Avyakt murli du jeudi 19 mars 1981

>

19-03-81 om shanti avyakt baapdaada madhuban

"vishwa ke raajya-adhikaari kaise bane?"

aaj baapdaada apne right haindas ko dekh rahe hain। baap ki kitni bhujaayen athak seva mein tatpar hain। ek-ek bhuja mein apni-apni visheshta hai। right hainda arthaat jo sada baapdaada ke direction pramaan har sankalp va har kadam uthaaven। baap ki bhujaayen bane ho isliye baapdaada bhi apni bhujaaon ko dekh harshit ho rahe hain। sabhi right hands ke haath mein kya hai? raajya bhaagya ka gola haath mein hain। chitra bhi dekha hai na krishna ke haath mein gola dikhaaya hai! to ek krishna akela thode hi raajya karega। aap sab bhi saath honge na। to aapka bhi chitra hai। kyonki adhikaari to ab bante ho। abhi ke adhikaareepan ke sanskaar 21 janma tak chalenge। abhi bhi raaje aur bhavishya mein bhi raaje banenge। abhi ke raajya-adhikaari hi vishwa ke raajya-adhikaari bante hain। to abhi ke raajya-adhikaari ho? raajya-kaarobaar sabki theek chal rahi hai? aap sabke raajya ka kya haal chaal hai? sabhi raajya kaarobaari la and order mein hain? yahaan hi agar kabhi-kabhi ke roolarsa honge to vahaan kya karenge? vahaan bhi ek-do janma ke raaje ban jaayenge। banna 21janmon ka hai to yahaan phir kabhi-kabhi ka kyon? yahaan ke sanskaar hi vahaan chalenge। to isliye sada ke raaje banna pade। Australia nivaasi to race kar rahe hain na sabhi se। kitne number tak pahunche ho? (diltakhta tak) usmein bhi number kaun-sa hai? phir bhi purooshaarthi achhe hain। maryaada purooshottam ke sanskaar bharne ka lakshya rakhne mein achhe hain। sachchi seetaayen ban lakeer ke andar rahne ke lakshya mein achhe himmat- vaan hain। raavan ki attraction mein to nahin aate ho na? raavan ke bahuroopon ko achhi tarah se jaan gaye ho?raavan ke bhi knowledgeful ban gaye ho? knowledge kam hone ke kaaran hi woh (raavan) apna bana sakta hai। knowledgeful ke aage woh najdeek bhi nahin aa sakte। chaahe sone ka,chaahe heere ka roop dhaaran kare। Australia mein raavan aata hai? vaar karne nahin, sikhaane aata hai na। raavan ko bhi aap sab aadhe kalpa ke mitra bade pyaare lagte ho। isliye chhodne nahin chaahta। phir kya karenge?uski mitrata nahin nibha- yenge? (nahin)

abhi raavan 10 bhujaaon se aapki 10prakaar ki seva karega। itni bhujaayen seva mein to lagaayega na। 10 bhujaaon ke jor se aapke liye bahut jaldi-se-jaldi aur bahut sundar-se-sundar raajya taiyaar karega। kyonki raavan bhi samajh gaya hai ki abhi ham raajya nahin kar sakenge lekin raajya taiyaar karke dena padega। koi bhi kaarya karna hota to kahne mein aata hai 10 naakhoon ka jor de yeh kaarya karna hai। to yeh prakriti ke 5 tatva aur saath-saath jo 5vikaar hain woh transfer hokar 5vishesh divya gunon ke roop mein aapki seva ke liye aayenge। phir to raavan ko dhanyavaad denge na। raavan ki bahut sena aapke liye bahut mehnat kar rahi hai। kitne lage hue hain। dekhte ho? videsh mein to vigyaan dvaara kitni taiyaariyaan kar rahe hain। yeh sab kiske liye ho raha hai? bolo - jamaare liye।

Australia vaalon ne dhairyata ka gun bahut achha dikhaaya hai। isliye baapdaada aaj vishesh picnic Australia vaalon se karenge। harek sthaan ki apni-apni visheshta hai। jo auron ko chance diya, aise chaansalarsa banne ke liye baapdaada sabhi ko vishesh ek gift de rahe hain। । kaun-si? vishesh ek shrringaar de rahe hain। woh hai - ‘‘‘sada shubh chintak ki chindi''। taaj ke saath-saath yeh chandi zaroor hoti hai। jaise aatma bindi chamak rahi hai aise mastak ke beech yeh chindi ki mani bhi chamak rahi hai। yeh saara hi shubhchintak group hai na। parchintan ko talaak dene vaale, sada shubh chintak। jab bhi koi aisi baat saamne aaye to shubh-chintak ki mani ki gift sada smriti mein rakho। to Australia mein sada powerful vibration,powerful service aur sada pharishton ki sabha dikhaai degi। shaktiyon aur paandavon ka sangathan bhi achha hai, seva ka umang bhi achha hai। seva to sab karte hain lekin saphalta swaroop seva woh hai jis seva mein kisi bhi sanskaar va sankalp ka vighna na ho। yahi baaten service ki vriddhi mein samay laga deti hain। isliye sada nirvighna sevaadhaari bano। Australia nivaasiyon ne kitne seva kendra khole hain? seva ka umang achha rahe phir bhale hi kahin bhi jaao। apneeseva samajh kaarya karo। aisa nahin yeh jarmani ki hai,yeh Australia ki hai nahin। baba ki seva va vishwa ki seva jamaari hai। isko kaha jaata hai - behad ki vritti। behad vritti vaale ho na। jahaan jaao apna hi hai। vishwa ke kalyaankaari ho, na ki sirf Australia ke va aas-paas ke। yeh to nimitta seva ki vriddhi kaaran niyam banaaye hain। achhi tarah se seva ko sambhaal saken isliye nimitta banaaya hai। abhi aage kya karna hai? sevaakendra bhi khole, geeta paathshaala bhi kholi। abhi kya karenge? (sookshm seva) sookshm seva ke saath-saath aur bhi kuchh karna hai। abhi Australia se koi aisa vi.aai.pi. nahin laaye ho। aisa vi.aai.pi laao jo bhaarat ki sarkaar ko unka svaagat karna pade। government tak aavaaj jaana arthaat aavaaj bulanda hona। abhi saare videsh mein se koi bhi sthaan aisi seva kare। na chaahte bhi bhaarat vaalon ke kaanon mein jabardasti bhi aavaaj pade। jaise kumbhakran ke chitra mein dikhaate ho na, amrit kaan mein daal rahe hain। to aisi seva ho tab kahenge videsh ka aavaaj bhaarat tak pahuncha। abhi chhoti chhoti tootaariyaan tak pahunche ho,bigul bajaana padega। phir aap sabko baapdaada bahut achhi gift denge। jab aisa aavaaj niklega tab jay-jaykaar ki shahnaaiyaan bajengi। nahin to bhaarat ke kumbhakran aise sahaj jaagne vaale nahin hain। ab to sirf ‘‘kya''kah karke kharraate maarte rehte। samjha, ab kya karna hai। videsh mein har sthaan par aisi himmat vaale hain। is vaari nairobi vaalon ne koshish bahut achhi ki। mehnat achhi ki। official programme banaayenge tab aavaaj hoga। personal pograam banaate to aavaaj bulanda nahin ho sakta। aap phir jab aisi seva karenge tak mahaayagya ki samaapti samaaroh karenge। abhi to aarambha kiya hai।

shakti sena aise lag rahi hai jaise bani banaai hai। soorat aur seerat donon hi shakti roop ke dikhaai de rahe hain। yooneephaarma bhi achhi hai, sabke badge bhi achhe chamak rahe hain। mehnat achhi ki hai। Australia nivaasi jitne hi shuru mein svatantra sanskaar ke rahe utna hi abhi maryaada mein bhi achhe rah rahe hain। abhi baap ke meethe bandhan mein aa gaye hain। sab achhe hain। jaise jevar hota hai unko swaroop mein laaya jaata hai yeh bhi jevar achhe taiyaar ho gaye hain। polish ho gai। paandav bhi serviceable achhe hain। regard dena aur regard lena,is mantra se sada sahaj seva ki vriddhi hoti rehti hai। abhi regard dene bhi seekh gaye hain। lene bhi seekh gaye hain। regard dena hi lena hai। yeh sada yaad rakho। sirf regard lene se nahin milega,lekin dene se milega। isliye ek do mein sneh aur unity achhi rehti। yeh mantra pakka yaad hain na।

deedi-daadi ko dekh -wireless set aapke paas hain na। jo second se bhi jaldi jahaan karttavya karaana ho vahaan wireless dvaara direction de sakte। kyokin jitni seva vriddhi ko praapta hoti jaayegi to phir yeh patra vyavhaar ya telegram, telephone aadi kya kar sakenge। aaj yeh to theek hain, kal nahin। phir saari seva kaise haindal karenge? iska bhi saadhan apnaana pade। haal bhi banaayenge, bhandaara bhi bana diya yeh to jo aayenge unhon ke liye theek hain lekin chaaron or ke sevaakendron ke itne vistaar ko kaise haindal karenge?sabko yahaan bulaayenge?queue to praja ki hogi vaaris to queue mein nahin aayenge na। isliye vishesh second mein karmaateet stage ke aadhaar se aapne sankalp kiya aur vahaan aise pahunchega jaise aap kehte ja rahe hain aur pahunch raha hai। aise bhi anubhav bahut hote rahenge jo samaachaar mein bhi aayenge ki aaj aisa anubhav hua। saakshaatkaar bhi honge aur sankalpon ki siddhi bhi hogi। abhi yeh vishe- shata aati jaayegi। mahaarthiyon ka purooshaartha abhi vishesh isi abhyaas ka hi hai। abhi-abhi karma yogi, abhi-abhi karmaateet stage। ek sthaan par khade hote bhi chaaron or sankalp ki siddhi dvaara seva mein sahayogi ban sakte ho।

bahut samay dena padta hai। jitna time dete ho utni hi khushi ki khaan sabke paas bharti ja rahi hai। aapka time dena arthaat khushi ki khaan bharna। doosron ki khushi ko dekh aur hi unhon ko umang utsaah dilaane ke liye sankalp hota hai। sab achha hi anubhav kar rahe hain। samay zaroor dena padta hai lekin samay ki saphalta hajaar guna jyaada ho jaati। isliye madhuban ki aakarshan sabko din-pratidin aur hi badhti jaati। yeh aap nimitta aatmaon ki seva ka phal hai।

Australia ke bhinna-bhinna sevaakendron se aaye hue bhaai-bahnon ke saath avyakt baapdaada ki madhur mulaakaat।

1. har kadam mein padmon ki kamaai jama ho rahi hai? aise apne ko padmaapdam bhaagyashaali anubhav karteho?saare din mein kitne padam jama hote hain?hisaab nikaal sakte ho?paandav milkar seva ko vriddhi mein la rahe hain, yeh bahut achha hai। sada ek do se santushta rehte ho? sab sada ekmat aur ekras hain, yeh bhi ek bahut achha example hai। ek ne kaha doosre ne maana, yeh hai sachche sneh ka respond। aise example ko dekh aur bhi samparka mein aane ke liye himmat rakhte hain। sangathan bhi seva ka saadhan ban jaata hai। ek baap, ek mat, yahi sanskaar satayug mein ek raajya ki sthaapna karte hain। nirvighna seva chal rahi hai na? koi khitkhit to nahin hai? jahaan maaya dekhti hai ki inki unity achhi hai, gheraav hai to vahaan aane ki himmat hi nahin rakhti। ek-ek apne ko seva ke nimitta samajhkar chalte hain। ek nahin lekin ham sab nimitta hain। baap ne nimitta banaaya hai, yeh smriti rahe to saphalta hoti rahegi। manan ki shakti se svayan ki stage bhi powerful hoti jaayegi।

2. sada apne ko nirbandhan aatma mahsoos karte ho? kisi bhi prakaar ka bandhan to nahin mahsoos karte?knowledgeful ki shakti se bandhanon ko khatma nahin kar sakte ho?knowledge mein light aur might donon hain na। knowledgeful bandhan mein kaise rah sakte hain? jaise din aur raat ikaththa nahin rah sakte, vaise master knowledgeful aur bandhan, yeh donon ikaththa kaise ho sakte। knowledgeful arthaat nirbandhan। beeti so beeti। jab naya janma ho gaya to past ke sanskaar abhi kyon emerge karte ho?jab brahmaakumaar-kumaari ban gaye to bandhan kaise ho sakta? brahma baap nirbandhan hai to bachche bandhan mein kaise rah sakte?isliye sada yeh smriti mein rakho ki ham master knowledge- full hain। to jaisa baap vaise bachche।

3. sada saphalta hamaara janma siddha adhikaar hai, itna nasha rehta hai? saphalta hogi ya nahin hogi yeh question hi nahin। saphalta moortta hain - aise nasha rehta hai? master shikshak ho na। jaise baap shikshak ki kvaaleephikeshan hai vaise master shikshak ki bhi hogi na। baap samaan bane ho na? (haan) yeh haan-haan ke geet achha gaati hain। isse siddha hai ki yeh baap ke gun sabhi ko sunaakar dance karti karaati hain। kumaariyon ko dekh karke baapdaada bahut khush hote hain। kyonki kumaar aur kumaariyaan tyaag kar tapasvi aakar bane hain। bachchon ke tyaag ki himmat dekh, tapasya ka umang dekh baapdaada khush hote hain। baap ki mahima to bhakta karte hain lekin bachchon ki mahima baap karte hain। kitne janma aapne maala simran ki? abhi baap return mein bachchon ki maala simran karte hain। aap log dekhte ho kis samay baap maala simran karte hain? (amritbele) to jis samay baap maala simran karte us samay aap so to nahin jaate ho? shaktiyaan to sone vaalon ko jagaane vaali hain। khud kaise soyengi? result achhi hai। certificate milna bhi luck hai। Australia vaalon ko achha certificate mil raha hai। apni phulvaadi ko nishchay aur himmat ke jal se seenchate rahne se vriddhi ko paate rahenge। vriddhi hoti rahegi।

nirmala behen ko - baapdaada jitni bhi mahima kare utni kam hai, aise mahima yogya ratan ho। jaisa naam hai vaise nimaarkanchitta ke gun se vijayi bani ho। sahanshakti aur saamna karne ki shakti ke aadhaar par sarva sthaanon ko nirvighna banaaya hai। to baapdaada pratyaksha- phal ko dekhkar bahut khush hain। isliye sada vishesh aatmaon ki list mein ho। sada baap ki madad milti rehti hai aur milti rahegi। vishesh bachchi ke mastak par sada baap ka haath hai। sada yahi chitra apne paas rakhna। sarva daivi parivaar ka bhi sneh aur certificate hai।

murli ka saar –

1. abhi ke adhikaari pan ke sanskaar 21 janma tak chalenge, abhi ke raajya-adhikaari hi vishwa ke raajya-adhikaari bante hain।

2. jaise raat din ikaththa nahin rah sakte vaise master knowledgeful aur bandhan donon ikaththa nahin ho sakte। knowledgeful ki shakti se bandhanon ko khatma karo।