Avyakt murli du samedi 9 février 1980

>

09-02-1980 om shanti avyakt baapdaada madhuban

"madhuban nivaasiyon ki visheshta"

aaj vishesh madhuban nivaasi bhaagyashaali aatmaon se milne aaye hain। madhuban nivaasiyon ki mahima aaj din tak bhakta bhi ga rahe hain aur baahman bhi gaate hain kyonki jo madhuban dharti ki mahima hai to dharti par rahne vaalon ki mahima svatah hi mahaan ho jaati hai। madhuban vaalon ko drama anusaar sab baaton mein vishesh chance mila hua hai। baap-daada ki charitrabhoomi, karmabhoomi hone ke kaaran jaise sthaan ka sthiti par prabhaav padta hai,aise svasthiti mein shreshthata laane ka va teevra purushaarthi banaane ka sthaan hone ke kaaran bhi madhuban vaalon ko vishesh chance hai। mansa ko vishwa-kalyaankaari vritti mein shaktishaali banne ka arthaat vishwa-seva ka mukhya kendra `madhuban'hai। madhuban mein aaye hue mehmaanon ki mansa-vaacha-karmana seva ke saath-saath roohaani avyakt vaataavran banaane ki seva ka vishesh chance hai। madhuban vaalon ko dekh sarva aatmaayen sahaj follow karna seekhti hain। jaise madhuban behad ka hai vaise madhuban nivaasiyon ko bhi behad seva ka chance hai। apne karma ki praalabdha ke hisaab se to har aatma ko yatha karma tatha phal milta hi hai lekin jitni bhi aatmaayen aai unki seva hui aur tripta ho karke gai to itni sab aatmaon ki santushtata ka share madhuban nivaasi, mehmaananvaaji karne vaalon ka ban gaya na। ghar baithe agar seva ke sheyarsa jama ho gaye to visheshta hui na। aur madhuban vaalon ko pratyaksha phal milne mein bhi visheshta hai। bhavishya phal to ban hi raha hai। madhuban vaalon ko aur bhi vishesh lift hai। baap-daada ki paalna to milti hi hai,lekin saakaar roop mein nimitta bani hui shreshtha aatmaon ki bhi paalna milti hai, to double paalna ki lift hai aur bana-banaaya sab saadhan praapta hota hai to aise shreshtha bhaagyashaali apna shreshtha bhaagya jaan seva ke nimitta ban chalte ho? jaise karmana seva ke liye athak sevaadhaari ka sartiphket dekar jaate hain,aise teevra purushaarthi va nirantar sahajyogi ki sthiti ka sartiphket dete hain? donon sartiphket saath-saath mile tab kahenge yagya ki samaapti sameep hai। mehnat sabne achhi ki। raat-din jinhonne seva ke kaarya mein apna tan-man aur shaktiyon ka khazaana lagaaya, aise bachchon ko baap-daada bhi mubaarak dete hain। tyaag vaalon ko bhaagya natural khushi ke roop mein aur halkepan ki anubhooti ke roop mein usi samay hi praapta hota rehta hai। is nishaani se harek apne result ko check kar sakte hain ki kitna samay tyaag aur nishkaam bhaav raha, nimittapan ka bhaav raha ya beech-beech me aur bhi koi bhaav mix (Mix) hua। check kar aage ke liye change kar dena,yeh hai chadhti kala ka vishesh purooshaartha।

doosri baat - ek vishesh gun sabko sada aur sahaj dhaaran ho jaise ki mera niji gun hai। jab woh niji ban jaata hai to koshish nahin karni padti hai, natural jeevan hi woh ban jaata hai। woh vishesh gun hai -`ek doosre ki kamzori na dhaaran karo na varnan karo'।varnan hone se woh vaataavran phailta hai। agar koi sunaaye bhi to doosra shubh bhaavna se usse kinaara kar le। yeh nahin ki isne sunaaya, mainne nahin kaha - lekin suna to sahi na! jaise kahne vaale ka banta hai, sunne vaale ka bhi banta hai। percentage mein antar hai lekin banta to hai na? vyartha chintan ya kamzori ki baaten nahin chalni chaahiye। beeti hui baat ko bhi merciful ban sama do। samaakar shubh bhaavna se us aatma ke prati mansa seva karte raho। jab 5 tatvon ke prati bhi aapki shubh bhaavna hai,ye to phir bhi sahayogi brahman aatmaayen hain। bhale sanskaar ke vash koi ulta bhi kehta, karta ya sunta hai lekin aap us ek ko parivartan karo। ek se do tak, do se teen tak aise vyartha baaton ki maala ki deepmaala na ho jaae। yeh gun dhaaran karo। kisi ka sunna, sunaana nahin hai lekin samaana hai।sahayogi ban mansa se ya vaani se unko bhi aage badhaana hai। hota kya hai ek ka mitra hota us ek ka phir doosra mitra hota, doosre ka phir teesra hota, aise vyartha baaton ki maala bada roop lekar chaaron aur phail jaati hai। isliye in baaton ka attention। achha! madhuban ke paandavon ki unity (Unity) ki bhi visheshta hai। poori season nirvighna chale to nirvighna bhav ke vardaani ho gaye na! seva ki saphalta mein sab paas hain। seva nahin karte, lekin meva khaate ho। sarva brahman parivaar ki aasheervaad ke adhikaari banna, yeh meva khaaya ya seva ki?