Avyakt murli du jeudi 19 avril 1984

>

19-04-84om shanti avyakt baapdaadaamdhuban

bhaavuk-aatma tatha gyaani-aatma ke lakshan

shreshtha adhikaar ko dene vaale, vijayi ratna banaane vaale baapdaada bole:-

aaj baapdaada sabhi bachchon ko dekh rahe hain ki kaun se bachche bhaavna se baap ke paas pahunche hain, kaun se bachche pahchaan kar paane arthaat banne ke liye pahunche hain। donon prakaar ke bachche baap ke ghar mein pahunche। bhaavna vaale bhaavna ka phal yatha shakti - khushi, shanti,gyaan va prem ka phal praapta kar isi mein khush ho jaate hain। phir bhi bhakti ki bhaavna aur ab baap ke parichay se baap va parivaar ke prati bhaavna ismen antar hai। bhakti ki bhaavna andhashraddha ki bhaavna hai। indirect milne ki bhaavna, alpakaal ke svaartha ki bhaavna hai। vartamaan samay gyaan ke aadhaar par jo bachchon ki bhaavna hai woh bhakti maarga se ati shreshtha hai। kyonki indirect dev aatmaon dvaara nahin hai - direct baap ke prati bhaavna hai, pahchaan hai lekin bhaavnaapoorvak pahchaan aur gyaan dvaara pahchaan ismen antar hai। gyaan dvaara pahchaan arthaat baap jo hai jaisa hai,main bhi jo hoon jaisa hoon use vidhipoorvak jaanna arthaat baap samaan banna। jaana to sabhi ne hai lekin bhaavnaapoorvak va gyaan ki vidhipoorvak,is antar ko jaanna pade। to aaj baapdaada kai bachchon ki bhaavna dekh rahe hain। bhaavna dvaara bhi baap ko pahchaanne se varsa to praapta kar hi lete hain। lekin sampoorn varse ke adhikaari aur varse ke adhikaari yeh antar ho jaata hai। svarga ka bhaagya va jeevanmukti ka adhikaar bhaavna vaalon ko aur gyaan vaalon ko - milta donon ko hai। sirf pad ki praapti mein antar ho jaata hai। ‘baba’ - shabd donon hi kehte hain aur khushi se kehte hain isliye baba kahne aur samajhne ka phal - varse ki praapti to honi hi hai। jeevanmukti ke adhikaar ke hakdaar to ban jaate hain lekin ashta ratna, 108 vijayi ratna, 16hajaar aur phir 9 laakh। kitna antar ho gaya! maala 16 hajaar ki bhi hai aur 108 ki bhi hai। 108 mein 8vishesh bhi hain। maala ke manke to sabhi bante hain। kahenge to donon ko manke na! 16 hajaar ki maala ka manka bhi khushi aur phakhur se kahega ki mera baba aur mera raajya। raajya pad mein raajya takhta ke adhikaari aur raajya gharaane ke adhikaari aur raajya gharaane ke samparka mein aane ke adhikaari,yeh antar ho jaata hai।

bhaavuk aatmaayen aur gyaani tu aatmaayen - nasha donon ko rehta hai। bahut achhi prabhu prem ki baaten sunaate hain। prem swaroop mein duniya ki sudhbudh bhi bhool jaate hain। mera to ek baap is lagan ke geet bhi achhe gaate hain lekin shakti roop nahin hote hain। khushi mein bhi bahut dekhenge lekin agar chhota-sa maaya ka vighna aaya to bhaavuk aatmaayen ghabraayenge bhi bahut jaldi। kyonki unmein gyaan ki shakti kam hoti hai। abhi-abhi dekhenge bahut mauj mein baap ke geet ga rahe hain aur abhi-abhi maaya ka chhota-sa vaar bhi khushi ke geet ke bajaae kya karoon, kaise karoon, kya hoga, kaise hoga! aise kya-kya ke geet gaane mein bhi kam nahin hote। gyaani tu aatmaayen sada svayan ko baap ke saath rahne vaale master sarvashaktivaan samajhne se maaya ko paar kar lete hain। kya, kyon ke geet nahin gaate। bhaavuk aatmaayen sirf prem ki shakti se aage badhte rehte hain। maaya se saamna karne ki shakti nahin hoti। gyaani tu aatma samaan banne ke lakshya se sarva shaktiyon ka anubhav kar saamna kar sakte hain। ab apne aap se poochho ki main kaun! bhaavuk aatma hain ya gyaani tu aatma hoon?baap to bhaavna vaalon ko bhi dekh khush hote hain। mera baba kahne se adhikaari to ho hi gaye na! aur adhikaar lene ke bhi hakdaar ho hi gaye। poora lena va thoda lena। woh purooshaartha pramaan jitna jholi bharne chaahe utni bhar sakte hain। kyonki mera baba kaha to woh chaabi to laga hi di na। aur koi chaabi nahin hai kyonki baapdaada saagar hai na। akhut hai, behad hai। lene vaale thak jaate। dene vaala nahin thakta kyonki usko mehnat hi kya karni padti। drishti di aur adhikaar diya। mehnat lene vaalon ko bhi nahin hai sirf albelepan ke kaaran ganva dete hain। aur phir apni kamzori ke kaaran ganva kar phir paane ke liye mehnat karni padti hai। ganvaana - paana, paana - ganvaana, is mehnat ke kaaran thak jaate hain। khabardaar hoshiyaar hain to sada praapti swaroop hain। jaise satayug mein daasiyaan sada aage-peechhe seva ke liye saath rehti hain aise gyaani tu aatma baap samaan shreshtha aatma ke ab bhi sarva shakti,sarva gun sevaadhaari ke roop mein sada saath nibhaate hain। jis shakti ka aahvaan karo,jis bhi gun ka aahvaan karo ji haajar। aise svaraajya adhikaari hi vishwa ke raajya adhikaari bante hain। to mehnat to nahin lagegi na। har shakti, har gun sada vijayi hain hi, aisa anubhav karaate hain। jaise drama karke dikhaate ho na। raavan apne saathiyon ko lalkaar karta aur brahman aatma,svaraajya adhikaari aatma apne shaktiyon aur gunon ko lalkaar karti। to aise svaraajya adhikaari bane ho?va samay par yeh shaktiyaan kaarya mein nahin la sakte ho! kamzor raaja ka koi nahin maanta। raaja ko maanna padta praja ka। bahaadur raaje sabhi ko apne order se chalaate aur raajya praapta karte hain। to sahaj ko mushkil banaana aur phir thak jaana yeh albelepan ki nishaani hai। naam raaja aur order mein koi nahin! isko kya kaha jaayega? kai kehte hain na - mainne samjha bhi ki sahanshakti honi chaahiye lekin peechhe yaad aaya। us samay sochte bhi sahanshakti se kaarya nahin le sakte। iska matlab bulaaya abhi aur aaya kal। to order mein hua! ho gaya maana apni shakti order mein nahin hai। sevaadhaari samay par seva na karen to aise sevaadhaari ko kya kahenge?to sada svaraajya adhikaari ban sarva shaktiyon ko, gunon ko, sva-prati aur sarva ke prati seva mein lagaao। samjha। sirf bhaavuk nahin bano। shaktishaali bano। achha- variety prakaar ki aatmaon ka mela dekh khush ho rahe ho na! madhuban vaale kitne mele dekhte hain। kitne variety groups aate hain! baapdaada bhi variety phulvaadi ko dekh harshit hote hain। bhale aaye। shiv ki baaraat ka gaayan jo hai woh dekh rahe ho na! baba-baba kehte sab chal pade to hain na। madhuban to pahunch gaye। ab sampoorn manjal par pahunchna hai। achha-

sada shreshtha adhikaar ko paane vaale vijayi aatmaon ko, sada apne adhikaar se sarva shaktiyon dvaara seva karne vaale shaktishaali aatmaon ko,sada raajya takhta adhikaari banne vaale adhikaari aatmaon ko baapdaada ka yaadapyaar aur namaste।’’

alag-alag party se avyakt baapdaada ki mulaakat

panjaab zone se:- sabhi panjaab nivaasi mahaaveer ho na! darne vaale to nahin? kisi bhi baat ka bhay to nahin hai! sabse bada bhay hota hai mrityu se। aap sab to ho hi mare hue। mare hue ko marne ka kya dar! mrityu se dar tab lagta hai jab sochte hain, abhi yeh karna hai,yeh karen aur woh poorti nahin hoti hai to mrityu se bhay hota hai। aap to sab kaarya poora kar ever ready ho। yeh puraana chola chhodne ke liye ever ready ho na! isliye dar nahin। aur bhi jo bhaybheet aatmaayen hain unhon ko bhi shaktishli banaane vaale,duhkh ke samay par sukh dene vaali aatmaayen ho। sukhdaata ke bachche ho। jaise andhiyaare mein chiraag hota hai to roshni ho jaati hai। aise duhkh ke vaataavran mein sukh dene vaali aap shreshtha aatmaayen hon। to sada yeh sukh deno ki shreshtha bhaavna rehti hai। sada sukh dena hai, shanti deni hai। shaantidaata ke bachche shanti deva ho। to shanti deva kaun hai?akela baap nahin,aap sab bhi ho। to shanti dene vaale shanti deva - shanti dene ka kaarya kar rahe ho na! log poochhte hain - aap log kya seva karte ho? to aap sabhi ko yahi kaho ki is samay jis vishesh baat ki aavashyakta hai woh kaarya ham kar rahe hain। achha,kapda bhi denge, anaaz bhi de denge,lekin sabse aavashyak cheez hain - ‘shanti’। to jo sabke liye aavashyak cheez hai woh ham de rahe hain। isse badi seva aur kya hai! man shant hai to dhan bhi kaam mein aata hai। man shant nahin to dhan ki shakti bhi pareshaan karti hai। abhi aise shanti ki shaktishaali lahar phailaao jo sabhi anubhav karen ki saare desh ke andar yeh shanti ka sthaan hai। ek-do se sune aur anubhav karne ke liye aaven ki do ghadi bhi jaane se yahaan bahut shanti milti hai। aisa aavaaz phaile। jaise unhon ka aavaaz phail gaya hai ki ashaanti ka sthaan yeh guroodvaara hi ban chuka hai। aise shanti ka kona kaun-sa hai, yahi seva sthaan hai,yeh aavaaz phailna chaahiye। kitni bhi ashaanta aatma ho! jaise rogi hospital mein pahunch jaata hai aise yeh samjhen ki ashaanti ke samay is shanti ke sthaan par hi jaana chaahiye। aisi lahar phailaao। yeh kaise phailegi?iske liye ek-do aatmaon ko bhi bulaakar anubhav karaao। ek se ek, ek se ek aise phailta jaayega। jo ashaanta hain unhon ko khaas bulaakar bhi shanti ka anubhav karaao। jo bhi samparka mein aayen unhon ko yeh sandesh do ki shanti ka anubhav karo। panjaab vaalon ko vishesh yeh seva karni chaahiye। abhi aavaaz bulanda karne ka chance hai। abhi bhatak rahe hain। koi sthaan chaahiye। kaun-sa hai woh parichay nahin hai,dhoondh rahe hain। ek thikaane se to bhatak gaye, samajh gaye hain ki yeh thikaana nahin hai। aisi bhatakti hui aatmaon ko abhi sahaj thikaana nahin de sakte ho?aisi seva karo। curfew ho kuchh bhi ho,samparka mein to aate ho na। samparka vaalon ko anubhav karaao to aisi aatmaayen aavaaz phailaayengi। unhein ek do ghanta bhi yog shivir karaao। agar thoda bhi shanti ka anubhav kiya to bahut khush honge, shukriya maanenge। jab lakshya hota hai ki hamko karna hai to raasta bhi mil jaata hai। to aisa naam baala karke dikhaao। jitna panjaab ki dharni sakhta hai utni narma kar sakte ho। achha-

2. sada apne ko pharishta arthaat double light anubhav karte ho? is sangamayug ka antim swaroop ‘pharishta’hai na। brahman jeevan ki praapti hai hi pharishta jeevan! pharishta arthaat jiska koi deh aur deh ke sambandh mein rishta nahin। deh aur deh ke sambandh, sabse rishta samaapta hua ya thoda-sa atka hua hai? agar thodi-si sookshm lagaav ki rassi hongi to ud nahin sakenge। neeche aa jaayenge। isliye pharishta arthaat koi bhi puraana rishta nahin। jab jeevan hi naya hai to sab kuchh naya hoga। sankalp naya,sambandh naya। occupation naya। sab naya hoga। abhi puraani jeevan svapna mein bhi smriti mein nahin aa sakti। agar thoda bhi deh bhaan mein aate to bhi rishta hai tab aate ho। agar rishta nahin hai to buddhi ja nahin sakti। vishwa ki itni aatmaayen hain unhon se rishta nahin to yaad nahin aati hain na। yaad woh aate hain jisse rishta hai। to deh ka bhaan aana arthaat deh ka rishta hai। agar deh ke saath jara-sa lagaav raha to udenge kaise! bojh vaali cheez ko oopar kitna bhi phenko neeche aa jaayegi। to pharishta maana halka,koi bojh nahin। marjeeva banna arthaat bojh se mukta hona। agar thoda bhi kuchh rah gaya to jaldi-jaldi khatma karo, nahin to jab samay ki seeti bajegi to sab udne lagenge aur bojh vaale neeche rah jaayenge। bojh vaale - udne vaalon ko dekhne vaale ho jaayenge।

to yeh check karna ki koi sookshm rassi bhi rah to nahin gai hai। samjha? to aaj ka vishesh vardaan yaad rakhna ki ‘nirbandhan pharishta aatmaayen hain।’ bandhanmukta aatmaayen hain।‘pharishta’ - shabd kabhi nahin bhoolna। pharishta samajhne se ud jaayenge। vardaata ka vardaan yaad rakhenge to sada maalaamaal rahenge। achha-

3. sada apne ko shanti ka sandesh dene vaale, shanti ka paigaam dene vaale sandeshi samajhte ho? brahman jeevan ka kaarya hai - sandesh dena। kabhi is kaarya ko bhoolte to nahin ho? roj check karo ki mujh shreshtha aatma ka shreshtha kaarya hai woh kahaan tak kiya! kitnon ko sandesh diya। kitnon ko shanti ka daan diya। sandesh dene vaale mahaadaani-vardaani aatmaayen ho। kitne titles hain aapke? aaj ki duniya mein kitne bhi bade te bade title hon aapke aage sab chhote hain। woh title dene vaali aatmaayen hain lekin ab baap bachchon ko title dete hain। to apne bhinna-bhinna titles ko smriti mein rakh usi khushi, usi seva mein sada raho। title ki smriti se seva svatah smriti mein aayegi। achha-