Avyakt murli du dimanche 26 février 1984

>

26-02-84om shanti avyakt baapdaadaamdhuban

baapdaada ki adbhut chitrashaala

dilaaraam baapdaada apne sameep aur samaan bachchon prati bole:-

baapdaada aaj apni chitrashaala ko dekh rahe hain। baapdaada ki chitrashaala hai yeh jaante ho? aaj vatan mein har bachche ke charitra ka chitra dekh rahe the। har ek ka aadi se ab tak ka charitra ka chitra kaisa raha! to socho chitrashaala kitni badi hogi! us chitra mein rahek bachche ki vishesh teen baaten dekheen! ek- pavitrata ki personality। doosra - reality ki raayalti। teesra - sambanghon ki sameepta। yeh teen baaten harek chitra mein dekheen।

purity ki personality aakaar roop mein chitra ke chaaron or chamakti hui light dikhaai de rahi thi। reality ki raayalti chehre par harshitmukhta aur svachchhata chamak rahi thi aur sambandhon ki sameepta mastak beech chamakta hua sitaara koi jyaada chaaron or phaili hui kirnon se chamak raha tha, koi thodi-si kirnon se chamak raha tha। sameepta vaali aatmaayen baap samaan behad ki arthaat chaaron or phailti hui kirnon vaali theen। light aur might donon mein baap samaan dikhaai de rahi theen। aise teenon visheshtaaon se harek charitra ka chitra dekha। saath-saath aadi se ant arthaat ab tak teenon hi baaton mein sada shreshtha rahe hain va kab kaise kab kaise rahe hain uski result har-ek ke chitra ke andar dekhi। jaise sthool shareer mein nabja se check karte hain ki theek gati se chal rahi hai va neeche oopar hoti hai। tej hai va slow hai। isse tandaroosti ka maaloom pad jaata hai। aise har chitra ke beech hday mein light neeche se oopar tak ja rahi thi। usmein gati bhi dikhaai de rahi thi ki ek hi gati se light neeche se oopar ja rahi hai ya samay prati samay gati mein antar aata hai। saath-saath beech-beech mein light ka colour badalta hai va ek hi jaisa raha hai। teesra - chalte-chalte light kahaan-kahaan rookti hai va lagaataar chalti rehti hai। isi vidhi dvaara harek ke charitra ka chitra dekha। aap bhi apna chitra dekh sakte ho na।

personality, raayalti aur sameepta in teen visheshtaaon se check karo ki mera chitra kaisa hoga? mere light ki gati kaisi hogi? nambarvaar to hain hi। lekin teenon visheshtaayen aur teenon prakaar ki light ki gati aadi se ab tak sada hi rahi ho- aise chitra majority nahin lekin mainaarti mein the। teen laaitas ki gati aur teen visheshtaayen chhah baaten hui na। chhah baaton mein se majority chaarpaan cha tak aur kuchh teen tak the। purity ki personality ka light ka aakaar kiska sirf taaj ke samaan face ke aaspaas tha aur kiska aadhe shareer tak। jaise photo nikaalte ho na। aur kiska saare shareer ke aas-paas dikhaai de raha tha। jo mansa-vaacha-karmana teenon mein aadi se ab tak pavitra rahe hain। mansa mein svayan prati ya kisi prati vyartha roopi apvitra sankalp bhi na chala ho। kisi bhi kamzori va avgun roopi apvitrata ka sankalp bhi dhaaran nahin kiya ho, sankalp mein janma se vaishnav sankalp buddhi ka bhojan hai। janma se vaishnav arthaat ashuddhi va avgun, vyartha sankalp ko buddhi dvaara, mansa dvaara grahan na kiya ho। isi ko hi sachcha vaishnav va baal brahmachaari kaha jaata hai। to harek ke chitra mein aise purity ki personality ki rekhaayen light ke aakaar dvaara dekheen। jo mansa- vaacha-karmana teenon mein pavitra rahe hain! (karmana mein sambandh,samparka sab aa jaata hai) unka mastak se pair tak light ke aakaar mein chamakta hua chitra tha। samjha! knowledge ke darpan mein apna chitra dekh rahe ho?achhi tarah se dekh lena ki mera chitra kya raha jo baapdaada ne dekha। achha!

milne vaalon ki list lambi hai। avyakt vatan mein to na number milega aur samay ki koi baat hai। jab chaahe jitna samay chaahe aur jitne milne chaahen mil sakte hain। kyonki woh had ki duniya se pare hain। is saakaar duniya mein yeh sab bandhan hain। isliye nirbandhan ko bhi bandhan mein bandhana padta hai। achha –

teachers to santushta ho gaye na। sabhi ko apna poora hissa mila na। nimitta bani hui vishesh aatmaayen hain। baapdaada bhi vishesh aatmaon ka vishesh regard rakhte hain। phir bhi seva ke saathi hain na। aise to sabhi saathi hain phir bhi nimitta ko nimitta samajhne mein hi seva ki saphalta hai। aise to service mein kai bachche bahut teevra umang utsaah mein badhte rehte hain phir bhi nimitta bani hui vishesh aatmaon ko regard dena arthaat baap ko regard dena hai aur baap dvaara regard ke return mein dil ka sneh lena hai। samjha! teachers ko regard nahin dete ho lekin baap se dil ke sneh ka return lete ho। achha –

aise sada dilaaraam baap dvaara dil ka sneh lene ke paatra arthaat supaatra aatmaon ko sada svayan ko purity ki personality, raayalti ki reality mein anubhav karne vaale sameep aur samaan bachchon ko baapdaada ka yaad-pyaar aur namaste।’’

U.ke.group se avyakt baapdaada ki mulaakaat

sabhi sarva raajo se sampanna raazayukta, yogayukta aatmaayen ho na! shuru se baapdaada ka naam chaaron or pratyaksha karne ke nimitta aatmaayen ho। baapdaada aise aadi ratnon ko, seva ke saathiyon ko dekhkar sada khush hote hain। sabhi baapdaada ke right-hand group ho। bahut achhe-achhe ratna hain। koi kaun sa, koi kaun sa, lekin hain sab ratna। kyonki svayan anubhvi ban auron ko bhi anubhvi banaane ke nimitta bani hui aatmaayen ho। baapdaada jaante hain ki sabhi kitne umang utsaah se yaad aur seva mein sada magan rahne vaali aatmaayen hain। yaad aur seva ke sivaae aur sab taraph samaapta ho gaye। bas ek hain, ek ke hain, ekras sthiti vaale hain yahi sabka aavaaz hai। yahi vaastavik shreshtha jeevan hai। aisi shreshtha jeevan vaale sada hi baapdaada ke sameep hain। nishchaybuddhi ka pratyaksha pramaan dene vaale hain। sada,vaah mera baba aur vaah mera shreshtha bhaagya - yahi yaad rehta hai na। baapdaada aise smriti swaroop bachchon ko dekhkar sada harshit hote hain ki - vaah mere shreshtha bachche। baapdaada aise bachchon ke geet gaate hain। landan videsh ke seva ka foundation hain। aap sab seva ke foundation ston ho। aap sabke pakke hone ke prabhaav se seva mein vriddhi hoti ja rahi hai। bhale foundation vriksha ke vistaar mein chhip jaata hai lekin hai to foundation na। vriksha ke vistaar ko sundar dekh us taraph jyaada najar hoti hai। foundation gupta rah jaata hai। aise aap bhi thoda sa nimitta ban auron ko chance dene vaale ban gaye lekin phir bhi aadi, aadi hai। auron ko chance dekar aage laane mein aapko khushi hoti hai na। aise to nahin samajhte ho ki yeh double videshi aaye hain to ham chhip gaye hain? phir bhi nimitta aap hi hain। unhon ko umang-utsaah dene ke nimitt ho। jo doosron ko aage rakhta hai woh svayan aage hai hi। jaise chhote bachche ko sada kehte hain aage chalo, bade peechhe rehte hain। chhoton ko aage karna hi badon ka aage hona hai। uska pratyakshaphal milta hi rehta hai। agar aap log sahayogi nahin bante to landan mein itne centre nahin khulte। koi kahaan nimitta ban gaye koi kahaan nimitta ban gaye। achha –

Malaysia,singaapur

sabhi apne ko baap ki snehi aatmaayen anubhav karte ho! sada ek baap doosra na koi isi sthiti mein sthit rehte ho! isi sthiti ko hi ekras sthiti kaha jaata hai। kyonki jahaan ek hain vahaan ekras hain। anek hain to is sthiti bhi dagmag hoti hai। baap ne sahaj raasta bataaya hai ki ek mein sab kuchh dekho। anekon ko yaad karne se, anek taraph bhatakne se chhoot gaye। ek hain,ek ke hain,isi ekras sthiti dvaara sada apne ko aage badha sakte ho।

singaapur aur haangakaang

ko abhi China mein sentar kholne ka sankalp karna chaahiye। saare China mein abhi koi kendra nahin hai। unhon ko connection mein laate hue anubhav karaao। himmat mein aakar sankalp karo to ho jaayega। raajayog se prabhu prem, shanti,shakti ka anubhav karaao,to aatmaayen automatically parivartan ho jaayengi। raajayogi banaao, deity nahin banaao, raajayogi deity aapehi ban jaayenge। achha-