Avyakt murli du dimanche 22 janvier 1984

>

22-01-84om shanti avyakt baapdaadaamdhuban

naameegraami sevaadhaari banne ki vidhi

gyaan ke saagar, shivbaaba,apne kuldeepak bachchon ke prati bole:-

aaj baapdaada apne ek tik jagte hue deepkon ki deepmaala ko dekh rahe hain। kaise har ek jaga hua deepak achal, nirvighna,apni jyoti se vishwa ko roshni de rahe hain। yeh deepkon ki roshni aatma ko jagaane ki roshni hai। vishwa ki sarva aatmaon ke aage jo agyaan ka aavran hai,usko mitaane ke liye kaise jagaakar aur jaga rahe hain, andhakaar ke kaaran anek prakaar ki thokren khaane vaale aap jage hue deepkon ki taraph bade pyaar se roshni ki ichchha se, aavashyakta se, aap deepkon ki taraph dekh rahe hain। aise andhakaar mein bhatakne vaali aatmaon ko gyaan ki roshni do। jo ghar-ghar mein deepak jag jaayen। (bijli chali gai) abhi bhi dekho andhakaar achha laga? roshni priy lagti hai na। to aise baap se connection judaao। connection jodne ka gyaan do।

sabhi double videshi refresh ho arthaat shaktishaali ban, light house, might house ban, knowledgeful ban, powerful ban, successful bankar ke seva sthaanon par ja rahe ho phir se aane ke liye। jaana arthaat saphalta swaroop ka part bajaakar ek se anek ho karke aana। jaate ho apne parivaar ki anya aatmaon ko baap ke ghar mein le aane ke liye। jaise had ki ladaai karne vaale yoddhe baahubal, science bal vaale yoddhe sarva shastran se sajkar yuddha ke maidaan par jaate hain vijay ka medal lene ke liye, aise aap sabhi roohaani yoddhe seva ke maidaan par ja rahe ho vijay ka jhanda lahraane ke liye। jitna-jitna vijayi bante ho utna baap dvaara sneh,sahayog,sameepta,sampoornata ke vijayi medals praapta karte ho। to yeh check karo ki ab tak kitne medals mile hain। jo visheshtaae hai va titles dete hain woh kitne medals dhaaran kiye hain। vishesh titles ki list nikaali hai na। woh list saamne rakhkar svayan ko dekhna ki yeh sab maidilsa humein praapta hain? abhi to yeh bahut thode nikaale hain। kam se kam108 to hone chaahiye। aur apne itne medals ko dekh nashe mein raho। kitne medals se saje hue ho। jaana arthaat visheshta ka kaarya kar sada naye te naye medals lete jaana। jaisa kaarya vaisa medal milta hai। to is varsha har ek seva ke nimitta bane hue bachchon ko yeh lakshya rakhna hai ki koi na koi aisa naveenta ka vishesh kaarya karen jo ab tak drama mein chhipa hua, noondha hua hai। us kaarya ko pratyaksha karen। jaise laukik kaarya mein koi visheshta ka kaarya karte hain to naameegraami ban jaate hain। chaaron or visheshta ke saath vishesh aatma ka naam ho jaata hai। aise harek samjhe ki mujhe vishesh kaarya karna hai। vijay ka medal lena hai। braahman parivaar ke beech vishesh sevaadhaariyon ki list mein naameegraami banna hai। roohaani nashe mein rehna hai। naam ke nashe mein nahin। roohaani seva ke nashe mein nimitta aur nirmaan ke certificate sahit naameegraami hona hai।

aaj double videshi group ka vijayi ban vijay sthal par jaane ka badhaai samaaroh hai। koi bhi vijay sthal par jaate hain to badi dhoomdhaam se khushi ke baaje gaaje se vijay ka tilak lagaakar badhaai manaai jaati hai। vidaai nahin, badhaai। kyonki baapdaada aur parivaar jaante hain ki aise sevaadhaariyon ki vijay nishchit hai। isliye badhaai ka samaaroh manaate hain। vijay hui padi hai na। sirf nimitta ban repeat karna hai। kyonki karne se nimitta ban - karenge aur paayenge! jo nimitta karma hai aur nishchit pratyaksha phal hai! is nishchay ke umang utsaah se ja rahe ho auron ko adhikaari bana kar le aane ke liye। adhikaar ka akhut khazaana mahaadaani ban daan punya karne ke liye ja rahe ho। ab dekhenge paandav aage jaate hain va shaktiyaan aage jaati hain। vishesh naya kaarya kaun karte hain। uska medal milega। chaahe koi aisi vishesh seva ke nimitta aatmaon ko nikaalo। chaahe seva ke sthaan aur vriddhi ko praapta karaao। chaahe chaaron or naam phailne ka koi vishesh kaarya karke dikhaao। chaahe aisa bada group taiyaar kar baapdaada ke saamne laao। kisi bhi prakaar ki vishesh seva karne vaale ko vijay ka medal milega।84 mein hi। kyonki December mein new year manaane to sabhi aate ho na। khud nahin bhi aayenge to samaachaar aa jaayega। aise vishesh kaarya karne vaale ko sab sahayog bhi mil jaata hai। svayan hi koi ticket bhi offer kar lenge। shuru- shuru mein jab aap sabhi seva par nikle the to seva kar first class mein saphar karte the। aur abhi ticket bhi lete aur second third mein aate। aisi koi company ki seva karo, sab ho jaayega। sevaadhaari ko saadhan bhi mil jaata hai। samjha! sabhi santushta hokar vijayi bankar ja rahe hain na। kisi bhi prakaar ki kamzori apne saath to nahin le ja rahe ho। kamzoriyon ko svaaha kar shaktishaali aatmaayen ban ja rahe ho na! koi kamzori rah to nahin gai! agar kuchh rah gaya ho jo special samay lekar samaapti karke jaana। achha –

aise sada achal, jage hue deepak, sada gyaan roshni dvaara andhakaar ko mitaane vaale, har samay seva ki visheshta mein vishesh part bajaane vaale,baap dvaara sarva praapta hue medals ko dhaaran karne vaale, sada vijay nishchit ke nishchay mein rahne vaale, aise avinaashi vijay ke tilakdhaari, sada sarva praaptiyon se sampanna,santushta aatmaon ko baapdaada ka yaadapyaar aur namaste!’’

jagdeesh bhaai se - baapdaada ke saakaar paalna ke pale hue ratnon ki value hoti hai। jaise laukik reeti mein bhi ped (vriksha) mein pake hue phalon ka kitna moolya hota hai। aise saakaar paalna mein pale hue arthaat ped mein pake hue। aaj aisi anubhvi aatmaon ko sabhi kitna pyaar se dekhte hain। pahle milan mein hi vardaan pa liya na। paalna arthaat vriddhi hi vardaanon se hui na। isliye sada paalna ke anubhav ka aavaaz anek aatmaon ki paalna ke liye prerit karte rahenge। saagar ke bhinna-bhinna sambandh ki lahron mein lahraane ke anubhvon ki lahron mein lahraate rahenge। seva ke nimitta aadi mein economy ke samay nimitta bane। economy ke samay nimitta banne ke kaaran seva ka phal sada shreshtha hai। samay pramaan sahayogi bane isliye vardaan mila। achha –

conference ke prati - sabhi milkar jab koi ek umang utsaah se kaarya karte hain to usmein saphalta sahaj hoti hai। sabhi ke umang se kaarya ho raha hai na to saphalta avashya hogi। sabhi ko milaana yeh bhi ek shreshthata ki nishaani hai। sabhi ke milne se anya aatmaayen bhi milan manaane ke sameep aati hai। dil ka sankalp milaana arthaat anek aatmaon ka milan manaana। isi lakshya ko dekhte hue kar rahe ho aur karte rahenge। achha - foreigners sab theek hain? santushta hain? abhi sab bade ho gaye hain। sambhaalne vaale hai। pahle chhote-chhote the to naaz nakhre karte the, abhi auron ko sambhaalne vaale ban gaye। humein koi sambhaale,yeh nahin। abhi mehnat lene vaale nahin, mehnat dene vaale। complaint karne vaale nahin, complete। koi bhi complaint abhi bhi nahin,phir peechhe bhi nahin, aisa hai na! sada khushkhabri ke samaachaar dena। aur jo nahin bhi aaye hain unhon ko bhi maayaajeet banaana। phir jyaada patra nahin likhne padenge। bas sirf O.ke.। likh dena, bas jyaada bade patra nahin likhna। sirf O.ke. achhi-achhi baaten bhale likho lekin short mein। achha।

teachers se - baapdaada ka teachers se vishesh pyaar hai kyonki samaan hain। baap bhi teacher aur aap master teacher। vaise bhi samaan pyaare lagte hain। bahut achha umang utsaah se seva mein aage badh rahi ho। sabhi chakravarti ho। chakra lagaate anek aatmaon ke sambandh mein aae, anek aatmaon ko sameep laane ka kaarya kar rahi ho। baapdaada khush hain। aisa lagta hai na ki baapdaada hamaare par khush hain, ya samajhti ho ki abhi thoda-sa kuchh karna hai। khush hain aur bhi khush karna hai। mehnat achhi karti ho,mehnat muhabbat se karti ho isliye mehnat nahin lagti। baapdaada serviceable bachchon ko sada hi sir ka taaj kehte hain। sirtaaj ho। baapdaada bachchon ke umang utsaah kodekh aur aage umang-utsaah badhaane ka sahayog dete hain। ek kadam bachchon ka,padma kadam baap ke। jahaan himmat hai vahaan ullaas ki praapti svatah hoti hai। himmat hai to baap ki madad hai, isliye beparvaah baadshaah ho seva karte chalo। saphalta milti rahegi। achha –