Avyakt murli du mercredi 30 janvier 1980

>

30-01-1980 om shanti avyakt baapdaada madhuban

"sneh,sahayog aur shakti swaroop ke papers ki checking aur result"

aaj baap-daada chaaron or ke shreshtha bachchon ko dekh rahe hain। chaaron or ke bachchon ka ek hi sneh aur yaad ka sankalp hai। achhe-achhe service able, sahajyogi bachche baap-daada ke sada saath hain। door hote hue bhi sneh ke aadhaar par ati sameep hain। aaj baap-daada harek bachche ke sneh, sahayog aur shakti swaroop ki shreshtha moorta dekh rahe the। aadi se ab tak teenon hi visheshtaaon mein vishesh kitne marks rahe hain? sneh mein teen baaten vishesh dekheen –

1. atoot sneh - paristhitiyaan va vyakti sneh ke dhaage ko todne ki kitni bhi koshish karen lekin paristhitiyon aur vyaktiyon ki oonchi deevaaron ko bhi paar kar sada sneh ke dhaage ko atoot rakha hai। kaaran va kamzori ki gaanth baar-baar nahin baandhi hai। aisa atoot sneh hai।

2. sada sarva sambandhon se preeti ki reeti practical mein nibhaai hai। ek sambandh ki bhi preeti nibhaane mein kami nahin।

3. sneh ka pratyaksha return apne snehi moorta dvaara kitnon ko baap ka snehi banaaya hai। sirf gyaan ke snehi nahin ya purity ke snehi ya bachchon ke jeevnaprivarta na ke snehi nahin ya shreshtha aatmaon ke snehi nahin, lekin`direct baap ke snehi'। aap achhe ho, gyaan achha hai, jeevan achha hai - yahaan tak nahin,lekin baap achhe-se-achha hai। isko kaha jaata hai baap ke snehi banaana। to sneh mein in teen baaton ki visheshta dekhi।

2. sahayog mein - mukhya baat 1. nishkaam sahayogi hain? 2.sahayog mein mansa- vaacha-karmana,sambandh aur samparka mein in sabhi roop ke sahayogi sada rahe hain? 3. aise yogya sachche sahayogi kitne banaaye hain?

3. shakti swaroop –

1. master sarvashaktivaan bane hain ya shaktivaan।

2. samay par shaktiyon ke shastra ka laabh le sake ki shastra locker mein pade hue hain।

3. sva ki shaktiyon ki praapti dvaara auron ko master sarvashaktivaan kaho tak banaaya hai?

in teen baaton ki visheshta check kar rahe the। sunaaya na aajkal papers check ho rahe hain। to aaj yeh paper check hua। result kya hui? teenon ki total marks mein full paas,paas aur raham karke paas karne vaale, teenon nambarvaar rahe। full paas vaale aadhe se bhi kam। paas vaale 70% aur raham ke paas karne vaalon ki bhi lambi list thi। ab aage kya karna hain?

yeh result hai baap ke swaroop ki। abhi bhi baap ke roop mein chaik kar rahe hain। lekin final result mein baap ke saath-saath dharmaraaj bhi honge। us final result ke liye abhi sirf ek margin hai। last chance hai। woh kaun-sa?

1. ek to dil ke avinaashi vairaag dvaara apni beeti hui baaton ko, sanskaar roopi beej ko jala den। yeh jalaane ka yagya rachen।

2. yeh jalaane ke saathsaath amritvele se raat tak eeshvareey niymon aur maryaadaaon ko sada paalan karne ka vrat len।

3. nirantar mahaadaani ban,punya aatma ban praja ko daan karen। braahmanon ko sada sahayog dene ka punya karen। avinaashi daan-punya ka kaarya chalta rahe। chaahe mansa dvaara,chaahe vaani dvaara ya sambandh va samparka dvaara। aise high jump dene vaala double light ban, shreshtha purooshaartha dvaara udta panchhi ban result tak pahunch sakta hai। to final result tak aise purooshaartha karne ka chance hai। samjha। isliye checking ho rahi hai ki sunkar, samajhkar last chance len।

brahma baap bole - ``saakaar roop dvaara paalna hui, avyakt roop dvaara paalna ho rahi hai। ab jaise saakaar paalna vaalon ko samay-prati-samay bahut chance mile। ab avyakt paalna vaalon ko bhi yeh last chance ka vishesh hak milna chaahiye। isliye avyakt paalna vaalon ko aur saakaar aakaar donon ki paalna vaalon ko, donnon ki checking mein marks dene mein thoda antar rakha gaya hai। shuru vaalon ke papers aur avyakt paalna vaalon ke paper check karne mein peechhe vaalon ko 25% extra marks hain। isliye last chance jo chaahe so le sakte hain। abhi seetsa ki seeti nahin baji hai। isliye chance lo aur seat lo।

'' karnaatak vaale seat lene mein vaise bhi hoshiyaar hai। jaise yahaan nazdeek seat lena chaahte ho vaise final bhi nazdeek seat le lo। karnaatak vaale raaji sahaj hote hain na। sada gyaan ke raajon mein chalne vaale hain - naaraaj bhi nahin hote।

aise sada raajayukta, yogayukta,yuktiyukta karma karne vaale, aise sada shreshtha aatmaon ko, sada sarva shaktivaan baap ke sang ke rang mein rahne vaale,aisi roohaani roohon ko, mahaadaani,mahaapunya aatma bachchon ko baap-daada ka yaad-pyaar aur namaste।

videsh seva mein saphalta moorta banne ke liye baap-daada ka ishaara- videsh ki seva mein vishesh silence ki shakti jyaada saphal rahegi। kyonki vahaan ki aatmaayen ek second ki shanti ke liye bhi jagah-jagah bhatakti hain। to aisi bhatakti hui aatmaon ko ek to shanti aur doosra roohaani sneh do। sneh se shanti ka anubhav karaao। prem ka bhi abhaav hai aur shanti ka bhi abhaav hai isliye jo bhi programme karo usmein pahle to baap ke sambandh ke sneh ki mahima karo aur phir us pyaar se aatmaon ka sambandh jodne ke baad shanti ka anubhav karaao। chaahe drama karo, chaahe bhaashan karo, lekin bhaashan bhi aise hon jaise prem swaroop aur shant swaroop। donon ka balance ho। mukhya topic yeh ho,baaki bhinna-bhinna roop ho। bhaashan se bhi vahi anubhav karaao aur drama se bhi vahi anubhav karaao to variety prakaar se ek hi anubhav karaane se chhaap lagti hai। chaahe chhote-chhote programme rakho ya bada। lekin bada programme karne ke pahle samparka sameep ka, variety prakaar ki aatmaon ka banaana hai। to kya hoga? variety prakaar ki aatmaon ki seva karne se har prakaar ki aatmaayen usmein shaamil ho jaayengi। sahayogi ban jaayengi aur programme ki raunak ho jaayengi। vaise bhi variety achhi lagti hai na। to variety varga vaalon ka samparka aur sambandh pahle se hi banaane se koi bhi kaarya saphal ho jaata hai। baaki jo foreign service ke prati nimitta bane hue hain unko baap-daada vishesh seva aur sneh ke return mein padamguna yaad pyaar de rahe hain।

2. knowledge roopi chaabi lagaane se bhaagya ka khazaana praapta ho sakta hai - is sangamayug par bhaagya banaane ki knowledge roopi chaabi milti hai। chaabi lagaao aur jitna bhaagya banaana chaaho utna bhaagya ka khazaana le lo। sabhi chaabi lagaane mein to hoshiyaar ho na। chaabi mili aur maalaamaal ban gaye। jitna maalaamaal bante jaate hain utna svatah hi khushi rehti hai। to sabhi aise anubhav karte ho ki jaise koi jharne se paani nikalta rehta hai vaise khushi ka jharna sada bahta hi rahe - akhut aur avinaashi। baap-daada bhi sada sabhi ke bhaagya ka sitaara dekh harshit hote hain।