Avyakt murli du mardi 19 avril 1983

>

19-04-83 om shanti avyakt baapdaada madhuban

sangamayug ka prabhu phal khaane se sarva praaptiyaan

karmayog ki shiksha dene vaale, sarva snehi baapdaada bole:-

aaj baapdaada apne sarva snehi bachchon ko sneh ka return dene, milan manaane, sneh ka pratyakshaphal,sneh ki bhaavna ka shreshtha phal dene ke liye bachchon ke sangathan mein aaye hain। bhakti mein bhi sneh aur bhaavna bhakta-aatma ke roop mein rahi। to bhakta roop mein bhakti thi lekin shakti nahin thi। sneh tha lekin pahchaan va sambandh shreshtha nahin tha। bhaavna thi lekin alpakaal ki kaamna bhari bhaavna thi। abhi bhi sneh aur bhaavna hai lekin sameep sambandh ke aadhaar par sneh hai। adhikaareepan ke shakti ki,anubhav ke athaarti ki shreshtha bhaavna hai। bhikhaareepan ki bhaavna badal, sambandh badal adhikaareepan ka nishchay aur nasha chadh gaya। aise sada shreshtha praapti aur seva ki bhaavna vaali shreshtha aatmaon ko pratyakshaphal praapta hua hai। sabhi pratyakshaphal ke anubhvi aatmaayen ho? pratyakshaphal khaakar dekha hai?aur phal to satayug mein bhi milenge aur ab kaliyug ke bhi bahut phal khaaye। lekin sangamayug ka ‘prabhuphal’,pratyaksha phal agar ab nahin khaaya to saare kalpa mein nahin kha sakte। baapdaada sabhi bachchon se poochhte hain - prabhu phal, avinaashi phal, sarva shaktiyaan, sarvagun,sarva sambandh ke sneh ke ras vaala phal khaaya hai? sabhi ne khaaya hai ya koi rah gaya hai?yeh eeshvareey jaadu ka phal hai। jis phal khaane se lohe se paaras se bhi jyaada heera ban jaate ho। is phal se jo sankalp karo woh praapta kar sakte ho। avinaashi phal,avinaashi praapti। aise pratyaksha phal khaane vaale sada hi maaya ke rog se tanduroosta rehte hai। duhkh,ashaanti se,sarva vighnon se sada door rahne ka amar phal mil gaya hai! baap ka banna aur aise shreshtha phal praapta hona।

aaj baapdaada aaye hue vishesh paandav sena ko dekh harshit to ho hi rahe hain। saath-saath brahma baap ke hamjinsa hai। to hamjinsa se sada party ki jaati, picnic manaai jaati। to aaj is prabhuphal ki picnic mana rahe hain। lakshmi naaraayan bhi aisi picnic nahin karenge। brahma baap aur braahmanon ki yeh alaukik picnic hai। brahma baap hamjinsa ko dekh harshit hote hain। lekin hamjinsa hi banna। har kadam mein follow father karne vaale samaan saathi arthaat hamjinsa। aise hamjinsa ho na va abhi soch rahe ho kya karen kaise karen। sochne vaale ho va samaan banne vaale ho?second mein sauda karne vaale ho va abhi bhi sochne ka samay chaahiye?sauda karke aaye ho va sauda karne aaye ho? parmishan kisko mili hai,sabhi ne form bhare the?va chhoti-chhoti braahmaniyon ko baaten bataake pahunch gaye ho? aise bahut meethi-meethi baaten bataate hain। baapdaada ke paas sabhi ke man ke saphaai ki aur chaturaai ki donon baate pahunchti hain। niyam pramaan sauda karke aana hai। lekin madhuban mein kai sauda karne vaale bhi aa jaate hain। karke aane vaale ke bajaae yahaan aakar sauda karte hain isliye baapdaada quantity mein quality ko dekh rahe hain। quantity ki visheshta apni hai, quality ki visheshta apni hai। chaahiye donon hi। guldaste mein variety rang roop vaale phoolon se sajaavat hoti hai। patte bhi nahin honge to guldasta nahin shobhega। to baapdaada ke ghar ke shringaar to sabhi hue,sabhi ke mukh se baba shabd to nikalta hi hai। bachche ghar ka shringaar hote hain। abhi bhi dekho yeh om shanti bhavan ka haal aap sabke aane se saj gaya hai na। to ghar ke shringaar, baap ke shringaar, sada chamakte raho। quantity se quality mein parivartan ho jaao। samjha - aaj to sirf milne ka din tha phir bhi brahma baap ko hamjinsa pasanda aa gaye। isliye picnic ki। achha -sada prabhu phal khaane ke adhikaari, sada brahma baap samaan second mein sauda karne vaale, har karma mein karmayogi, brahma baap ko follow karne vaale, aise baap samaan vishesh aatmaon ko,chaaron or ke quality aur quantity vaale bachchon ko baapdaada ka yaad-pyaar aur namaste।’’

party ke saath avyakt baapdaada ki mulaakaat (adharkumaaron se)

(1) sada apne ko vishwa ke andar koto mein se koi ham hain - aise anubhav karte ho?jab bhi yeh baat sunte ho - koton se koi,koi mein bhi koi to woh svayan ko samajhte ho?jab hoobhu part repeat hota hai to us repeat hue part mein har kalpa aap log hi vishesh honge na! aise atal vishvaas rahe। sada nishchaybuddhi sabhi baaton mein nishchinta rehte hain। nishchay ki nishaani hai nishchinta। chintaayen saari mit gai। baap ne chintaaon ki chita se bacha liya na! chintaaon ki chita se uthaakar diltakhta par bitha diya। baap se lagan lagi aur lagan ke aadhaar par lagan ki agni mein chintaayen sab aise samaapta ho gai jaise thi hi nahin। ek second mein samaapta ho gai na! aise apne ko shubhchintak aatmaayen anubhav karte ho! kabhi chinta to nahin rehti! na tan ki chinta,na man mein koi vyartha chinta aur na dhan ki chinta। kyonki daal roti to khaana hai aur baap ke gun gaana hai। daal roti to milni hi hai। to na dhan ki chinta, na man ki pareshaani aur na tan ke karmabhog ki bhi chinta। kyonki jaante hain yeh antim janma aur ant ka samay hai ismen sab chuktu hona hai isliye sada -’shubhchintak’। kya hoga! koi chinta nahin। gyaan ki shakti se sab jaan gaye। jab sab kuchh jaan gaye to kya hoga, yeh question khatma। kyonki gyaan hai jo hoga woh achhe te achha hoga। to sada shubhchintak,sada chintaaon se pare nishchay buddhi, nishchinta aatmaayen, yahi to jeevan hai। agar jeevan mein nishchinta nahin to woh jeevan hi kya hai! aisi shreshtha jeevan anubhav kar rahe ho? parivaar ki bhi chinta to nahin hai?harek aatma apna hisaab kitaab chuktu bhi kar rahi hai aur bana bhi rahi hai ismen ham kya chinta karen! koi chinta nahin। pahle chita par jal rahe the abhi baap ne amrit daal jalti chita se marjeeva bana diya। jinda kar diya। jaise kehte hain mare hue ko jinda kar diya। to baap ne amrit pilaaya aur amar bana diya। mare hue murde ke samaan the aur ab dekho kya ban gaye। murde se mahaan ban gaye। pahle koi jaan nahin thi to murde samaan hi kahenge na। bhaasha bhi kya bolte the, agyaani log bhaasha mein bolte hain - mar jaao na। ya kahenge ham mar jaae to bahut achha। ab to marjeeva ho gaye,vishesh aatmaayen ban gaye। yahi khushi hai na। jalti hui chita se amar ho gaye, yeh koi kam baat hai! pahle sunte the bhagwan murde ko bhi jinda karta hai, lekin kaise karta yeh nahin samajhte the। abhi samajhte ho ham hi jinda ho gaye to sada nashe aur khushi mein raho।

teachers ke saath

sevaadhaariyon ki visheshta kya hai? sevaadhaari arthaat aankh khule aur sada baap ke saath baap ke samaan sthiti ka anubhav kare। amritvele ke mahatva ko jaanne vaale vishesh sevaadhaari। vishesh sevaadhaari ki mahima hai - jo vishesh vardaan ke samay ko jaanen aur vishesh vardaanon ka anubhav karen। agar anubhav nahin to saadhaaran sevaadhaari hue, vishesh nahin। vishesh sevaadhaari banna hai to yeh vishesh adhikaar lekar vishesh ban sakte ho। jisko amritvele ka, sankalp ka, samay ka aur seva ka mahatva hai aise sarva mahatva ko jaanne vaale vishesh sevaadhaari hote hain। to is mahatva ko jaan mahaan banna hai। isi mahatva ko jaan svayan bhi mahaan bano aur auron ko bhi mahatva batlaakar,anubhav karaakar mahaan banaao।

achha - om shanti।