Avyakt murli du samedi 15 décembre 1979

>

15-12-79om shanti avyakt baapdaadaamdhuban

‘‘videshi bachchon ke saath avyakt baap-daada ki mulaakaat’’

aaj sabhi padmaapdam bhaagyashaali bachchon ko baap-daada bhi dekh harshit ho rahe hain। ek-ek vishwa ke show case ke andar amoolya ratna hain। harek ratna apni-apni value yatha-shakti jaante hain। lekin baap-daada sada sarva bachchon ki sampanna stage hi dekhte hain। vartamaan pharishta roop aur bhavishya devta roop, madhya ka poojya roop - teenon hi roop aadi,madhya aur ant ka dekhte hue harek ratna ki value ko jaante hain। harek ratna koton mein se koi aur koi mein bhi koi hai। aise hi apne ko samajhte ho na? ek taraph vishwa ki koton aatmaayen rakho or doosri taraph ek apne ko rakho to koton se bhi jyaada aap harek ka vartamaan aur bhavishya shreshtha hai। itna nasha sada rehta hai? aaj din tak bhi aapke poojya swaroop devi va devta ke roop ki bhakta log pooja kar rahe hain। aapke hi jad chitron mein chaitanya devtaaon ka aahvaan kar rahe hain। pukaar rahe hain, aao,aa karke ashaanti se chhudaao। bhakton ki pukaar, apni bhavishya mein hone vaali praja ka bhi aahvaan sunaai deta hai?

aaj ki raajneeti ki halchal ko dekh aap vishwa ke mahaaraajan mahaaraaniyon ko va vaikuntha raamraajya ko sab yaad kar rahe hain ki ab woh raajya chaahiye। raamraajya mein va satayugi vaikuntha mein aap sab baap ke saath-saath raajya-adhikaari ho na। to aap adhikaariyon ko aapki praja aahvaan kar rahi hai ki phir se woh raajya laao। aap sab shreshtha aatmaon ko unki aavaaz nahin pahunchti hai? sab chilla rahe hain, koi bhookh se chilla rahe hain, koi manhagaai se chilla rahe hain, koi tan ke rog se chilla rahe hain, koi man ki ashaanti se chilla rahe hain, koi tax se chilla rahe hain, koi parivaar ki samasyaaon se chilla rahe hain, koi apni kursi ki halchal ke kaaran chilla rahe hain, bade-bade raajya-adhikaari ek-doosre se bhaybheet hokar chilla rahe hain, chhote-chhote bachche padhaai ke bojh se chilla rahe hain। chhote se bade, sab chilla rahe hain। chaaron or ka chillaana aap sabke kaanon tak pahunchta hai?aise samay par baap ke saath-saath aap sab bhi tower oph pees ho। sabki nazar tower oph pees ki taraph ja rahi hai। sab dekh rahe hain - ha-haakaar ke baad jay-jaykaar kab hoti hai। to sab tower oph pees bataao, kab jay-jaykaar kar rahe ho? kyonki baap-daada ne saakaar roop mein nimitta aap bachchon ko hi rakha hai। to he saakaari pharishte, kab apne pharishte roop se vishwa ke duhkh door kar sukhdhaam banaayenge। taiyaar ho?

anootha prasaad

videshi to last is fast vaale hain na। fast gati se kab sarva ki sadgati kar rahe ho? ever ready ho? baap-daada sabko bachchon ke taraph hi ishaara karte hain। shaktiyon ki pooja jyaada hai। do taraph lambi line lagti hai। paandavon ki yaadgaar hanumaan ke paas aur shaktiyon ki taraph se vaishnav devi ke paas - donon ke paas lambi line lagti hai। din-pratidin line lambi hoti ja rahi hai। to sarva bhakton ko bhakti ka phal,gati-sadgati dene vaale ho na? to sada apne ko master gati-sadgati daata samajh, gati aur sadgati ka prasaad bhakton ko baanton, prasaad baantana aata hai। toli baantane ka abhyaas to hi hi gaya hai,ab yeh prasaad baantana hai।

aaj to vishesh videshiyon se milne aaye hain। aaj amritbele ka drishya sunaaya ki vishwa mein kya dekha। ek chillaana, doosra chalaana। ek taraph chilla rahe hain aur doosre taraph sab kaarya ko dhakke se chala rahe hain। sab baaton mein yeh sochte hain ki chalaana hi hai। jaise koi svayan nahin chal paata to dhakke se va aaaartiphishiyal pahiye lagaakar chalaate hain। aajkal ki bhaasha mein - har kaarya mein jab tak kisi-na-kisi saadhan ke pahiye nahin lagaate tab tak kaarya nahin chalta। to pahiye lagaane ka season hai? fashion hai। isse kya siddha hota hai ki vaise kaarya nahin chal sakta lekin dhakke se chala rahe hain athva pahiye lagaakar chala rahe hain। to aaj ka samaachaar tha - vishwa mein chillaana aur kaam va jeevan ko chalaana। isliye aajkal government bhi kaam chalaau hai। to chalaana aur chillaana,yahi aaj ke vishwa ki haalat hai। koi chilla raha hai koi chala raha hai। to suna,sansaar samaachaar।

videshiyon mein bhi visheshtaayen hain tab hi baap-daada ne door-door deshon se bhi apne bachchon ko dhoondh liya hai। kabhi svapna mein bhi socha tha ki kya ham aise baap ke sikeeldhe banenge? lekin baap to bachchon ko kone-kone se bhi chhaantakar apne parivaar ke guldaste mein laga dete hain। to sab bhinna-bhinna sthaan se aaye hue ek hi brahman parivaar ke guldaste ke variety pushpa ho।

videshiyon ki visheshta double videshi bachchon ko drama anusaar vishesh lift bhi mili hui hai। jis lift ke aadhaar se last so fast achhe hi ja rahe hain। woh lift ki gift kaun-si hai? videshiyon ki visheshta arthaat videshiyon ko vishesh lift isliye mili hui hai jo videsh mein sukh ke saadhan sab prakaar ke bhogkar ab thake hue hain aur bhaaratvaasi abhi shuru kar rahe hain। to videshiyon ka un alpakaal ke saadhnon se jaise jaise kisi ka pet bhar jaata hai na to uske aage kuchh bhi rakho,aasakti nahin jaati, vaibhvon se, vastuo se, alkaal ke sukhon se ji bhar chuka hai। isliye ek taraph se kinaara sahaj ho chuka tha aur jiski aavashyakta thi woh sahaara mil gaya। isliye sahaj hi ek baap doosra na koi,is sthiti ka anubhav kar rahe ho। tyaag kiya zaroor hai lekin ji bharne ke baad tyaag kiya hai। videshiyon ko yeh lift hai jo pahle se hi buddhi kinaare ho gai hai। aur sahaare ko dhoondhane ki vaayumandal mein shurooaat ho gai hai, isliye bhaaratvaasiyon ko chhodne mein mehnat lagti aur videshiyon ko chhodne mein mehnat nahin lagti। sahaj hi tyaag ho jaata। isliye bhaaratvaasiyon ka chhodne mein hriday videerna hota hai। videshiyon ka uchhal se, ek dhak se, chhoda aur chhoota। doosri baat videshiyon ke sanskaar svabhaav mein bhi yeh bhara hua hai ki jo socha woh kiya। donta care hain। jo socha woh karna hi hai। sochne vaale nahin ki yeh kya kahenge, woh kya kahenge! lok maryaada se pahle hi paar hain। isliye bhaaratvaasiyon se jyaada purooshaartha mein sahaj aur teevra jaate hain। unko lok maryaada jyaada hoti hai। double videshiyon ki lok maryaada pahle hi chhooti hui hai। aadhe naate pahle hi toote hue hain isliye last so fast jaate hain। samjha, videshiyon ki drama anusaar visheshta hain। agyaan ki baaten hain। lekin drama mein yeh sanskaar parivartan hone mein sahaj saadhan ban gaye hain - isliye videshiyon ko sahaj hota hai। videshi nashtomoha hone mein hoshiyaar hain,indian bhi videsh mein rahkar videsh ke vaataavran mein to aa jaate hain na। videshi jump lagaane mein hoshiyaar ho gae hain। samjha, videshiyon ki visheshta?

Australia party - Australia vaalon ne bahut achhi seva ki vriddhi ki hai। bichhudi hui aatmaon ko baap se milaane vaale roohaani sevaadhaari ho। ek-ek baap ke sameep aane aur laane vaala ratna hain। baap-daada bhi aise roohaani sevaadhaariyon ko dekh harshit hote hain। naye-naye bhi puraane lagte hain kyonki kalpa-kalpa ke adhikaari hain। Australia vaalon ki visheshta hai - bina koi vishesh sahayog ke bhi apne paanv par khade hokar baap ke sambandh, samparka ke aadhaar par seva ki, vriddhi ki to sabhi sada baap ke sameep apne ko anubhav karte ho? paandav sena jyaada hai ya shaktiyaan? (shaktiyaan) shaktiyon ka jhanda ooncha hai। mehnat paandavon ne ki hai aur jhanda shaktiyon ko diya hai। yahi achha hai kyonki shaktiyaan hain guide aur paandav hain guard। guard khud peechhe hokar guide ko aage rakhte hain। to shaktiyon guide bankar sabko raasta dikha rahi ho?shaktiyon ho ya kumaari? shaktiyon ki visheshta hai - sada maayaajeet। maaya arthaat vaar karne vaale ko apni savaari banaane vaali। aise ho na।

samaan banna hi saath rehna hai

baap-daada ne to videshi bachchon ko aahvaan 10-12 varsha pahle se hi kiya hai। itni sweet aatmaayen ho। sabhi sada baap-daada dvaara praapta hue sukh-shanti va aananda ke jhoole mein jhoolte rehte ho na?jo sada jhoole mein jhoolne vaale hain woh bhavishya mein bhi saakaar roop ke bhinna roop ke saath jhoole mein jhoolte hain। to sabhi shreekrishna ke saath jhoolenge na! jab baap ke samaan banenge tabhi baap ke saath jhoole mein jhool sakenge। nahin to door baithe dekhne vaale ban jaayenge! sada saath rahne vaale vahaan bhi saath-saath jhoolte hain। harek ne svarga jaane ki ticket book kar di hain! kaun-si class ki ticket book ki hai? air-condition ki ticket kinhen milegi? jo yahaan har condition mein safe rahenge। koi bhi paristhiti aa jaae, kaisi bhi samasyaayen aa jaaen lekin har samasya ko second mein paar karne vaale। air-condition ki ticket book karaane ke liye pahle yeh sartaaiphket chaahiye। jaise us ticket ke liye paise dete ho। aise yahaan ‘‘sada vijayi’’ banne ki mani chaahiye - jisse ticket mil sake। bahut mehnat karke mani ikatthi karke yahaan aaye ho na! yeh mani ikatthi karna usse bhi sahaj hai। jo sada baap ke saath rehte hain uski har second mein bahut hi kamaai jama hoti rehti hai। to itne samay mein kitni kamaai jama kar li hai? achha,naya plan kya banaaya hai?shaktiyon aur paandavon ka sangathan achha hai। aapas mein nirvighna ho,snehi aur sahayogi hokar chalte ho? koi khitkhit to nahin hoti? aur bhi jyaada se jyaada nirvighna sevaakendra banaao, tab inaam milega। jyaada centre bhi ho aur nirvighna bhi hon? (baapdaada hamaare paas Australia mein aayenge?)baap-daada to roz chakra lagaate hain। aap socho jab bachche baap ko yaad karte hain to baap kaise yaad ka return nahi denge?baap-daada sada amritbele har bachche ki sambhaal karne ke liye, dekhne ke liye vishwa-bhraman karte hain। aap rooh-roohaan nahin karte ho?aate hain tab to rooh-roohaan karte ho! roz rooh-roohaan karte ho ya kabhi-kabhi। ek hota hai baithna aur doosra hota hai - milan manaana, to baithte ho lekin powerful stage par baitho to sada sameep ka anubhav karenge।

jaadu ka shabd - baba

abhi to jab tak hain tab tak milte rahenge। baba kaha aur saath ka anubhav kiya। koi bhi baat aaye, second mein baba kaha aur saath ka anubhav kar liya। yeh baba shabd hi jaadu ka shabd hai। to jaise jaadu ki ring ya jaadu ki koi cheez apne saath rakhte hain, vaise ‘baba’ shabd apne saath rakho। to kabhi bhi kisi bhi kaarya mein koi bhi mushkil nahin aayegi। agar koi baat ho bhi jaae to ‘baba’ shabd yaad karne aur karaane se nirvighna ho jaayenge। baba-baba ka mahaamantra sada smriti mein rakho to sada aise anubhav karenge chhatrachhaaya ke neeche chal rahe hain।

Mauritius -sada baap dvaara mile hue khazaanon se khelte rehte ho na? jo laadle aur sikeeldhe hote hain, ve sada ratnon se khelte hain। to aap sabko bhi baap-daada dvaara akhut gyaan ratna praapta hue hain, usi akhut khazaane mein khelte rehte ho? inhi ratnon se khelne aur doosron ko bhi maalaamaal karne mein sada busy rehte ho na? yahi kaarya hai na?baaki pravritti to nimitta maatra hai। kyonki vartamaan samay aap sab marjeeva brahman jeevan ke bane ho। brahman jeevan ka karttavya hai - sunna aur sunaana। yahi niji kaarya hai। (baandheliyaan hain) baandheliya to pravritti mein rehte bhi nivritta rehti hai। har ghadi lagan rehti hai ki kis ghadi nirbandhan ban baap se milen। tan vahaan hai lekin man baap ke paas rehta hai। partantra tan ke hain man ke to nahin hai na। tan ko kitne bhi taalon mein rakhen, man ko to taala nahin laga sakte। agar maayaajeet hain to man svatantra hai। baandheliyaan apni vritti dvaara,shuddh sankalp dvaara, vishwa ke vaayumandal ko parivartan kar sakti hain। baandheliyon ko is seva ka bahut bada chance hai। aajkal mansa seva hi chaahiye kyonki vishwa ko aavashyakta hai - man ki shanti ki। to mansa dvaara shanti ke vibrations phaila sakti ho। shanti ke saagar baap ki yaad mein isi sankalp mein rehna, yahi mansa seva hai। automatic shanti ki kirnen phailti rahegi। to shanti ka daan dene vaali, mahaadaani ho na?

jahaan baap saath hai, vahaan koi kuchh bhi nahin kar sakta। agar koi thoda shor karte hain to bhi dheere-dheere thande ho jaayenge। jaise deepaavli ke machchhar nikalte hain aur samaapta ho jaate hain na। aap saagar ke bachche saagar ho,saare vishwa ko sachcha aarya banaane vaale ho - to koi kar hi kya sakta hai। taalaab saagar mein samaakar samaapta ho jaayenge। jitna aap log baap ko yaad karte ho,baap aapko padamguna yaad karte hain। isliye roz yaad ka return dene ke liye chakra lagaate hain। bachche bhale soye bhi pade hon, baap sarva bachchon ki dekh-rekh ka apna kaarya sada hi karte hain। koi catch karte hain koi nahin karte hain, woh hua bachchon ka purooshaartha। usi samay catch karo to bahut kuchh anubhav kar sakte ho। saare din ke liye ek khuraak mil jaayegi।

paper aana arthaat anubhvi banaana arthaat sada ke liye vighna-vinaashak ki degree lena। isliye jab paper aata hai to samajhna chaahiye ki class aage badh gaye। baapdaada sada bachchon ki raksha karte hain, isliye sada usi chhatrachhaaya mein raho।

sada isi nashe mein raho - ham double heere hain

nairobi party - sada last so fast jaane vaale vishesh (baap-daada) shama ke aage parvaane, sadaakaal ke liye jalkar marjeeva banne mein sada hoshiyaar hain। pakke parvaane ho na?parvaanon ko dekhkar shama bhi khush hoti hai। shama ko bhi naaz hota hai, aise parvaanon ke oopar। to sada baap ke smriti-swaroop bachche ho! jaise aap baap ko yaad karte ho vaise baap bhi aapko yaad karte hain। aap logon ne to baap ko indirect jad chitron dvaara chaitanya ko maalaayen pahnaane ki koshish ki aur baap sada bachchon ke gunon ki maala sumiran karte rehte hain। to kitne lucky ho! baap ko aatmaayen yaad karti hain aur aap mahaan aatmaon ko baap yaad karte hain। to baap se bhi oonche ho gaye। isliye bachchon ka sthaan baap ke taaj mein hai। taaj ke bhi valuable manke ho। jo real maniyaan hoti hain ya jo real heere hote hain, woh kitne chamakte hain। aajkal ke to sachche moti bhi jhoothe ke samaan hain। satayug mein to harek bulb ke muaaphik light dega। bahut chamkeela hoga। jaise yahaan koi bhi rang ki light karne ke liye bulb ke oopar kaagaz lagaate ho। hari light ke liye hara kaagaz,laal light ke liye laal kaagaz,aise vahaan jitne rang ke heere honge utni natural light bhinna-bhinna rang ki hogi। zara-si roshni aai aur jagamgaate hue kamre ka anubhav hoga। to aap sab baap-daada ke sir ke taaj ke sachche heere ho। ek heera chamakne vaala aur ek heera sabse shreshtha men part bajaane vaala, hero heroine। to double heera ho gaye na। sada isi nashe mein raho ki ham double heera hain।

nairobi ki khushbu vatan tak achhi aa rahi hai। himmat vaale bachche hain। itna bada group himmat ka hi saboot hai na। isse siddha hota hai ki nairaabi vaale baap-samaan sevaadhaari hain - tab to sabki seva karke yahaan tak laaye hain na। yeh seva ka pratyaksha proof hai। dridh nishchay ka phal mila hai na। nishchay buddhi bane aur baap ki madad se asambhav sambhav ho gaya। chhoti-si jhopdi se mahal mil gaya। baap-daada, aapne mahal (centre) dekha hain baap-daada to apna kaam nahin chhodte hain। baap sada bachchon ki sambhaal karte hain। laukik mein bhi dekho maa bachche ke aaspaas chakra zaroor lagaayegi, kyonki sneh hai। to baap-daada va maata-pita bachchon ke yahaan chakra kaise nahin lagaayenge। isliye roz chakra lagaate hain। baap-daada donon saakaar shareer se ashareeri hain। woh avyakt shareerdhaari, woh niraakaar। donon ko neend ki aavashyakta nahin hain, isliye jahaan bhi chaahen vahaan pahunch sakte hain।

abhi aphreeka mein kitne centre hain? aphreeka ki area to bahut badi hai,jaghajgah par jaao aur seva ko aage badhaate jaao। jisse aapko koi bhi ulaahna na de sake। aise bhi nahin, jahaan tahaan seva kendra kholo,seva ki,sandesh diya aur geetaapaath shaala kholkar aage badhte jaao।

man,vachan,karma ki seva ka balance

teachers ke saath - teachers ka arth hi hai - baap-samaan apne sankalp, bol aur har karma dvaara anekon ka parivartan karne vaali। sirf bol se nahin lekin sankalp se bhi sevaadhaari,karma se bhi sevdhaari। jo teenon hi seva mein saphaltaamoorta hote hain, vahi paas with honour ban jaate hain। teenon mein marks samaan hon। to aise hi paas with honour hone vaali teachers ho na?paas hone vaale to bahut honge lekin paas with honour vishesh hi honge। to kya lakshya rakha hai? roz apni dincharya ko check karo ki aaj saare din mein teenon sevaaon ka balance raha। balance rakhne se sarvagunon ki anubhooti karte rahenge। chalte-phirte svayan ko aur sarva ko sarvagunon ka anubhav kara sakenge। sab kahenge, ye gundaan karti hain kyonki divyagunon ka shrringaar spashta dikhaai dega। tabhi to ant mein devi ji, devi ji kahkar namaskaar karenge aur yahi ant ke sanskaar dvaapar se devi ki pooja ke roop mein chalenge। to aise ho na?ek-doosre ko baap ke gunon ka va svayan ki dhaarna ke gunon ka sahayog dete hue gunmoorta banaana, yeh sabse bade-te-badi seva hai। gunon ka bhi daan hai। jaise gyaan ka daan hai vaise gunon ka bhi daan hai।

abhi ek-ek ko 8-8, 10-10 centre sambhaalne padenge - tab kahenge service hui। abhi ek-ek centre 4-5 sambhaalte hain phir ek-ek ko anekon ki sambhaal karni padegi। abhi service ko aur aage badhaao।