Avyakt murli du dimanche 17 avril 1983

>

17-04-83 om shanti avyakt baapdaada madhuban

karmaateet sthiti ke liye sametne aur saamne ki shaktiyon ki aavashyakta

sarva praaptiyon aur shaktiyon se sampanna banaane vaale sarvashaktivaan shivbaaba bole:-

aavaaz se pare apni shreshtha sthiti ko anubhav karte ho? woh shreshtha sthiti sarva vyakta aakarshan se pare shaktishaali nyaari aur pyaari sthiti hai। ek second bhi is shreshtha sthiti mein sthit ho jaao to uska prabhaav saara din karma karte hue bhi svayan mein vishesh shanti ki shakti anubhav karenge। isi sthiti ko - karmaateet sthiti,baap samaan sampoorn sthiti kaha jaata hai। isi sthiti dvaara har kaarya mein saphalta ka anubhav kar sakte ho। aisi shaktishaali sthiti ka anubhav kiya hai? brahman jeevan ka lakshya hai - karmaateet sthiti ko paana। to lakshya ko praapta karne ke pahle abhi se isi abhyaas mein rahenge tab hi lakshya ko praapta kar sakenge। isi lakshya ko paane ke liye vishesh svayan mein sametne ki shakti, samaane ki shakti aavashyak hai। kyonki vikaari jeevan va bhakti ki jeevan donon mein janmajanmaantar se buddhi ka vistaar mein bhatakne ka sanskaar bahut pakka ho gaya hai। isliye aise vistaar mein bhatakne vaali buddhi ko saar roop mein sthit karne ke liye in donon shaktiyon ki aavashyakta hai। shuru se dekho - apne deh ke bhaan ke kitne variety prakaar ke vistaar hain। usko to jaante ho na! main bachcha hoon, main javaan hoon, main bujurga hoon। main phalaane-phalaane occupation vaala hoon। isi prakaar ke deh ki smriti ke vistaar kitne hain! phir sambandh mein aao kitna vistaar hai। kiska bachcha hai to kiska baap hai,kitne vistaar ke sambandh hain। usko varnan karne ki aavashyakta nahin, kyonki jaante ho। isi prakaar deh ke padaartho ka bhi kitna vistaar hai! bhakti mein anek devtaaon ko santushta karne ka kitna vistaar hai। lakshya ek ko paane ka hai lekin bhatakne ke saadhan anek hain। itne sabhi prakaar ke vistaar ko saar roop mein laane ke liye samaane ki va sametne ki shakti chaahiye। sarva vistaar ko ek shabd se sama dete। woh kya? - ‘‘bindu’’। main bhi bindu baap bhi bindu। ek baap bindu mein saara sansaar samaaya hua hai। yeh to achhi tarah se anubhvi ho na। sansaar mein ek hai sambandh, doosri hai sampatti। donon visheshtaayen bindu baap mein samaai hui hain। sarva sambandh ek dvaara anubhav kiya hai? sarva sampatti ki praapti sukh-shanti,khushi yeh bhi anubhav kiya hai ya abhi karna hai? to kya hua? vistaar saar mein sama gaya na! apne aap se poochho anek taraph vistaar mein bhatakne vaali buddhi sametne ke shakti ke aadhaar par ek mein ekaagra ho gai hai? va abhi bhi kahaan vistaar mein bhatakti hai! sametne ki shakti aur samaane ki shakti ka prayog kiya hai? ya sirf knowledge hai! agar in donon shaktiyon ko prayog karna aata hai to uski nishaani second mein jahaan chaaho jab chaahe buddhi usi sthiti mein sthit ho jaayegi। jaise sthool savaari mein powerful brake hoti hai to usi second mein jahaan chaahen vahaan rok sakte hain। jahaan chaahen vahaan gaadi ko ya savaari ko usi disha mein le ja sakte hain। aise svayan yeh shakti anubhav karte ho va ekaagra hone mein samay lagta hai? va vyartha se samartha ki or buddhi ko sthit karne mein mehnat lagti hai? agar samay aur mehnat lagti hai to samjho in donon shaktiyon ki kami hai। sangamayug ke brahman jeevan ki visheshta hai hi - saar roop mein sthit ho sada sukh-shanti ke,khushi ke,gyaan ke,aananda ke jhoole mein jhoolna। sarva praaptiyon ke sampanna swaroop ke avinaashi nashe mein sthit raho। sada chehre par praapti hi praapti hai - us sampanna sthiti ki jhalak aur phalak dikhaai de। jab sirf sthool dhan se sampanna vinaashi raajaai praapta karne vaale raajaaon ke chehre par bhi dvaapar ke aadi mein woh chamak thi। yahaan to avinaashi praapti hai। to kitni roohaani jhalak aur phalak chehre se dikhaai degi! aise anubhav karte ho?va sirf anubhav sun karke khush hote ho! paandav sena vishesh hai na! paandav sena ko dekh harshit zaroor hote hain। lekin paandavon ki visheshta hai unhein sada bahaadur dikhaate hain,kamzor nahin। apne yaadgaar chitra dekhe hain na। chitron mein bhi mahaaveer dikhaate hain na। to baapdaada bhi sabhi paandavon ko vishesh roop se, sada vijayi, sada baap ke saathi arthaat paandavapti ke saathi, baap samaan master sarvashaktivaan sthiti mein sada rahen, yahi vishesh smriti ka vardaan de rahe hain। bhale naye bhi aaye ho lekin ho to kalpa pahle ke adhikaari aatmaayen। isliye sada apne sampoorn adhikaar ko paana hi hai - is nashe aur nishchay mein sada rehna। samjha। achha!

sada second mein buddhi ko ekaagra kar, sarva praapti ko anubhav kar, sada sarva shaktiyon ko samay pramaan prayog mein laate, sada ek baap mein saara sansaar anubhav karne vaale, aise sampanna aur samaan shreshtha aatmaon ko baapdaada ka yaad-pyaar aur namaste।’’

party ke saath

(1) adharkumaaron ke saath:- aisa shreshtha bhaagya kabhi apne liye socha tha? kabhi ummeed bhi nahin thi ki itna shreshtha bhaagya humein praapta ho sakta hai lekin naaummeed aatmaon ko baap ne ummeedvaar bana diya। naaummeedi ka samay ab samaapta ho gaya। abhi har kadam mein ummeed rehti hai ki hamaari saphalta hai hi। yeh sankalp to nahin aata ki pata nahin hogi ya nahin hogi?kisi bhi kaarya mein chaahe svayan ke purooshaartha mein, chaahe seva mein, donon mein naaummeedi ka sanskaar samaapta ho jaae। koi bhi sanskaar chaahe kaam ka, chaahe lobh ka, chaahe ahankaar ka, badalne mein naaummeedi na aae। aise nahin main to badal hi nahin sakta,yeh to badalna bada mushkil hai। aisa sankalp bhi na aaye। kyonki agar abhi nahin khatma karenge to kab karenge?abhi dashahra hai na। satayug mein to deepmaala ho jaayegi। raavan ko khatma karne ka dashahra abhi hai। ismen sada vijay ka umang utsaah rahe। naaummeedi ke sanskaar nahin। koi bhi mushkil kaarya itna sahaj anubhav ho jaise koi badi baat hi nahin hai kyonki anek baar kaarya kar chuke hain। koi nai baat nahin kar rahe hain। kai baar ki hui ko repeat kar rahe hain। to sada ummeedvaar। naaummeed ka naam nishaan bhi na rahe। kabhi koi svabhaav sanskaar mein sankalp na aaye ki pata nahin yeh parivartan hoga ya nahin hoga। sada ke vijayi, kabhi-kabhi ke nahin। agar koi svapna mein bhi kami ho to usko sada ke liye samaapta kar dena। naaummeed ko sada ke liye ummeed mein badal dena। nishchay atoot hai to vijay bhi sada hai। nishchay mein jab kyon, kya aata to vijay arthaat praapti mein bhi kuchh na kuchh kami pad jaati hai to sada ummeedvaar,sada vijayi। naaummeedon ko sadaakaal ke liye ummeedon mein badalne vaale।

(2) sada apne ko sangamayugi shreshtha aatmaayen, purooshottam aatmaayen va brahman choti mahaan aatmaayen samajhte ho? abhi se purooshottam ban gaye na। duniya mein aur bhi puroosh hain lekin unhon se nyaare aur baap ke pyaare ban gaye isliye purooshottam ban gaye। auron ke beech mein apne ko alaukik samajhte ho na! chaahe samparka mein laukik aatmaon ke aate lekin unke beech mein rehte hue bhi main alaukik nyaari hoon yeh to kabhi nahin bhoolna hai na! kyonki aap ban gaye ho hans, gyaan ke moti chugne vaale ‘holi hans’ ho। woh hain ganda khaane vaale bagule। ve ganda hi khaate,ganda hi bolte…to bagulon ke beech mein rehte hue apna holeehans jeevan kabhi bhool to nahin jaate! kabhi uska prabhaav to nahin pad jaata? vaise to uska prabhaav hai maayaavi aur aap ho maayaajeet to aapka prabhaav un par padna chaahiye,unka aap par nahin। to sada apne ko holeehans samajhte ho? holeehans kabhi bhi buddhi dvaara sivaae gyaan ke moti ke aur kuchh sveekaar nahin kar sakte। brahman aatmaayen jo oonch hain, choti hain woh kabhi bhi neeche ki baaten sveekaar nahin kar sakte। bagule se holeehans ban gaye। to holeehans sada svachchha, sada pavitra। pavitrata hi svachchhata hai। hans sada svachchha hai, sada saphed-saphed। saphed bhi svachchhata va pavitrata ki nishaani hai। aapki dress bhi saphed hai। yeh pyooriti ki nishaani hai। kisi bhi prakaar ki apvitrata hai to holeehans nahin। holeehans sankalp bhi ashuddha nahin kar sakte। sankalp bhi buddhi ka bhojan hai। agar ashuddha va vyartha bhojan khaaya to sada tanduroosta nahin rah sakte। vyartha cheez ko phenka jaata,ikattha nahin kiya jaata isliye vyartha sankalp ko bhi samaapta karo,isi ko hi holeehans kaha jaata hai।’’achha –

paandavon se - paandav arthaat sankalp aur svapna mein bhi haar na khaane vaale। vishesh yeh slogan yaad rakhna ki paandav arthaat sada vijayi। svapna bhi vijay ka aaye। itna parivartan karna। sabhi jo baithe ho - vijayi paandav ho। vahaan jaakar haar kha li, yeh patra to nahin likhenge? maaya aa nahin jaati lekin aap use khud bulaate ho। kamzor banna arthaat maaya ko bulaana। to kisi bhi prakaar ki kamzori maaya ko bulaati hai। to paandavon ne kya pratigya ki? sada vijayi rahenge! haar kha karke chhipna nahin,lekin sada vijayi rehna। aise pratigya karne vaalon ko sada baapdaada ki badhaai milti rehti hai। sada vaah-vaah ke geet baap aise bachchon ke liye gaate rehte hain। to vaah-vaah ke geet sunenge na sabhi। haar hogi to haay-haay karenge, vijayi honge to vaah-vaah karenge। sab vijayi, saare group mein ek bhi haar khaane vaala nahin!

achha - om shanti।