Avyakt murli du lundi 13 février 1984

>

13-02-84om shanti avyakt baapdaadaamdhuban

sammelan ke pashchaat meditation haal mein kuchh videshi bhaai-bahnon tatha pratishthit vyaktiyon se avyakt baapdaada ki mulaakaat

aaj prem ke saagar, shanti ke saagar baap apne shanti priy, prem swaroop, bachchon se milne aaye hain। baapdaada saare vishwa ke aatmaon ki ek hi aash - ‘shanti aur sachche pyaar’ ki dekh sarva bachchon ki yeh aash poorn karne ke liye sahaj vidhi bataane bachchon ke paas pahunch gaye hain। bahut samay se bhinna-bhinna roopon se isi aash ko poorn karne ke liye bachchon ne jo prayatna kiye woh dekh-dekh merciful baap ko, bachchon par raham aata,daata ke bachche aur maang rahe hain ek ghadi ke liye, thode samay ke liye shanti de do! adhikaari bachche bhikhaari ban shanti aur sneh ke liye bhatak rahe hain। bhatakte-bhatakte kai bachche dil shikasta ban gaye hain। prashn uthta hai ki kya avinaashi shanti vishwa mein ho sakti hai? sarva aatmaon mein nihsvaartha sachcha sneh ho sakta hai?

bachchon ke isi prashn ka uttar dene ke liye baap ko svayan aana hi pada। baapdaada bachchon ko yahi khushkhabri bataane ke liye aaye hain ki tum hi mere bachche kal shanti aur sukhmay duniya ke maalik the। sarva aatmaaye sachche sneh ki sootra mein bandhi hui thi। shanti aur prem to aapke jeevan ki visheshta thi। pyaar ka sansaar, sukh ka sansaar, jeevan mukta sansaar jiski abhi aash rakhte ho, sochte ho ki aisa hona chaahiye,usi sansaar ke kal maalik the। aaj woh sansaar bana rahe ho aur kal phir usi sansaar mein honge। kal ki hi to baat hai। yahi aapki bhoomi kal svarga bhoomi hogi, kya bhool gaye ho?apna raajya,sukh sampanna raajya jahaan duhkh ashaanti ka naam nishaan nahin, apraapti nahin। apraapti hi ashaanti ka kaaran hai aur apraapti ka kaaran hai apvitrata। to jahaan apvitrata nahin, apraapti nahin vahaan kya hoga? jo ichchha hai,jo plan sochte ho woh practical mein hoga। woh drama ki bhaavi atal achal hai। isko koi badal nahin sakta। bani banaai bani hui hai। baap dvaara nai rachna ho hi gai hai। aap sab kaun ho? nai rachna ke foundation ston aap ho। apne ko aise foundation ston samajhte ho tab to yahaan aaye ho na। brahman aatma arthaat nai duniya ke aadhaarmoortta। baapdaada aise aadhaar moorta bachchon ko dekh harshit hote hain। baapdaada bhi geet gaate hain vaah mere laadle sikeeldhe meethe-meethe bachche! aap bhi geet gaate ho na। aap kehte ho - tum hi mere aur baap bhi kehte - tum hi mere। bachpan mein yeh geet bahut gaate the na। (do teen bahnon ne woh geet gaaya aur baapdaada return mein respond de rahe the।)

baapdaada to dil ka aavaaz sunte hain। mukh ka aavaaz bhale kaisa bhi ho। baap ne geet banaaya aur bachchon ne gaaya। achha। (kuchh bhaai bahnen neeche haal mein tatha omshaanti bhavan mein murli sun rahe the।) neeche bhi bahut bachche baithe hue hain। sneh ki soorte aur meethe-meethe ulhaane baapdaada sun rahe hain। sabhi bachchon ne dil va jaan sik va prem se vishwa-seva ka part bajaaya। baapdaada sabhi ki lagan par sabhi ko sneh ke jhoole mein jhulaate hue mubaarak de rahe hain - jeete raho, badhte raho, udte raho। sada saphal raho। sabhi ke sneh ke sahayog ne vishwa ke kaarya ko saphal kiya। agar ek bachche ki muhabbat bhari mehnat ko dekhen to baapdaada din-raat varnan karte rahen to bhi kam ho jaayega। jaise baap ki mahima apram- apaar hai aise baap ke sevaadhaari bachchon ki mahima bhi apram-apaar hai,ek lagan,ek umang ek dridh sankalp ki humein vishwa ki sarva aatmaon ko shanti ka sandesh zaroor dena hi hai। isi lagan ke pratyaksha swaroop mein saphalta hai aur sada hi rahegi। door vaale bhi sameep hi hain। neeche nahin baithe hain lekin baapdaada ke naynon par hain। koi train mein, koi bas mein ja rahe hain lekin sabhi baap ko yaad hain। unhon ke man ka sankalp bhi baapdaada ke paas pahunch raha hai। achha-

baap ke ghar mein mehmaan nahin lekin mahaan aatma banne vaale aaye hain। baapdaada to sabhi ko aai.pi. ya vi.aai.pi. nahin dekhte lekin sikeeldhe bachche dekhte hain। vi.aai.pi. to aayenge aur thoda samay dekh, sunkar chale jaayenge। lekin bachche sada dil par rehte hain। chaahen kahin bhi jaayenge lekin rahenge dil par। apne va baap ke ghar mein pahunchne ki mubaarak ho। baapdaada sabhi bachchon ko madhuban ka arthaat apne ghar ka shrringaar samajhte hain। bachche ghar ka shrringaar hain। aap sabhi kaun ho? shringaar ho na! achha –

aise sada dridh sankalpadhaari, saphalta ke sitaare, sada diltakhtansheen,sada yaad aur seva ki lagan mein magan rahne vaale, nai rachna ke aadhaar moorta, vishwa ko sada ke liye nai roshni, nai jeevan dene vaale, sarva ko sachche sneh ka anubhav karaane vaale, snehi sahayogi, nirantar saathi bachchon ko baapdaada ka yaad-pyaar aur namaste।’’

(da.jonha) asistenta secretary general, yu.N.O.

baapdaada bachche ke dil ke sankalp ko sada hi sahayog dete poorn karte rahenge। jo aapka sankalp hai usi sankalp ko saakaar mein laane ke yogya sthaan par pahunch gaye ho। aise samajhte ho - ki yeh sab mere sankalp ko poore karne vaale saathi hain। sada shanti ka anubhav yaad se karte rahenge। bahut meethi sukhmay shanti ki anubhooti hoti rahegi। shanti priy parivaar mein pahunch gaye ho। isliye seva ke nimitta bane। seva ke nimitta banne ka return jab bhi baap ko yaad karenge to sahaj saphalta ka anubhav karte rahenge। apne ko sada ‘‘main shant swaroop aatma hoon, shanti ke saagar ka bachcha hoon। shanti priy aatma hoon’’ yeh smriti mein rakhna aur isi anubhav dvaara jo bhi samparka mein aaye unheen ko sandeshi ban sandesh dete rehna। yahi alaukik occupation sada shreshtha karma aur shreshtha karma dvaara shreshtha praapti karaata rahega। vartamaan aur bhavishya donon hi shreshtha rahenge। shanti ka anubhav karne vaali yogya aatma ho। sada shanti ke saagar mein lahraate rehna।

jab bhi koi kaarya mein mushkil ho to shanti ke pharishton se apna samparka rakhenge to mushkil sahaj ho jaayega। samjha। phir bhi bahut bhaagyavaan ho। is bhaagya vidhaata ki dharni par pahunchne vaale koton mein koi, koi mein bhi koi hote hain। bhaagyavaan to ban hi gaye। abhi padmaapadma bhaagyavaan zaroor banna hai। aisa hi lakshya hai na! zaroor banenge sirf shanti ke pharishton ka saath rakhte rehna। vishesh aatmaayen, vishesh part bajaane vaali aatmaayen yahaan pahunchti hain। aapka aage bhi vishesh part hai jo aage chal maaloom padta jaayega। yeh kaarya to saphal hua hi pada hai sirf jo bhi shreshtha aatmaayen bhaagya banaane vaali hain unhon ka bhaagya banaane ke liye yeh seva ka saadhan hai। yeh to hua hi pada hai, yeh anek baar hua hai। aapka sankalp bahut achha hai। aur jo bhi aapke saathi hain, jo yahaan se hokar gaye hain, snehi hain, sahayogi bhi hain। un sabko bhi vishesh sneh ke pushpon ke saath-saath baapdaada ka yaad-pyaar dena।

maidam anvar saadaat se avyakt baapdaada ki mulaakaat ijipta ke liye sandesh

apne desh mein jaakar dhan ki economy ka tareeka sikhlaana। man ki khushi se dhan ki anubhooti hoti hai। aur dhan ki economy hi man ki khushi ka aadhaar hai। aise dhan ki economy aur man ki khushi ka saadhan bataana to ve log aapko dhan aur man ki khushi dene vaale - khushi ke pharishte anubhav karenge। to abhi yahaan se shanti aur khushi ka pharishta bankar jaana। is shanti kunda ke sada avinaashi ke vardaan ko saath rakhna। jab bhi koi baat saamne aaye to ‘‘mera baba’’ kahne se woh baat sahaj ho jaayegi। sada uthte hi pahle baap se meethi-meethi baaten karna aur din mein bhi beech-beech mein apne aapko check karna ki baap ke saath hain! aur raat ko baap ke saath hi sona,akela nahin sona। to sada baap ka saath anubhav karti rahengi। sabhi ko baap ka sandesh deti rahengi। aap bahut seva kar sakti ho kyonki ichchha hai sabhi ko khushi mile,shanti mile,jo dil ki ichchha hai usse jo kaarya karte hain usmein saphalta milti hi hai। achha – om shanti!