Avyakt murli du mardi 20 janvier 1981

>

20-01-81om shanti avyakt baapdaada madhuban

"man,buddhi,sanskaar ke adhikaari hi vardaani moortta"

aaj vardaata aur vidhaata baap apne mahaadaani aur vardaani bachchon ko dekh rahen hain। varttamaan samay mahaadaani ka part sabhi yatha shakti baja rahe hain। lekin ab antim samay sameep aate hue vishesh vardaani roop ka part practical mein bajaana pade। mahaadaani vishesh vaani dvaara seva karte hain, lekin saath mein mansa ki percentage kam hoti hai। vaani kam aur mansa ki percentage jyaadi hoti hai। arthaat sankalp dvaara shubh bhaavna aur kaamna dvaara thode samay mein jyaada seva ka pratyaksha phal dekh sakte ho।

vardaani roop dvaara seva karne ke liye pahal svayan mein shuddh sankalp chaahiye। tatha anya sankalpon ko second mein control karne ka vishesh abhyaas chaahiye। saara din shuddh sankalpon ke saagar mein lahraata rahe aur jis samay chaahe shuddh sankalpon ke saagar ke tale mein jaakar silence swaroop ho jaae arthaat brake powerful ho। sankalp shakti apne control mein ho। saath-saath aatma ki aur bhi vishesh do shaktiyaan buddhi aur sanskaar, teenon hi apne adhikaar mein hon। teenon mein se ek shakti ke oopar bhi agar adhikaari kam hai to vardaani swaroop ki seva jitni karni chaahiye utni nahin kar sakte।

is varsha mein jitna hi maha kaarya, mahaayagya ka racha hai utna hi is mahaayagya mein mahaadaani ka part bhi vishesh bajaana hai। aur saath-saath aatma ki teenon shaktiyon ke oopar sampoorn adhikaar ki jo bhi kami ho usko bhi mahaayagya mein svaaha karna। jitna hi vishaal kaarya karna hai utna hi is vishaal kaarya ke baad sva chintak, shubh chintak, sarva shaktiyon ke master vidhaata, shreshtha sankalp dvaara master vardaata sada saagar ke tale ke andar ati meethe shant swaroop light aur might house ban isi swaroop ki seva karna।

jitna hi saadhnon dvaara seva ki stage par aana hai utna hi siddhi swaroop ban silence ke swaroop ki anubhooti karni hai। seva ke saadhan bhi bahut achhe banaaye hain। jitna vishaal seva ka yagya rach rahe hain, vaise hi vaise hi sangathit roop ka,jvaala roop shanti kunda ka mahaayagya rachna hai। yeh seva ka yagya hai - vishwa ki aatmaon mein vaani dvaara hal chalaana। hal chalaane mein halchal hoti hai। uske baad jo beej daalenge usko sheetalta ke roop se, silence ki paavan se sheetal jal daalenge tabhi sheetal jal padne se phal niklega। aise nahin samajhna ki mahaayagya hua to seva ka bahut part samaapta kiya। yeh to hal chala karke beej daalenge। mehnat jyaada ismen lagti hai। uske baad phal nikaalne ke liye mahaadaani ke baad vardaani ki seva karni pade। vardaani moortta arthaat svayan sada vardaanon se sampanna। sabse pahla vardaan kaun sa hai? sabhi ko divya janma milte hi pahla vardaan kaun-sa mila? vardaan arthaat jismen mehnat nahin। sahaj praapti ho jaae woh vardaan kya mila? harek ka alag-alag vardaan hai ya ek hi hai?sunaane mein to alag-alag apna vardaan sunaate ho na। sabhi ka ek hi vardaan hai jo bina mehnat ke,bina soche samjhe hue baap ne kaisi bhi kamjor aatma ko himmatheen aatma ko apna sveekaar kar liya। jo hai jaisa hai mera hai। yeh second mein varsen ke adhikaari banaane ki lottery kaho,bhaagya kaho,vardaan kaho,baap ne svayan diya। smriti ke switch ko on kar diya ki tu mera hai। socha nahin tha ki aisa bhaagya bhi mil sakta hai। lekin bhaagya vidhaata baap ne bhaagya ka vardaan de diya। isi second ke vardaan ne janmajanmaantar ke varse ka adhikaari banaaya, is vardaan ko smriti swaroop mein laana arthaat vardaani banna। baap ne to sabko ek hi second mein ek jaisa vardaan diya। chaahe chhota bachcha ho chaahe vriddha ho, chaahe bade occupation vaale hon, chaahe saadhaaran ho, tandaroosta ho va beemaar ho, kisi bhi dharma ke hon, kisi bhi desh ke hon,padha hua ho va anpadh ho sabhi ko ek hi vardaan diya। isi vardaan ko jeevan mein laana,smriti swaroop banna ismen number ban gaye। koi na nirantar banaaya,koi ne kabhi-kabhi ka banaay। is antar ke kaaran do maalaayen ban gai। jo sada vardaan ke smriti swaroop rahe unki maala bhi sada simri jaati hai। aur jinhonne vardaan ko kabhi-kabhi jeevan mein laaya va smriti swaroop mein laaya unhon ki maala bhi kabhi-kabhi simri jaati hai। woh vardaani swaroop arthaat is pahle vardaan mein sada smriti swaroop rahe। jo svayan baap ka sada bana hua hoga vahi auron ko bhi baap ka sada bana sakega। yeh vardaan lene mein koi mehnat nahin ki। yeh to baap ne svany apnaaya। is ek vardaan ko hi sada yaad rakho to mehnat se chhoot jaayenge। vardaan ko bhoolte ho to mehnat karte raho। ab vardaani moortta dvaara sankalp shakti ki seva karo।

is varsha svayan shaktiyon dvaara, svayan ke gunon dvaara nirbal aatmaon ko baap ke sameep laao। varttamaan samay majority mein shubh ichchha utpanna ho rahi hai ki aadhyaatmik shakti jo kuchh kar sakti hai woh aur koi kar nahin sakta। lekin aadhyaatmikta ki or chalne ke liye apne ko himmatheen samajhte। to ichchha roopi ek taang ab pratyaksha roop mein dikhaai de rahi hai। lekin unhein apni shakti se himmat ki doosri taang do। tab baap ke sameep chal karke aa sakenge। abhi to sameep aane mein bhi himmatheen hain। pahle to apne vardaanon se himmat mein laao। ullaas mein laao ki aap bhi ban sakte ho। tab nirbal aatmaaen aapke sahayog se varse ke adhikaari ban sakengi। langadon ko chalaana hai। tab aap vardaani moorton ka baar-baar shukriya maanenge। kuchh bhakta banenge,kuchh praja banenge aur koi phir last so fast bhi honge। to samjha is varsha kya karna hai?

jaise mahaayagya ki seva ki dhoom chaaron aur machaai hai vaise is yagya ke kaarya ke saath-saath shanti kunda ke vaayumandal, vibrations - usi dhoom chaaron or machaao। jaise mahaayagya ke naye chitra banaayen hain,jhaankiyaan bana rahe ho,bhaashan taiyaar kar rahe ho, stage taiyaar kar rahe ho, vaise chaaron or har brahman baap-samaan chaitanya chitra ban jaae, light aur might house ki jhaanki ban jaae, sankalp shakti ka, silence ka bhaashan taiyaar kare, aur karmaateet stage par vardaani moortta ka part bajaave tab sampoornata sameep aayegi। isi varsha mein ati vishaal seva kaarya jo karna hai woh bhi itna hi sangathit roop mein pratyakshata ka, ek bal ek bharose ka naara lekar seva ki stage par aana hai। sarva braahmanon ki anguli se kaarya ko sampanna karna hai। vaise hi is hi varsha mein sarva ke ek sankalp dvaara vardaani roop ka bhi aisa hi vishaal kaarya practical mein laana hai। samjha abhi kya karna hai?

aise aavaaj mein aate hue bhi aavaaj se pare sthiti mein sthit rahne vaale, apni himmat dvaara anya aatmaon ko himmat dene vaale, apni sameepta dvaara auron ko bhi sameep laane vaale langadi aatmaon ko daud ki race mein lagaane vaale,aise vardaani aur mahaadaani,baap-daada ke sameep aatmaon ko baap-daada ka yaadapyaar aur namaste।

daadi ji se - samay sameep aa raha hai va aap samay ke sameep aa rahi ho? svayan ko la rahe hain va samay svayan ko kheench raha hai? drama aapko chala raha hai ya aap drama ko chala rahe hain? master aap ho ya drama? rachta drama hai ya aap ho?

abhi kai baar vaani mein nikalta hai ki jo drama mein hoga vahi hoga। lekin aage chalte hue drama mein kya hona hai woh itna spashta touch hoga jo phir aisa nahin kahenge ki jo hona hoga woh hoga। athaarti se kahenge ki yahi drama mein hona hai। aur vahi hoga। jaise bhavishya praalabdha spashta hai vaise drama mein kya hona hai woh bhi spashta hoga। koi kitna bhi kahe ki yeh noondh hai nahin, bante hain va nahin bante,kya pata। to maanenge?nahin। jese is baat mein knowledgeful ke aadhaar par master ho gaye,bas hona hi hai। jo kal hona hai va ek second ke baad hona hai woh bhi itna athaarti se,knowledgeful ki power se spashtata ki power se aise bolenge ki yeh hona hi hai। jo hoga woh dekh lenge - nahin। dekha hua hai, aur vahi hoga। itna athaarti vaale bante jaayenge। yeh bhi ek athaarti hai na। banna hi hai, raajya hamaara hona hi hai। kitni bhi hilaane ki koshish koi kare lekin woh spashta hai jaise is point ki athaarti ho jaayenge। yeh tab hoga jab thoda sa ekaantavaasi honge। jitna ekaantavaasi honge utna tachingsa achhi aayengi। kya hona hai, yeh varttamaan samaan bhavishya kiliyar ho jaayega। abhi samay kam milta hai। parde ke andar drama ki yeh scene hai। yeh bhi anubhooti hogi। isliye kaha ki is varsha mein jitna seva ki halchal utna hi bilkul jes underground chale jaao। koi bhi nai invention aur shaktishaali invention hoti hai to utna underground karte hain to ekaantavaasi banna hi underground hai। jo bhi samay mile, ikaththa ek ghanta va aadha ghanta samay nahin milega। yeh bhi abhyaas ho jaayega। abhi-abhi baat ki, abhi-abhi5minute bhi mile to saagar ke tale mein chale jaayenge। jo aane vaala bhi samjhega ki yeh kahaan aur sthaan par hai। yahaan nahin hai। unke bhi sankalp brake mein aa jaayenge। vaani mein aana chahenge to aa na sakenge। silence dvaara aisa spashta uttar milega jo vaani dvaara bhi kam spashta hota। jaise saakaar mein dekha beech-beech mein kaarobaar mein rehte bhi gum avastha ki anubhooti hoti thi na। sunte-sunaate direction dete underground ho jaate the। to abhi is abhyaas ki lahar chaahiye। chalte-chalte dekhen ki yeh jaise ki gaayab hai। is duniya mein hai nahin। yeh pharishta is deh ki duniya aur deh ke bhaan se pare ho gaye। isko hi sab saakshaatkaar kahenge। jo bhi saamne aayega woh isi stage mein saakshaatkaar ka anubhav karega। jaise shuru mein saakshaatkaar ki lahar thi na। usi se hi aavaaj phaila na। chaahe jaadu athva kuchh bhi samajhte the parantu aavaaj to isse hua na। aisi stage mein jab anubhav samaan saakshaatkaar honge to phir pratyakshata hogi। naam baala hoga। saakshaatkaar hoga। pratyakshaphal anubhav hoga। isi pratyaksha phal ki season mein pratyakshata hogi। isi ko hi vardaani roop kaha jaata। jo aaye woh anubhav kar jaae। baat karte-karte khud bhi gum doosre ko bhi gum kar denge। yeh bhi hona hai। vaani dvaara kaarya chalaakar dekh rahe hain। lekin yeh anubhav karne aur karaane ki stage samasyaaon ka hal second mein karegi। time kam aur saphalta jyaada hogi। aajkal kisko bhi koi baat vaani dvaara do to kya kah dete? haan yeh to sab pata hai। knowledgeful ho gaye hain। second mein kahenge yeh to ham jaante hain। yahi sunne ko milega। yeh bhi sab samajh gaye hain ki phalaani bhool ki kya shiksha milegi। to ab naya tareeka chaahiye। woh yeh hai। anubhooti ki kami hai, points ki kami nahin hai। ek second bhi kisi ko anubhooti kara do,shakti roop ki, shanti roop ki to woh chup ho jaayenge।

personal mulaakaat -brahman jeevan ki visheshta hai anubhav। knowledge ke saath-saath har gun ki anubhooti honi chaahiye। agar ek bhi gun va shakti ki anubhooti nahin to kabhi-na-kabhi vighna ke vash ho jaayenge। abhi anubhooti ka course shuru karo। har gun va shakti roopi khazaane ko use karo। jis samay jiaas gun ki aavashyakta hai us samay uska swaroop ban jaao। jaise aatma ka gun hai prem swaroop, sirf prem nahin lekin prem swaroop mein aana chaahiye। jis aatma ko dekho use roohaani prem ki anubhooti honi ho। agar svayan ko va doosron ko anubhav nahin hota to jo mila hai use use nahin kiya hai। jaise aajkal bhi khazaana laakarsa mein pada ho to khushi nahin hoti। vaise knowledge ki reeti se buddhi ke laakar mein khazaane ko rakh na do, use karo। phir dekho yeh brahman jeevan kitna shreshtha lagta hai। phir vaah re main ka geet gaate rahenge। anubhvi ke bol aur knowledge vaale ke bol mein antar hota hai। sirf knowledge vaala anubhav nahin kara sakta। to check karo ki kahaan tak main anubhvi moortta bana hoon। kaun-si shakti kis percentage mein praapta ki hai aur samay par kaarya mein la sakte hain ya nahin। aisa na ho dushman aave aur talvaan chale nahin athva dhaal ke samay talvaar , aur talvaar ke samay dhaal yaad aa jaae। jis samay jis cheez ki aavashyakta hai vahi use karo tab vijayi ho sakenge।

is murli ka saar

1. vardaani roop dvaara seva karne ke liye pahle svayan mein shuddh sankalp chaahiye। sankalp shakti control mein ho। aatma ki teenon shaktiyaan adhikaar mein hon।

2. jitna ekaantavaasi honge utni touching achhi aaegi। kya hona hai - varttamaan samaan bhavishya spashta dikhaai dega।