Avyakt murli du mercredi 9 janvier 1985

>

09-01-85om shanti avyakt baapdaadaamdhuban

shreshtha bhaagyavaan aatmaon ki roohaani personality

bhaagya vidhaata baap apne bhaagyavaan bachchon prati bole

aaj bhaagyavidhaata baap apne shreshtha bhaagyavaan bachchon ko dekh rahe hain। har ek bachche ke bhaagya ki lakeer kitni shreshtha aur avinaashi hai। bhaagyavaan to sabhi bachche hain kyonki bhaagyavidhaata ke bane hain। isliye bhaagya to janma-siddha adhikaar hai। janma-siddha adhikaar ke roop mein sabhi ko svatah hi adhikaar praapta hai। adhikaar to sabhi ko hai lekin us adhikaar ko sva prati va auron ke prati jeevan mein anubhav karna aur karaana usmein antar hai। is bhaagya ke adhikaar ko adhikaari ban us khushi aur nashe mein rehna। aur auron ko bhi bhaagyavidhaata dvaara bhaagyavaan banaana hai, yeh hai adhikaareepan ke nashe mein rehna। jaise sthool sampattivaan ki chalan aur chehre se sampatti ka alpakaal va nasha dikhaai deta hai, aise bhaagya ki sampatti ka praapti swaroop alaukik aur roohaani hai। shreshtha bhaagya ki jhalak aur roohaani phalak vishwa mein sarva aatmaon se shreshtha,nyaari aur pyaari hai। shreshtha bhaagyavaan aatma sada bharpoor, phakhur mein rahne vaale anubhav honge। door se hi shreshtha bhaagya ke soorya ki kirnen chamakti hui anubhvi hongi। bhaagyavaan ke bhaagya ki property ki personality door se hi anubhav hogi। shreshtha bhaagyavaan aatma ki drishti se sada sarva ko roohaani raayalti anubhav hogi। vishwa mein kitne bhi bade-bade raayalti va personality vaale hon lekin shreshtha bhaagyavaan aatma ke aage vinaashi personality vaale svayan anubhav karte ki yeh roohaani personality ati shreshtha anokhi hai। aise anubhav karte ki yeh shreshtha bhaagyavaan aatmaayen nyaare alaukik duniya ke hain। ati nyaare hain। jisko allaah log kehte hain। jaise koi nai cheez hoti hai to bade sneh se dekhte hi rah jaate hain। aise shreshtha bhaagyavaan aatmaon ko dekh-dekh ati harshit hote hain। shreshtha bhaagyavaan aatmaon ki shreshtha vritti dvaara vaayumandal aisa banta jo doosre bhi anubhav karte ki kuchh praapta ho raha hai। arthaat praapti ka vaataavran vaayumandal anubhav karte hain। kuchh pa rahe hain, mil raha hai isi anubhooti mein kho jaate hain। shreshtha bhaagyavaan aatma ko dekh aisa anubhav karte jaise pyaase ke aage kuna chalkar aaye। apraapta aatma praapti ke ummeedon ka anubhav karti hai। chaaron or ke naaummeedon ke andhakaar ke beech shubh aasha ka jaga hua deepak anubhav karte hain। dilshikasta aatma ko dil ki khushi ki anubhooti hoti hai। aise shreshtha bhaagyavaan bane ho? apni in roohaani visheshtaaon ko jaante ho? maante ho? anubhav karte ho? va sirf sochte aur sunte ho?chalte-phirte is saadhaaran roop mein chhipe hue amoolya heera shreshtha bhaagyavaan aatma ko kabhi svayan bhi bhool to nahin jaate ho,apne ko saadhaaran aatma to nahin samajhte ho? tan puraana hai, saadhaaran hai lekin aatma mahaan aur vishesh hai। saare vishwa ke bhaagya ki janmapatriyaan dekh lo, aap jaisi shreshtha bhaagya ki lakeer kisi ki bhi nahin ho sakti hai। kitni bhi dhan se sampanna aatmaayen hon,shaastran ke aatma gyaan ke khajaane se sampanna aatmaayen hon,vigyaan ke knowledge ki shakti se sampanna aatma hon lekin aap sabke bhaagya ki sampannata ke aage woh kya lagenge?woh svayan bhi abhi anubhav karne lage hain ki ham baahar se bharpoor hain, lekin andar khaali hai aur aap andar bharpoor hain, baahar saadhaaran hain। iseelie apne shreshtha bhaagya ko sada smriti mein rakhte hue samartha-pan ke roohaani nashe mein raho। baahar se bhale saadhaaran dikhaai do lekin saadhaaranta mein mahaanta dikhaai de। to apne ko check karo har karma mein saadhaaranta mein mahaanta anubhav hoti hai?jab svayan,svayan ko aise anubhav karenge tab doosron ko bhi anubhav karaayenge। jaise aur log kaarya karte hain aise hi aap bhi laukik kaarya vyavhaar hi karte ho va alaukik allaah log hokar kaarya karte ho? chalte phirte sabhi ke samparka mein aate yeh zaroor anubhav karaao jo samjhen ki inhon ki drishti mein,chehre mein nyaara pan hai। aur dekhte hue spashta samajh mein na bhi aaye lekin yeh question zaroor uthe ki yeh kya hai?yeh kaun hai?yeh question roopi teer baap ke sameep le hi aayega। samjha। aise shreshtha bhaagyavaan aatmaayen ho। baapdaada kabhi-kabhi bachchon ke bholepan ko dekh muskaraate hain। bhagwan ke bane hain lekin itne bhole ban jaate hain jo apne bhaagya ko bhi bhool jaate hain। apne aapko koi bhoolta hai? baap ko koi bhoolta hai? to kitne bhole ho gaye! 63 janma ulta paath itna pakka kiya jo bhagwan bhi kehte ki bhool jaao to bhi nahin bhoolte। aur shreshtha baat bhool jaate hain। to kitne bhole ho! baap bhi kehte drama mein in bholon se hi mera part hai। bahut samay bhole bane, ab baap samaan master knowledgeful, master powerful bano। samjha। achha –

sada shreshtha bhaagyavaan, sarva ko apne shreshtha bhaagya dvaara bhaagyavaan banne ki shakti dene vaale, saadhaaranta mein mahaanta anubhav karaane vaale, bhole se bhaagyavaan banne vaale, sada bhaagya ke adhikaar ke nashe mein aur khushi mein rahne vaale,vishwa mein bhaagya ka sitaara ban chamakne vaale,aise shreshtha bhaagyavaan aatmaon ko bhaagyavidhaata baapdaada ka yaadapyaar aur namaste।’’

madhuban nivaasi bhaai-bahnon se -madhuban nivaasi arthaat sada apne madhurta se sarva ko madhur banaane vaale aur sada apne behad ke vairaag vritti dvaara behad ka vairaag dilaane vaale। yahi madhuban nivaasiyon ki visheshta hai। madhurta bhi ati aur vairaagvritti bhi ati। aise balance rakhne vaale sada hi sahaj aur svatah aage badhne ka anubhav karte hain। madhuban ki in donon visheshtaaon ka prabhaav vishwa mein padta hai। chaahe agyaani aatmaayen bhi hain lekin madhuban light house, might house hai। to light house ki roshni koi chaahe na chaahe lekin sabke oopar padti hai। jitna yahaan ka yeh vibration hota hai utna vahaan samajhte hain ki yeh kuchh nyaare hain। chaahe samasyaaon ke kaaran, chaahe circumstance ke kaaran, chaahe apraapti ke kaaran, lekin alpakaal ki bhi vairaag vritti ka prabhaav zaroor padta hai। jab aap yahaan shaktishaali bante ho to vahaan bhi shaktishaali koi na koi vishesh baat hoti hai। yahaan ki lahar braahmanon ke saath-saath duniya vaalon par bhi padti hai। agar vishesh nimitta bane hue thoda umang mein aate aur phir saadhaaran ho jaate to vahaan bhi umang mein aate phir saadhaaran ho jaate hain। to madhuban ek vishesh stage hai। jaise us stage par koi bhaashan karne vaala hai ya stage secretary hai, attention to stage ka rakhega na। ya samjhega yeh to bhaashan karne vaale ke liye hai। koi chhota sa geet gaane vaala ya guldasta dene vaala bhi hoga to bhi jis samay woh stage par aayega to usi visheshta se,attention se aayega। to madhuban mein kis bhi duty par rehte ho, apne ko chhota samjho ya bada samjho lekin madhuban ki vishesh stage par ho। madhuban maana mahaan stage। to mahaan stage par part bajaane vaalon mahaan hue na। sabhi aapko oonchi najar se dekhte hain na। kyonki madhuban ki mahima arthaat madhuban nivaasiyon ki mahima।

to madhuban vaalon ka har bol moti hai। bol nahin ho lekin moti ho। jaise motiyon ki varsha ho rahi hai, bol nahin rahe hain, motiyon ki varsha ho rahi hai। isko kaha jaata hai - ‘madhurta’। aisa bol bolen jo sunne vaale sochen ki aisa bol ham bhi bolenge। sabko sunkar seekhne ki prerna mile,follow karne ki prerna mile। jo bhi bol niklen woh aise hon jo koi tape karke phir repeat karke sune। achhi baat lagti hai tab to tape karte hain na - baar-baar sunte rahen। to aise madhurta ke bol hon। aise madhur bol ka vibration vishwa mein svatah hi phailta hai। yeh vaayumandal vibration ko svatah hi kheenchata hai। to aapka har bol mahaan ho। har mansa sankalp har aatma ke prati madhur ho,mahaan ho। aur doosri baat - madhuban mein jitne bhandaare bharpoor hain utne behad ke vairaagi। praapti bhi ati aur vairaag vritti bhi utni hi, tab kahenge behad ki vairaag vritti hai। ho hi nahin to vairaag vritti kaisi। ho aur hote hue bhi vairaag vritti ho isko kaha jaata hai - behad ke vairaagi। to jitna jo karta hai utna vartamaan bhi phal paata hai aur bhavishya mein to milna hi hai। vartamaan mein sachcha sneh va sabke dil ki aasheervaaden abhi praapta hoti hain aur yeh praapti svarga ke raajya bhaagya se bhi jyaada hai। abhi maaloom padta hai ki sabka sneh aur aasheervaad dil ko kitni aage badhaati hai। to woh sabke dil ki aasheervaad ki khushi aur sukh ki anubhooti ek vichitra hai। aise anubhav karenge jaise koi sahaj haathon par udaate hue liye ja raha hai। yeh sarva ka sneh aur sarva ki aasheervaad itna anubhav karaane vaali hain। achha –

is naye varsha mein sabhi ne naya umang-utsaah bhara sankalp kiya hai na। usmein dridhta hai na! agar koi bhi sankalp ko roj revise karte raho to jaise koi bhi cheez pakki karte jaao to pakki ho jaati। to jo sankalp kiya use chhod nahin do। roj us sankalp ko revise kar dridh karo to phir yahi dridhta sada kaarya mein aayegi। kabhi-kabhi soch liya kya sankalp kiya tha, ya chalte-chalte sankalp bhi bhool jaae kya kiya tha to kamzori aati hai। roj revise karo aur roj baap ke aage repeat karo to pakka hota jaayega aur saphalta bhi sahaj milegi। sabhi jis sneh se madhuban mein ek ek aatma ko dekhte hain woh baap jaante hain। madhuban nivaasi aatmaon ki visheshtaaon ka kam mahatva nahin hai। agar koi ek chhota-sa vishesh kaarya bhi karte hain to ek sthaan par woh kaarya hota hai aur sabhi ko prerna milti hai, to woh saara visheshta ke phaayde ka hissa us aatma ko mil jaata hai। to madhuban vaale koi bhi shreshtha sankalp karte hain,plan banaate hain, karma karte hain woh sabhi ko seekhne ka utsaah hota hai। to sabhi ke utsaah badhaane vaali aatma ko kitna phaayda hoga! itna mahatva hai aap sabka। ek kone mein karte ho aur phailta sabhi jagah hai। achha –

is varsha ke liye naya plan - is varsha aisa koi group banaao jis group ki visheshtaaon ko practical mein dekhkar doosron ko prerna mile aur vibration phaile। jaise government bhi kehti hai ki aap koi aisa sthaan lekar ek gaanv ko utha karke aisa sample dikhaao jisse samajh mein aaye ki aap practical kar rahe hain to uska prabhaav phailega। aise hi koi group bane jisse doosron ko prerna mile। koi bhi agar dekhna chaahe gun kya hota hai, shakti kya hoti hai,gyaan kya hota hai, yaad kya hoti hai to uska practical swaroop dikhaai de। aise agar chhote-chhote group practical pramaan ban jaaen to woh shreshtha vibration vaayumandal mein svatah hi phailega। aajkal sabhi log practical dekhne chaahte hain, sunne nahi chaahte hain। practical ka prabhaav bahut jaldi pahunchta hai। to aisa koi teevra umang utsaah ka practical roop ho, group ho jisko sahaj sabhi dekh karke prerna len aur chaaron taraph yeh prerna pahunch jaae। to ek se do, do se teen aise phailta jaayega। isliye aisi koi visheshta karke dikhaao। jaise vishesh nimitta bani hui aatmaon ke pratisbhi samajhte hain ki yeh proof hai aur prerna mikalti hai। aisa aur bhi pooraph banaao। jisko dekhkar sab kahen ki haan, practical gyaan ka swaroop anubhav ho raha hai। is shubh shreshtha karma, shreshtha sankalp ki vritti se vaayumandal banaao। aisa kuchh karke dikhaao। aajkal mansa ka prabhaav jitna padta hai utna vaani ka nahin padta। vaani ek shabd bolo aur vibration 100 shabdon ka phailaao tabhi asar hota hai। shabd to common ho gaye hain na lekin shabd ke saath jo vibration shaktishaali hain woh aur kahaan nahin hota hai, yeh yahaan hi hota hai। yeh visheshta karke dikhaao। baaki to conference karenge, youth ka programme karenge yeh to hote rahenge aur hone bhi hain। isse bhi umang-utsaah badhta hai lekin abhi aatmik-shakti ki aavashyakta hai। yeh hai vritti se vibration phailaana। woh shaktishaali hai। achha –

videshi bachchon se - baapdaada roj snehi bachchon ko sneh ka rirtan dete hain। baap ka bachchon se itna sneh hai,jo bachche sankalp hi karte, mukh tak bhi nahin aata aur baap uska rirtan pahle se hi kar deta। sangamayug par saare kalpa ka yaadapyaar de dete hain। itna yaad aur pyaar dete hain jo janma-janma yaadapyaar se jholi bhari hui rehti hai। baapdaada snehi aatmaon ko sada sahayog de aage badhaate rehte hain। baap ne jo sneh diya hai us sneh ka swaroop bankar kisi ko bhi snehi banaayenge to woh baap ka ban jaayenge। sneh hi sab ko aakarshit karne vaala hai। sabhi bachchon ka sneh baap ke paas pahunchta rehta hai। achha –