Avyakt murli du jeudi 14 janvier 1982

>

14-01-82 om shanti avyakt baapdaada madhuban

“karmendriy jeet hi vishwa raajya adhikaari”

raajarishi aatmaon ke prati baapdaada bole-

‘‘aavaaj mein aane ke liye va aavaaj ko sunne ke liye kitne saadhan apnaate ho? baapdaada ko bhi aavaaj mein aane ke liye shareer ke saadhan ko apnaana padta hai। lekin aavaaj se pare jaane ke liye is saadhnon ki duniya se paar jaana pade। saadhan is saakaar duniya mein hai। baapdaada ke sookshm vatan va mool vatan mein koi saadhnon ki aavashyakta nahin hai। seva ke arth aavaaj mein aane ke liye kitne saadhnon ko apnaate ho? lekin aavaaj se pare sthiti mein sthit hone ke abhyaasi second mein in sabse paar ho jaate hain। aise abhyaasi bane ho? abhi-abhi aavaaj mein aaye,abhi-abhi aavaaj se pare। aisi controlling power, ruling power apne mein anubhav karte ho?sankalp shakti ko bhi,jab chaaho tab sankalp me aao, vistaar mein aao, jab chaaho tab vistaar ko fullstop mein sama do। start karne ki aur stop karne ki - donon hi shaktiyaan samaan roop mein hain?

he karmendriyon ke raajyadhaari, apni raajya satta anubhav karte ho?raajya satta shreshtha hai va karmendriyon arthaat praja ki satta shreshtha hai?praja pati bane ho? kya anubhav karte ho?stop kaha aur stop ho gaya। aise nahin ki aap kaho stop aur woh start ho jaae। sirf har karmenndriy ki shakti ko aankh se ishaara karo to ishaare se hi jaise chaaho vaise chala sako। aise karmendriy jeet banen tab phir prakritijeet ban karmaateet sthiti ke aasandhaari so vishwa raajya adhikaari bano। to apne se poochho - pahli paudhi - karmenndriy jeet bane hain?har karmenndriy‘‘ji hajoor'' ‘‘ji haajar'' karti hui chalti hai?aap raajya adhikaariyon ka sada svaagat arthaat salaam karti rehti hain?raaja ke aage saari praja sir jhukaakar salaam karti hai?

he raajya adhikaari, aap sabki raajya kaarobaar kaisi hai? mantri,upmantri kahaan dhokha to nahin dete hain? chaik karte ho apni raajya kaarobaar ko?raajya darbaar roj lagaate ho ya kabhi-kabhi?kya karte ho? raajya adhikaari ke yahaan ke sanskaar bhavishya mein kaarya karenge। chaik karte ho ki vartamaan samay mujh aatma ke raajvansh ke sanskaar hain? va praja ke sanskaar hain?va state ke raajya adhikaari ke sanskaar hain arthaat had ke raajya adhikaari ke sanskaar hain va behad vishwa mahaaraajan ke sanskaar hain va unse bhi last pad daas-daasi ke sanskaar hain? saakaar mein bhi sunaaya tha ki daas-daasi banne ki nishaani kya hai? jo kisi bhi samasya va sanskaar ke adheen ban udaas rehta hai to udaas va udaasi hi nishaani hai-daas daasi banna। to main kaun? yeh svayan hi svayan ko chaik karo। kahaan kisi bhi prakaar ki udaasi ki lahar to nahin aati?udaas arthaat abhi bhi daas hain to aise ko raajya adhikaari kaise kahenge?

isi tarah se saahookaar praja bhi hogi। to yahaan bhi kai raaje nahin bane hain lekin saahookaar bane hain kyonki gyaan ratnon ka khajaana bahut hai, seva kar punya ka khaata bhi jama bahut hai। lekin samay aane par svayan ko adhikaari banaakar saphaltaamoortta ban jaaen, woh controlling power aur ruling power nahin hai arthaat knowledgeful hain lekin powerful nahin hain। shastradhaari hain lekin samay par kaarya mein nahin la sakte hain। stock hai lekin samay par na svayan use kar sakte aur na auron ko use kara sakte hain। vidhaan aata hai lekin vidhi nahin aati। aise bhi sanskaar vaali aatmaaen hain arthaat saahookaar sanskaar vaali hain। jo raajya adhikaari aatmaon ke sada sameep ke saathi zaroor hote hain lekin sva adhikaari nahin hote। samjha? abhi aap hi socho ki vartamaan samay ab tak main kaun bana hoon? abhi bhi badal sakte ho। abhi bhi final seat ke setting ki seeti nahin baji hai। full chance hai। lekin auron ko bhi kya kehte ho?ab nahin to kab nahin kyonki kuchh samay ke pahle ke sanskaar chaahiye। last samay ke nahin। isliye double videshi group, golden chance lene vaale chancellor group bano। to sab kaun se group ke ho?achha –

aaj America aur Australia ka tarna hai to donon hi kaun-sa group ho? kaun-sa group laai ho?Australia vaale kya samajhte hain? chancellors group hai? Australia ki shaktiyaan kya samajhti hain? shakti dal bhi kam nahin hai। paandav hain to shaktiyaan,shaktiyaan hai। donon hi apni raphtaar se chal rahe hain। Australia mein shaktiyaan jyaada hain ya paandav? (donon samaan hain।) shaktiyaan thodi rest kar rahi hain - phir jyaada udegi na, isliye rest kar rahi hain। baaki jaana to number one hai। aise kai karte hain, beech mein thodi rest lekar ke phir fast jaate hain aur manzil par pahunch jaate hain। achha –

sada karmendriy jeet, prakriti jeet, sookshm sanskaar jeet arthaat maayaajeet, svaraajya adhikaari, so vishwa raajya adhikaari aise raajya vanshi,raajarishi aatmaon ko baapdaada ka yaad pyaar aur namaste।''

Australia party se -baapdaada ko aap logon se jyaada bachchon ki yaad aati rehti hai? baapdaada bhi roj bachchon ki maala smaran karte hain। aap kabhi miss bhi karo,baapdaada miss nahin karenge। harek manke ka apna-apna number hai। hain to maala mein। kitne baar baapdaada ne aap sabki maala smaran ki hogi?Australia vaalon ke oopar to baapdaada ko sada hi naaz hai - kyon? kyonki Australia nivaasiyon ne baap ko pahchaan apna banaane mein number one record dikhaaya hai। sankhya mein dekho, vriddhi mein dekho, quality mein dekho, sabmen aage hai। aur achhi tarah se sambhaal rahe hain। isliye Australia kam nahin hai,landan mein phir bhi bhaaratvaasi aatmaayen jyaada hain lekin Australia mein sab parde ke andar chhipe hue baap ko pahchaanne mein number one hain। isliye baapdaada ko priy hain। samjha –

2- Australia nivaasi sab apne ko double light swaroop anubhav karte ho?double light arthaat sada har samasya ko sahaj paar karne vaale। aise anubhav karte ho? shaktiyaan kya soch rahi hain? shaktiyaan sochti hain ki koi aisa madhuban se vardaan lekar ke jaaen jo jaate hi vijay ka jhanda lahraayen। Australia nivaasiyon ke prati baapdaada sada mahima ke pushpa chadhaate hain kyonki pahle-pahle service ki vriddhi ka saboot Australia nivaasiyon ka hai। landan mein bhi seva ki vriddhi to hui hai lekin kai vriksha mein jaise shaakha hi tana ban jaata hai। aise Australia bhi nikla london se hi hai lekin abhi tana ban gaya hai। yeh bhi visheshta hai na। sada sab mein raaji rahne vaale ho। raaji rehna arthaat sab raazko jaan lena। isliye majority santushta aatmaaen ho। santushta maniyaan ho। kaisa bhi vaayumandal mein halchal ho lekin aap sada achal rahne vaale ho na? kyonki baap ke saath rahne vaale ho। jaise baap sada achal hai vaise saath rahne vaale bhi achal hi honge na!

saanaphraansisko -sabhi brahmaakumaar aur kumaariyon ka vishesh karttavya kya hai? brahma baap ka vishesh karttavya kya hai? brahma ka karttavya hi hai - nai duniya ki sthaapna। to bra.ku. aur kumaariyon ka vishesh karttavya kya hua? sthaapna ke kaarya mein sahayogi। to jaise America mein vinaashkaariyon ke vinaash ki speed badhti ja rahi hai। aise sthaapna ke nimitta bachchon ki speed bhi teevra hai? ve to bahut fast gati se vinaash ke liye taiyaar hain। aise aap sabhi bhi sthaapna ke kaarya mein itne ever ready teevragti se ja rahe ho? unhon ki speed tej hai ya aapki tej hai? vo 15 second mein vinaash ke liye taiyaar hain aur aap - ek second mein? kya gati hai? second mein sthaapna ka kaarya arthaat second mein drishti di aur srishti ban gai - aisi speed hai?to sada sthaapna ke nimitta aatmaon ko yeh smriti rakhni chaahiye ki hamaari gati vinaashkaariyon se tej ho kyonki puraani duniya ke vinaash ka connection nai duniya ki sthaapna ke saath-saath hai। pahle sthaapna honi hai ya vinaash?sthaapna ki gati pahle tej honi chaahiye na! sthaapna ki gati tej karne ka vishesh aadhaar hai - sada apne ko powerful stage par rakho। knowledgeful ke saath-saath powerful, stage par rakho। knowledgeful ke saath-saath powerful donon combined ho। tab sthaapna ka kaarya teevragti se hoga। to kahaan se teevragti ka foundation padega? America se। America mein bhi 4-5sevaakendra hain। to sabhi yeh lakshya rakhna ki number one ham hi jaaenge! to aapke centre dvaara pahle-pahle aatmik bomb chalega na? usse kya hoga? sabhi baap ke parichay ko jaan lenge। jaise us bomb se vinaash hota hai na! to is aatmik bomb se andhakaar ka vinaash ho jaayega। to yeh bomb chhodne ki kaun-si taareekh hai? woh government bhi date batlaati hai na ki is taareekh ko rehearsal hogi, to aapke rehearsal ki date kab hogi? achha –

videsh ki teachers bahnon ne avyakt baap daada ke saath picnic ki

picnic ho gai? sunte to rehte hi ho?kabhi khaaenge,kabhi sunenge…yahi to eeshvareey parivaar ki visheshta hai। jo abhi-abhi shikshak ke saamne, abhi-abhi baap ke saamne,abhi-abhi sakha ke saamne। yeh bahuroop ka anubhav saare kalpa mein na koi kar sakta hai aur na kara sakta hai। yeh ek hi baap ka part sangam par hai। satayug mein agar chaaho baapdaada se picnic manaaen to mana sakenge?abhi jo chaaho,jis roop mein chaaho usi roop mein milan mana sakte ho। isliye yeh bhi aap vishesh sevaadhaariyon ka bhaagya hai।

baapdaada to amritvele se har bachche ka bhaagya dekhte rehte hain ki kitne prakaar ke bhaagya har aatma ke noondhe hue hain। amritvela hi bhaagya le aata hai। roohaani milan ka bhaagya amritvela hi le aata hai na। har karma mein aapka bhaagya hai। dekhte ho to baap ko। yeh aankhen mili hi hain baap ko dekhne ke liye। kaan mile hain baap ka sunne ke liye। to bhaagya ho gaya na! har karmenndriy ka bhaagya hai। paanv mile hain har kadam par kadam rakhne ke liye। aise har karmenndriy ka apna- apna bhaagya hai। to list nikaalo ki kitne bhaagya saare din mein praapta hote hain! baap ko dekha, baap ka suna, baap ke saath soya,baap ke saath khaaya, sab kuchh baap ke saath karte ho। seva ki to bhi baap ka parichay diya, baap se milaaya…to kitna bhaagya ho gaya? to baapdaada sada har bachche ke bhaagya ki lakeer kitni spashta aur lambi hai,clear hai - woh dekhte hain। bhaagya ki lakeer beech-beech mein kat to nahin jaati hai। judti hai aur tootti hai ya jab se judi hai tab se akhanda atoot hai?khandit hone se lakeer phir badal bhi jaati hai isliye atoot aur akhanda। to aisa bachchon ka najaara dekhte rehte hai। baap ko aur kya kaam hai? vishwa seva ke liye to aapko nimitta bana diya। baaki baap ka kya kaam raha? (baba hi to sab kar rahe hain) sirf backbone banne ka kaam baap ka hai। baaki bachchon se milna, bachchon ko dekhna, bachchon se rooh-roohaan karna,bachchon ko chalaana, yahi kaam rah gaya hai na! aap logon ka vishwa se kaam hai aur baap ka aap bachchon se kaam hai। vishwa ke aage baap ko dikhaate to aap bachche ho na! bachchon dvaara baap dikhaai deta hai। backbone to baap hai hi। agar baap backbone na bane to aap akele thak jaao। moh bhi hai na। to bachchon ki thakaavat bhi baap nahin dekh sakte। isliye dekho har saal yahaan aate ho thakaavat khatma karne। yahaan aakar seva ki jimmevaari ka taaj utaar dete ho na। vahaan to ek-ek baat mein dekhengi koi dekh to nahin raha hai,koi sun to nahin raha hai?yahaan agar kuchh hoga bhi to samjhenge deedi, daadi baithi hai, baap-daada baitha hai, aapehi theek kar dega। yahaan phir bhi free ho। to videsh ki seva mein anubhav bhi achhe hote hain na? double knowledgeful ho gai na? (aabu conference ke liye koi vishesh plan) aabu conference mein snehi banaakar laana sirf vi.aai. Ps nahin। aap snehi banaakar laana - yahaan sambandh jud jaayega। (snehi banaane ka saadhan kya hai?) jitna-jitna baap ki jigar se mahima karenge, to aap mahima karenge aur ve mohit hote jaayenge। aap ‘baba-baba'kehte jaayenge, mahaanta sunaate jaayenge aur ve snehi bante jaayenge। jahaan mahaanta anubhav hoti hai vahaan svayan hi sir jhuk jaata hai। jaise bhakta log jad mein mahaanta ki bhaavna rakhte hain to sir jhuk jaata hai। kahaan woh jad,kahaan woh chaitanya, phir bhi sir jhuk jaata hai। yahaan bhi dekho koi prime minister ya president hai to uska bhi mahaanta ke aage aatomaitik sir jhuk jaata hai na। to aap bhi baap ki mahaanta sunaati jaayengi aur unka sir jhukta jaayega। aap log to hoshiyaar ho gai hain na!science ka bhi knowledge hai, silence ka bhi hai, desh ka bhi hai to videsh ka bhi hai। to anubhav bhi ek shakti hai, sabse badi shakti - ‘anubhav' hai। anubhav sunaate ho to sabhi khush hote hain na। anubhav karne vaala svayan bhi shaktishaali ban jaata hai। yeh bhi ek bada shastra hai। vaise bolne vaale to anek hain lekin anubhav ki shakti kisi ke paas bhi nahin hai। yahaan visheshta hi anubhav ki hai। bolne vaale ke aage anubhav vaale ka hi mahatva hai। dheere-dheere science vaale, chaahe shaastra vaale,donon hi yeh samjhenge ki ham oopar-oopar ke hain, foundation ham logon ka nahin hai। aur inhon ka anubhav foundation hai। chaahe chandrama tak bhi chale gaye lekin apne aap ki anubhooti nahin hai। chandrama par gaye to kya hua?to yeh mahsoos karenge lekin ant mein karenge kyonki vaaris to banna nahin hai। to ant mein science arthaat shastradhaari aur shaastradhaari donon hi samjhenge ki ham kya hain aur yeh kya hain! achha –

sabhi khush to ho na! koi mushkil to nahin hai! sahajyogi ho? sahaj sevaadhaari ho? (videsh ki bahnen-deedi-daadi ko videsh seva ke liye videsh mein aane ka nimantran de rahi hain।)vartamaan samay jabki 83 aadi mein hi yahaan sabhi ko laana hai, aur sabko yahaan aana hi hai, to yahaan ki seva ke oopar vishesh attention dene ki aavashyakta hai। aur vahaan ka bhi agar aisa koi nimantran mila,yu.N.O. vagaira ka to phir jaana zaroori hai। baaki jo apni conference aadi karte ho uske liye itni aavashyakta nahin hai kyonki unhein hi yahaan laana hai। isliye sab baaton ko dekhte hue abhi itna aavashyak dikhaai nahin deta hai। baaki abhi videsh to aisa hai, abhi-abhi yahaan abhi-abhi vahaan। aisa koi kaarya hua to pahunch jaayenge।

yu.N.O. mein jo samparka badha rahe ho, yeh samparka badhna hi seva hai। aur bhi jitna ho sake unhon ko homely samparka mein le aao। jaise yeh shaili (yu.N.O.ki) aai woh bhi sneh samparka se aakarshit hui na। prem ki paalna mili। kyonki bade-bade officer jahaan jaate hain vahaan woh usi post par hone ke kaaran official rehte hain, prem ki paalna unhein nahin milti hai। yahaan to sambandh ka ras milta hai। yahi yahaan ki visheshta hai। jo bhi samparka sambandh mein aate hain unhon ko parivaar ki feeling aaye। anubhav karen ki yeh koi bahut sameep ki aatma khoi hui mili hai। samparka badhaana yahi seva theek hai। jitnaajitna najdeek aate rahenge woh anubhav karenge ki inhon ke paas jo chaahiye vahi hai।

shaili bachchi dvaara bahuton ki seva ho rahi hai aur hogi bhi। sneh ka teer lag gaya hai। lagan achhi hai। jo chaahti thi uski vidhi bhi mil gai hai। samajhti bhi hai ki vidhi yahaan se hi milti hai। usko yaadapyaar dena aur yahi kehna ki baapdaada ki aap mein bahut ummeeden hain aur saphalta ke sitaare ki noondhi hui hai। aisa baapdaada takdeer dekh rahe hain। kai prakaar ki aatmaon ka part hai। chaahe poora convert na bhi ho lekin convert karaane ke to nimitta hai। dil se baap ko maana hai aur yeh double taraph part bajaana yeh bhi zaroori hai, isi se seva hogi। iska itna rehna hi seva hai। poora badal jaae to seva nahin hogi। isko is seva ka phal bhi achha milega।

steevnaaraayan (gyaana ke upraashtrapti) tatha unke parivaar ko yaadapyaar dete hue

unhein jigri bahut-bahut yaad dena। bahut achhe tan-man-dhan teenon se poore sahayogi, nishchaybuddhi number one bachche hain। us budget ke kaaran nahin aa sake lekin paandav government ki budget mein buddhi se yahaan pahunche hue hain। bahut hi namrachitta bachcha hai। parivaar hi drama anusaar serviceable hai। himmat bhi achhi hai। parivaar ka parivaar hi snehi hai। andhashraddha nahin hai, knowledge ke aadhaar par snehi hai। inhon ke hi samparka se America mein pahunche । yeh behad seva ke nimitta, vishesh aatmaon ki seva ke nimitta bane hue hain। isko kehte hain - ek ki knowledge se anekon par prabhaav। bada mike hai। inko dekhkar vahaan ki government par bhi achha prabhaav hai। knowledge ka, yog ka achha prabhaav hai। achhe sevaadhaari hain।