Avyakt murli du lundi 22 mars 1982

>

22-03-82 om shanti avyakt baapdaada madhuban

“raajyasatta aur dharmarssatta ke adhdhdhikaari bachchon se baapdaada ki mulaakaat”

baapdaada apne sarva adhikaari bachchon ko dekh rahe hain। aap shreshtha aatmaon ke liye jo gaayan hai ki raajya satta aur dharma ki satta - donon satta ek ke haath mein rehti hai। yeh mahima aapke bhavishya praalabdha roop ki gaai hui hai। lekin bhavishya praalabdha ka aadhaar vartamaan shreshtha jeevan hai। baapdaada chaaron or ke bachchon ko dekh rahe hain ki raajya satta aur dharma satta donon kahaan tak praapta ki hain! sanskaar sab is samay hi aatma mein bharte hain। ab ke raaje vahi bhavishya mein raajya adhikaari ban sakte hain। ab ki dhaarna swaroop aatmaayen hi dharma satta praapta kar sakti hain। to donon hi sattaayen harek ne apne mein kahaan tak dhaaran ki hai?

raajya satta arthaat adhikaari, athaarti swaroop। raajya satta vaali aatma apne adhikaar dvaara jab chaahe, jaise chaahe vaise apni sthool aur sookshm shaktiyon ko chala sakti hai। yeh athaarti raajya satta ki nishaani hai। doosri nishaani - raajya satta vaale har kaarya ko la and order dvaara chala sakte hain। raajya satta arthaat maat-pita ke swaroop mein apni praja ki paalna karne ki shakti vaala। raajya satta arthaat svayan bhi sada sarva mein sampanna aur auron ko bhi sampannata mein rakhne vaale। raajya satta arthaat vishesh sarva praaptiyaan hongi - sukh,shanti, aananda,prem,sarva gunon ke khajaanon se bharpoor। svayan bhi aur sarva bhi khajaanon se bharpoor। raajya satta vaale arthaat adhikaari aatmaayen bane ho? maatpita ke samaan paalna ki visheshta anubhav karte ho?jo bhi aatmaayen sambandh va samparka mein aaven, ve anubhav karen ki yahi shreshtha aatmaayen hamaare ‘poorvaj'hain। inheen aatmaon dvaara jeevan ka sachcha prem, aur jeevan ki unnati ka saadhan praapta ho sakta hai kyonki paalna dvaara hi prem aur jeevan ki unnati praapta hoti hai। paalna dvaara aatma yogya ban jaati hai। chhota sa bachcha bhi paalna dvaara apni jeevan ki manzil ko pahunchne ke liye himmatvaan ban jaata hai। aise roohaani paalna dvaara aatma nirbal se shakti swaroop ban jaati hai। apni manzil ki or teevragti se pahunchne ki himmatvaan ban jaati hai। paalna mein woh sada prem ke saagar baap dvaara sachche athaah prem ki anubhooti karti hai। aise raajya satta ki nishaaniyaan apne mein anubhav karte ho? adheenta ke sanskaar parivartan ho,adhikaareepan ke sanskaar anubhav karte ho?raajya satta ke sanskaar bhar gaye hain? nishaaniyaan to yahaan dikhaai dengi va bhavishya mein?raajya satta ki ek aur bhi visheshta hai,jaante ho? ‘sada atal aur akhanda raajya।'yeh mahima apne raajya ki karte ho na! yeh bhi nishaani check karo ki raajya satta ki jo bhi nishaaniyaan hain woh atal aur akhanda hain? satta khandit to nahi hoti! abhi-abhi adhikaari, abhi-abhi adheen hoga to unko akhanda kaha jaayega?isse hi apne aapko jaan sakte ho ki meri praalabdha kya hai - raajya adhikaari hoon va raajya ke andar rahne vaala hoon?

isi reeti - dharma satta arthaat har dhaarna ki shakti svayan mein anubhav karne vaali aatma। jaise pavitrata ke dhaarna ki shakti anubhav karne vaali। pavitrata ki shakti se sada parampoojya ban jaate। pavitrata ki shakti se is patit duniya ko parivartan kar lete ho। pavitrata ki shakti vikaaron ki agni mein jalti hui aatmaon ko sheetal bana deti hai। pavitrata ki shakti aatma ko anek janmon ke vikarmon ke bandhan se chhuda deti hai। pavitrata ki shakti netraheen ko teesra netra de deti hai। pavitrata ki shakti se is saare srishti roopi makaan ko girne se thama sakte hain। pavitrata pilarsa hain - jiske aadhaar par dvaapar se yeh srishti kuchh na kuchh thami hui hai। pavitrata light ka crown hai। aise pavitrata ki dhaarna - ‘yeh hai dharma satta'। isi prakaar har gun ki dhaarna, har gun ki visheshta aatma mein samaai hui ho। isko kaha jaata hai ‘dharma satta'। dharma satta arthaat dhaarna ki satta। aisi dharma satta vaali aatmaayen bane ho? dharma mein do visheshtaayen hoti hain। dharma satta sva ko aur sarva ko sahaj parivartan kar leti hai। parivartan shakti spashta hogi। saare chakra mein dekho jo bhi dharma satta vaali aatmaayen aai hain unhon ki visheshta hai - manushya aatmaon ko parivartan karna। saadhaaran manushya se parivartan ho koi bauddhi,koi krishchayan bana, koi math panth vaale bane। lekin parivartan to hue na! to dharma satta arthaat parivartan karne ki satta। pahle svayan ko phir auron ko। dharma satta ki doosri visheshta hai - ‘paripakvata'। hilne vaale nahin। paripakvata ki shakti dvaara hi parivartan kar sakenge। chaahe sitam hon,glaani ho,aapojishan ho lekin apni dhaarna mein paripakva rahen। yeh hain dharma satta ki visheshtaayen। dharma satta vaali har karma mein nirmaan। jitna hi gunon ki dhaarna sampanna hoga arthaat gunon roopi phal swaroop hoga utna hi phal sampanna hote bhi nirmaan hoga। apni ‘nirmaan' sthiti dvaara hi har gun ko pratyaksha kar sakenge। jo bhi brahman kul ki dhaarnaayen hain un sarva dhaarnaaon ki shakti hona arthaat dharma sattaadhaari hona। to raajya satta aur dharma satta donon sanskaar har aatma mein bhar gaye hain! donon ka balance hai?

aaj baapdaada sabhi bachchon ka yeh chart dekh rahe the ki kahaan tak dharma satta aur raajya satta adhikaari bane hain! nambarvaar honge va sabhi ek jaise honge? mera number kya hai yeh jaan sakte ho? yahaan sab raaje baithe ho na! praja banaane vaale ho na! svayan to praja nahin ho na! to sabhi apne ko aise raajya satta aur dharma satta adhikaari banaao। samjha - raajya vansh ki nishaaniyaan kya hain? dehli aur mahaaraashtra zone vaale baithe hain na! raajdhaani vaale bhi raajya adhikaari banenge na! aur mahaaraashtra vaale mahaan banenge। mahaan arthaat raajya adhikaari। to donon hi sthaan ki mahaan shreshtha aatmaayen aai hui hain। aur videshi kya banenge? raajya karne vaale va raajya ko dekhne vaale banenge? sabse aage jaayenge na! achha –

aise raajya satta aur dharma satta adhikaari, sada sampanna ban auron ko sampanna banaane vaale,parivartan shakti dvaara sva parivartan aur vishwa parivartan karne vaali shreshtha aatmaayen, saara kalpa mahima aur poojan hone vaali pavitra aatmaayen, sada apne pavitrata ke gun dvaara sarva ko gunvaan banaane vaali gun moorta aatmaon ko baapdaada ka yaadapyaar aur namaste।''

party ke saath:-

1. samay ke pramaan svayan ko parivartan karo:- abhi samay ke pramaan parivartan ki gati teevra chaahiye। jab samay teevragti mein ja raha hai aur parivartan karne vaale teevragti mein nahin honge to samay parivartan ho jaayega aur svayan kami vaale hi rah jaayenge। kami vaali aatmaon ki nishaani kya dikhaai hai?kamaan। to kamaandhaari banna hai va chhatradhaari banna hai? sooryavanshi banna hai na?to soorya sada tej hota hai aur teevragti mein kaarya karta hai। soorya ke antar mein chandrama sheetal gaaya jaata hai। to purooshaartha mein sheetal nahin hona hai। purooshaartha mein sheetal hue to chandravanshi ho jaayenge। sooryavanshi ki nishaani hai - teevra purooshaartha। socha aur kiya। aise nahin, socha ek varsha pahle aur kiya doosre varsha mein। teevra purooshaartha arthaat udti kala vaale। abhi chadhti kala ka samay bhi chala gaya। ab to aage badhne ka bahut sahaj saadhan mila hua hai sirf ek shabd ki gift hai - woh kaun si? ‘mera baba', yahi ek shabd aisi lift hai jo ek second mein neeche se oopar ja sakte ho। kya yeh lift use karne nahin aati? ab lift ka jamaana hai phir seedhi kyon chadhte ho?lift mein koi thakaavat nahin hoti। socha aur pahuncha। to kaun ho? ek hi shabd lift hai - jyaada sochne ki jaroorat nahin,ek shabd ek number mein pahuncha dega।‘jab mera baba hua to main usmein sama gai।'itni sahaj lift use karo - use karne vaale pahunch jaate aur dekhne vaale, sochne vaale rah jaate। to ab ek shabd ke smriti swaroop hokar sada samartha aatma ban jaao।

sada har kadam aage badhaate doosron ko bhi aage badhaate raho। jitna svayan sampanna honge utna auron ko bhi sampanna bana sakenge।

achha - omshaanti।