Avyakt murli du mardi 2 janvier 1979

> > 02-01-79om shanti avyakt baapdaadaamdhuban

sampoornata ki sameepta hi vishvaprivartan ki ghadi ki sameepta hai

bachchon ki janma patri jaanne vaale merciful baba bole :-

aaj baapdaada harek bachche ki aadi ab tak ke sangamayugi alaukik janma ki janmapatri dekh rahe the। harek bachche ne divya janma lete baap daada se va svayan se kya-kya vaayde kiye hain aur ab tak kaun se vaayde aur kis percent mein nibhaae hain, vaayda karna aur nibhaana ismen kitna antar raha hai va karna aur nibhaana samaan hai - yeh janmapatri dekh rahe the। har varsha harek bachcha yatha shakti baap ke sammukh vaayde karte hain arthaat baap se pratigya karte hain - result mein kya dekha, pratigya karte samay bahut umang utsaah se himmat se sankalp lete hain - kuchh samay sankalp ko saakaar mein laane ka, samasyaaon ka saamna karne ka shubh bhaavna se kalyaan ki kaamnaaon se samparka mein aate saphalta moorta bante hain। parantu chalte-chalte kuchh samay ke baad full attention(Full ATTENTION) ke bajaae sirf attention (ATTENTION) rah jaata aur attention ke beech-beech attention badal tension (Tension) ka roop bhi ho jaata hai। vijay hamaara janma siddha adhikaar hai yeh samartha sankalp dheere-dheere roop parivartan karta jaata hai - janma siddha adhikaar hai ke bajaae kab-kab baap daada ke aage yeh bol nikalte hain ki adhikaar do, shakti do। hai shabd do shabd mein badal jaata hai। master daata vardaata, daata ke bajaae leta ho jaate hain। aise purooshaartha ki stage kab teevra purooshaartha,kab purooshaartha kab halchal kab achal। is mein chalte rehte hain aur chalte-chalte rook jaate hain। ab tak ki result mein - raaste ke najaaron mein manzil ki taraph se kinaara kar lete hain। ab tak bhi aise khel dikhaate rehte hain - lekin yeh kab tak।

baapdaada bhi abhi naya khel dekhna chaahte - to is naye varsha mein ab aisa naya khel dikhaao - jis khel mein har drishya ka lakshya sada vijay ho। ham vijayi hain, vijayi rahenge - aisa sankalp sada har karma mein pratyaksha dikhaai de। jaise kalpa pahle ka chitra hai - harek shakti sena ke haath mein vijay ka jhanda lahra raha hai। aaj tak bhi aap shreshtha aatmaon ko vijayi ratan ke roop mein duniya vaale sumiran karte aur poojte rehte hain। purooshaartha karne ka samay bhi bahut mila-nambarvaar yathaashakti purooshaartha bhi kiya। ab kya karna hai - ab purooshaartha ke pratyaksha phalasvaroop arthaat saphalta swaroop ban svayan bhi har kaarya mein saphal raho aur sarva aatmaon ko bhi saphalta moortta ka vardaan do। purooshaartha swaroop ke bajaae vardaani mahaadaani swaroop mein raho, jisse svayan bhi pratyaksha phal ka anubhav karenge aur anya aatmaon ko bhi pratyaksha phal ke adhikaari banaayenge। ab bhaasha parivartan karo। svabhaav sanskaar bhi parivartan karo। svayan bhi parivartan karo। svabhaav-sanskaar sarva aatmaon ko bhi pratyakshaphal ke adhikaari banaayenge।। ab bhaasha bhi parivartan karo। jaise vishwa parivartan ki ghadi sameep bhaag rahi hain - sampoornata ki sameepta hi vishwa parivartan ke ghadi ki sameepta hai - isliye ab beeti so beeti kar vyartha ka khaata samaapta karo-sada samartha ka khaata har sankalp mein jama karo - abhi se sadaakaal ke liye apne ko taaj tilak aur takhtadhaari anubhav karo - tilak ka mit jaana arthaat smriti se neeche aana hai। abhi yeh baaten svapna se bhi samaapta karo। aisa samaapti samaaroh manaao। vishwa seva mein sankalp vaani aur karma se din-raat sachche sevaadhaari ban sangathit roop sada tatpar ho jaao to vishwa seva mein svayan ko chadhti kala svatah hoti jaayegi। punya aatma ban, punya ka phal praapta kar rahe hain sada aise anubhav karenge। kyonki samay ki sameepta pramaan har shreshtha karma ka phal sada santushtata ke roop mein vartamaan aur bhavishya donon hi kaal mein praapta honge। abhi praapti ki machinery teevragti se anubhav karenge। vyartha ka bhi aur samartha ka bhi - donon karma ka phal laakh guna praapti kya hoti hai yeh sab anubhav karenge। isliye laakh guna jama karne ka samay ab baaki thoda sa rah gaya hai ab ka jama hona,janma-janmaantar ki praalabdha banaana hai - iske liye vishesh kya karna hai - sirf do baaten yaad rakho - ek sada apne ko vishesh aatma samajh - sankalp va karma karo। doosri baat sada harek mein visheshtaaon ko dekho। har aatma mein vishesh aatma ki bhaavna rakho। saath vishesh banaane ki, shubh kalyaan ki kaamna rakho। sada ek baat ka attention rakho - jis avgun va kamzori ko har aatma chhodne ka purooshaartha kar rahi hai, aisi doosre dvaara chhodne vaali cheez ko svayan kabhi dhaaran nahin karna - doosre dvaara phenki hui cheez ko lena yeh eeshvareey raayalti nahin। royal aatmaaen doosre ki badhiya cheez bhi phenki hui nahin leti। yeh to avgun gandagi hai। uske taraph sankalp mein bhi dhaaran karna mahaapaap hai - isliye is baat ka attention rakho। kisi ki kamjori va avgun ko dekhne ka netra sada banda rakho। dhaaran karo na varnan karo। jab aapke chitron ki bhi bhakta mahima karte hain, har ang ki mahima karte hain keerti gaane ka keertan karte hain - aap chaitanya roop mein ek do ke gungaan karo - visheshtaaon ka varnan karo। ek do mein sahayog aur sneh ke pushpon ki len-den karo। har kaarya mein haan ji va pahle aap ka haath badhaao। sada harek vishesh aatma ke aage roohaani vritti roohaani vibration ka dhoop jagaao। jo bhi aatmaayen samparka mein aaven unhon ko sada apne khazaanon se variety bhog lagaao। arthaat khazaana bhent karo। jab practical mein abhi se yeh roohaani rasam aarambha karenge tab hi bhakti mein yeh rasam chalti rahegi। suna is varsha kya karna hai। aaj svayan ke parivartan ki baaten sunaai। phir seva ki sunaavenge ki seva ke kshetra mein kya karna hai - achha –

aise sada sampanna moortiyaan raayalti ke nizi sanskaar vaali aatmaon, sada tilak, taaj,takhtadhaari aatmaon ko,har karma ka pratyaksha phal khaane vaali aatmaon ko baapdaada ka yaad-pyaar aur namaste।

party se mulaakaat

1 - jaadu mantra ki smriti se saphalta swaroop:-

jaadu mantra sada yaad rehta hai? jaadu ka mantra kaun sa hai? baap ki yaad hi jaadu ka mantra jaadu ke mantra dvaara jo siddhi chaaho to pa sakte ho। jaise sthool mein bhi kisi kaarya ki siddhi ke liye mantra japte hain। to yahaan bhi agar kisi kaarya mein vidhi chaahte ho to yeh mahaamantra hi vidhi swaroop hai aisa jaadu mantra jo sekend mein jaadu mantra kar do। arthaat parivartan kar do। to aisa jaadu mantra sada yaad rehta hai ki kabhi bhoolta hai। sada smriti to sada siddhi। kabhi-kabhi smriti hogi to saphalta nahin hogi,kabhi-kabhi hogi। to yeh varsha ‘sada’ko underline lagaane ka varsha hai। yaad rehna badi baat nahin,lekin sada yaad mein rehna yahi badi baat hai। ab sada ki baari aai hai। sada ka add karo to sada saphalta moorta rahenge। 2 - maaya ke vaar se bachne ka saadhan hai - vishwa se nyaara aur baap ka pyaara bano:- harek apne ko baap ke pyaare aur vishwa mein pyaare samajhte ho? jo baap ke pyaare bante hain woh vishwa se nyaare ban jaate hain। to jitna nyaaraapan hoga utna hi pyaara hoga- agar nyaara nahin to pyaara bhi nahin। jo baap ke pyaar mein lavleen rehte hain, khoye hue hote hain unhein maaya aakarshit kar nahin sakti। jaise waterproof kapda hota hai to ek boond bhi tikti nahin,aise jo lagan mein rehte, lavleen rehte woh maayaaprooph ban jaate hain। maaya ka koi vaar-vaar nahin kar sakta। baap ka pyaar avinaashi aur nisvaartha hai, iske bhi anubhvi ho aur alpakaal ke pyaar ke bhi anubhvi ho। woh pyaar is pyaar ke aage kuchh bhi nahin hai। baap aur main teesra na koi,aisi sthiti rehti hai। teesra beech mein aana arthaat baap se alag karna। teesra aata hi nahin to alag ho nahin sakte। jo sada baap ki yaad mein lavleen rehte woh siddhi ka pa lete hain। achha om shanti।