Avyakt murli du vendredi 1 décembre 1978

>

01-12-78om shanti avyakt baapdaadaamdhuban

sarva khazaanon ki chaabi - eknaami banna

bhagwan ko bhi vash mein karne vaale bachchon ke prati baap-daada bole :-

baap-daada sada bachchon ki takdeer ko dekh harshit hote। vaah takdeer vaah! aisi shreshtha takdeer jo baap ko bhi apne sneh sambandh se niraakaar se saakaar bana lete। aavaaz se pare baap ko aavaaz mein laate। svayan bhagwan ko jaise chaahe vaise swaroop mein laane ke maalik ko sevaadhaari bana lete। baap ke sarva khazaanon ke adhikaari banne ki va baap ko svayan par samarpan karaane ki chaabi bachchon ke haath mein hai। jiske haath mein aisi chaabi ho unse shreshtha aur koi ho sakta hai? aisi chaabi ko sambhaalne vaale knowledgeful aur sensible bane ho। chaabi to baap ne de di - jis chaabi dvaara jo chaaho ek second mein praapta kar sakte ho - jab rachta sevaadhaari ban gae to sarva rachna aap shreshtha aatmaon ke aage seva ke liye baandhi hui hai - jab aasuri raavan apne saains ki shakti se prakriti arthaat tatvon ko aaj bhi apne control mein rakh rahe hain to aap eeshvareey santaan master rachta,master sarvashaktivaan ke aage yeh prakriti aur paristhiti daasi nahin ban sakti! apne silence ki shakti ko achhi tarah se jaante ho va bahut shaktiyaan milne ke kaaran unke mahattva ko bhool jaate ha? jab science ki anu shakti mahaan karttavya kar sakti hai to aatmik shakti,parmaatma-shakti kya kar sakti hai uska anubhav abhi bahut thoda aur kabhi-2karte ho। parmaatma- shakti ko apna bana sakte, roop parivartan kara sakte to prakriti aur paristhiti ka roop aur gun parivartan nahin kar sakte ?tamoguni prakriti ko svayan ki satoguni sthiti se parivartan nahin kar sakte hain? paristhiti par sva-sthiti se vijay nahin pa sakte hain?aise master rachta shaktishaali bane ho? baap-daada bachchon ki shreshtha praapti ko dekh yahi kehte ek-ek bachcha aisi shreshtha aatma hai jo ek bachcha bhi bahut kamaal kar sakta hai! to itne kya karenge! chaabi to bahut badhiya mili hai - lagaane vaale lagaate nahin hai। sabhi ko chaabi mili hai। na ki koi koi ko। naye puraane chhote bade sab adhikaari hain jaise aaj-kal ki duniya mein bhi svaagat arthaat koi guest ki risepshan karte hain to city ki chaabi dete hain na। baap-daada ne bhi har bachche ki risepshan mein bachchon ko svayan ki aur khazaanon ki chaabi aane se hi de di। aisi jaadu ki chaabi jisse jis shakti ka aahvaan karo woh shakti swaroop ban sakte ho। ek second mein is jaadu ki chaabi dvaara jis lok mein jaane chaaho us lok ke vaasi ban sakte ho। jis kaal ko jaanne chaaho us kaal ko jaanne vaale roohaani jyotishi ban sakte ho। sankalp shakti ko jis raphtaar se jis maarga par le jaana chaaho usi reeti se sankalp shakti ke adhikaari ban sakte ho - aisi chaabi kaam mein kyon nahin lagaate?mahattva ko nahin jaana hai kya? kinaare rakhne ke sanskaar emerge ho jaate। achhi cheez ko sambhaal kar kinaare rakhte hain na ki samay par kaam mein laayenge! lekin yeh chaabi har samay kaarya mein laao। chaabi lagaao aur khazaana lo। ismen eknaami nahin karo - lekin eknaami bano। eknaami banna hi chaabi ko lagaane ka tareeka hai। to yeh karne nahin aata? aajkal to chaabi saath rakhne ka fashion hai। saugaat mein bhi keechen dete hain। yeh sambhaalna mushkil lagta hai kya? koi bhi karma shuru karne ke pahle jaisa karma vaisi shakti ka aahvaan। is chaabi dvaara karo - to har shakti aap master rachta ki sevaadhaari ban seva karegi। aahvaan nahin karte ho lekin karma ki halchal mein aahvaan ke bajaae aavaagman ke chakra mein aa jaate ho। achha-bura,saphalta-asphalta is aavaagman ke chakkar mein aa jaate ho। aahvaan karo arthaat maalik ban order karo। yeh sarvashaktiyaan aapki bhujaayen samaan hai - aapki bhujaayen aapke order ke bina kuchh kar sakti hain? order karo sahanshakti kaarya saphal karo to dekho saphalta sada hui padi hai। order nahin karte ho lekin kya karte ho - jaante ho। order ke bajaae darte ho - kaise sahan hoga kaise saamna kar sakenge। kar sakenge va nahin kar sakenge। is prakaar ka dar order nahin kar sakta hai। ab kya karenge - darenge va order karenge। mahaakaal ke bachche bhi daren to aur kaun nirbhay honge। har baat mein nirbhay bano। albele aur aalasyapan mein nirbhay nahin banna - maayaajeet banne mein nirbhay bano। to suna jaadu ki chaabi। saugaat ko sambhaalna seekho aur sada kaarya mein lagaao। achha –

aise shreshtha takdeervaan roohaani shakti swaroop master rachta, prakriti aur paristhitiyon ko adhikaar se vijay paane vaale sada vijayi bachchon ko baap-daada ka yaadapyaar aur namaste।

deedeeji se baatcheet –

sangamayug ke raajaaon ka saakshaatkaar hota hai ? raajya vansh yahaan se hi aarambha hota hai। abhi raaje aur praja donon hi sanskaar pratyaksha roop mein dikhaai de rahe hain praja arthaat sada har baat mein adheenpan ke sanskaar । usko kitna bhi adhikaari-pan ki stage ka takhta do lekin takhtansheen ban nahin sakte। sada nirbal aur kamzor aatma dikhaai denge। svayan ki himmat nahin hogi lekin doosre ki himmat aur sahayog se kaarya saphal kar sakte। sahayog aur cheez hai aur himmat badhaane ke liye sahayog aur cheez hai। himmat denge to kar sakenge। yeh adhikaareepan ki nishaani nahin hai। himmat rakhne se sahayog ke paatra svatah hi banenge। to isliye poochha ki raajya vansh dikhaai de raha hai? jab abhi ka raajya vansh pratyaksha ho tab pratyakshata ho। kitne pratyaksha hue hain? kitne raaje, kitni raaniyaan bani hain? raaja aur raani mein bhi pharka hoga - one aur tu ka antar to hoga। abhi is par rooh-roohaan karna। raaja ki nishaani kya hogi aur baalab chchon ki qualification kya hogi -raajya vansh ke bachchon mein bhi vansh ke sanskaar to honge na। ispar roohroohaan karna। achha।

kumaaron ke saath

kumaaron ka chitra sada baap ke saath rahne ka dikhaaya hai, tumheen se kheloon, tumheen se khaaoon - yeh chitra dekha hai sakhe roop se। sakha arthaat saath। to kumaaron ko sakha roop se saakhi roop dikhaaya hai,gvaalbaal ke roop mein dikhaaya hai na। to apne ko sada baap ke saathi samajhkar tumheen se khaaoon, tumheen se baithoon… sabhi kumaar yugal moortta hi chalte ho। yugal ho ya akele ho? kabhi akele ka sankalp nahin karna। saathi ko sada saath rakho to sada khush rahenge aur din-raat khushi mein naachte apna aur doosron ka bhavishya banaayenge। akela kab na samajhna - akela samjha aur maaya aai। kumaaron ki yahi complain hai ki ham akele hain। yeh saath to duhkh sukh ka saathi hai। woh saath to maatha kharaab kar deta। to yugal ho na! pravritti vaale nahin ho,sukh ki pravritti mil jaae aur kya chaahiye। hamaare jaisa saathi kisi ko mil nahin sakta। saathi ko saath rakhna - saath rakhenge to man sada manoranjan mein rahega। achha –

maataaon se

nirmohi ho? nashtomoha ho na। maataaon ko vishesh vighna moh ka hi aata hai। nashtomoha arthaat teevra purooshaartha। agar zara bhi moh chaahe deh ke sambandh mein hai to teevra purushaarthi ke bajaae purushaarthi mein aa jaate। teevra purushaarthi hain first number, purushaarthi hain second number। kya bhi ho - kuchh bhi ho khushi mein naachte raho, ‘‘mirooa maut malooka shikaar’’isko kehte hain nashtomoha। nashtomoha vaale hi vijay maala ke daane bante hain। moh par vijay praapta kar li to sada vijayi। paas ho ya full paas ho?paper bahut aayenge, paper aana arthaat class aage badhna। agar imtahaan hi na ho to class change kaise hoga। isliye full paas hona hai - na ki paas hona hai। achha

yuglon se

smriti se puraana sauda cancel kar single bano। phir yugal bano। puraana hisaab-kitaab sab chuktu aur naya shuru। maaya ke sambandh ko divorce de diya - baap ke sambandh se sauda kar diya - iseese maayaajeet,moh jeet vijayi rahenge। sahayogi bhale ho - companion nahin । companion ek hai, kampeniyanpan ka bhaan aaya aur gaya।

jo baap ki yaad mein rehte unke oopar sada baap ka haath hain। sabhi most lucky ho। ghar baithe bhagwan mil jaae to isse bada luck aur kya chaahiye। jo svapna mein na ho aur saakaar ho jaae to aur kya chaahiye। baap aap ke paas pahle aaya - peechhe aap aaye ho। isi apne bhaagya ka varnan karte sada khush raho bhagwan ko mainne apna bana liya। kahin bhi rahen lekin baap ka sada saath har karma, har dincharya mein sada baap ke saath ka anubhav karo। achha।