Avyakt murli du samedi 30 avril 1983

>

30-04-83 om shanti avyakt baapdaada madhuban

param poojya banne ka aadhaar

param poojya, mahaan aatma banaane vaale shreshtha pad ki praapti karaane vaale shiv baba bole:-

sabhi madhuban mahaan teertha par mela manaane ke liye chaaron or se pahunch gaye hain। isi mahaan teertha ke mele ki yaadgaar abhi bhi teertha sthaanon par mele lagte rehte hain। isi samay ka har shreshtha karma ka yaadgaar charitron ke roop mein, geeton ke roop mein abhi bhi dekh aur sun rahe ho। chaitanya shreshtha aatmaayen apna chitra aur charitra dekh sun rahi hain। aise samay par buddhi mein kya shreshtha sankalp chalta hai? samajhte ho na ki ham hi the, ham hi ab hain। aur kalpa-kalpa ham hi phir honge। yeh ‘‘phir se’’ki smriti aur knowledge aur kisi bhi aatma ko, mahaan aatma ko, dharma aatma ko va dharma pita ko bhi nahin hai। lekin aap sab brahman aatmaon ko itni spashta smriti hai va spashta knowledge hai jaise 5000varsha ki baat kal ki baat, hai। kal the aaj hain phir kal honge। to aaj aur kal in donon shabdon me 5000 varsha ka itihaas samaaya hua hai। itna sahaj aur spashta anubhav karte ho! koi honge va ham hi the, ham hi hain! jad chitron mein apne chaitanya shreshtha jeevan ka saakshaatkaar hota hai? va samajhte ho ki yeh mahaarthiyon ke chitra hain,va aap sabke hain? bhaarat mein 33 karod devtaaon ko namaskaar karte hain arthaat aap shreshtha brahman so devtaaon ke vansh ke bhi vansh,unke bhi vansh,sabhi ka poojan nahin to gaayan to karte hi hain। to socho jo svayan poorvaj hain unhon ka naam kitna shreshtha hoga! aur poojan bhi poorvajon ka kitna shreshtha hoga।9 laakh ka bhi gaayan hai। usse aage 16 hajaar ka gaayan hai phir 108 ka hai phir 8 ka hai। usse aage yugal daane ka hai। nambarvaar hain na! gaayan to sabhi ka hai kyonki jo bhaagya vidhaata baap ke bachche bane, is bhaagya ke kaaran unhon ka gaayan aur poojan donon hota hai lekin poojan mein do prakaar ka poojan hai। ek hai prem ki vidhi poorvak poojan aur doosra hai sirf niyam poorvak poojan। donon mein antar hain na। to apne se poochho, main kaun si poojya aatma hoon? pahle bhi sunaaya tha ki koi-koi bhakta,devta naaraaz na ho jaae is bhay se pooja karte hain। aur koi-koi bhakta dikhaava maatra bhi pooja karte hain। aur koi-koi samajhte hain bhakti ka niyam va pharja nibhaana hai। chaahe dil ho ya na ho lekin nibhaana hai। aise pharja samajh karte hain। chaaron hi prakaar ke bhakta kisi na kisi prakaar se bante hain। yahaan bhi dekho dev aatma banne vaale, brahmaakumaar kumaari kahlaane vaale bhinna-bhinna prakaar ke hain na। number one poojya sada sahaj sneh se aur vidhi poorvak yaad aur seva va yogi aatma, divyagun dhaaran karne vaali aatma ban chal rahe hain। chaar subject dvaara vidhi aur siddhi praapta kiye hue hain। doosre number ke poojya vidhi poorvak nahin lekin niyam samajh karke karenge chaar hi subject poore lekin vidhi siddhi ke praapti swaroop ho karke nahin। lekin niyam samajhkar chalna hi hai, karna hi hai, isi lakshya se jitna kaayda utna phaayda praapta karte hue aage badh rahe hain। woh dil ka sneh svatah aur sahaj banaata hai। aur niyam poorvak vaalon ko kabhi sahaj kabhi mushkil lagta। kabhi mehnat karni padti aur kabhi muhabbat ki anubhooti hoti। number one lavleen rehte,number do lav mein rehte। number teesra majority samay chaaron hi subject dil se nahin lekin dikhaava maatra karte hain। yaad mein bhi baithenge - naameegraami banne ke bhaav se। aise dikhaava maatra seva bhi khoob karenge। jaisa samay vaisa alpakaal ka roop bhi dhaaran kar lenge lekin dimaag tej aur dil khaali। number chautha sirf dar ke maare koi kuchh kah na de ki yeh to hai hi last number ka va yeh aage chal nahin sakta,aise koi is najar se nahin dekhe। brahman to ban hi gaye aur shoodra jeevan bhi pasanda nahin aur brahman jeevan mein vidhi poorvak chalne ki himmat nahin isliye majboori majdhaar mein aa gaye। aise majboori va dar ke maare chalte hi rehte। aise kabhi-kabhi apne shreshtha jeevan ka anubhav bhi karte hain isliye is jeevan ko chhod bhi nahin sakte। aise ko kahenge chauthe number ka poojya aatma। to unhon ki pooja kabhi-kabhi aur dar ke maare majboori bhakta ban nibhaana hai, isi pramaan chalti rehti। aur dikhaava vaale ki bhi pooja dil se nahin lekin dikhaava maatra hoti। isi pramaan chalte rehte। to chaar hi prakaar ke poojya dekhe hain na! jaisa abhi svayan banenge vaise hi satayug treta ki royal family va praja usi number pramaan banegi aur dvaapar kaliyug mein aise hi bhakta maala banegi। abhi apne aap se poochho - main kaun! va chaaron mein hi kabhi kahaan kabhi kahaan chakra lagaate ho? phir bhi bhaagya vidhaata ke bachche bane, poojya to zaroor banenge। naameegraami arthaat shreshtha,poojya 16hajaar tak nambarvaar ban jaate hain। baaki9 laakh last samay tak arthaat kaliyug ke pichhaadi ke samay tak thode bahut poojya ban jaate hain। to samjha gaayan to sabka hota hai। gaayan ka aadhaar hai - bhaagya vidhaata baap ka banna। aur poojan ka aadhaar hai - chaaron subject mein pavitrata, svachchhata,sachchaai,saphaai। aise par baapdaada bhi sada sneh ke phoolon se poojan arthaat shreshtha maante hain। parivaar bhi shreshtha maante hain aur poojan arthaat shreshtha maante hain। parivaar bhi shreshtha maante hain aur vishwa bhi vaah-vaah ke nagaade bajaae unhon ki man se pooja karega। aur bhakta to apna eeshta samajh dil mein samaayenge। to aise poojya bane ho? jab hai hi parampita। sirf pita nahin hai lekin param hai to banaayenge bhi param na! poojya banna badi baat nahin hai lekin param poojya banna hai।

baapdaada bhi bachchon ko dekh harshit hote hain। muhabbat mein mehnat ko mahsoos na kar pahunch jaate hain। abhi to rest house mein aa gaye na! tan-man donon ke liye rest hain na! rest maana sona nahin। sona banne ki rest mein aaye hain। paaraspuri mein aa gaye ho na! jahaan sang hi paaras aatmaon ka hai, vaayumandal hi sona banaane vaala hai। baaten hi din raat sona banne ki hain। achha –

aise sada param poojya aatmaon ko, sada vidhi dvaara shreshtha siddhi ko paane vaale, sada mahaan ban mahaan aatmaayen banaane vaale,svayan ko sada sahaj aur svatah yogi, nirantar yogi sneh sampanna yogi,anushaasan karne vaale, aisi sarva shreshtha aatmaon ko,chaaron or ke aakaari roopdhaari sameep bachchon ko, aise saakaari aakaari sarva sammukh upasthit hue bachchon ko baapdaada ka yaad-pyaar aur namaste।’’

deedi-daadi ji se

sabhi parampoojya ho na! pooja achhi ho rahi hai na! baapdaada ko to ananya bachchon par naaj hai। baap ko naaj hai aur bachchon mein raaz hain। jo raazayukta hain un bachchon par baap ko sada naaj hai। raazayukta, yogayukta,gun yukta…sabka balance rakhne vaale sada baap ki blessing ki chhaaya mein rahne vaale। blessing ki sada hi varsha hoti rehti hai। janmate hi yeh blessing ki varsha shuru hui hai aur ant tak isi chhatrachhaaya ke andar golden phoolon ki varsha hoti rahegi। isi chhaaya ke andar chale hain,pale hain aur ant tak chalte rahenge। sada blessing ke golden phoolon ki varsha। har kadam baap saath hai arthaat blessing saath hai। isi chhaaya mein sada rahe ho। (daadi se) shuru se athak ho athak bhav ka vardaan hai isliye karte bhi nahin karte,yeh bahut achha। phir bhi avyakt hote samay jimmevaari ka taaj to daala hai na। inko (deedi ko) saakaar ke saathsaath sikhaaya aur aapko avyakt hone samay second mein sikhaaya। donon ko apne-apne tareeke se sikhaaya। yeh bhi drama ka part hai। achha!

vidaai ke samay 6.30 baje subah

sangamayug ki sab ghadiyaan good morning hi hain। kyonki sangamayug poora hi amritvela hai। chakra ke hisaab se sangamayug amritvela hua na। to sangamayug ka har samay goodmorning hi hai। to baapdaada aate bhi goodmorning mein hain, jaate bhi goodmorning mein hain। kyonki baap aata hai to raat se amritvela ban gaya। to aate bhi amritvele mein hain aur jab jaate hain to din nikal aata hai lekin rehta amritvele mein hi hai, din nikalta to chala jaata hai। aur aap log savera arthaat satayug ka din brahma ka din, usmein raajya karte ho। baap to nyaare ho jaayenge na। to puraani duniya ke hisaab se sada hi goodmorning hai। sada hi shubh hai aur sada shubh rahega। isliye shubh savera kahen,shubh raatri kahen, shubh din kahen, sab shubh hi shubh hai। to sabhi ko kaliyug ke hisaab se goodmorning aur sangamayug ke hisaab se goodmorning to goodmorning।

achha - om shanti।

prashn :- brahman jeevan mein mukhya foundation kaun sa hai?

uttar :-smriti hi brahman jeevan mein foundation hai। smriti ka sada attention। smriti sada samartha rahe to sada vijayi hain। jaise shareer ke liye shvaans foundation hai aise brahman jeevan ke liye ‘smriti’foundation hai, sada smriti rahen - yeh brahman janma vishesh janma hai, saadhaaran nahin। oonche te oonche baap ke saath oonche paartadhaari hain। to oonche paartadhaari ka har sankalp, har bol vishesh, saadhaaran nahin ho sakta।