Avyakt murli du vendredi 30 novembre 1979

>

30-11-79om shanti avyakt baapdaadaamdhuban

svamaan mein sthit aatma ke lakshan

baap-daada harek bachche ko padmaapdam bhaagyashaali aatma dekhte hain। harek ki shreshtha praarabdha sada baap ke saamne hai aur yahi behad ke baap ko bachchon par naaz hai। itne sab bachche vishwa ke aage param-poojya hain। chaahe nambarvaar purushaarthi hain phir bhi last bachcha bhi duniya ke aage gaayan yogya aur poojyaneey hai। last bachche ka bhi abhi tak gaayan aur poojan chal raha hai। ek behad ke baap ke itne bachche aise yogya bante hain। ab socho ki sabhi kitne padmaapadma bhaagyashaali hain। ab tak bhi bhakta log aap nambarvaar devta dharma ki aatmaon ke darshan ke liye pyaase hain। chetan mein aise bhaagyashaali bane hain, aise yogya bane hain tab to abhi tak bhi unke darshan ke pyaase hain। isliye baap-daada ko 16hazaar ki maala ke last daane par bhi naaz hai। chaahe kaise bhi hon,albele purushaarthi hon, madhyam purushaarthi hon ya teevra purushaarthi hon lekin baap ke bane, poojneey aur gaayan yogya bane kyonki paarasnaath baap ke sang mein lohe se paaras to ban hi gaye। paaras ki value zaroor hoti hai। isliye kabhi bhi svamaan mein apne ko kam nahin samajhna। deh abhimaan mein nahin aana। svamaan mein rahne vaala kabhi bhi abhimaan mein nahin aa sakta। woh sada nirmaan hota hai। jitna bada svamaan utna hi ‘haan ji’mein nirmaan। svamaan vaala sabko maan dene vaala daata hota hai। chhote-bade, gyaani-agyaani,maayaajeet ya maayaavash, gunvaan ho ya koi ek-do avgunvaan bhi ho arthaat gunvaan banne ka purushaarthi ho lekin svamaan vaale sabhi ko maan dene vaale daata hote hain arthaat svayan sampanna hone ke kaaran sada merciful honge। daata athva merciful। kabhi kisi prakaar ki aatma ke prati sankalp maatra bhi raub mein nahin aayenge। ya raham hota hai ya raub hota hai। yeh ‘aisa kyon’, ‘aisa karna nahin chaahiye’, ‘hona nahin chaahiye’, ‘gyaan yeh kehta hai kya’,yeh bhi sookshm raub ka ansh hai। isliye merciful daata svamaan vaala sabhi ko maan dega, maan dekar oopar uthaayega। agar koi purushaarthi apni kamzori se ya albelepan ke kaaran neeche gir bhi jaate hain arthaat apni stage se neeche aa jaate hain to bhi aap svamaandhaari punya aatma ho। punya aatma ka kaam hai - gire hue ko uthaana, sahayogi banaana na ki ‘kyon gira’, ‘girna hi chaahiye’, ‘karmo ka phal bhog rahe hain’, ‘karenge to zaroor paavenge’, svamaandhaariyon ke sankalp mein bhi kisi ke prati aisa sankalp ya bol nahin nikal sakta। aise punya aatma parvash ko bhi svatantra banaayenge। raub ka ansh bhi nahin hoga। svamaandhaari isko kaha jaata hai। aise ko dehaabhimaan kabhi aa nahin sakta। baap-daada harek bachche ko aisi punya aatma ki nazar se dekhte hain। follow father। baambe nivaasi follow father karne mein hoshiyaar hai na?baambe hain hi baap ki। isliye saakaar baap ka aana bhi jyaada baambe mein hi hua। jitna baar saakaar mein aana hua utni paalna mili। to aisi punya aatma dharti nivaasi bhi aise punya aatma arthaat kisi ke paap ko bhi parivartan kar den। kisi ki bhi kami ko na dekhen lekin kamaal ko dekhen। to woh kami bhi kamaal mein parivartan ho jaayegi। punya bhoomi ke nivaasi aise mahaan ho na?baambe nivaasi to number one ever ready honge। kisi ghadi bhi vinaash jvaala prajvalit ho jaae uske pahle ever ready ho na? us samay to taiyaari nahin karne lagenge? yeh to nahin sochenge ki abhi sampanna nahin bane hain? praja nahin banaai hai?pahle se hi sab mein sampanna hona hai। prakriti bhi aapka intazaar kar rahi hai - daasi ban seva karne ke liye। daasi to zaroor maalik ka intazaar hi karegi na। isliye sada maalikpan ki stage par raho।

kumaaron ke saath - kumaar aur brahmaakumaar। pravritti ke jeevan mein bhi kumaar aur brahman jeevan mein bhi brahmaakumaar। sirf kumaar nahin lekin brahmaakumaar। agar sirf kumaar rahenge to maaya aayegi। brahmaakumaar rahenge to maaya bhaag jaayegi। to jaise brahma aadi dev hai brahmaakumaar bhi aadi ratan honge। aadi dev ke bachche master aadi dev। aadi ratan samjhenge to apne jeevan ke moolya ko jaanenge। aap sab prabhu ke ratan, eeshvar ke ratan ho, to aapki kitni value ho gai। sada apne ko aadi dev ke bachche master aadi dev, aadi ratan samjho to jo bhi kaarya karenge woh samartha hoga vyartha nahin। kumaar jitna service mein rahenge utna maayaajeet rahenge। apne ko free nahin rakhna।

apne ko akela na samjho, saathi ko saath rakho।

2. kumaar sab reeti se nirbandhan hain। laukik zimmevaari se bhi nirbandhan aur maaya ke bandhanon se bhi nirbandhan। koi bhi bandhan ke adheen nahin। bandhan mukta ki nishaani hai- sada yogayukta। yogayukta bandhan-mukta zaroor honge। man ka bhi bandhan nahin। laukik zimmevaari to khel hai। bandhan ki reeti se nahin lekin direction pramaan khel ki reeti se hansakar khelo to chhoti-chhoti baaten mein thakenge nahin। agar bandhan samajhte ho to tang hote ho। kya, kyon ka prashn uthta hai। lekin direction pramaan khel khel rahe hain aisa samajhne se athak rahenge। zimmevaar baap hai, aap nimitta hain। kumaar to double nirbandhan hain koi poonchh nahin hai। sada lucky rehna, ghabraana nahin, apne haath se bhojan banaana bahut achha hai। apne liye aur baap ke liye pyaar se banaao। pahle baap ko khilaao। apne ko akela samajhte ho to thak jaate ho। sada yeh samjho ki ham do hain,doosre ke liye banaana hai to vidhipoorvak pyaar se banaao to bahut achha lagega। kumaaron ka aapas mein group hona chaahiye,kabhi koi beemaar pade to ek ki duty ho। ek-doosre ki madad kar seva karo। kabhi bhi poonchh lagaane ka sankalp nahin karna, nahin to bahut pareshaan ho jaayenge। baahar se to pata nahin chalaate lekin agar laga diya to mushkil ho jaayegi। abhi to svatantra ho phir zimmevaari badh jaayegi। sabhi ne baap ko companion banaaya hai na? to ek companion chhodkar doosra banaaya jaata hai kya? ye to laukik mein bhi achha nahin maana jaata। to kumaar kabhi apne ko akela nahin samjho yadi akela samjha, to udaas ho jaayenge।

kumaar jvaala roop bankar jvaala jagaao to jaldi vinaash ho jaayega। aisi yog ki agni tez karo jo vinaash ki jvaala tez ho jaaen।

kabhi bhi kisi baat mein kyon aur kya karne vaale to nahin ho na? kisi bhi baat mein kyon kya woh karte hain jo master trikaaldarshi nahin। jo teenon kaalon ko jaante hain woh ‘kyon’, ‘kya’, nahin karenge। kyon-kya karne vaale chhote bachche hote hain, aap sab to vaanaprastha tak pahunch gaye ho na। vaanaprastha sthiti mein rahne se maaya se pare rahenge। jitni line clear hogi utna purushaarthi ki speed tej hogi। sabki line clear hai? kumaar to bahut kamaal kar sakte hain। roohaani youth group ho na। aajkal ke youth gavarnamenat ko bhi badalna chaahte hain to badal dete। woh karte hain destruction,nuksaan aur aap karenge kanastrakshan। aapko vinaash nahin karna hai। aap sthaapna karenge to vinaash aape hi ho jaayega।

vighnon ko apne liye paath samjho

kumaariyon ko kehte hain 100braahmanon se uttam ek kanya। aur kumaar kitnon se shreshtha hain। 7sheetlaaon ke saath ek kumaar dikhaate hain to aap 700braahmanon se uttam hue। kumaar haardavarkar hain, jo karna chaahen woh kar sakte hain। harek kumaar ko apna group taiyaar karna chaahiye। aapas mein rees nahin lekin race karo। maaya kitna bhi hilaane ki koshish kare lekin aap angad ke muaaphik zara bhi nahin hilo, naakhoon se bhi hila na sake। agar zara bhi kamzori ke sanskaar honge to maaya apna bana legi। isliye marjeeva bano, puraane sanskaaron se marjeeva। koi bhi vighna aapke liye paath hai,aap unke anubhvi bante-bante paas with honour ho jaayenge। kuchh bhi hota hai to usse paath le lena chaahiye। kyon-kya mein nahin jaana chaahiye।

kumaar to hain hi sada sevaadhaari। all-round seva -mansa-vaacha-karmana, sab mein sevaadhaari। agar itne sab all-round sevaadhaari hain to bahut haindas ho gaye। aap sab bahut kamaal kar sakte ho।

adhar kumaaron ke saath - aadhaakalpa aap darshan karne jaate rahe, abhi baap paramdham se aate hain aapke darshan ke liye। dekhne ko hi darshan kehte hain। baap bachchon ko dekhne ke liye aate hain। woh darshan nahin yeh darshan arthaat milna। aisa darshan jisse prasanna ho jaaen। adhar kumaar arthaat sada pavitra pravritti mein rahne vaale। behad ki pravritti mein sada sevaadhaari,had ki pravritti mein nyaare। adhar kumaaron ka group hai - kamal pushpon ka guldasta।

pravritti mein rehte vighna-vinaashak ki stage par rehte ho na? vighna-vinaashak stage hai - sada baap-samaan master sarvashaktivaan ki sthiti mein rehna। is sthiti mein rahenge to vighna vaar kar hi nahin sakte। agar sada master sarvashaktivaan ki sthiti mein nahin rehte to kabhi vighna-vash kabhi vighna-vinaashak। jitna samay vighnon ke vash ho utna samay laakh guna ghaate mein jaata hai। jaise ek ghanta saphal karte ho to laakh guna jama hota aise ek ghanta vesta jaata hai to laakh guna ghaata hota hai। isliye ab vyartha ka khaata banda karo। har second attention। bade-se-bade baap ke bade bachche ho to sada yeh attention do।

pravritti mein rehte sada maaya se nivritta। nyaara aur pyaara। nyaare hokar phir pravritti ke kaarya mein aao to sada maayaaprooph arthaat nyaare rahenge। nyaara sada prabhu ka pyaara hota hai। nyaaraapan arthaat trasteepan। trustee ki kisi mein attachment nahin hoti। kyonki meraapan nahin hota। to sabhi trustee ho na। grihasthi samjhenge to maaya aayegi। trustee samjhenge to maaya bhaag jaayegi। merepan se maaya ka janma hota hai। jab meraapan nahin to maaya ka janma hi nahin। jaise gandagi mein keede paida hote hain vaise hi jab meraapan aata hai to maaya ka janma hota hai। to maayaajeet banne ka sahaj tareeka - sada trustee samjho। ismen to hoshiyaar ho na? brahmaakumaar arthaat trustee। chaahe pravritti mein ho lekin ho brahmaakumaar na ki pravritti kumaar। jab brahmaakumaar ki smriti rehti hai to pravritti mein bhi nyaare brahmaakumaar ke bajaae koi aur sambandh samjha to maaya aayegi। isliye apna alaukik surname sada yaad rakho।

jaise laukik mein sab baaton ke anubhvi ho, aise master gyaansaagar ban gyaan ki gahraai mein bhi anek anubhav roopi ratnon ko praapta karte ja rahe ho na?jitna saagar ke tale mein jaate hain utna kya milta hai? ratna। aise hi jitna gyaan ki gahraai mein jaayenge utna anubhav ke ratan milenge aur aise anubhvi moortta ho jaayenge jo aapke anubhvon ko dekh aur bhi anubhvi ban jaayenge। aise anubhvi bane ho? ek hai gyaan sunna aur sunaana, doosra hai anubhvi moortta banna। sunna va sunaana - pahli stage, anubhvi moortta banna yeh hai last stage। jitna anubhvi honge utna avinaashi aur nirvighna honge। anubhvi ko badhaate jaao, har gun mein anubhvi moortta bano। jo bolo woh anubhav ho। paandav sab anubhvi moorta ho na? anubhvi ko koi hilaana bhi chaahen to hila nahin sakta। anubhav ke aage maaya ki koi bhi koshish saphal nahin hogi। maaya ke vighnon ke bhi to anubhvi ho gaye ho na? anubhvi kabhi dhokha nahin khaate। anubhav ka foundation mazboot ho।

sada purushaarthi ki teevragti se chalte raho। shuddh sankalp ka stock ho to vyartha khatma ho jaayega। jo roz gyaan sunte ho, usmein se koi-na-koi baat par manan karte raho। vyartha sankalp chalna arthaat manan shakti ki kami hai। manna karna seekho। ek hi shabd lekar ke uski guhyata mein jaao। apne aapko roz koi-na-koi topic sochne ko do, phir vyartha sankalp samaapta ho jaayenge। jab bhi koi vyartha sankalp aaye to buddhi se madhuban pahunch jaana। yahaan ka vaataavran, yahaan ka shreshtha sang yaad karenge to bhi vyartha khatma ho jaayega। line change ho jaayegi। adhar kumaar agar brahmaakumaar nahin bane aage nahin badh sakte।

apne ko sada padmaapdam bhaagyashaali aatma samajhkar har karma karo to har karma shreshtha hoga। aapke dvaara bahuton ko sandesh milta rahega। aap sab messenger ho। jahaan bhi jaao, jo bhi samparka mein aaye unhein baap ka parichay dete raho। beej daalte jaao। aise bhi nahin sochna itna kaha lekin aaye 2-4 hi। kisi beej ka phal jaldi nikalta hai kisi beej ka phal season mein nikalta hai। avinaashi beej hai, phal avashya dega, isliye beej daalte jaao arthaat message dete jaao। sada yaad aur seva ka belensa rakhte hue blissful bano।

kumaariyaan -kumaariyaan to hain hi baap ki seva ke haindas। sab brahma ki bhujaayen ho na? sabhi taiyaar ho? tokri vaali ho ya taaj vaali? ya hogi tokri ya hoga taaj। donon saath kaise rakhenge? sabhi sahayogi ho na?jab kahen tab taiyaar। direction pramaan chalne vaali ho na?agar tezi se chalna shuru karengi to manzil par pahunch jaayengi। kumaariyaan to hain hi sada santushta। kumaariyon ko maaya aati hai?jaise kumaariyon ko aur koi poonchh nahin to maaya ka poonchh kahaan se aaya। jaise aur sabse nirbandhan vaise maaya se bhi nirbandhan। kumaariyaan arthaat nirbandhan,koi bhi poonchh nahin।

kumaariyaan hain hi sada double light, na karmon ke bandhan ka bojh aur na aatma ke oopar pichhle sanskaaron ka bojh। sabhi bojhon se halke। aise ho na? kumaari arthaat svatantra,sab reeti se। sirf sambandh ki reeti se nahin,tan se nahin lekin man se bhi svatantra। aise halke ho na? jitna yaad mein speed badhaati jaayengi utna halki rahengi। yaad hi saadhan hai double light banne ka। to sada apne ko halka rakho। koi bhi baat aaye - donta care। jump de do to baat neeche rah jaayegi। halke bahut bada jump de sakte hain।

maataaon se -sabhi shaktiyon ke haath mein baap ki pratyakshata ka jhanda hai na? shaktiyon ko jaise aur shastra diye hain, ab shaktiyon ko baap ko pratyaksha karne ka jhanda lahraana hai। harek shakti dvaara baap pratyaksha ho jaae। tabhi jay-jaykaar ho jaayegi। shaktiyon dvaara baap ki pratyakshata hui hai tabhi sada shiv-shakti ikaththa dikhaaya hai। jo shiv ki pooja karenge woh shakti ki zaroor karenge। baap aur shaktiyon ka gahra sambandh hai। isliye pooja saath-saath hoti hai। shaktiyon ne baap ki pratyakshata ka jhanda lahraaya hai tabhi to pooja hoti hai। jhanda lahraana arthaat ooncha aavaaz ho। pratyakshata ka jhanda lahraana sab tak aavaaz sunaai de। baap-daada ko shakti sena par naaz hai। jinko kisi ne aage nahin badhaaya woh itni aage badheen jo saar vishwa ko badal den। jinhen logon ne na-ummed karke chhod diya,baap ne unhein ummeedvaar bana diya। pahle shakti peechhe shiv। apne ko bhi peechhe kiya। to aise shiv baap ko kabhi bhi bhoolna nahin। sada apna combined roop hi dekho aur combined roop mein chalo।

maataaon ko dekh kar bahut khushi hoti hai। maataayen gireen to charnon tak, chadhti hain to ekdam sir ka taaj। bahut gira hua bahut ooncha chadh jaae to khushi hogi na। maataaon ke liye to hai hi ek khushi ka jhoola। sada usi jhoole mein jhoolte raho। maataaon ko baap dvaara vishesh aage jaane ki lift mili hai। thoda-sa purushaarthi apna aur hazaar guna madad baap ki। ek kadam aapka aur hazaar kadam baap ke। maataaon ko sada vishesh khushi honi chaahiye ki kya se kya ban gai। na-ummeed se sarva ummeedon vaali jeevan ban gai,past ki jeevan mein kya the ab kya ban gaye। duniya bhatak rahi hai aur aap thikaane par,to khushi honi chaahiye na?

shaktiyaan apne shakti roop mein aa gai to sabhi ko vibrations phailta rahega। grihasthi mein rehte trustee hokar rahengi to nyaari rahengi। apna aur anya ka jeevan saphal banaane ke nimitta banenge। sada isi nashe mein raho ham kalpa pahle vaali gopiyaan hain। baap mila goya sab-kuchh mila। koi apraapta vastu hai hi nahin। baap ke saath sada khushi mein naachti raho, duhkh ka naam-nishaan bhi khatma।

shaktiyon ka mukhya gun hai nirbhay। maaya se bhi darne vaali nahin। aisi nirbhay ho? maaya chaahe sher ke roop mein aaye arthaat vikraal roop mein aaye lekin shaktiyaan us sher par bhi savaari karne vaali, itni nirbhay। jo nirbhay stage par rehte unka saakshaatkaar shakti roop ka hota। sada shastradhaari। duniya aapko isi roop mein namaskaar karne aayegi।

maataayen sirf baap ke saath sarva sambandh nibhaati rahen to number one le sakti hain। maataayen agar nashtomoha mein paas ho gai to bahut aage number le sakti hain। maataaon ke liye yahi subject zaroori hai। baap-daada maataaon ko extra, lift dete hain, kyonki jaante hain bahut bhatki hain,bahut duhkh dekhe hain abhi baap maataaon ke paanv dabaate hain arthaat sahayog dete hain। baap ko bahut taras padta hai। saari jeevan ganvaai,abhi thode samay mein paas ho jaao।