Avyakt murli du jeudi 25 janvier 1979

>

25-01-79om shanti avyakt baapdaadaamdhuban

sammaan dena hi sammaan lena hai

sarva ke baap, shikshak aur satguru shivbaaba bole :-

aaj bhaagyavidhaata baap sarva bhaagyashaali bachchon ka vishesh ek baat ka aadi se ab tak ka record (Record) dekh rahe the। kaun si baat ka? regard ka record dekh rahe the। regard (Regard) bhi vishesh brahman jeevan ke chadhti kala ka saadhan hai। jo regard dete hain vahi vishesh aatma vartamaan samay aur janam janmaantar bhi anya aatmaon dvaara regard lene ke paatra bante hain। baapdaada bhi saakaar srishti par part bajaate aadi kaal se pahle bachchon ko regard diya। bachchon ko svayan se bhi shreshtha maankar bachchon ke aage samarpan hua। pahle bachche peechhe baap, bachche sir ke taaj bane। bachche hi double poojya bante - bachche hi baap ko pratyaksha karne ke nimitta bante hain। baap ne bhi aadi kaal se regard rakha - aise hi follow father karne vaale bachche aadikaal se apna regard ka record bahut achha rakhte aaye hain। harek apne aapko chaik karo ki hamaara record ab tak kaisa raha।

record rakhne ke liye pahli baat hai - baap mein regard - doosri baat…baap dvaara mili hui knowledge ka regard - teesri baat - svayan ka regard - chauthi baat - jo bhi aatmaayen chaahe brahman parivaar va anya aatmaayen jo bhi samparka mein aati hain un aatmaon ke prati aatma ka regard। in chaaron hi baarten mein apne aapko chaik karo ki hamaara record kaisa raha। chaaron hi baaton mein kitni marks hain! chaaron hi baaton mein sampanna rahe hain va yatha shakti kis baat mein marks achhi hain aur kismen kam!

pahli baat - baap ka regard - arthaat sada jo hai jaisa hai vaise swaroop se, yathaartha pahchaan se baap ke saath sarva sambandhon ki maryaadaaon ko nibhaana। baap ke sambandh ka regard hai follow father karna। shikshak ke sambandh ka regard hai sada padhaai mein regular (Regular)aur pankchual (Punctual) rehna। padhaai ki sarva subject mein full atainshan dena - satguru ke sambandh mein regard rakhna - arthaat satguru ki aagya deh sahit deh ke sarva sambandh bhoolkar dehi swaroop arthaat satguru ke samaan niraakaari sthiti mein sthiti rehna। sada vaapas ghar jaane ke liye ever ready rehna। aise hi saajan ke sambandh ka regard - har sankalp aur second mein usi ek ki lagan mein aashik rehna। tumhi se khaaoon, tumheen se har kaarya mein sada sang rahoon…is vaphaadaari ko nibhaana। sakha va bandhu ke sambandh ka regard arthaat sada apna sarva baaton mein saatheepan ka anubhav karna। aise sarva sambandhon ka naata nibhaana hi regard rakhna hai। regard rakhna arthaat jaise kahaavat hai ek baap doosra na koi - baap ne kaha aur bachche ne kiya। kadam ke oopar kadam rakh chalna। manmat va parmat buddhi dvaara aise samaapta ho jaae jaise koi cheez hoti hi nahin। manmat va parmat ko sankalp se touch karna bhi svapnamaatra bhi na ho - arthaat avidya ho। sirf ek hi shreemat buddhi mein ho - suno to bhi baap se - bolo to bhi baap ka - dekho to bhi baap ko,chalo to bhi baap ke saath,socho to bhi baap ki baaten socho, karo to bhi baap ke sunaaye hue shreshtha karma karo। isko kaha jaata hai baap ke regard ka record।

aise chaik karo ki pahli baat mein record first class raha hai va second class। akhanda raha hai va khandit hua hai, atal raha hai ya maaya ki paristhitiyon pramaan regard ka record halchal mein raha hai। lakeer sada seedhi rahi hai va tedhi baanki bhi rahi hai।

doosri baat - knowledge ka regard - arthaat aadi se abhi tak jo bhi mahaavaakya uchchaaran hue un har mahaavaakya mein atal nishchay ho - kaise hoga, kab hoga, hona to chaahiye, hai to satya…is prakaar ke question uthaana bhi arthaat sookshm sankalp ke roop mein sanshay uthaana hai। yeh bhi knowledge ka dis regard hai।

aajkal ke alpakaal ke chamatkaar dikhaane vaale arthaat baap se vanchit karne vaale yathaartha se door karne vaale naamdhaari mahaan aatmaayen unhon ke liye bhi satavchan mahaaraaj kehte hain। to satguru jo mahaan aatmaon ka bhi rachta parampita hai uski satya knowledge mein question karna va sankalp uthaana yeh bhi royal roop ka sanshay arthaat disregard hai। ek question hota hai spashta karne ke liye - doosra question hota hai sookshm sanshay ke aadhaar se - isko kaha jaata hai disregard। baap to aise kehte hain lekin hona asambhav hai va mushkil hai - aisa sankalp bhi kis khaate mein jaavega - yeh chaik karo।

teesri baat - svayan ka regard - ismen bhi baap dvaara is alaukik shreshtha jeevan va brahman jeevan ke jo bhi title hain va anek gunon aur kartavya ke aadhaar par jo swaroop va sthiti ka gaayan he - jaise svadarshan chakradhaari - gyaan swaroop prem swaroop farishtepan ki sthiti - jo baap ne knowledge ke aadhaar par title diye hain aise apne ko anubhav karna va aisi sthiti mein sthit rehna। jo hoon vaisa apne ko samajhkar chalna - jo hoon arthaat shreshtha aatma hoon, direct baap ki santaan hoon, behad ke property ki adhikaari hoon,master sarvashaktivaan hoon aise jo hoon vaise samajhkar chalna isko kaha jaata hai svayan ka regard। main to kamjor hoon, meri himmat nahin hain। baap kehte hain lekin main nahin ban sakti,mera drama mein part hi peechhe ka hai, jitna hai utna hi achha hai, aise svayan se dilshikasta hona yeh bhi svayan ka disregard hai। yeh bhi chaik karo ki svayan ke regard ka record kya raha।

chauthi baat - aatmaon dvaara sambandh va samparka vaali aatmaon ka regard - iska arth hai har aatma ko chaahe brahman aatma, chaahe agyaani aatma ho lekin har aatma ke prati shreshtha bhaavna arthaat oonche uthaane ki va aage badhaane ki bhaavna ho, vishwa kalyaan ki kaamna ho isi dhaarna se har aatma se samparka mein aana yeh hai regard rakhna। sada aatma ke gunon va visheshtaon ko dekhna - avgun ko dekhte hue na dekhna va usse bhi ooncha apni shubh vritti se va shubhchintak sthiti se anya ke avgun ko bhi parivartan karna isko kaha jaata hai aatma ka aatma prati regard। sada apne smriti ki samarthi dvaara anya aatmaon ka sahayogi banna yeh hai regard। sada‘pahle aap’ ka mantra sankalp aur karma mein laana, kisi ki bhi kamjori va avgun ko apni kamjori va avgun samajh varnan karne ke bajaae va phailaane ke bajaae samaana aur parivartan karna yeh hai regard। kisi ki bhi kamjori ki badi baat ko chhota karna, pahaad ko raai banaana chaahiye na ki raai ko pahaad banaana hai। isko kaha jaata hai regard। dilshikasta ko shaktivaan banaana - sang ke rang mein nahin aana - sada umang ullaas mein laana isko kaha jaata hai regard। aise is chauthi baat mein bhi chaik karo ki ismen bhi kitni marks hain! samjha kaise regard dena hai। aise chaaron hi baaton mein regard achha rakhne vaale vishwa ki aatmaon dvaara regard lene ke paatra bante hain। arthaat ab vishwa kalyaankaari roop mein aur bhavishya vishwa mahaaraajan ke roop mein aur madhya mein shreshtha poojya ke roop mein prasiddha hote hain। to vishwa mahaaraajan banne ke liye record bhi aisa banaao।

regard rakhna arthaat regard lena hai। dena, lena ho jaata hai। ek dena aur das paana hai। sahaj hua na।

karnaatak vaale sada baap ke snehmoorta rehte hain - karnaatak ki dharni bahut sahaj hai। bhaavna ke kaaran dharni phaleebhoot hai। isliye vriddhi bahut hoti hai। karnaatak ki dharni ko sahaj sandesh milne ka drama anusaar vardaan hai। vishesh aatmaayen bhi is dharni se sahaj nikal sakti। lekin abhi aage kya karna hai! jo vriddhi hoti hai usko vidhipoorvak chalaana। sarvashaktiyon ke aadhaar se paalna mein sada mahaaveer banaana hain। sneh aur shakti ka balance rakhna yeh visheshta laani hai। vaise bholaanaath baap ke bhole bachche achhe hain। parvaane achchhen hain। baapdaada ko pasanda hain। abhi baap-pasanda ke saath lok pasanda bhi banna hai। achha –

aise sada baap ko follow karne vaale, aagyaakaari,vafaadaar,pharmaanvardaar,sada mahaadaani vardaani arthaat vishwa kalayaankaari,har aatma ko regard de aage badhaane vaale, sada shubhchintak aatmaon ko baapdaada ka yaad-pyaar aur namaste। om shanti।

‘‘baap-daada ke personal (party ke saath) uchchaare hue madhur mahaavaakya’’

1. sabhi apne ko holeehans samajhte ho? holi hans arthaat jo sada vyartha ko chhod samartha ko apnaane vaale hon। woh hans ksheer aur neer ko alag-alag karta hai lekin holeehans vyartha aur samartha ko alag kar vyartha ko chhod denge, samartha ko apnaayenge। jaise hans kabhi bhi kankad nahin chugenge - ratan ko dhaaran karenge, aise holeehans jo sada baap ke gunen ko dhaaran karen kisi ke bhi avgun arthaat kankad ko dhaaran na karen usko kaha jaata hai holeehans arthaat pavitra aatmaayen, shuddh aatmaayen। jaisa shuddh aatma hoga vaisa uska aahaar vyavhaar bhi shuddh hoga,holi hans ka aahaar bhi shuddh,vyavhaar bhi shuddh। ashuddhi khatma ho jaati hai। kyonki shuddh duniya mein ja rahe hain। jahaan apvitrata va ashuddhi ka naamnishaan bhi nahin। ab holeehans bante ho tab hi bhavishya mein bhi his holiness kahlaate ho। kabhi galti se bhi kiska avgun dhaaran na karne vaale, sada gale mein gun maala ho। shaktiyon ke gale mein bhi maala dikhaate hain, devtaaon ke gale mein bhi maala dikhaate hain। to sangam mein gunon ki maala dhaaran karne vaalon ki yaadgaar mein maala dikhaai hai। baap ke gunon ko dhaaran karte hue sarva ke gun dekhne vaale ho to yeh gunmaala sabhi ke gale mein padi hai? gunmaala dhaaran karne vaale hi vijay maala mein aate hain। to chaik karna chaahiye maala chhoti hai ya badi hai। jitne baap ke aur sarva ke gun svayan mein dhaaran karne vaale hain vahi badi maala dhaaran karne vaale hain। gunmaala ko sumiran karne se svayan bhi gunmoorta ban jaate hain। jaise baap gunmoorta hai vaise bachche bhi sada gunmoorta hain।

2. sada kamal pushpa ke samaan pravriti mein rehte har kaarya karte hue nyaare arthaat baap ke pyaare samajhte ho? jitna nyaara hoga uske nyaare pan ki nishaani hogi - baap ka pyaara hoga। baap ke pyaare kahaan tak bane hain - pyaare ki nishaani kya hai? jisse pyaar hota hai uski yaad svatah rehti hai। yaad karna nahin padta। agar aisa anubhav hota to samjho pyaare hain। pyaar ki nishaani svatah yaad, agar mehnat karni padti hai to kam pyaar hai। jahaan jaaen vahaan baap aur bachche ka milan mela hi ho,jaise combined hote hain to kabhi ek do se alag nahin ho sakte,aise apne ko combined anubhav karo। jahaan jaaenn vahaan baap hi baap, isko kaha jaata hai nirantar yogi। baap ki yaad mushkil na ho baap ko bhoolna mushkil ho। jaise aadhaakalpa karna mushkil tha vaise ab sangam par bhoolna mushkil ho,koi kitna bhi bhulaane ki koshish kare lekin abhul। aise pakke angad ke samaan, sankalp roopi naakhoon bhi maaya hila na sake - aise hi baap ke ati pyaare hain।

3. service mein koi na koi prakaar ka vighna va tainshan aane ka kaaran hai - svayan aur seva ka balance nahin,svayan ka atainshan kam ho jaane ke kaaran service mein bhi koi na koi prakaar ka vighna va tainshan paida ho jaata hai। service ke plan ke saath pahle apna plan banaao। maryaadaaon ke lakeer ke andar rehte hue service karo। lakeer se baahar nikal service karenge to saphalta nahin mil sakti। pahle apni dhaarna ki committee banaao। aapas mein plan banaao phir service vriddhi ko sahaj pa legi। 4. sada apne ko shama ke oopar phida hone vaale parvaane samajhte ho? parvaane ko sivaae shama ke aur kuchh soojhta nahin। jaise parvaana svayan ko mitaakar shama mein sama jaata hai vaise apne dehbhaan ko bhool baap samaan ban jaana isko kaha jaata hai samaan banna arthaat sama jaana। saara kalpa to beet chuka, ab sangam ko vardaan hai jo banne chaaho woh ban sakte ho। bhaagyavidhaata bhaagya ki lakeer abhi hi kheenchate hain, jo chaaho woh bhaagya banaao। achha - om shanti।