Avyakt murli du dimanche 29 mars 1981

>

29-03-81 om shanti avyakt baapdaada madhuban

"gyaan ka saar ‘main’aur ‘mera baba’"

baapdaada sabhi bachchon ko sampanna swaroop banaane ke liye roj-roj bhinna-bhinna prakaar se points bataate rehte hain। sabhi points ka saar hai - sabhi ko saar mein samaae bindu ban jaao। yeh abhyaas nirantar rehta hai? koi bhi karma karte hue yeh smriti rehti hai ki - main jyotibindu in karmendriyon dvaara yeh karma karaane vaala hoon। yeh pahla paath swaroop mein laaya hai? aadi bhi yahi hai or ant mein bhi isi swaroop mein sthit ho jaana hai। to second ka gyaan, second ke gyaan swaroop bane ho?vistaar ko samaane ke liye ek second ka abhyaas hai। jitna vistaar ko samaane ke liye ek second ka abhyaas hai। jitna vistaar mein aana sahaj hai utna hi saar swaroop mein aana sahaj anubhav hota hai?saar swaroop mein sthit ho phir vistaar mein aana, yeh baat bhool to nahin jaate ho?saar swaroop mein sthit ho vistaar mein aane se koi bhi prakaar ke vistaar ki aakarshan nahin hogi। vistaar ko dekhte, sunte,varnan karte aise anubhav karenge jaise ek khel kar rahe hain। aisa abhyaas sada kaayam rahe। isko hi ‘sahaj yaad' kaha jaata hai।

jeevan ke har karma mein do shabd kaam mein aate hain, chaahe gyaan mein, chaahe agyaan mein। woh kaun se? - main aur mera। in do shabdon mein gyaan ka bhi saar hai। main jyoti-bindu va shreshtha aatma hoon। brahmaakumaar va kumaari hoon। aur mera to ek baap doosra na koi। mera baba ismen sab aa jaata hai। mera baba arthaat mera varsa ho hi gaya। to yeh ‘main' aur ‘mera' do shabd to pakka hai na! mera baba kahne se anek prakaar ka mera sama jaata hai। to do shabd smriti mein laana mushkil hai va sahaj hai? pahle bhi yeh do shabd bolte the, abhi bhi yahi do shabd bolte lekin antar kitna hai? main aur mera yahi pahla paath bhool sakta hai kya?yeh to chhotaasa bachcha bhi yaad kar sakta hai। aap knowledgeful hona। to knowledgeful do shabd yaad na kar saken,yeh ho sakta hai kya! isi do shabdon se maayaajeet, nirvighna,master sarvashaktivaan ban sakte ho। do shabdon ko bhoolte ho to maaya hajaaron roopon mein aati hai। aaj ek roop mein aayegi, kal doosre roop mein। kyonki maaya ka mera-mera'bahut lamba chauda hai। aur mera baap to ek hi hai। ek ke aage maaya ke hajaar roop bhi samaapta ho jaate hain। aise maaya jeet ban gaye ho? maaya ko talaak dene mein time kyon lagaate ho? second ka sauda hai। usmein varsha kyon lagaate ho। chhodo to chhooto। sirf ‘mera baba',phir usmein hi magan rahenge। baap ko baar-baar yahi paath padhaana padta hai। doosron ko padhaate bhi ho phir bhi bhool jaate ho। doosron ko kehte ho yaad karo, yaad karo। aur khud phir kyon bhoolte ho? kaun-si date fix karenge jo abhul ban jaao। sabhi ki ek hi date hogi ya alag-alag ho sakti hogi? jitne yahaan baithe ho unhon ki ek hi date ho sakti hai। phir baaten karna to khatma ho gaya। khush khabri bhal sunaao, samasyaayen nahin sunaao। jaise mela va pradarshani karte ho to udghaatan ke liye kainchi se phoolon ki maala katvaate ho। to aaj kya karenge? khud hi kainchi haath mein uthaayenge। woh bhi do taraph jab milti hai tab cheez katti hai। to gyaan aur yog donon ke mel se maaya ki samasyaaon ka bandhan khatma ho gaya, yeh khushkhabri sunaao। aaj isi samasyaaon ke bandhan ko kaatne ka din hai ek second ki baat hai na?taiyaar ho na?jo sochkar phir yeh bandhan kaatenge woh haath uthaao। phirto sab double videshi teevra purooshaarthi ki list mein aa jaayenge। sunne samay hi sab ke chehre change ho gaye hain to jab sada ke liye ho jaayenge to kya ho jaayega? sabhi chalte phirte avyakt vatan ke pharishte najar aayenge। phir sangamayug pharishton ka yug ho jaayega। isi phirashton dvaara phir devtaay pragat honge। pharishton ka devtaayen bhi intajaar kar rahe hain। woh bhi dekh rahe hain ki jamaare aane ke liye yogya stage taiyaar hai। pharishta aur devta donon ka last ghadi mel hoga। devtaayen aap sab pharishton ke liye varmaala lekar ke intajaar kar rahe hain pharishton ko varne liye। aapka hi devpad inta- jaar kar raha hai। devtaaon ki praveshta sampanna shareer mein hogi na। woh intajaar kar rahe hain ki yeh 16 kala sampanna banen aur varmaala pahnen। kitni kala taiyaar hui hai। sookshm vatan mein sampanna pharishte swaroop aur devtaaon ke milan ka drishya bahut achha hota hai। pharishton ke bajaae jab purooshaarthi swaroop hota to devtaayen bhi door se dekhte rehte। samay ke pramaan sameep aate-aate bhi sampanna na hone ke kaaran rah jaate hain। yeh varmaala pahnaane ki date bhi fix karni padegi। yeh phir kaun-si date hogi? date fix hone se‘jaisa lakshya vaise lakshan' aa jaate hain। woh date to aaj ho gai। to yeh bhi najdeek ho jaayegi na। kyonki nirvighna bhav ki stage kuchh samay lagaataar chaahiye। tab bahutkaal nirvighna raajya kar sakenge। abhi samasyaaon ke aur samaadhaan ke bhi knowledgeful ho gaye ho। jo baat kisse poochhte ho usse pahle knowledge ke aadhaar se samajhte bhi ho ki yeh aisa hona chaahiye। doosre se mehnat lene ke bajaay, samay ganvaane ke bajaay kyon na usi knowledge ki light aur might ke aadhaar par second mein samaapta karke aage badhte ho? sirf kya hai ki maaya door se aisi parchhaai daalti hai jo nirbal bana deti hai। aap usi ghadi connection ko theek karo। connection theek karne se master sarvashaktivaan svatah ho jaayenge।

maaya connection ko hi dheela karti hai uski sirf sambhaal karo। yeh samajh lo ki connection kahaan loose hua hai tab nirbalta aai hai। kyon hua, kya hua yeh nahin socho। kyon kya ke bajaae connection ko hi theek kar do to khatma। sahayog ke liye samay bhal lo। yog ka vaayumandal vibration banaane ke liye sahayog bhal lo,baaki aur vyartha baaten karna va vistaar mein jaana iske liye koi ka saath na lo। woh ho jaayega shubhchintan aur woh ho jaayega parchintan। sab samasyaaon ka mool kaaran connection loose hona hai। hai hi yeh ek baat। mera drama mein nahin hai,mere ko sahayog nahin mila, mere ko sthaan nahin mila। yeh sab phaaltu baaten hain। sab mil jaavega sirf connection ko theek karo to sarva shaktiyaan aapke aage ghoomengi। kahaan jaane ki phursat hi nahin hogi। baapdaada ke saamne jaakar baith jaao to connection jodne ke liye baapdaada aapke sahayogi ban jaayenge। agar ek do second anubhav na bhi ho to confuse na ho jaao। thoda sa jo toota hua connection hai usko jodne mein ek second va minute lag bhi jaata hai to himmat nahin haaro। nishchay hi foundation ko hilaao nahin। aur hi nishchay ko paripakva karo। baba mera, main baba ka - isi aadhaar se nishchay ki foundation ko aur hi pakka karo। baap ko bhi apne nishchay ke bandhan mein baandh sakte ho। baap bhi ja nahin sakte। itni athaarti is samay bachchon ko mili hui hai। athaarti ko,knowledge ko use karo। parivaar ke sahayog ko use karo। complaint lekar nahin jaao, sahayog ki bhi maang nahin karo। programme set karo, kamjor ho kar nahin jaao, kya karoon, kaise karoon, ghabra ke nahin jaao। lekin sambandh ke aadhaar se, sahayog ke aadhaar se jaao। samjha! second mein seedhi neeche, second mein oopar, yeh sanskaar change karo। baapdaada ne dekha hai - double videshi neeche bhi jaldi utarte, oopar bhi jaldi jaate। naachte bhi bahut hain lekin ghabraane ki dance bhi achhi karte hain। abhi yeh bhi parivarttan karo। master knowledgeful ho,phir yeh dance kyon karte ho?

sachchaai aur saphaai ki list ke kaaran aage bhi badh rahe hain। yeh visheshta number one hai। is visheshta ko dekh baapdaada khush hote hain। ab sirf ghabraane ki dance ko chhodo to bahut fast jaayenge। number bahut aage le lenge। yeh baat to sabko pakki hai ki ‘last so fast, fast so first'। khushi ki dance bhal karo। baap ka haath chhodte ho to baap ko bhi achha nahin lagta ki yeh kahaan ja rahe hain! baap ke haath mein haath ho phir to ghabraane ki dance ho nahin sakti। maaya ka haath pakadte ho tab woh dance hoti hai। baap ka itna prem hai aap logon se,jo doosre ke saath jaana dekh bhi nahin sakte। baap jaante hain ki kitna bhatak kar pareshaan ho phir baap ke paas pahunche hain,to confuse karne kaise denge? saakaar roop mein bhi dekha, sthool mein bhi bachche kahaan jaate the to bachchon ko kehte the - ‘aao bachche, aao bachche।' jab maaya apna roop dikhaave to yeh shabd yaad karna।

amritvele ki yaad paavarphal banaane ke liye pahle apne swaroop ko powerful banaao। chaahe bindu roop ho baitho, chaahe pharishta swaroop ho baitho। kaaran kya hota hai svayan apna roop change nahin karte। sirf baap ko us swaroop mein dekhte ho। baap ko bindu roop mein ya pharishte roop mein dekhne ki koshish karte lekin jab tak khud nahin bane hain tab tak milan mana nahin sakte। sirf baap ko us roop mein dekhne ki koshish karna yeh to bhakti maarga samaan ho jaata,jaise woh devtaaon ko us roop mein dekhte aur khud vaise ke vaise hote। usi samay vaayumandal khushi ka hota। thode samay ka prabhaav padta lekin woh anubhooti nahin hoti। isliye pahle svasva roop ko change karne ka abhyaas karo। phir bahut powerful stage ka anubhav hoga।

deedi se - variety dekh karke khushi hoti hai na! phir bhi achhi himmat vaale hain। apna sab kuchh change karna aur doosre ko apna banaana, yeh bhi inhon ko himmat hai। itna transfer ho gaye hain jo apne hi parivaar ke lagte hain। yeh bhi drama mein inhon ka vishesh part hai। apne pan ki bhaasna se hi yeh aage badhte hain। ek-ek ko dekh karke khushi hoti hai। pahle to the ek hi bhaarat ki anek lakdiyon ka ek vriksha। lekin abhi vishwa ke chaaron kono se anek sanskaar,anek bhaashaayen,anek khaanpaan, sab aatmaayen ek vriksha ke ban gaye hain, yeh bhi to wonder hai! yahi kamaal hai jo sab ek the aur hai aur honge। aisa hi anubhav karte hain। vishesh sarva ka sneh praapta ho hi jaata hai।

paandavon se - sabhi mahaadaani ho na? kisi ko khushi dena yeh sabse bade te bada punya ka kaarya hai। seva hai। paandav to sada ekras, ekta mein rahne vaale economy karne vaale hain na। sabhi paandav mahima yogya hain, poojyaneey bhi hain। bhakton ke liye to abhi bhi poojyaneey ho sirf pratyaksha nahin ho। (paandavon ki pooja sirf ganesh va hanumaan ke roop mein hi hoti hai।) nahin, aur devtaayen bhi hain। ganesh woh hain jo pet mein sab baaten chhipaane vaale hain। hanumaan - poonchh se aasuri sanskaar jalaane vaala hai। poonchh bhi seva ke liye hai। poochhpoochh ka poonchh nahin hai। paandavon ki yeh visheshta hai - baat pachaane vaale hain, idhar-udhar karne vaale nahin। sabhi sada santushta ho na? paandavapti aur paandav yeh sada ka combined roop hai। paandavapti paandavon ke sivaae kuchh nahin kar sakte। jaise shivshakti hai,vaise paandavapti। jaise paandavon ne paandavapti ko aage kiya, paandavapti ne paandavon ko aage kiya। to sada combined roop yaad rehta hai? kabhi apne ko akele to nahin mahsoos karte ho? koi phrend chaahiye,aise to nahin mahsoos karte?kisko kahen,kaise kahen,aise to nahin?jo sada combined roop mein rehte hain uske aage baapdaada saakaar mein jaise sab sambandhon se saamne hote hain। jitni lagan hogi utna jaldi baap saamne hoga। yeh nahin niraakaar hai,aakaar hai baaten kaise karen? jo aapas mein bhi baaten karne mein time lagta,dhoondhenge। yahaan to dhoondhane va time ki bhi jaroorat nahin। jahaan bulaao vahaan haajir। isliye kehte hain haajira hajoor। to aisa anu- bhav hota hai? abhi to din-pratidin aise dekhenge ki jaise practical mein anubhav kiya ki aaj baapdaada aaye,saamne aaye haath pakda, buddhi se nahin, okhon se dekhenge,anubhav hoga। lekin ismen sirf ‘ek baap doosra na koi', yeh paath pakka ho। phir to jaise parchhaai ghoomti hai aise baapdaada okhon se hat nahin sakte।

kabhi had ka vairaag to nahin aata hai? behad ka to rehna chaahiye। sabhi ne yagyaseva ki jimmevaari ka beeda to utha liya hai। abhi sirf ham sab ek hain, ham sabka sab kaam ek hai, practical dikhaai de। abhi ek record taiyaar karna hai,woh kaun-sa hai? woh record mukh ka nahin hai। ek do ko regard ka record। yahi record phir chaaron or bajega। regard dena,regard lena। chhote ko bhi regard dena, bade ko bhi dena। yeh regard ka record abhi nikalna chaahiye। abhi chaaron or is record ki aavashyakta hai।

sva-unnati aur vishwa-unnati donon ka plan saath-saath ho। daiveegunon ke mahatva ka manan karo। ek-ek gun ko dhaaran karne mein kya samasya aati hai? use samaapta kar dhaaran kar chaaron taraph khushbu phailaao jo sabhi anubhav karen। samjha।

murli ka saar

1. saar swaroop mein sthit ho vistaar mein aane se koi bhi prakaar ke vistaar ki aakarshan nahin hogi।

2. ‘‘main aur mera'' in do shabdon ki smriti se maayaajeet, nirvighna,master sarvashaktivaan ban sakte ho।

3. maaya kanaikshan loose karti hai, confuse karti hai। kyon, kya ko khatma kar kanaikshan theek karo to sab theek ho jaayega।