se vaayda nibhaate hain ki tumheen se baithoon, tumheen se har second har karma mein saath nibhaaoon,aise vaayde ko nibhaane vaale sapoot bachchon ko baap bhi janma-janmaantar saathi bhav ka vardaan abhi dete hain। saakaar baap ke saath bhinna naam roop se poojya mein bhi saathi aur pujaareepan mein bhi saathi। gyaani tu aatma banne mein bhi saathi aur bhakta aatma banne mein bhi saathi। aise sada saathi ka va tatvam ka vardaan aisi vishesh aatmaon ko abhi praapta hota hai।

har mahaarthi ko svayan ko check karna hai ki vartamaan samay baap-daada ke gunon, knowledge aur seva mein samaanta aur saatheepan kahaan tak hai, samaanta hi sameepta ko laayegi। abhi ki stage (avastha) aur bhavishya stage mein aur har second saatheepan ka anubhav janma-janmaantar bhi naam roop sambandh se saath ke anubhav ke nimitta banenge। vikarmaajeet banne mein bhi saathi aur raaja vikram (vikramaaditya) banne ke samay bhi saathi। har part mein har varna mein saath-saath honge। iska hi gaayan hai saath jiyenge saath marenge arthaat saath chadhenge saath girenge। chadhti kala, utarti kala din aur raat, donon mein nirantar yogi, nirantar saathi। jitna abhi sangam par saath nibhaane mein sampoorn hain utna hi sameep ke sambandhi banne mein bhi sameep hote hain। vishwa ki number one shreshtha aatma ka bhi drama ke andar mahatva hai। aise number one aatma ke sada sambandh mein rahne vaali aatmaon ka bhi mahatva ho jaata hai। jaise aajkal bhi alpakaal ke status (Status) ko paane vaali aatmaayen koi prezeedenta ya prime minister banti hain to unke saath unki family ka bhi mahatva ho jaata hai to sadaakaal ki shreshtha aatma ke sambandh mein aane vaali aatmaon ka mahatva kitna ooncha hoga। abhi thodi si halchal hone do phir dekhna aadi puraani aatmaayen jo sada saath ka sambandh nibhaati aai hain unhon ka kitna mahatva hota hai। jaise puraani vastu ka mahatva rakhte hain, value samajhte hain vaise aap aatmaon ki value ka varnan karte-karte gungaan karte-karte svayan ko bhi dhanya anubhav karenge। aisi shreshtha aatmaayen apne ko samajhte ho? jitna aap baap ke gun gaate ho utna hi return mein aisi aatmaon ke gungaan karenge। abhi kyon nahin gungaan karte hain? seva abhi karte ho lekin sampoorn phal ant mein kyon milta hai? abhi bhi milta hai lekin kam। uska kaaran jaante ho?abhi kabhi-kabhi baap aur aapko kahin mix kar dete ho। baap ke gun gaate-gaate apne aapke bhi gun gaane shuru kar dete ho। bhaasha badi meethi bolte ho lekin main-pan ka bhaav hone ke kaaran aatmaon ki bhaavna samaapta ho jaati hai। yahi sabse bade se bada ati sookshm tyaag hai। isi tyaag ke aadhaar par number one aatma ne number one bhaagya banaaya aur ashta ratna number ka aadhaar bhi yahi tyaag hai। har second, har sankalp mein baba-baba yaad rahe main-pan samaapta ho jaae-jab main nahin to mera bhi nahin। mera svabhaav, mere sanskaar hain,meri nature hai, mera kaam ya duty,mera naam,meri shaan,main-pan mein yeh mera-mera bhi samaapta ho jaata hai। main-pan aur mera-pan samaapta hua yahi samaanta aur sampoornata hai। svapna mein bhi main-pan na ho, isko kaha jaata hai,ashvamedh yagya mein maimpan ke ashva ko svaaha karna। yahi antim aahuti hai। aur isi ke aadhaar par hi antim vijay ke nagaade bajenge। sangathan roop mein is antim aahuti ka dil se aavaaz phailaao। phir yeh paanchon tatva sada sab prakaar ki saphaltaaon ki maala pahnaayenge। ab tak to tatva bhi seva mein kahin-kahin vighna roop bante hain। lekin svaaha ki aahuti dene se aarti utaarenge। khushi ke baaje bajaayenge। sab aatmaayen apni bahut kaal ki ichchhaaon ki praapti karte hue mahima ke ghungharu pahan naachengi। tab to antim bhakti ke sanskaar merge honge। aisi bhakta aatmaon ko bhakta-pan ka vardaan bhi abhi hi aap ishtadev aatma dvaara milega। koi ko bhakta tu aatma ka vardaan, koi ko aatmagyaani bhav ka vardaan। sarva aatmaon ko abhi vardaani ban vardaan denge। saakaari raajya karne vaalon ko raajyapad ka vardaan denge। aise vardaaneemoortta kaamdhenu aatmaayen bane ho? jo aatma jo maange tathaastu। aisi aatmaon ko sada sameep aur saathi kaha jaata hai। achha।

aise sada shoorveer sada takhta aur taajdhaari har second har sankalp mein shreshtha tyaag se shreshtha bhaagya banaane vaale har kadam mein follow (Follow) karne vaale, har samay sarva khazaanon se sampanna akhut khazaane se sada sampoorn rahne vaale, lakshya aur lakshan sada sampoorn rakhne vaale aise sampoorn shreshtha aatmaon ko baap-daada ka yaadapyaar aur namaste।

deedi ji se mulaakaat:-

bhavishya ka plan banaana hai, uske liye sangathan ikaththa kiya hai? kya plan banaayenge?jo bhi kiya hai woh to bahut achha kiya aur abhi jo karenge woh bhi achha। koi bhi programme va plan ki saphalta ka aadhaar kya hota hai?rivaazi reeti bhi kisi kaarya ki saphalta ka aadhaar kya hota hai?koi bhi programme ko saphal banaana chaahte ho to kya sochte ho?abhi jo conference(Conference) ki to uski vishesh saphalta ka aadhaar kya tha? saadhaaran reeti se bhi har programme ki saphalta ka aadhaar vishesh vyakti ki personality (Personality) ka rehta hai। jaisi personality vaala aayega vaisa aavaaz bulanda hoga। jab bhi aap programme banaate ho to vishesh aavaaz bulanda karne ka lakshya rakhkar plan banaate ho। vishesh personality aave jisse svatah aavaaz bulanda ho jaae। to personality saadhan ban jaata hai। laukik personality vaale baahar ki aavaaz phailaane ke nimitta bante hain, vaise aap vishesh nimitta bane hue sevaadhaariyon ki vartamaan samay seva mein personality chaahiye। personality manushya ko apne taraph aakarshit karti hai। to vartamaan samay ki personality kaun si chaahiye?pyooriti (Purity) hi personality hai। jitni jitni pyooriti hogi to pyooriti ki personality svayan hi sarva ke sir jhukaayegi। jaise drama ke andar sanyaasiyon ke aage bhi sir jhukaate hain,pyooriti ki personality ke kaaran। pyooriti ki personality bade-bade logon ko bhi sir jhukaati hai। to vartamaan samay pyooriti ki personality ke aadhaar par sir jhukenge। agarbatti ki khushbu kheenchati hai na, vaise aane se hi pyooriti ki khushbu anubhav ho। jahaan dekhen vahaan pyooriti hi pyooriti nazar aaye। vartamaan samay isi ka hi anubhav karna chaahte hain। jo chaaron or nazar nahin aati। chaahe kitni bhi mahaan aatma ho,naam hai lekin pyooriti ke vibrations nahin hain। kyonki woh siddhi ka naam, maan,shaan ko sveekaar kar lete hain। isliye pyooriti ka vibration kahin nahin aata hai। alpakaal ki praapti ka aakarshan hota hai lekin pyooriti ka aakarshan nahin hota hai। abhi practical jeevan mein yeh pyooriti ki personality chaahiye jo personality svayan hi aakarshit karen। kahin prime minister aata hai, personality hai to sab svatah hi bhaagte hain na। to yeh personality sabse number one hai। abhi yeh plan banaana। dharmaatmaaon ko aakarshit karne vaali bhi yeh personality hai। woh anubhav karen ki jo hamaare paas cheez nahin hai woh yahaan hai। nahin to samajhte hain haan kanyaayen maataayen hain, kaam achha kar rahi hain, isi bhaavna se dekhte hain lekin personality samajhkar saamne aayen ki yeh vishwa ki bade se badi personality hain। samjha kuchh aur tha dekha kuchh aur-aise anubhav karen। jo hamaari buddhi mein baat nahin hai woh inhon ke practical jeevan mein hai। yeh hai mahaarthi ko neeche giraana। jaise cheenti haathi ko bhi gira deti hai na। to is personality mein jhuk jaayen। abhi svayan ka swaroop sarva praaptiyon ke chumbak ka swaroop chaahiye। jo svayan hi sarva aakarshit hon। jahaan dekhen,jisko dekhen praapti ka anubhav ho। to praapti hi chumbak hai aur sarva praapti swaroop hi chumbak hai।

abhi mehnat, energy aur mani bhi lagaani padti hai phir yeh donon ka kaam yeh pyooriti ki personality hi karegi। abhi vibration nahin badle hain। abhi bhi bhinna nazar se dekhte hain। abhi apne vibration dvaara jo hain jaise hain vaise nazar se dekhne ka vibration phailaao aur apni vardaani, mahaadaani vritti se vibration aur vaayumandal ko parivartan karo। abhi tak bichaare tadapte hue dhoondhate rehte hain ki kahaan jaaven। pyaasi aatmaon ko abhi saagar va nadiyon ka sahi sthaan ka parichay nahin mila hai isliye dhoondhate jyaada hain। to apne light house swaroop se manzil ka raasta dikhaao। (achha)

jaanki daadi se

london mein bhi dharmaatmaaon ka chance hai। jo bhi chance lo usmein roohaaniyat ki aakarshan ka drishya zaroor ho। jaise teerthasthaan par shanti kunda ya gati-sadgati ke kunda banaate hain na। to aise samjhen ki sarva praapti kunda yahi hai। nyaaraapan anubhav ho, saadhaaranta ho lekin shaktishaali ho aur yeh satyata mahsoos ho। aisi stage(avastha) lete-lete vishwa ka raajya bhi le lenge। abhi to sirf programme ka nimantran dete hain phir jaise jad chitron ko aankhon aur sir par uthaate hain vaise aap sabko us nazar se kahaan bithaaven,kya karen kuchh soojhega nahin। mahima mein kya bolen kya na bolen yeh soojhega nahin। sangathan karna achha hai,sangathan se bhi umang-ullaas badhta hai। achha।

is avyakt vaani ki vishesh baaten:-

1. samaanta hi sameepta ko laayegi। jitna abhi sangam par saath nibhaane mein sampoorn hain utna hi sameep ke sambandhi banne mein bhi sameep hote hain। vishwa ki number one shreshtha aatma ka bhi drama ke andar mahatva hai। aise number one aatma ke sada sambandh mein rahne vaali aatmaon ka bhi mahatva ho jaata hai।

2. jitna aap baap ke gun gaate ho utna hi return mein aisi aatmaon ke gungaan karenge। abhi kabhi-kabhi baap aur aapko mix kar dete ho। main pan ka bhaav hone ke kaaran aatmaon ki bhaavna samaapta ho jaati hai,yahi bade se bada tyaag hai।

3. pyooriti hi personality hai। jitni-jitni pyooriti hogi to pyooriti ki personality svayan hi sarva ke sir jhukaayegi। abhi mehnat energy aur mani bhi lagaani padti hai phir yeh donon ka kaam yeh pyooriti ki personality karegi।