Avyakt murli du lundi 12 octobre 1981

>

12-10-81om shanti avyakt baapdaada madhuban

"varttamaan hi bhavishya ka aadhaar"

srishti ke aadi, madhya aur ant ke raaj kholne vaale,beejroop gyaan saagar shiv baba bole :-

aaj vrikshapti baap apne vriksha ke pahle-pahle patton ko va vriksha ke aadhaarmoortta shreshtha aatmaon ko dekh rahe hain। brahman aatmaayen hi naye vriksha ke kalam hain। kalam par hi aadhaar hota hai-naye vriksha ka। aap har aatma naye vriksha ke kalam ho, isliye har aatma amoolya hai। sada apne ko aise amoolya aadhaarmoortta vriksha ka kalam samajhkar chalte ho?kalam mein jo kamjori hogi,woh saare vriksha mein kamjori hogi। itni jimmevaari har ek apni samajhte ho? yeh to nahin samajhte ki ham chhote hain va peechhe aane vaale hain, jimmevaari badon ke oopar hai - aise to nahin samajhte ho na? jab varsa lene mein naya, chaahe chhota, chaahe bada harek apne ko poora adhikaari samajhte ho, koi bhi chandravanshi ka varsa lene ke liye taiyaar nahin hote ho,sab yahi hak rakhte ho ki ham sooryavanshi banenge। saath-saath sangamayug ki praapti ke oopar, baap ke oopar apna poora hak lagaate ho। yahi bol bolte ho ki pahle ham chhoton ka baap hai। chhoton par jyaada sneh hai baap ka, iseelie hamaara hi baba hai। pahle hamko sab adhikaar hona chaahiye। sneh se apne adhikaar ka varnan karte ho। to jaise baap ke oopar, praapti ke oopar apna adhikaar samajhte ho vaise jimmevaari mein bhi chhote bade sab adhikaari ho। sab saathi ho। to itni jimmevaari ke adhikaari samajh karke chalo। sva-parivarttan,vishwa-parivarttan donon ke jimmevaari ke taajdhaari so vishwa ke raajya ke taaj ke adhikaari honge। sangamayugi taajdhaari so bhavishya ka taajdhaari। varttamaan nahin to bhavishya nahin। varttamaan hi bhavishya ka aadhaar hai। check karo aur knowledge ke darpan mein donon swaroop dekho-sangamayugi brahman aur bhavishya devpaddhaari। donon roop dekho aur phir donon mein check karo-brahman jeevan mein double taaj hai va single taaj hai?ek hai pavitrata ka taaj, doosra hai practical jeevan mein padhaai aur seva ka। donon taaj samaan hain? sampoorn hain? va kuchh kam hai? agar yahaan koi bhi taaj adhoora hai,chaahe pavitrata ka,chaahe padhaai va seva ka,to vahaan bhi chhote se taaj ke adhikaari va ek taajdhaari arthaat praja pad vaale banna padega। kyonki praja ko bhi light ka taaj to hoga arthaat pavitra aatmaayen hongi। lekin vishvaraajan va mahaaraajan ka taaj nahin praapta hoga। koi mahaaraajan koi raajan arthaat raaja, mahaaraaja aur vishwa mahaaraaja, isi aadhaar par nambarvaar taajdhaari honge।

isi prakaar takhta ko dekho - varttamaan samay brahman jeevan mein kitna samay akaal takhtadhaari aur diltakhtadhaari, donon takhtan- sheen kitna samay rehte ho? akaal takhtansheen nirantar honge arthaat sadaakaal honge to diltakhtansheen bhi sadaakaal honge। donon ka sambandh hai। brahman jeevan mein kabhi-kabhi takhtansheen to bhavishya mein bhi poora aadhaakalpa takhtansheen arthaat royal family mein nahin aa sakte। kyonki royal family hi takhtansheen gaai jaati hai। to yahaan ke sadaakaal ke takhtansheen so bhavishya sadaakaal ke raajya adhikaari arthaat takhtansheen। to darpan mein dekho - varttamaan kya aur bhavishya kya?isi reeti tilak ko check karo - avinaashi arthaat amit tilakdhaari ho?sangamayug par hi devon ke dev ke suhaag aur parmaatma va eeshvareey santaan ke bhaagya ka tilak praapta hota hai। to yeh suhaag aur parmaatma va eeshvareey santaan ke bhaagya ka tilak praapta hota hai। to yeh suhaag aur bhaagya ka tilak avinaashi hai?maaya suhaag va bhaagya ka tilak mita to nahin deti? yahaan ke suhaag, bhaagya ke sada tilakdhaari so bhavishya ke sada raajya-tilakdhaari। har janma mein raajya tilak ka utsav hoga। raaja ke saath royal family ka bhi tilak-divas manaaya jaata hai। vahaan ke har janma ke raaj tilak ka utsav aur yahaan brahman jeevan mein sada baap se milan mele ka, svayan ki sada chadhti kala ka, har prakaar ki seva ka arthaat tan-man-dhan-jan sabki seva ka sada utsaah aur umang hoga। to ab ka utsaah aur bhavishya ka utsav hoga।

isi prakaar tan-man-dhan ka sambandh hai। yahaan aadi se ab tak aur ab se ant tak apne tan ko kitna samay seva mein samarpan kiya? man ko kitna samay yaad aur mansa seva mein lagaaya? mansa seva hai - shubh bhaavna aur shreshtha kaamna। ismen bhi seva had ki rahi va behad ki rahi? sarva ke prati shubh bhaavna aur shreshtha kaamna rahi va koi ke prati rahi, koi ke prati nahin rahi? isi prakaar dhan, sva prati lagaate hain. svaartha se lagaate hain va nihsvaartha seva mein lagaate hain? amaanat mein khayaanat to nahin daalte hain? behad ke bajaae had mein to nahin lagaate hain? is checking ke aadhaar par vahaan bhi praalabdha mein percentage ke aadhaar par nambarvaar pad ki praapti hoti hai। sab mein full percent to full samay aur full praalabdha। nahin to stetas mein aur samay mein antar ho jaata hai। full samay vaale aur full praalabdha vaale one-one-one ke sanvat se pahla-pahla sampoorn full satopradhaan prakriti, full raajya-bhaagya,sanvat bhi one,praalabdha bhi one, prakriti ka sukh bhi one। nahin to phir second, third yeh shuru ho jaayega।

ab donon roop se check karo - brahman aur devta। sangamayugi aur satayugi, donon swaroop ko saamne rakho। sammagayug mein hai to sat- yug mein hoga hi,nishchit hai। isliye brahman jeevan ke 16roohaani shrringaaron ko dekho। 16kalaaon ko dekho। svayan hi svayan ko dekho,jo kami dekho woh ab bharte chalo। samjha-kya karna hai? sva ko darpan mein dekho। achha-

aaj mahaaraashtra ka tarna hai to mahaan banne ki baaten sunaayenge na? mahaaraashtra arthaat ab ke bhi mahaan aur bhavishya mein bhi mahaan। achha। aise behad ke sevaadhaari, sarva prati sada shubhchintan,sada yaad aur seva ke utsaah mein rahne vaale, sada ke suhaag aur bhaagya ke tilakdhaari, aise varttamaan ke raajya alankaari, shreshtha aatmaon ko baapdaada ka yaadapyaar aur namaste।''

aaj beech-beech mein bijli bahut aa ja rahi thi, to baba bole - ‘‘bijli ki halchal mein buddhi ki halchal to nahin?aapke is saakaar srishti ka geet hai jo bhakta log gaate hain,baap ko kehte hain ‘dekh tere sansaar ki haalat kya ho gai'…to baap bhi dekh rahe hain, bhakton ka aavaaj bhi aa raha hai aur dekh bhi rahe hain। jab naam hi hai asaar sansaar to kisi bhi saadhan mein saar kya hoga? achha।’’

mahaaraashtra zone ki party se avyakt baapdaada ki madhur mulaakaat:-

sangamayug ka bade te bada khazaana kaun sa hai? baap hi sabse bade te bada khazaana hai। baap mila to sab kuchh mila। baap nahin to kuchh nahin। to satayug mein bhi yeh bade te bada khazaana nahin hoga। praalabdha hogi, yeh khazaana nahin hoga। to aise yug mein, jo sab khazaana hi khazaana milta hai। sangamayug mein satayug se bhi shreshtha khazaana milta hai। to aise yug mein, jo sab khazaane praapta hone ka yug hai aur praapta karne vaali aatmaayen bhi aap hi ho to aisi aatmaayen sampanna hongi na! braahmanon ke jeevan mein apraapta nahin koi vastu। devtaaon ke jeevan mein baap ki apraapti hogi, lekin braahmanon ke jeevan mein koi bhi apraapti nahin। to man ka avinaashi geet yahi bajta rehta hai ki - ‘‘apraapta nahin koi vastu ham braahmanon ke khazaane mein!''khazaanon ke maalik ho ki banna hai? baalak banna arthaat maalik banna। maalik to ban gaye baaki sambhaalna kahaan tak aata hai, yeh harek ka nambarvaar hai। to sada isi khushi mein naachte raho ki - main baalak so maalik hoon!''

2-sabhi nishchaybuddhi vijayanti ho na! nishchay mein kabhi dagmag to nahin hote ho?achal, adol,mahaaveer ho na? mahaaveer ki vishe- shata kya hai? sada achal, adol,sankalp va svapna mein bhi vyartha sankalp na aae isko kaha jaata hai achal, adol mahaaveer। to aise ho na? jo kuchh hota hai-usmein kalyaan bhara hua hai। jisko abhi nahin jaante lekin aage chal karke jaante jaayenge। koi bhi baat ek kaal ki drishti se nahin dekho,trikaaldarshi ho karke dekho। ab yeh kyon?ab yeh kya?aise nahin,trikaaldarshi hokar dekhne se sada yahi sankalp rahega ki jo ho raha hai usmein kalyaan hai। aise hi trikaaldarshi hokar chalte ho na? seva ke aadhaarmoortta jitne majboot honge utni seva ki building bhi majboot hogi। jo baba bole woh karte chalo, phir baba jaane baba ka kaam jaane। jaise baba vaise chalo to usmein kalyaan bhara hua hai। baba kahe aise chalo,aise raho - ji haajar। aise kyon? nahin। ji haajar। samjha?ji hajoor va ji haajar! to sada udti kala mein jaate rahenge। rookenge nahin,udte rahenge kyonki halke ho jaayenge na!

3-sabhi apne ko sada vishwa ke andar koton mein koi, koi mein bhi koi,aisi shreshtha aatmaayen samajhte ho? aise anubhav hota hai ki yeh hamaara hi gaayan hai?ek hota hai gyaan ke aadhaar par jaanna, doosra hota hai kisi ka anubhav sunkar us aadhaar par maanna aur teesra hota hai - svayan anubhav karke mahsoos karna। to aise mahsoos hota hai ki ham kalpa pahle vaali koton mein se koi, koi mein se koi shreshtha aatmaayen hain?aisi aatmaon ki nishaani kya hogi? aisi shreshtha aatmaayen sada baap shama ke peechhe parvaane ban phida hone vaali hongi। chakra lagaane vaali nahin। aae chakra lagaaya,thodi si praapti ki,aise nahin। lekin phida hona arthaat mar jaana - aise jal marne vaale parvaane ho na?jalna hi baap ka banna hai। jo jalta hai vahi banta hai। jalna arthaat parivarttan hona। achha-

sada har paristhiti mein ekras sthiti rahe, uska sahaj saadhan kya hai? kyonki sabhi ka lakshya ek hai, jaise ek baap, ek ghar, ek hi raajya hoga,aise abhi bhi ekras sthiti। lekin ekras sthiti mein rahne ka sahaj saadhan kya mila hai? ek shabd bataao। woh ek shabd hai - trustee। agar trustee ban jaate to nyaare aur pyaare hone se ekras ho jaate। jab grihasthi hai to anek ras hain,mera-mera bahut ho jaata hai। kabhi mera ghar, kabhi mera parivaar,…grihastheepan arthaat anek rason mein bhatakna। trasteepan arthaat ekras। trustee sada halka aur sada chadhti kala mein jaaega। to yeh saara group trustee group hai na! jara bhi meraapan hai to mera maana grihastheepan। jahaan meraapan hoga vahaan mamta hogi। mamta vaale ko grihasthi kahenge, trustee nahin। grihasthi to aadhaakalpa rahe aur grihastheepan ke jeevan mein kya praapti hui,uska bhi anubhav kiya। ab trustee bano। agar thoda bhi grihastheepan ho to madhuban mein chhodkar jaana। jo duhkh ki lahar paida karne vaala ho use chhodkar jaana aur jo sukh dene vaala ho use lekar jaana। achha।''

meethi daadi ji ambaala mele mein jaane ki chhutti baapdaada se le rahi hain, baapdaada bole:-

baapdaada anek bachchon ki khushi dekhkar khush hote hain! seva ke liye jahaan bhi jaao, anek khazaane anekon ko mil jaate hain। isliye drama mein ab tak jaane ka hai,to chal raha hai,stop hoga to second mein ho jaayega। jaise saakaar mein dekha, taiyaari ki hui bhi thi,part samaapta tha to taiyaari hote bhi nahin ja sake। aise yeh bhi drama mein samaapta hoga to second mein achaanak hoga। ab tak to jaana bhi hai,refresh karna bhi hai। sabke dil ko khush karna yeh bhi sabse bada punya hai। sabka aahvaan hai na! aahvaan mein pratyaksha hona hi padta hai। jad chitron ka bhi aahvaan karte hain to usmein bhi jaan anubhav hoti hai। to yeh aahvaan karna bhi shuru yahaan se hi hota hai isliye sabhi ko yaadapyaar dete hue yahi kehna ki abhi vaacha ke saath-saath sankalp shakti ki seva jo hi antim power- full seva hai, woh bhi karo। sankalp shakti aur vaani ki shakti, mansa seva aur vaani ki seva - donon ka jab combined roop hoga tab sahaj saphalta hogi। single se single result hai, combined seva se dugni result hogi। pahle sankalp shakti phir hai vaani ki shakti। to mansa aur vaacha donon seva saath-saath chaahiye। vaani mein mansa seva na ho sake - yeh bhi nahin aur mansa mein vaani na bol sake - yeh bhi nahin। vaani ki seva karne vaale thode hote hain, baaki rekh dekh karne vaale, doosre kaarya mein jo rehte hain unhein mansa seva karni chaahiye। isse vaayumandal yogayukta banta hai। sangathan mein milan jyaada hota hai, lekin milan ke saath seva ka bhi lakshya ho। harek samjhe ki humein seva karni hai phir vaataavran powerful rahega aur seva bhi double ho jaayegi। umang utsaah se kar rahe hain yeh bahut achha hai! lekin umang utsaah ke saath-saath yeh bhi lakshya zaroori hai। achha-sabhi ko bahut-bahut yaad dena।''

prashn :- baap ke yaad ki lagan,agni ka kaam karti hai,kaise?

uttar :-jaise agni mein koi bhi cheez daalo to naam, roop, gun sab badal jaata hai, aise jab baap ke yaad ki lagan ki agni mein padte ho to parivarttan ho jaate ho na! manushya se brahman ban jaate, phir brahman se pharishta so devta ban jaate। to kaise parivarttan hue?lagna ki agni se। apnaapan kuchh bhi nahin। maanav,maanav nahin raha pharishta ban gaya। jaise kachchi mitti ko saanche mein dhaalkar aag mein daalte hain to eet ban jaati,aise yeh bhi parivarttan ho jaata। isliye is yaad ko hi jvaala roop kaha hai। jvaalaamukhi bhi prasiddha hai, to jvaalaadevi va devtaayen bhi prasiddha hain। achha-omshaanti।