Avyakt murli du dimanche 10 décembre 1978

>

10-12-78om shanti avyakt baapdaadaamdhuban

vistaar ko na dekh saar arthaat bindu ko dekho

madhuban nivaasi tyaagi, tapasvi bachchon prati baap-daada boleh -

madhuban nivaasi arthaat madhurta ke saagar mein sada lahraane vaale baap-daada vi vishesh karmabhoomi, charitra bhoomi, madhur milan-bhoomi ya mahaan punya bhoomi,aisi bhoomi ke sada nivaasi kitni mahaan aatmaayen hain! niraakaar baap ko bhi is saakaar bhoomi se vishesh sneh hai - aise bhoomi ke nivaasi svayan ko bhi sada aise anubhav karte hain madhuban arthaat madhur bhoomi। vritti ki bhi madhurta - vaani ki bhi madhurta aur har karma mein bhi sada madhurta। jaisi bhoomi vaisi hi bhoomi mein rahne vaali mahaan aatmaayen। madhuban se jo aatmaaen anubhav karke jaati hain woh bhi kya kehti hain! madhuban hai sangamayugi svarga - arthaat svargabhoomi mein rahne vaale। ab bhi svarga aur bhavishya mein bhi svarga - to double svarga ke adhikaari kitne vishesh hue। baap-daada aaj khaas madhuban nivaasiyon se milne aaye hain। baba poochhte hain svarga ki visheshta athva svarga ka vishesh gaayan kya hai? svarga ka vishesh gaayan hai ‘‘sada sampanna arthaat apraapta nahin koi vastu svarga ke khazaane mein।’’ chaahe sangamayugi svarga ya bhavishya ka svarga - donon ki yeh ek hi visheshta gaai hui hai। to madhuban nivaasi arthaat sangamayugi svarga nivaasi aisi sampanna sthiti ka anubhav karte hain? jismen mahsoos ho ki ham sada tripta aatmaaen hain - jaise ichchha maatram avidya ke sanskaar bhavishya svarga mein natural honge vaise madhuban nivaasiyon ke yeh natural sanskaar hain ?svargavaasi arthaat in sab baaton mein natural sanskaar swaroop ho? koi bhi poochhte hain aap kahaan ke rahvaasi ho ?badi phalak se,khushi se kehte ho na ham madhuban nivaasi hain? madhuban vaasi ki jaise chhaap lagi hui hain -saath-saath jaisa sthaan vaisi sthiti ki chhaap bhi hogi na। jaise kolda store mein jaayenge to jaisa sthaan vaisi sthiti automatically hogi na। to madhuban ki jo mahima hai aise sanskaar bane hain? kyonki saakaar roop mein lakshya swaroop sabke aage madhuban hai, kaapi sab madhuban ko karte hain। kisi ki bhi sthiti mein halchal hoti hai to achalghar madhuban yaad aata hai ki madhuban achalghar mein jaane se achal ho jaayenge - aisi bhaavna se, shubh kaamna se is punya bhoomi par sabhi aate hain - jab anek aatmaon ki halchal ka saadhan milne ka sthaan achalghar madhuban hai to maghuban mein rahne vaale bhi sada achal honge na। aisi stage anek aatmaon ke liye maarga-darshan karne vaali hogi। kyonki madhuban hai light house। sarva sevaakendron ko sahayog dene vaale madhuban nivaasi hain। sada sankalp vaani athva karma se ek-do ke sahayogi hain to saathiyon ke bhi sahayogi honge na। sarva bachchon ko ek varsha mila hai result nikaalne ke liye - to ek varsha mein ab kya parivartan laaya hai ? jisko doosre sunne vaale svayan bhi parivartan ho jaaen - jaise kai baar dekha hoga koi-koi aatmaayen jab apna sachchi dil se,umang se,baap ke sneh se anubhav sunaati hain to anubhav sunte-sunte bhi anek aatmaaen parivartit ho jaati hain। ek ka parivartan anek aatmaon ke parivartan ka saadhan ban jaata hai। to aisa parivartan hua hai? jo anekon ko ek egzaampal roop mein ho - ek varsha mein aise koi wonderful anubhav hua hai? kis-kisne highjump diya - kisne lift ki gift li?

jaise aajkal T.vi. mein chaaron or ek sthaan ka chitra spashta dikhaai deta hain to madhuban bhi T.vi. station hai। chaaron or T.vi. ke set lage hue hain -aur T.vi. station par jo act chalta hai woh automatically sab taraph dikhaai det hai। to madhuban vaalon ka har sankalp bhi chaaron or dikhaai deta arthaat phailta hai kyonki T. vi. sait chaaron or lage hue hain। jaise aajkal science ke saadhnon dvaara sankalpon ki gati ya mansa sthiti ko chaik kar sakte hain vaise madhuban nivaasiyon ke sankalpon ki gati ya maansik sthiti chaaron or phailti hai। isliye har sankalp par bhi attention ho। ismen albelaapan na ho। madhuban nivaasi madhuban mein baithe hue bhi kisi prakaar ke vishesh sankalp dvaara vibration phailaane chaahe to is ek sthaan par baithe hue bhi chaaron or phaila sakte hain - jaise sthool cheez ki khushbu chaaron or automatically phail jaati hai vaise yeh vibration sankalp ke dvaara chaaron or svatah phail jaaen, madhuban nivaasiyon ki yeh vishesh seva hai। jaise madhuban mein vishesh bhatthi karte ho to vibration chaaron or pahunchte hain na। chaahe patron dvaara samaachaar na bhi jaae lekin sookshm vibration madhuban ke bahut sahaj chaaron or phail sakte hain। to aisi seva bhi karte hain ya sirf yagya ko sambhaalne ki seva hi karte hain। kaarobaar hai karma dvaara karmana seva lekin uske saathsaath mansa seva ki bhi zimmevaari hai? baap-daada to varsha ki result dekhne aaye hain na। jo sada paas rehte hain woh paas with honour kahaan tak bane hain? jo mahaan aatmaon ke saath rehte hain, saakaar mein bhi sameep hain aur sthaan bhi mahaan hai aisi aatmaon ki praalabdha kya banti hai। shaastran mein bhi madhuban ki mahima vishesh gaai hui hai - to madhuban nivaasi har baat mein vishesh aatmaaen har samay koi visheshta dikhaane vaali hain - jo bhi group aave woh yeh anubhav kare ki madhuban nivaasiyon mein yeh visheshta thi। madhuban svarga mein har aatma sada tripta aatma sampanna moortta thi।

iska aadhaar hai ki sada ek lakshya ho ki humein daata ka bachcha ban sarva aatmaon ko dena hai na ki lena hai - yeh kare to main karoon, nahin। harek daataapan ki bhaavna rakhe to sab dene vaale arthaat sampanna aatma ho jaayenge। sampanna nahin honge to de bhi nahin sakenge। to jo sampanna aatma hogi woh sada tripta aatma zaroor hogi। main dene vaale daata ka bachcha hoon - dena hi lena hai। jitna dena utna lena hi hai। practical mein lene vaala nahin lekin dene vaala banna hai। daataapan ki bhaavna sada nirvighna,ichchha maatram avidya ki sthiti ka anubhav karaati hai- sada ek lakshya ki taraph hi nazar rahe। woh lakshya hai bindu। ek lakshya arthaat bindi ki taraph sada dekhne vaale। anya koi bhi baaton ko dekhte hue bhi nahin dekhen। nazar ek bindu ki taraph hi ho - jaise yaadgaar roop mein bhi dikhaaya hai ki machhli ke taraph nazar nahin thi lekin aankh ki bhi bindu mein thi। to machhli hai vistaar - aur saar hai bindu। to vistaar ko nahin dekha lekin saar arthaat ek bindu ko dekha। isi prakaar agar koi bhi baaton ke vistaar ko dekhte to vighnon mein aate - aur saar arthaat ek bindu roop sthiti ban jaati aur fullstop arthaat bindu lag jaati। karma mein bhi full staapaarthaat bindu। smriti mein bhi bindu arthaat beejroop stage ho jaati। yeh vishesh abhyaas karna hai। vistaar ko dekhte bhi na dekhen, sunte hue bhi na sunen - yeh practical abhi se chaahiye। tab ant ke samay chaaron or ki halchal ki aavaaz jo badi duhkhadaayi hogi,drishya bhi ati bhayaanak honge - abhi ki baaten uski bhent mein to kuchh nahin hain - agar abhi se hi dekhte hue na dekhna, sunte hue na sunna yeh abhyaas nahin hoga to ant mein is vikraal drishya ko dekhte ek ghadi ke paper mein sada ke liye fail marks mil jaavegi। isliye yeh bhi vishesh abhyaas chaahiye। aisi stage ho jismen saakaar shareer bhi aakaari roop mein anubhav ho। jaise aakaar roop mein dekha saakaar shareer bhi aakaari pharishta roop anubhav kiya na। chalte-phirte kaarya karte aakaari pharishta anubhav karte the। shareer to wahin tha na - lekin sthool shareer ka bhaan nikal jaane kaaran sthool shareer hote bhi aakaari roop anubhav karte the। to aisa abhyaas aap sabka ho - karmendriyon dvaara karma hota rahe lekin mansa shakti dvaara vaayumandal shaktishaali,sneh sampanna, sarva ke sahayog ke vibration ka phaila hua ho - jis bhi sthaan par jaaen to yeh pharishta roop dikhaai de। karma kar rahe hain lekin ek hi samay par karma or mansa donon seva ka balance ho। jaise shuru-shuru mein yeh abhyaas karaaya tha karma bhal bahut saadhaaran ho lekin sthiti aisi mahaan ho jo saadhaaran kaam hote hue bhi saakshaatkaar moortta dikhaai den - koi bhi sthool kaarya dhobeeghaat ya saphaai aadi ka kar rahe hain,bhandaare ka kaarya kar rahe hain lekin sthiti aisi mahaan ho - aisa bhi samay practical mein aavega jo dekhne vaale yahi varnan karenge ki itni mahaan aatmaayen pharishta roop aur kaarya kya kar rahi hain। kaarya saadhaaran aur sthiti ati shreshtha। jaise satayugi shahzaadiyon ki aatmaayen jab aati theen to woh bhavishya ke roop practical mein dekhte hue aashcharya khaati theen na ki itne bade mahaaraaje aur kaarya kya kar rahe hain। vishwa mahaaraaja aur bhojan bana rahe hain। vaise hi aane vaali aatmaayen yeh varnan karengi ki hamaare itne shreshtha poojya eeshta dev aur yeh kaarya kar rahe hain! chalte-phirte eeshtadev ya devi ka saakshaatkaar spashta dikhaai de। ant mein poojya swaroop pratyaksha dekhne lagenge pharishta roop pratyaksha dikhaai dene lagega। jaise kalpa pahle ka bhi gaayan hai arjun ka - saadhaaran sakha roop bhi dekha lekin vaastavik roop ka saakshaatkaar karne ke baad varnan kiya ki aap kya ho! itna shreshtha aur woh saadhaaran sakha roop! isi reeti aapke bhi saakshaatkaar honge chaltephirte। divya drishti mein jaakar dekhen woh baat aur hai। jaise shuru mein chalte-phirte dekhte rehte the। yeh dhyaan mein jaakar dekhne ki baat nahin। jaise ek saakaar baap ka aadi mein anubhav kiya vaise ant mein abhi sabka saakshaatkaar hoga। yeh saadhaaran roop gaayab ho jaavega, pharishta roop ya poojya roop dekhenge। jaise shuru mein aakaari brahma aur shreekrishna ka saath-saath saakshaatkaar hota tha। vaise abhi bhi yeh saadhaaran roop dekhte hue bhi dikhaai na de। aapke poojya devi ya devta roop ya pharishta roop dekhen। lekin yeh tab hoga jab aap sabka purooshaartha dekhte hue na dekhne ka ho - tab hi anek aatmaon ko bhi aap mahaan aatmaon ka yeh saadhaaran roop dekhte hue bhi nahin dikhaai dega। aankh khule-khule ek sekenda mein saakshaatkaar hoga। aisi stage banaane ke liye vishesh abhyaas bataaya ki dekhte hue bhi na dekho, sunte hue bhi na suno। ek hi baat suno aur ek bindu ko hi dekho। vistaar ko na dekh ek saar ko dekho। vistaar ko na sunte hue sada saar ko hi suno। aise jaadu ki nagri yeh madhuban ban jaavega - to suna madhuban ka mahattva arthaat madhuban nivaasiyon ka mahattva। achha।

madhuban ki shakti sena arthaat vishesh aatmaon ki sena। harek apni visheshta ko achhi tarah se jaante ho। visheshta ke kaaran hi vishesh bhoomi ke nivaasi bane hain yeh khushi rehti hai? pichhla khaata to harek ka apna-apna hai jo chuktu bhi hota rehta hai lekin saath-saath drama anusaar koi na koi visheshta bhi hai। jis kaaran vishesh part mila hai। sada punya bhoomi aur shreshtha aatmaon ke sang ka vishesh part yeh kam bhaagya nahin hai। jad chitron ke mandir ke pujaari bhi apne ko kitna mahaan samajhte hain - hain pujaari - lekin nasha kitna rehta। kyonki samajhte hain moorti ke sameep sambandh vaale hain। to jad chitron ke pujaari bhi itna nasha rakhte yahaan to pujaari ki baat nahin। yahaan to samparka mein rahne vaale sang mein rahne vaale sangi saathiyon ko kitna nasha aur khushi honi chaahiye। eeshvareey parivaar mein aai hui aatma mein koi visheshta na ho yeh ho nahin sakta। to apni visheshta ko jaan usko karma mein lagaao। jo bhi gun athva visheshta ho chaahe karmana ka gun ho chaahe madhurta ka gun ho - sneh ka ho usko kaarya mein lagaao। jaise loha paaras se lag paaras ban jaata hai vaise ek gun ya visheshta seva mein lagaane se seva ka phal ek ka laakh guna milne se woh ek visheshta anek samay ka phal dene ke laayak ban jaati। jaise ek beej daalne se kitne phal nikalte vaise ek bhi visheshta karma mein lagaana arthaat dharni mein beej daalna hai। to samjhe kitne khushanseeb ho ! brahman parivaar mein janma hua hai to janma ke saath koi na koi visheshta ki takdeer saath lekar hi aaye hain। sirf antar yeh ho jaata ki usko kaarya mein kahaan tak lagaate hain। janma ka bhaagya hai lekin bhaagya ko karma ya seva mein lagaane se anek samay ke bhaagya ka phal nikaalna,beej bone ka yeh tareeka aana chaahiye। phal to avashya niklega। beej bona arthaat visheshta roopi beej ko seva mein lagaana। yahaan to sab sada bhaagya ke takhtansheen hain। jis bhaagya ke liye kalpa pahle ki yaadgaar mein bhi ab tak ek second ka sameep rehna bhi mahaan samajhte hain - to jo practical mein hain unheen ki khushi, unheen ka bhaagya kitna shreshtha hai। shreshthata ko saamne rakhne se vyartha baaten samaapta ho jaati hain। achha –

paandav arthaat sada ke vijayi। paandavon ka naam vijay ke kaaran hi prasiddha hai। paandav sena woh bhi vishesh saagar ke kanthe par shreshtha sang mein rahne vaali। to aisi paandav sena sada vijayi ho? vijay ka khel sada chalta hai ya haar-jeet ka - ab ke samay aur sahayog ke pramaan drama anusaar jo bhaagya praapta hai usi pramaan sada vijayi ka khel chalna chaahiye।

drama anusaar jo visheshta praapta hai use sada kaarya mein lagaao to auron ki bhi visheshta dikhaai degi। visheshta na dekh baaton ko dekhte ho isliye haar hoti hai। harek ki visheshta ko smriti mein rakho ek do mein faithful raho to unki baaton ka bhaav badal jaavega। agar aapas mein do mitra hote hain aur unke beech teesra unki kuchh glaani karne aata to woh uske bhaav ko badal dete hain। jaise aapko koi brahma baap ke liye kahe ki yeh kya, yeh to gaali dete hain - lekin tum unhein nishchay se samjhaavenge ki yeh gaali nahin hai yeh to spashteekran hai। jahaan nishchay hota hai vahaan shabd ka bhaav badal saadhaaran baat ho jaati hai। harek ki visheshta ko dekho to anek hote bhi ek dikhaai denge। ek mat sangathan ho jaavega। koi kiski glaani ki baaten sunaave to use teka dene ke bajaae sunaane vaale ka roop parivartan kar do। arth mein bhaavna parivartan kar do। yeh abhyaas chaahiye nahin to ek ki baat doosre se suni,doosre ki teesre se suni aur phir woh vyartha baaten vaataavran mein phailti rahteen,jis kaaran powerful vaataavran nahin ban paata। saakshaatkaar moortta bhi nahin ban sakte। isliye sadaiv sabke prati shubh bhaavna, kalyaan ki bhaavna ho। ek-do ki glaani ki baaten sunna time vesta karna hai। kamaai se vanchit hona hai। agar parivartan kar sakte ho to suno - nahin to sunte hue bhi na suno।

harek ki visheshta ka varnan karo। koi kahe bhi ki hamne aisa dekha to bhi aapke mukh se koi aisi baat na nikle। aap unki visheshta suna kar us baat ko change kar do। sabke mukh se harek ke prati vaah-vaah nikle। tab hi baap ki vaah-vaah hogi। koi ki baat agar neeche oopar dekhte ho, sunte ho to dil mein nahin rakhon, oopar diya aur khatma। apne aap ko sada khaali aur halka rakho। agar dil ke andar kisi bhi prakaar ki baat hogi to jahaan baaten hain vahaan baap nahin।

kiske avgun ko ek do ke saamne varnan nahin karna chaahiye kyonki varnan karna arthaat beemaari ke germs ko phailaana hai। koi aise germs hote hain to usi samay koi powerful davaai daal khatma kiya jaata hai। koi poochhe phalaana kaise hai to dil se nikle bahut achha hai। anek bhaavon se anek aatmaayen aati hain lekin aap ki taraph se shubh bhaavna ki baaten hi le jaaen। bhaavna shubh ho, ev bhaavna, ek kaamna ek ki hi lagan mein nirvighna - vyartha baaton ka stock khatma aur khushi ki baaton ka stock jama ho - khushi mein jhoolne vaali aatmaayen sabko nazar aayen। har bol mein roohaaniyat ho - roohaaniyat ke shabd bahut meethe hote hain। samay pramaan stage bhi bahut oonchi honi chaahiye। chadhti kala ka arth hi hai jo pahle tha usko paar kar chalen। aisi sthiti honi chaahiye saakshaatkaar moortta dikhaai den - phir dekho kitni bheed hoti hai। tumhaari sthiti sadaiv ekaagra rahe tab naam baala hoga - vritti ki,drishti ki,svabhaav ki chaiking karne vaale sab aayenge lekin unhein real gyaan ka parichay ho jaae। achha - omshaanti।