Avyakt murli du vendredi 13 mars 1981

>

13-03-81om shanti avyakt baapdaada madhuban

"double roop se seva dvaara hi aadhyaatmik jaagriti"

aaj baap-daada sarva shubh chintak sangathan ko dekh rahe hain। shubh chintak arthaat sada shubh chintan mein rahne vaale, sva-chintan mein rahne vaale - aise sva-chintak va shubh chintak,sada baap dvaara mili hui sarva praaptiyaan,sarva khazaane va shaktiyaan,in praaptiyon ke nashe mein,saath-saath sampoorn pharishte va sampoorn devta banne ke nishaane ke smriti swaroop rehte hai?jitna nasha utna nishaana spashta hoga। sameep hone kaaran hi spashta hota hai। jaise apne purooshaartha ka roop spashta hai vaise sampoorn pharishta roop bhi itna heeh spashta anubhav hoga। banoonga ya nahin banoonga yeh sankalp bhi utpanna nahin hoga। agar aisa koi sankalp aata hai ki banna to chaahiye,va zaroor banenge hi। isse siddha hota hai apna pharishta swaroop itna sameep va spashta nahin। jaise apna brahmaakumaar brahmaakumaari ka swaroop spashta hai aur nishchaybuddhi hokar kahenge ki haan ham brahmaakumaar kumaari hain,aise nahin kahenge ki ham bhi brahmaakumaar kumaari hone to chaahiye। hoon to main hi। yeh ‘‘to' 'shabd nahin niklega। kahenge haan ham hi hain। kveshchan nahin uthega ki main hoon ya nahin hoon। koi kitna bhi cross egjaamin kare ki aap brahmaakumaar kumaari nahin ho, bhaarat ke hi brahmaakumaar kumaari hain,bade-bade mahaarthi brahmaakumaar kumaari hain,aap to videshi Christian ho, brahma to bhaarat ka hai, aap kaise brahma kumaar kumaari banenge! galti se Christian kumaar kumaari ke badle brahmaakumaar kumaari kehte ho। aisa koi kahe to maanenge? nahin maanenge na। nishchay buddhi ho uttar denge ki brahmaakumaar kumaari ham abhi ke nahin hain lekin anek kalpon ke hain। aisa nishchay se bolenge na। va koi poochhega to soch mein pade jaayenge? kya karenge? sochenge va nishchay se kahenge ki ham hi hain jaise yeh brahmaakumaar kumaari ka pakka nishchay hai, spashta hai, anubhav hai, aise hi sampoorn pharishta stage bhi itni kiliyar aur anubhav mein aati hai? aaj purooshaarthi hain kal pharishta। aisa pakka nishchay ho jo koi bhi is nishchay se taal na sake। aise nishchaybuddhi ho? pharishte swaroop ki tasveer spashta saamne hai! pharishte swaroop ki smriti, vritti,drishti,kriti va pharishte swaroop ki seva kya hoti hai uski anubhooti hai?kyonki brahmaakumaar va kumaari swaroop ki seva ka roop to harek yatha shakti anubhav kar rahe hain। is seva ka parinaam aadi se ab tak dekh liya। is roop ki seva ki bhi aavashyakta thi jo hui aur ho bhi rahi hai,hoti bhi rahegi।

aage chal samay aur aatmaon ki ichchha ki aavashyakta anusaar double roop ke seva ki aavashyakta hogi। ek brahmaakumaar kumaari swaroop arthaat saakaari swaroop ki, doosri sookshm aakaari pharishte swaroop ki। jaise brahma baap ki donon hi sevaayen dekhi। saakaar roop ki bhi, aur pharishte roop ki bhi। saakaar roop ki seva se avyakt roop ke sava ki speed tej hai। yeh to jaante ho, anubhvi ho na? ab avyakt brahma baap avyakt roopdhaari ban arthaat pharishta roop ban bachchon ko avyakt pharishte swaroop ki stage mein kheench rahe hain। follow father karna to aata hai na। aise to nahin sochte ham bhi shareer chhod avyakt ban jaaven। ismen follow nahin karna। brahma baap pharishta bana hi isliye ki avyakt roop ka agjaimpul dekh follow sahaj kar sako। saakaar roop mein na hote hue bhi pharishte roop se saakaar roop samaan hi saakshaatkaar karaate hain na। vishesh videshiyon ko anubhav hai। madhuban mein saakaar brahma ki anubhooti karte ho na। kamre mein ja karke roohroohaan karte ho na! chitra dikhaai deta hai ya chaitanya dikhaai deta hai। anubhav hota hai tab to jigar se kehte ho brahma baba। aap sabka brahma baba hai ya pahle vaale bachchon ka brahma baba hai? anubhav se kehte ho va knowledge ke aadhaar se kehte ho? anubhav hai? jaise avyakt brahma baap saakaar roop ki paalna de rahe hain। saakaar roop ki paalna ka anubhav kara rahe hain, vaise aap vyakta mein rehte avyakt pharishte roop ka anubhav karo। sabhi ko yeh anubhav ho ki yeh sab pharishte kaun hain aur kahaan se aaye hue hain! jaise abhi chaaron or yeh aavaaj phail raha hai ki yeh saphed vastradhaari kaun hain aur kahaan se aaye hain! vaise chaaron or ab pharishte roop ka saakshaatkaar ho। isko kaha jaata hai double seva ka roop। saphed vastradhaari aurasphed laaitdhaari। jisko dekh na chaahte bhi okh khul jaae। jais andhakaar mein koi bahut tej light saamne aa jaati hai to achaanak okh khul jaati hai na ki yeh kya hai,yeh kaun hai,kahaan se aai! to aise anokhi halchal machaao। jaise baadal chaaron or chha jaate hain, aise chaaron or pharishte roop se pragat ho jaao। isko kaha jaata hai - aadhyaatmik jaagriti। itne sab jo desh videsh se aaye ho, brahmaakumaar kumaari swaroop ki seva ki! aavaaj bulanda karne ki jaagriti ka kaarya kiya। sangathan ka jhanda lahraaya। ab phir naya plan karenge na। jahaan bhi dekhen to pharishte dikhaai den, london mein dekhen, india mein dekhen jahaan bhi dekhen pharishte-hi- pharishte najar aayen। iske liye kya taiyaari karni hai। woh to 10sootri programme banaya tha, iske kitne sootra hain? woh 10 sootri kaaryakram,yeh hai 16kala ke sootra ka kaaryakram। is par aapas mein bhi rooh-roohaan karna aur phir aage sunaate rahenge। plan bataaya ab programme banaana। mukhya theme bata di hai,ab detail programme banaana। aise sada shubh-chintan mein rahne vaale,shubh chintak,double roop dvaara seva karne vaale, double sevaadhaari, brahma baap ko follow karne vaale, niraakaar baap ko pratyaksha karne vaale, sada baap samaan sarva praaptiyon se sampanna aatmaon ko baap-daada ka yaad pyaar aur namaste।

personal mulaakaat teachers ke saath -teachers to hai hi sada bharpoor aatmaayen। drama anusaar nimitta bane ho, achhi mehnat kar rahe ho aur aage bhi karte hi rahenge। result achhi hai। aur bhi achhi hogi। samay sameep aane ke kaaran jaldi-jaldi seva ka vistaar badhta hi jaayega। kyonki sangam par hi treta ke ant tak ki praja, royal family aur saath-saath kaliyug ke ant tak ki apne dharma ki aatmaayen taiyaar karni hai। videsh ke sabhi sthaan picnic ke sthaan banenge lekin brahman aatmaayen to raajaai gharaane mein aayengi, vahaan raajaai nahin karni hai, raajaai to yahaan karenge। sab achhi seva kar rahe ho lekin abhi aur bhi seva mein, mansa seva powerful kaise ho iska vishesh plan banaao। vaacha ke saath-saath mansa seva bhi bahut door tak kaarya kar sakti hai। aise anubhav hoga। jais aajkal phalaaeeg saasar dekhte hain vais aap sabka pharishta swaroop chaaron or dekhne mein aayega aur aavaaj niklega ki yeh kaun hain jo chakra lagaate hain। is par bhi research karenge। lekin aap sabka saakshaatkaar oopar se neeche aate hi ho jaayega aur samjhenge yeh vahi brahmaakumaar kumaariyaan hain jo pharishte roop mein saakshaatkaar kara rahi hain। abhi yeh dhoom machaao। antah vaahak shareer se chakra lagaane ka abhyaas karo। aisa samay aayega jo plen bhi nahin mil sakega। aisa samay naajuk hoga to aap log pahle pahunch jaayenge। antah vaahak shareer se chakra lagaane ka abhyaas zaroori hai। aisa abhyaas karo jais practical mein sabdekhkar milkar aaye hain। doosre bhi anubhav karen - haan yeh jamaare paas wahin pharishta aaya tha। phir dhoondhane niklenge pharishton ko। agar itne sab pharishte chakra lagaayen to kya ho jaaye?automatically sabka attention jaayega। to abhi saakaari ke saath-saath aakaari seva bhi zaroor chaahiye। achha- abhi amritbele shareer se detach ho kar chakra lagaao।

prashn:- sabse bade te badi seva kaun-si hai jo tum roohaani sevaadhaariyon ko zaroor karni hai?

uttar:-kisi ke duhkh lekar sukh dena yeh hai sabse badi seva। tum sukh ke saagar baap ke bachche ho, to jo bhi mile unka duhkh lete jaana aur sukh dete jaana। kiska duhkh lekar sukh dena yahi sabse bade te bada punya ka kaam hai। aise punya karte-karte punyaatma ban jaayenge। punyaatma ban jaayenge।