Avyakt murli du vendredi 6 novembre 1981

>

06-11-81 om shanti avyakt baapdaada madhuban

"vishesh yug ka vishesh phal"

sada kalyaankaari shiv baba vishwa-kalyaan ke aadhaarmoortta bachchon prati bole:-

‘‘aaj vishwa-kalyaankaari baap apne vishwa-kalyaan ke kaarya ke aadhaarmoortta bachchon ko dekh rahe hain। yahi aadhaarmoortta vishwa ke parivarta na karne mein vishesh aatmaayen hain। aisi vishesh aatmaon ko baapdaada bhi sada vishesh najar se dekhte hain। harek vishesh aatma ki visheshta sada baapdaada ke paas spashta saatne hai। har bachcha mahaan hai,punya aatma hai। purooshottam arthaat dev aatma hai। vishwa-parivartan ke nimitta aatmaayen hain। aise harek apne ko samajhkar chalte ho? kya the aur kya ban gaye hain? yeh mahaan antar sada saamne rehta hai?yeh antar mahaamantra swaroop svatah bana deta hai। aisa anubhav karte ho? jaise baap ke saamne sada harek bachcha vishesh aatma ke roop mein saamne rehta hai vaise aap sab bhi apni visheshta aur sarva ki visheshta yahi sada dekhte ho?sada keechad mein rahne vaale kamal ko dekhte ho? va keechad aur kamal donon ko dekhte ho? sangamayug vishesh yug hai aur isi vishesh yug mein aap sarva vishesh aatmaon ka vishesh part hain। kyoki baapdaada ke sahayogi ho। vishesh aatmaon ka karttavya kya hai? sva ki visheshta dvaara vishesh kaarya mein rehna arthaat apni visheshta ka sirf man mein va mukh se varnan nahin karna lekin visheshta dvaara koi vishesh kaarya kar dikhaana। jitna apni visheshta ko mansa va vaani aur karma ki seva mein lagaayenge to vahi visheshta vistaar ko paati jaayegi। seva mein lagaana arthaat ek beej se anek phal pragat karna। aise sva ki checking karo ki baap dvaara is shreshtha jeevan mein jo janmasiddha adhikaar ke roop mein visheshta mili hai usko sirf beej roop mein hi rakha hai va beej ko seva ki dharni mein daal vistaar ko paaya hai?arthaat apne swaroop va seva ke siddhi swaroop ke anubhav kiye hain? baapdaada ne sarva bachchon ki visheshta ke takdeer ki lakeer janma se hi kheench li hai। janma se har bachche ke mastak par visheshta ke takdeer ka sitaara chamka hua hi hai। koi bhi bachcha is takdeer se vanchit nahin hai। yeh takdeer jaga karke hi aaye ho। phir antar kya ho jaata ? jo sunaaya ki koi is vardaan ke beej ko, takdeer ke beej ko va janmasiddha adhikaar ke beej ko vistaar mein laate, koi beej ko kaarya mein na laane ke kaaran shaktiheen beej kar dete hain। jaise beej ko samay par kaarya mein nahin lagaao to phal daayak beej nahin rehta। koi phir kya karte?beej ko seva ki dharni mein daalte bhi hain lekin phal nikalne se pahle vriksha ko dekh usi mein hi khush ho jaate hain ki mainne beej ko kaarya mein lagaaya। iski result kya hoti? vriksha badh jaata, daal-daaliyaan shaakhaayen upshaakhaayen nikalti rehti,lekin vriksha badhta lekin phal nahin aata। dekhne mein vriksha bada sundar hota lekin phal nahin nikalta। arthaat jo janmasiddha adhikaar roop mein visheshta mili usse na svayan saphalta roopi phal paayega, na auron ko us visheshta dvaara saphalta swaroop bana sakega। vishe- shata ke beej ka sabse shreshtha phal hai - ‘‘santushtata''। iseelie aajkal ke bhakta santoshi maa ki pooja jyaada karte hain। to santushta rehna aur sarva ko santushta rakhna - yeh hai vishesh yug ka vishesh phal।

kai bachche aise phaldaayak nahin bante। vriksha ka vistaar arthaat seva ka vistaar kar lenge lekin bina santushtata ke phal ke vriksha kya kaam ka? to visheshta ke vardaan va beej ko sarvashaktiyon ke jal se seencho to phal daayak ho jaayenge। nahin to vistaar hua vriksha bhi samay prati samay aaye hue toofaan se hilte-hilte kab koi daali,kab koi daali tootti rahegi। phir kya hoga?vriksha hoga sookha hua vriksha। kahaan ek taraph sookha vriksha-jismen aage badhne ka umang, utsaah,khushi, roohaani nasha koi bhi hariyaali nahin, na beej mein hariyaali, na vriksha mein। aur saath-saath doosre taraph sada haraabhra phaldaayak vriksha। kaun-sa achha lagega?isliye baapdaada ne visheshta ke vardaan ka shaktishaali beej sab bachchon ko diya hai। sirf vidhipoorvak phaldaayak banaao। yeh rahi sva ke visheshta ki baat। ab vishesh aatmaon ke sambandh-samparka mein sada rehte ho kyonki brahman parivaar arthaat vishesh aatmaon ka parivaar। to parivaar ke samparka mein aate harek ki visheshta ko dekho। visheshta dekhne ki hi drishti dhaaran karo। arthaat vishesh chashma pahan lo। aajkal fashion aur majboori chashmen ki hai। to visheshta dekhne vaala chashma pahno। to doosra kuchh dikhaai nahin dega। jab science ke saadhnon dvaara laal chashma pahno to hara bhi laal dikhaai de sakta hai। to is visheshta ki drishti dvaara visheshta hi dekhenge। keechad ko nahin dekh, kamal ko dekhenge aur harek ki visheshta dvaara vishwa-parivartan ke kaarya mein vishesh kaarya ke nimitta ban jaayenge। to ek baat - apni visheshta ko kaarya mein lagaao, vistaar kar phaldaayak banaao, doosri baat - sarva mein visheshta dekho। teesri baat - sarva ki visheshtaaon ko kaarya mein lagaao। chauthi baat - vishesh yug ki vishesh aatma ho, isliye sada vishesh sankalp,bol aur karma karna hai। to kya ho jaayega? vishesh samay mil jaayega। kyonki vishesh na samajhne ke kaaran svayan dvaara svayan ke vighna aur saath-saath samparka mein aane se bhi aaye hue vighnon mein samay bahut jaata hai। kyonki svayan ki kamjori va auron ki kamjori, iski katha aur keertan,donon bade lambe hote hain। jaise aapke yaadgaar ‘‘raamaayan'' ko dekha-to katha aur keertan donon hi bade dilchaspa aur lambe hain। lekin hai kya? visheshta na dekh eershya mein aaye to kitna lamba keertan aur kahaani ho gai! aise visheshta ko na dekhne se lakshmi-naaraayan ki katha ke bajaae raamaktha ban jaati hai। aur isi katha keertan mein svayan ka, seva ka samay vyartha ganvaate ho। aur bhi maje ki baat karte ho, sirf akela keertan katha nahin karte lekin keertan mandali bhi taiyaar karte hain - iseelie sunaaya ki is vyartha keertan katha se samay bachne ke kaaran vishesh samay bhi mil jaata hai। to samjha kya karna hai,kya nahin karna hai? jaise aajkal ki duniya mein kisi ko kehte ho - bhakti ka phal praapta karo,sahaj raajayogi bano to jyaada kismen roochi rakhte hain? bhakti ke katha-keertan mein jyaada roochi rakhte hain na! manoranjan samajhte hain। aise kai vishesh aatmaayen bhi vyartha ki raamaktha ki mandali mein va keertan-mandali mein bada manoranjan samajhti hain। aise samay par un aatmaon ko kaho - chhodo is keertan ko, shanti mein raho to maanenge nahin kyonki sanskaar pade hue hain na! ab is keertan mandali ko samaapta karo। samjha? vishesh aatmaon ki sabha mein baithe ho na! aur group bhi vishesh hai। donon hi gaddi vaale hain। ek praveshta ki gaddi, doosri raajgaddi। woh raajya ki chaabi milne ki gaddi (kalkatta) aur woh hai raajya karne ki gaddi (dilli) to donon hi gaddi ho gai na! to donon ki visheshta hui na! chaabi nahin milti to raajya bhi nahin karte। isliye visheshta ko nahin bhoolna achha!

aise sada visheshta ko dekhne vaale, visheshta ko kaarya mein lagaane vaale,vishesh samay seva mein lagaae seva ka pratyaksha phal khaane vaale, sada santushta aatma, sada santushtata ki kirnen dvaara sarva ko santushta karne vaale, aise vishesh aatmaon ko baapdaada ka yaadap yaar aur namaste।''

party ke saath

1. aavaaj se pare jaane ki yukti jaante ho? ashareeri banna arthaat aavaaj se pare ho jaana। shareer hai to aavaaj hai। shareer se pare ho jaao to silence। silence ki shakti kitni mahaan hai! iske anubhvi ho na?silence ki shakti dvaara srishti ki sthaapna kar rahe ho। science ki shakti se vinaash, silence ki shakti se sthaapna। to aise samajhte ho ki ham apni silence ki shakti dvaara sthaapna ka kaarya kar rahe hain। ham hi sthaapna ke kaarya ke nimitta hain to svayan silence roop mein sthit rahenge tab sthaapna ka kaarya kar sakenge। agar svayan halchal mein aate to sthaapna ka kaarya saphal nahin ho sakta। vishwa mein sabse pyaare se pyaari cheez hai - shanti arthaat silence। iske liye hi badi-badi conference karte hain। shanti praapta karna hi sabka lakshya hai। yahi sabse priy aur shaktishaali vastu hai। aur aap samajhte ho - silence to hamaara svadharma hai। aavaaj mein aana jitna sahaj lagta hai utna sekend mein aavaaj se pare jaana- yeh abhyaas hai? silence ki shakti ke anubhvi ho? kaisi bhi ashaanta aatma ko shant swaroop hokar shanti ki kirnen do to ashaanta bhi shant ho jaae। shanti swaroop rehna arthaat shanti ki kirnen sabko dena। yahi kaam hai। vishesh shanti ki shakti ko badhaao। svayan ke liye bhi, auron ke liye bhi shanti ke daata bano। bhakta log shanti deva kahkar yaad karte hain na?dev yaani dene vaale। jaise baap ki mahima hai shanti daata,vaise aap bhi shaantideva ho। yahi sabse bade te bada mahaadaan hai। jahaan shanti hogi vahaan sab baaten hongi। to sabhi shanti deva ho, ashaanta ke vaataavran mein rehte svayan bhi shant swaroop aur sabko shant banaane vaale,jo baapdaada ka kaam hai,vahi bachchon ka kaam hai। baapdaada ashaanta aatmaon ko shanti dete hain to bachchon ko bhi follow father karna hai। braahmanon ka dhandha hi yeh hai। achha!

2-braahmanon ka vishesh karttavya hai - gyaan soorya ban saare vishwa ko sarvashaktiyon ki kirnen dena। sabhi vishwa-kalyaankaari ban vishwa ko sarvashaktiyon ki kirnen de rahe ho? master gyaan soorya ho na! to soorya kya karta hai? apni kirnon dvaara vishwa ko roshan karta hai। to aap sabhi bhi master gyaan soorya ban sarvashaktiyon ki kirnen vishwa mein dete rehte ho?saare din mein kitna samay is seva mein dete ho? brahman jeevan ka vishesh karttavya hi yeh hai। baaki nimitta maatra। brahman jeevan va janma mila hi hai vishwa-kalyaan ke liye। to sada isi karttavya mein busy rehte ho? jo is kaarya mein tatpar honge। woh sada nirvighna honge। vighna tab aate hain jab buddhi free hoti hai। sada busy raho to svayan bhi nirvighna aur sarva ke prati bhi vighna-vinaashak। vighna-vinaashak ke paas vighna kabhi bhi aa nahin sakta। achha-

3-sangamayug par braahmanon ka vishesh sthaan hai - baapdaada ka diltakhta। sabhi apne ko baapdaada ke diltakhta nasheen anubhav karte ho ? aisa shreshtha sthaan kabhi bhi nahin milega। satayug mein heere sone ka milega lekin diltakhta nahin milega। to sabse shreshtha aap brahman aur aapka shreshtha sthaan diltakhta। isliye brahman choti arthaat oonche te oonche hain। itna nasha rehta hai ki ham takhtansheen hain?taaj bhi hain,takhta bhi hai,tilak bhi hai। to sada taaj,takhta, tilakdhaari rehte ho? smriti bhav ka avinaashi tilak laga hua hai na? sada isi nashe mein raho ki saare kalpa mein jamaare jaisa koi bhi nahin। yahi smriti sada nashe mein rakhegi aur khushi mein jhoomte rahenge।

4-roohaani sevaadhaari ka karttavya hai - light house ban sabko light dena। sada apne ko light house samajhte ho?light house arthaat jyoti ka ghar। itni athaah jyoti arthaat light jo vishwa ko light house ban sada light dete rahen। to laaithaaus mein sada light rehti hi hai tab woh light de sakte hain। agar light house khud light ke bina ho to auron ko kaise den?house mein sab saadhan ikatthe hote hain। to yahaan bhi light house arthaat sada light jama ho, light house bankar light dena yeh braahmanon ka occupation hai। sachche roohaani sevaadhaari, mahaadaani arthaat light house honge। daata ke bachche daata honge। sirf lene vaale nahin lekin dena bhi hai। jitna denge utna svatah badhta jaayega। badhaane ka saadhan hai - dena।

5-sarva vardaanon se sampanna banne ka samay hai - sangamayug। is shreshtha samay ke mahatva ko va samay ke vardaan ko jaante ho na? saare kalpa mein vardaani samay kaun-sa hai? (sangam) to is vardaani samay par svayan ko vardaanon se sampanna banaaya hai? kyonki yeh bhi jaante ho ki vidhaata dvaara vardaanon ka bhandaar bharpoor bhi hai aur khula bhandaar hai, jo jitna chaahe utna apne ko maalaamaal bana sakte hain। to aise maalaamaal banaaya hai? thoda sa khazaana le karke, thode mein santushta nahin honna। lena hai to poora hi lena hai,thoda nahin। jo adhikaari aatmaayen hongi woh thode mein khush nahin hogi। banna hai to number one banna hai, lena hai to sampanna hi lena hai। to aisa hi lakshya aur lakshan donon samaan hon।

sada har baat mein balance rakho। balance se hi baap dvaara aur sarva dvaara blessing milti rahegi aur blissful life ban jaayegi। balance rakh blessing lena aur blessing dena - yahi mukhya saugaat madhuban se lekar jaana। yahi hai yahaan ki refreshment।

achha-om shanti।