Avyakt murli du vendredi 21 janvier 1983

>

21-01-83 om shanti avyakt baapdaada madhuban

sangam par baap aur brahman sada saath-saath

behad ki seva ke nimitta banaane vaale baap daada apne phrendas bachchon ke prati bole :-

aaj baapdaada apne right haindaj se sirf haindashek karne ke liye aaye hain। to haindashek kitne mein hoti hai? sabhi ne haindashek kar li? phir bhi ek dridh sankalp kar sachche saajan ki sajniyaan to ban gai hain। tab hi vishwa ki seva ka kaarya sambhaalne ke nimitta bani ho? vaayde ke pakke hone ke kaaran baap daada ko bhi vaayda nibhaana pada। vaayda to poora hua na। sabse nazdeek se nazdeek god ke phrendas kaun hain? abhi sabhi god ke ati sameep ke phrendas ho। kyonki samaan kartavya par ho। jaise baap behad ki seva prati hai vaise hi aap chhote bade behad ke sevaadhaari ho। aaj vishesh chhote-chhote phrendas ke liye khaas aaye hain। kyonki hain chhote lekin jimmedaari to badi li hai na। isliye chhote phrendas jyaada priy hote hain। abhi ulhana to nahin raha na। achha। (bahnon jo geet gaaya - jo vaayda kiya hai, nibhaana padega)’’

baapdaada to sada hi bachchon ki seva mein tatpar hi hai। abhi bhi saath hain aur sada hi saath hain। jab hain hi combined to combined ko koi alag kar sakta hai kya? yeh roohaani yugal swaroop kabhi bhi ek do se alag nahin ho sakte। jaise brahma baap aur daada combined hain, unhon ko alag kar sakte ho? to follow father karne vaale braahman shreshtha aur baap combined hain। yeh to aana aur jaana to drama mein drama hai। vaise anaadi drama anusaar anaadi combined swaroop sangamayug par ban hi gaye ho। jab tak sangamayug hai,tab tak baap aur shreshtha aatmaayen sada saath hain। isliye khel mein khel karke geet bhale gaao, naacho gaao, hanso-bahlo lekin combined roop ko nahin bhoolna। baap daada to master shikshak ko bahut shreshtha najar se dekhte hain,vaise to sarva braahman shreshtha te shreshtha hain lekin jo master shikshak ban apne dil va jaan, sik va prem se din raat sachche sevak ban seva karte woh vishesh mein vishesh aur vishesh mein bhi vishesh hain। itna apna svamaan sada smriti mein rakhte hue sankalp,bol aur karma mein aao। sada yahi yaad rakhna ki ham naynon ke noor hain। mastak ki mani hain, gale ke vijay maala ke manke hain aur baap ke hothon ki muskaan ham hain। aise sarva chaaron or se aaye hue chhote-chhote aur bade priy phrendas ko va jo bhi sabhi bachche aaye hain,woh sabhi apne-apne naam se apni yaad sveekaar karna। chaahe neeche baithe hain, chaahe oopar baithe hain,neeche vaale bhi naynon mein aur oopar vaale naynon ke sammukh hain। isliye abhi vaayda nibhaaya, abhi sabhi phrendas mein sarva saathiyon se yaadapyaar aur namaste।

thoda-thoda milna achha hai। aap logon ne itna hi vaayaada kiya tha। (geet abhi na jaao chhod ke,ki dil abhi bhara nahin…) dil bharne vaali hai kabhi? yeh to jitna milenge utna dil bharegi। achha - (deedi ji ko dekhte hue) - theek hai na। deedi se vaayda kiya hua hai, saakaar ka। to yeh bhi nibhaana padta hai। dil bhar jaae to khaali karna padega,isliye bharta hi rahe to theek hai। (deedi ji se) inka sankalp jyaada aa raha tha। aap sab chhoti-chhoti bahnon se daadi-deedi ka jyaada pyaar rehta hai। deedi-daadi jo nimitta hai,unhon ka aap logon se vishesh pyaar। achha kiya,baap daada bhi aaphreen dete hain। jis pyaar se aap logon ko yeh chance mila hai,us pyaar se milan bhi hua। niyam pramaan aana yeh koi badi baat nahin,yeh bhi ek vishesh sneh ka vishesh pyaar ka rirtan mil raha hai। isliye jis umang se aap log aaye,drama mein aap sabka bahut hi achha golden chance raha। to sab golden chancellor ho gaye na। woh sirf chancellor hote hain, aap golden chancellor ho achha’’