Avyakt murli du mercredi 9 mai 1984

>

09-05-84om shanti avyakt baapdaadaamdhuban

sada ek ras udne aur udaane ke geet gaao

gyaan ke saagar shivbaaba apne gyaan swaroop, sahajyogi bachchon prati bole:-

aaj dilaaraam baap dilrooba bachchon ke dil ka geet sun rahe the। amritvele se lekar har ek dilrooba ke dil ke geet baapdaada sunte hain। geet sab gaate hain aur geet ka bol bhi sabhi ka ek hi hai। woh hai ‘‘baba’’!sabhi baba-baba ke geet gaate hain। sabhi ko yeh geet aata hai! din-raat gaate rehte ho। lekin bol ek hote hue bhi harek ke bolne ka tarz aur saaz bhinna-bhinna hai। kisi ke khushi ki saaz hai। kiska udne aur udaane ka saaz hai। aur kis kis bachche ka abhyaas ka saaz hai। kabhi bahut achha aur kabhi sampoorn abhyaas na hone kaaran neeche oopar bhi gaate hain। ek saaz mein doosre saaz mix ho jaate hain। jaise yahaan geet ke saath jab saaz sunte ho to koi geet va saaz naachne vaala hota, koi sneh mein samaane vaala hota, koi pukaar ka hota,koi praapti ka hota। baapdaada ke paas bhi bhinna-bhinna prakaar ke raaj aur saaz bhare geet sunaai dete hain। koi aaj ke vigyaan ki invention pramaan automatic nirantar geet gaate। smriti ka switch sada khula hua hai isliye svatah hi aur sada bajta rehta hai। koi jab switch on karte hain - tab saaz bajta hai। gaate sabhi dil se hain lekin koi ka sada svatah aur ekras hai। koi ka bajaane se bajta hai। lekin bhinna-bhinna saaz kab kaisa,kab kaisa। baapdaada bachchon ke geet sun harshit bhi hote hain ki sabhi ke dil mein ek hi baap samaaya hua hai। lagan bhi ek ke saath hai। sab kuchh karte bhi ek baap ke prati hai। sarva sambandh bhi ek baap se jut gaye hain। smriti mein,drishti mein,mukh par ek hi baap hai। baap ko apna sansaar bana diya। har kadam mein baap ki yaad se padmon ki kamaai jama bhi kar rahe hain।

harek bachche ke mastak par shreshtha bhaagya ka sitaara bhi chamak raha hai। aisi shreshtha vishesh aatmaayen vishwa ke aage example bhi ban gai hain। taaj, tilak, takhtansheen bhi ho gaye hain। aisi shreshtha aatmaayen jinke gunon ke geet svayan baap gaate hain। baap harek bachche ke naam ki maala simran karte hain। aisa shreshtha bhaagya sabhi ko praapta hai na! phir geet gaate-gaate saaz kyon badalte hain? kab praapti ke,kab mehnat ke,kab pukaar ke,kab dilshikasta ke। yeh saaz kyon badalte hain? sada ekras udne aur udaane ke geet kyon nahin gaate? aise geet gaao jo sunne vaalon ko pankh lag jaaen aur udne lag jaae। langade ko taange mil jaaen aur naachne lag jaae। duhkh ki shaiyya se uth sukh ke geet gaane lage। chinta ki chita par baithe hue praani chita se uth khushi mein naachne lagen। dilshikasta aatmaayen umang utsaah ke geet gaane lag jaaen। bhikhaari aatmaayen sarva khazaanon se sampanna ban ‘‘mil gaya, paal liya’’ yeh geet gaane lag jaayen। ye hi siddhi praapta seva ki vishwa ki aavashyakta hai। alpakaal ki siddhi vaalon ke peechhe kitne bhatak rahe hain। kitna apna samay aur dhan laga rahe hain।

vartamaan samay sarva aatmaayen mehnat se thak gai hain, siddhi chaahti hain। alpakaal ki siddhi dvaara santushta ho jaati hai। lekin ek baat mein santushta hoti to aur anek baaten utpanna hoti। langada chal padta lekin aur ichchha utpanna hoti। yeh bhi ho jaae,yeh bhi ho jaae। to vartamaan samay ke pramaan aap aatmaon ke seva ki vidhi ye siddhi swaroop ki honi hai। avinaashi,alaukik roohaani siddhi va roohaani chamatkaar dikhaao। yeh chamatkaar kam hai kya?saari duniya ki 99pratishat aatmaayen chinta ki chita par mari padi hain। aise mare hue ko jinda karo। naya jeevan do। ek praapti ki taang hai aur anek praaptiyon se langade hain। aisi aatmaon ko avinaashi sarva praaptiyon ki taang do। andhon ko trinetri banaao। teesra netra do। apne jeevan ke shreshtha vartamaan aur bhavishya dekhne ki aankh do। kya yeh siddhi nahin kar sakte ho! yeh roohaani chamatkaar nahin dikha sakte ho। bhikhaari ko baadshaah nahin bana sakte ho! aisi siddhi swaroop seva ki shaktiyaan baap dvaara praapta nahin hain kya! ab vidhi swaroop se siddhi swaroop bano। siddhi swaroop seva ke nimitta bano। vidhi arthaat purooshaartha ke samay par purooshaartha kiya। ab purooshaartha ka phal siddhi swaroop ban siddhi swaroop seva mein vishwa ke aage pratyaksha bano। ab yeh aavaaz bulanda ho ki vishwa mein avinaashi siddhi dene vaale, sirf dikhaane vaale nahin, dene vaale siddhi swaroop banaane vaale ek hi,yeh eeshvareey vishwa vidyaalay hi hai। ek hi sthaan hai। svayan to siddhi swaroop bane ho na!

baambe mein pahle yeh naam baala karo। baar-baar mehnat se chhooto। aaj is baat par purooshaartha ki mehnat ki, aaj is baat par mehnat ki। yeh hai purooshaartha ki mehnat। is mehnat se chhoot praapti swaroop shaktishaali banna, yeh hai ‘siddhi swaroop’। ab siddhi swaroop gyaani tu aatmayen, yogi tu aatmaayen bano aur banaao। kya ant tak mehnat hi karte rahenge। bhavishya mein praalabdha paayenge! purooshaartha ka pratyaksha phal ab khaana hi hai। abhi pratyaksha phal khaao। phir bhavishyaphal khaana। bhavishya ki intajaar mein pratyaksha phal ganva na dena। ant mein phal milega is dilaase par bhi nahin rehna। ek karo,padam paao। yeh ab ki baat hai। kab ki baat nahin। samjha - baambe vaale kya banenge?dilaasa vaale to nahin banenge na। siddha-baba mashhoor hote hain। kehte hain na yeh siddha-baba hain, siddha-yogi hain। baambe vaale bhi siddha sahaj yogi arthaat siddhi ko praapta kiye hue ho na! achha-

sada svatah ekras udaane ke geet gaane vaale, sada siddhi swaroop ban avinaashi roohaani siddhi praapta karaane vaale,roohaani chamatkaar dikhaane vaale,chamatkaari aatmaayen, sada sarva praaptiyon ki siddhi ka anubhav karaane vaale siddhi swaroop sahajyogi, gyaan swaroop bachchon ko baapdaada ka yaadapyaar aur namaste।’’

kumaariyon ke alag-alag group se avyakt baapdaada ki mulaakaat

1. sada roohaani yaad mein rahne vaali roohaani kumaariyaan ho na! deh-abhimaan vaali kumaariyaan to bahut hain lekin aap roohaani kumaariyaan ho। sada rooh arthaat aatma ki smriti mein rahne vaali। aatma ban aatma ko dekhne vaali isko kehte hain - roohaani kumaariyaan। to kaun-si kumaariyo ho?kabhi deh-abhimaan mein aane vaali nahin। deh-abhimaan mein aana arthaat maaya ki taraph girna। aur roohaani smriti mein rehna arthaat baap ke sameep aana। girne vaale nahin, baap ke saath rahne vaale। baap ke saath kaun rahenge?roohaani kumaariyaan hi baap ke saath rah sakti। jaise baap supreme hai, kab deh-abhimaan mein nahin aata,aise deh-abhimaan mein aane vaale nahin। jinka baap se pyaar hai, woh roj pyaar se yaad karte hain, pyaar se gyaan ki padhaai padhte hain। jo pyaar se kaarya kiya jaata hai usmein saphalta hoti hai। kahne se karte to thoda samay saphalta hoti। pyaar se,apne man se chalne vaale sada chalte। jab ek baar anubhav kar liya ki baap kya aur maaya kya! to ek baar ke anubhvi kabhi bhi dhokhe mein nahi aa sakte। maaya bhinna-bhinna roop mein aati hai। kapdon ke roop mein aayegi, maa-baap ke moh ke roop mein aayegi, cinema ke roop mein aayegi। ghoomne-phirne ke roop mein aayegi। maaya kahegi yeh kumaariyaan hamaari banen, baap kahenge hamaari banen, to kya karegi?

maaya ko bhagaane mein hoshiyaar ho? ghabraane vaali kamzor to nahin ho? aise to nahin saheliyon ke sang mein cinema mein chali jaaogi! sang ke rang mein kabhi nahin aana। sada bahaadur,sada amar, sada avinaashi rehna। sada apne jeevan ko shreshtha banaana। gutter mein nahin girna। gutter shabd hi kaisa hai? baap saagar hai, saagar mein sada lahraate rehna। kumaari jeevan mein gyaan mil gaya, raasta mil gaya, manjal mil gai, yeh dekh khushi haati hai! bahut bhaagyavaan ho। aaj ke sansaar ki haalat dekho। duhkh-darda ke bina aur koi baat nahin। gutter mein girte hue chot ke oopar chot khaate rehte। aaj ka yeh sansaar hai। sunte ho na - aaj shaadi ki,kal jal mari। aaj shaadi ki kal ghar aa gai। ek to gutter mein giri phir aur chot par chot khaai। to aisi chot khaani hai kya? isliye sada apne ko bhaagyavaan aatma samjho। jo baap ne bacha liya। bach gaye,baap ke ban gaye, aise khushi hoti hai na! baapdaada ko bhi khushi hoti hai kyonki girne se, thokar khaane se bach gaeen। to sada aise avinaashi rehna।

2. sabhi shreshtha kumaariyaan ho na? saadhaaran kumaari se shreshtha kumaari ho gai। shreshtha kumaari sada shreshtha karttavya karne ke nimitta। aise sada apne ko anubhav karti ho ki ham shreshtha kaarya ke nimitta hain! shreshtha kaarya kya hai?vishwa-kalyaan। to vishwa-kalyaan karne, vaali vishwa-kalyaankaari kumaariyaan ho। ghar mein rahne vaali kumaariyaan nahin। tokri uthaane vaali kumaariyaan nahin lekin vishwa-kalyaankaari kumaariyaan। kumaariyaan woh jo kehte hain - kul ka kalyaan karen। saara vishwa aapka kul hai। behad ka kul ho gaya। saadhaaran kumaariyaan apne had ke kul ka kalyaan karti hain। aur shreshtha kumaariyaan vishwa ke kul ka kalyaan karengi। aisi ho na! kamzor to nahin! darne vaali to nahin! sada baap saath hai। jab baap saath hai to koi dar ki baat nahin। achha hai, kumaari jeevan mein bach gai yeh bahut bada bhaagya hai। raaste ulte par jaakar phir lautna, yeh bhi samay vesta hua na! to samay,shaktiyaan sab bach gai। bhatakne ki mehnat se chhoot gai। kitna phaayda hua। bas vaah mera shreshtha bhaagya! yeh dekhkar sada harshit raho। kisi bhi kamzori se apni shreshtha seva se vanchit nahin hona।

3. kumaari arthaat mahaan। pavitra aatma ko sada mahaan aatma kaha jaata hai। aajkal mein mahaatmaayen bhi mahaatma kaise bante hain?pavitra bante hain। pavitrata ke kaaran hi mahaan aatma kahe jaate hain। lekin aap mahaan aatmaon ke aage woh kuchh bhi nahin hain। aapki mahaanta gyaan sahit avinaashi mahaanta hai। woh ek janma mein mahaan banenge phir doosre janma mein phir se banna padega। aap janma-janma ki mahaan aatmaayen ho। abhi ki mahaanta se janma-janma ke liye mahaan ho jaayengi। 21 janma mahaan rahengi। kuchh bhi ho jaae lekin baap ke bane to sada baap ke hi rahenge। aisi pakki ho na? kachchi banengi to maaya kha jaayegi। kachche ko maaya khaati, pakke ko nahin। dekhna - yahaan sabhi ka photo nikal raha hai। pakki rehna। ghabraane vaali nahin। jitna pakka utna khushi ka anubhav,sarva praaptiyon ka anubhav karenge। pakke nahin to sada ki khushi nahin। sada apne ko mahaan aatma samjho। mahaan aatma se koi aisa saadhaaran kaarya ho nahin sakta। mahaan aatma kabhi kisi ke aage jhuk nahin sakti। to maaya ki taraph kabhi jhukne vaali nahin। kumaari maana hands। kumaariyon ka shakti banna arthaat seva mein vriddhi hona। baap ko khushi hai ki yeh hovanhaar vishwa-sevaadhaari vishwa ka kalyaan karne vaali vishesh aatmaayen hain।

4. kumaariyaan chaahe chhoti hain,chaahe badi hain lekin sabhi sau braahmanon se uttam kumaariyaan hain - aise samajhti ho? sau braahmanon se uttam kanya kyon gaaya jaata hai?har ek kanya kam se kam sau brahman to zaroor taiyaar karegi। isliye sau braahmanon se uttam kanya kaha jaata hai। sau to kuchh bhi nahin hai, aap to vishwa ki seva karengi। sabhi sau braahmanon se uttam kanyaayen ho। sarva aatmaon ko shreshtha banaane vaali shreshtha aatmaayen ho। aisa nasha rehta hai? college ki, school ki kumaariyaan nahin। eeshvareey vishwa vidyaalay ki kumaariyaan ho। koi poochhe kaun-si kumaariyaan ho? to bolo ham eeshvareey vishwa vidyaalay ki kumaariyaan hain! yeh ek-ek kumaariyaan sevaadhaari kumaariyaan banengi। kitne centre khulenge। kumaariyon ko dekh baap ko yahi khushi rehti hai ki yeh sab itne hand taiyaar ho rahe hain। right hand ho na! left hand nahin। left hand se jo kaam karte hain woh thoda neeche oopar ho sakta hai। right hand se kaam jaldi aur achha hota hai। to itni sab kumaariyaan taiyaar ho jaaen to kitne centre khul jaayenge, jahaan bhejen vahaan jaayengi na! jahaan bithaayenge vahaan baithengi na! kumaariyaan sab mahaan ho। sada mahaan rehna। sang mein nahin aana। agar koi aapke oopar apna rang lagaane chaahe to aap us par apna rang laga dena। maa-baap bhi bandhan daalne chaahen to bhi bandhan mein bandhane vaali nahin। sada nirbandhan। sada bhaagyavaan। kumaari jeevan poojya jeevan hai। poojya kabhi pujaari ban nahin sakti। sada isi nashe mein rahne vaali।

5. sabhi deviyaan ho na! kumaari arthaat devi। jo ulte raaste mein jaati woh daasi ban jaati aur jo mahaan aatma banti woh deviyaan hain! daasi jhukti hai। to aap sab deviyaan ho,daasi banne vaali nahin। deviyon ka kitna poojan hota hai। to yeh poojan aapka hai na! chhoti ho ya badi - sab deviyaan ho। bas yahi sada yaad rakho ki ham mahaan aatmaayen, pavitra aatmaayen hain,baap ka banna yeh kam baat nahin hai, kahne mein sahaj baat ho gai hai। lekin kiske bane ho? kitne oonche bane ho?kitni vishesh aatmaayen bane ho? yeh chalte-phirte yaad rehta hai ki ham kitni mahaan kitni oonchi aatmaayen hain! bhaagyavaan aatmaon ko sada apna bhaagya yaad rahe। kaun ho? devi! devi sada muskaraati rehti hai। devi kabhi roti nahin। deviyon ke chitron ke aage jaao to kya dikhaai deta? sada muskaraati rehti hai! drishti se, haathon se sada dene vaali devi। devta ya devi ka arth hi hai - dene vaala। kya dene vaali ho? sabhi ko sukh shanti aananda, prem sarva khazaane dene vaali deviyaan ho। sabhi right hand ho। right hand arthaat shreshtha karma karne vaali।

maataaon se:- sabhi maataayen, jagat maataayen ho gai na! jagat ka uddhaar karne vaali jagat maataayen। had ke grihasthi ki maataayen nahin। sada vishwa kalyaankaari। jaise baap vishwa-kalyaankaari hai vaise bachche bhi vishwa-kalyaankaari। to ghar mein rehti ho ya vishwa ki seva ke sthaan par rehti? vishwa hi aapki seva ka sthaan hai। behad mein rahne vaali,had mein rahne vaali nahin। jyaada samay kismen jaata hai, had ki pravritti mein ya behad mein? jitna behad ka lakshya rakhengi to had ke bandhanon se sahaj mukta hoti jaayengi। jo abhi sankalp aata hai ki samay nahin milta,ichchha hai lekin shareer nahin chalta, shakti nahin hai… yeh sab bandhan hai। jab dridh sankalp kar lete ki behad ki seva mein aana hi hai, lagna hi hai to yeh bandhan second mein samaapta ho jaate hain। samay svatah mil jaayega। shareer aape hi chalne lag jaayega। yeh anubhav hai bhi aur bhi kar sakti ho। shreshtha kaarya ke liye samay na mile, shareer kaam na kare, yeh ho nahin sakta। pahiye lag jaayenge। jab umang utsaah ke pahiye lag jaate hain to na chalne vaale bhi chalne lag padte hain। beemaari bhi khatma ho jaati hai। jaise laukik mein koi aavashyak kaam karna hota hai to kya karte ho? utna samay beemaari bhaag jaati hai na! baad mein bhale hi so jaao lekin us samay majboori se bhi karti ho na! to jaise had ke kaarya mein na chaahte bhi chal padte, aise yahaan bhi khushi-khushi se chal padenge। jab majboori ke pahiye bhi chala sakte hain to yeh khushi ke pahiye kya nahin kar sakte! to umang utsaah aur khushi ke pahiye lagaakar yeh had ke bandhan kaato। pati ka bandhan,bachchon ka bandhan to khatma hua, abhi in sookshm bandhanon se bhi mukta bano। udo aur udaao। yeh aisa hai, woh aisa hai… yeh bhi rassi hai। isko bhi todo,yeh bhi neeche le aati hai। to bandhanmukta udte panchhi bano।

2. maataaon ko vishesh kaun sa khazaana mila hai? khushi ka khazaana mila hai na! yeh khazaana baap ne vishesh maataaon ke liye laaya hai। usi khushi ke khazaane se khelte raho। baantate raho। yahi kaam hai। ghar ka kaam karte bhi khushi ka dhan baantate raho। to ghar ka kaam bhi aise hoga jaise khel rahe hain। khel mein thakna nahin hota। to sada aise aage badhte raho। saadhaaran maataayen nahin ho, shiv shaktiyaan ho। shaktiyaan arthaat sanghaarni, vijayi। vijay ka jhanda lahraane vaali। vishwa mein baap ko pratyaksha karne vaali। pravritti ko sambhaalte hue sada behad ka nasha rahe ki - ham asur sanghaarni shiv shaktiyaan hain।

maataaon ke liye to svayan baap srishti par aaye hain। aisi khushi hai na - ki hamne bulaaya aur baap ko aana pada। kyon? maataaon ne duhkh ke kaaran dil se pukaara aur aisi pukaarne vaali maataaon ko baap ne poojya bana diya। pukaar karne se chhuda diya। abhi pukaarne ki jaroorat nahin। sab aashaayen poorn ho gai। baap mila sab kuchh mila - sada isi khushi mein rehte khushi ka daan deti raho। apne hamjinsa par raham karo। aapke hamjinsa kitne duhkhi hain। hamjinsa ko jagaana yahi maataaon ka kaam hai। jage hain jagaane ke liye। abhi se merciful ban jagaao nahin to aapki hamjinsa aapko ulhana dengi ki humein kyon nahin jagaaya?achha-