Avyakt murli du lundi 26 novembre 1984

>

26-11-84om shanti avyakt baapdaadaamdhuban

sachche sahayogi hi sachche yogi

sarva samartha sarvashaktivaan shiv baba bole-

aaj bachchon ke milan sneh ko dekh rahe hain। ek bal ek bharo - isi chhatrachhaaya ke neeche milan ke umang utsaah se jara bhi halchal, lagan ko hila na saki। rookaavat,thakaavat badalkar sneh ka sahaj raasta anubhav kar pahunch gaye hain। isko kaha jaata hai - ‘himmate bachche madde baap।’ jahaan himmat hai vahaan hullaas bhi hai। himmat nahin to hullaas bhi nahin। aise sada himmat hullaas mein rahne vaale bachche ekras sthiti dvaara number one le lete hain। kaise bhi kade te kadi paristhiti ho lekin himmat aur hullaas ke pankhon dvaara second mein udti kala ki oonchi sthiti se har badi aur kadi paristhiti - chhoti aur sahaj anubhav hogi। kyonki udti kala ke aage sab chhote-chhote khel ke khilaune anubhav honge। kitni bhi bhayaanak baaten,bhayaanak ke bajaae svaabhaavik anubhav hongi। dardanaak baaten dridhta dilaane vaali anubhav hongi। kitne bhi dukhmay najaare bajte rahenge। isliye khushi ke nagaade, dukh ke najaaron ka prabhaav nahin daalenge aur hi shanti aur shakti se auron ke dukh darda ki agni ko sheetal jal ke sadrishya sarva ke prati sahayogi banenge। aise samay par tadapti hui aatmaon ko sahayog ki aavashyakta hoti hai। isi sahayog dvaara hi shreshtha yog ka anubhav karenge। sabhi aapke is sachche sahayog ko hi sachche yogi maanenge। aur aise hi haahaakaar ke samay ‘‘sachche sahayogi so sachche yogi’’। is pratyakshata se pratyakshaphal ki praapti se hi jay-jaykaar hogi। aise samay ka hi gaayan hai - ek boond ke pyaase…yeh shanti ki shakti ki ek second ki anubhooti roopi boond tadapti hui aatmaon ko tripti ka anubhav karaayegi। aise samay par ek second ki praapti unhein aise anubhav karaayegi - jaise ki second mein anek janmon ki tripti va praapti ho gai। lekin woh ek second ki shaktishaali sthiti ki bahut kaal se abhyaasi aatma, pyaase ki pyaas bujha sakti hai। ab check karo - aise dukh darda, dardanaak bhayaanak vaayumandal ke beech second mein master vidhaata, master vardaata, master saagar ban aisi shaktishaali sthiti ka anubhav kara sakte ho?aise samay par yeh kya ho raha hai, yeh dekhne va sunne mein lag gaye to bhi sahayogi nahin ban sakenge। yeh dekhne aur sunne ki jara bhi naam maatra ichchha bhi sarva ki ichchhaayen poorn karne ki shaktishaali sthiti banaane nahin degi। isliye sada apne alpakaal ki ‘ichchha maatram avidya’ ki shaktishaali sthiti mein ab se abhyaasi bano। har sankalp, har shvaas ke akhanda sevaadhaari, akhanda sahayogi so yogi bano। jaise khandit moorti ka koi moolya nahin,poojyaneey banne ki adhikaari nahin। aise khandit sevaadhaari khandit yogi aise samay par adhikaar praapta karaane ke adhikaari nahin ban sakenge। isliye aise shaktishaali seva ka samay sameep aa raha hai। samay ghanti baja raha hai। jaise bhakta log apne eeshta dev va deviyon ko ghanti bajaakar uthaate hain, sulaate hain,bhog lagaate hain। to abhi samay ghanti bajaae eeshta dev, deviyon ko alert kar rahe hain। jage hue to hain hi lekin pavitra pravritti mein jyaada busy ho gaye hain। pyaasi aatmaon ki pyaas mitaane ki, second mein anek janmon ki praapti vaali shaktishaali sthiti ke abhyaas ke liye taiyaari karne ki samay ghanti baja raha hai। pratyakshata ke parde khulne ka samay aap sampanna eeshta aatmaon ka aahvaan kar raha hai। samjha। samay ki ghanti to aap sabne suni na। achha –

aise har paristhiti ko udti kala dvaara sahaj paar karne vaale, bahut kaal ki second mein praapti dvaara tripti karaane vaale akhanda sevaadhaari, akhanda yogi, sada master daata,vardaata swaroop, sada ichchha maatram avidya ki sthiti se sarva ki ichchhaayen poorn karne vaale - aise master sarvashaktivaan samartha bachchon ko baapdaada ka yaad pyaar aur namaste।’’

(kaanpur ka samaachaar gange behen ne baapdaada ko sunaaya) - sada achal adol aatma। har paristhiti mein baap ki chhatrachhaaya ke anubhvi hain na? baapdaada bachchon ko sada safe rakhte hain। safety ka saadhan sada hi baap dvaara mila hua hai। isliye sada hi baap ka sneh ka haath aur saath hai। ‘‘nothing new’’ - iske abhyaasi ho gaye hain na! jo beeta nothing-new। jo ho raha hai - nothing new। svatah hi touching hoti rehti hai। yeh rehearsal ho rahi hai। aise samay par safety ka, seva ka kya saadhan ho?kya swaroop ho? iski rehearsal hoti hai। final mein haahaakaar ke beech jay-jaykaar honi hai। ati ke baad ant aur naye yug ka aarambha ho jaayega। aise samay par na chaahte bhi sabke man se yeh pratyakshata ke nagaade bajenge। najaara naajuk hoga lekin bajenge pratyakshata ke nagaade। to rehearsal se paar ho gai। bephikar baadshaah ban, part bajaaya। bahut achha kiya। pahunch gai yahi sneh ka swaroop hai। achha - soch se to asoch hai hi। jo hua vaah- vaah! isse bhi kaeeyon ka kuchh kalyaan hi hoga। isliye jalne mein bhi kalyaan, to bachne mein bhi kalyaan। haay nahin kahenge,haay jal gaya,nahin। ismen bhi kalyaan! bachne ke time jaise vaah-vaah karte hain, vaah bach gaya, aise hi jalne ke samay bhi vaah-vaah। isi ko hi ekras sthiti kaha jaata hai। bachaana apna pharz hai lekin jalne vaali cheez jalni hi hai। ismen bhi kai hisaab-kitaab honge। aap to hain hi bephikar baadshaah। ‘ek gaya laakh paaya’ - yeh hai braahmanon ka slogan। gaya nahin lekin paaya। isliye bephikar। aur achha koi milna hota hai। isliye jalna bhi khel,bachna bhi khel। donon hi khel hain। yahi to dekhenge ki yeh kitne bephikar baadshaah hain,jal raha hai lekin yeh baadshaah hain। kyonki chhatrachhaaya ke andar hain। woh phikar mein pad jaate hain - kya hoga, kaise hoga?kahaan se khaayenge, kahaan se chalenge? aur bachchon ko yeh phikar hai hi nahin। achha –

abhi taiyaari to karni pade na! jaayenge, yeh nahin socho lekin sabko le jaayenge, yeh socho। sabko saakshaatkaar karaake, tripta karke pratyakshata ka nagaada bajaake phir jaayenge। pahle kyon jaayen! ab to baap ke saath-saath jaayenge। pratyakshata ki bhi wonderful scene anubhav karke jaayenge na! yeh bhi kyon rah jaae! yeh maansik bhakti, maansik pooja, prem ke pushpa yeh antim drishya bahut wonderful hai। advance party mein kiska part hai woh doosri baat hai। baaki yeh scene dekhna to bahut aavashyak hai। jisne ant kiya usne sab kuchh kiya। isliye baap ant mein aata to sab kuchh kar liya na! to kyon nahin baap ke saath-saath yeh wonderful scene dekhte hue saath chalo। yeh bhi koi-koi ka part hai। to jaane ka sanklpa nahin karo। chale gaye to bhi achha। rah gaye to bahut achha। akele jaayenge to bhi advance party mein seva karni padegi। isliye jaana hai yeh nahin socho - sabko saath le jaana hai, yeh socho। achha - yeh bhi ek anubhav badha। jo hota hai usse anubhav ki degree badh jaati hai। jaise auron ki padhaai mein degree badhti hai, yeh bhi anubhav kiya maana degree badhi।

party se mulaakaat

sabhi apne ko svaraajya adhikaari samajhte ho? svaraajya ab sangamayug par,vishwa ka raajya bhavishya ki baat hai। svaraajya adhikaari hi vishwa-raajya adhikaari bante hain। sada apne ko raajasva adhikaari samajh,in karmenndriyon ko karmachaari samajh apne adhikaar se chalaate ho ya kabhi koi karmendriy raaja ban jaati hai? aap svayan raaja hain ya kabhi koi karmendriy raaja ban jaati?kabhi koi karmendriy dhokha to nahin deti hai? agar kisi se bhi dhokha khaaya to dukh liya। dhokha dukh praapta karaata। dhokha nahin to dukh nahin। to svaraajya ki khushi mein, nashe mein, shakti mein rahne vaale। svaraajya ka nasha udti kala mein le jaane vaala nasha hai। had ke nashe nuksaan praapta karaate, yeh behad ka nasha alaukik roohaani nasha sukh ki praapti karaane vaala hai। to yathaartha raajya hai - raaja ka। praja ka raajya hangaamen ka raajya hai। aadi se raajaaon ka raajya raha hai। abhi last janma mein praja ka raajya chala hai। to aap abhi raajya adhikaari ban gaye। anek-anek janma bhikhaari rahe aur ab bhikhaari se adhikaari ban gaye। baapdaada sada kehte - bachche khush raho, aabaad raho। jitna apne ko shreshtha aatma samajh, shreshtha karma, shreshtha bol, shroshtha sankalp karenge to is shreshtha sankalp se shreshtha duniya ke adhikaari ban jaayenge। yeh ‘svaraajya aapka janma-siddha adhikaar hai’,yahi aapko janmajanma ke liye adhikaari banaane vaala hai।