Avyakt murli du dimanche 24 mars 1985

>

24-03-85om shanti avyakt baapdaadaamdhuban

ab nahin to kab nahin

shreshtha raajya bhaagya ka adhikaar dene vaale baapdaada bole

aaj loveful aur laaphul baapdaada sabhi bachchon ke khaate ko dekh rahe the। har ek ka jama ka khaata kitna hai? brahman banna arthaat khaata jama karna। kyonki is ek janma ke jama kiye hue khaate ke pramaan21 janma praalabdha paate rahenge। na sirf 21janma praalabdha praapta karenge lekin jitna poojya bante ho arthaat raajya pad ke adhikaari bante ho, usi hisaab anusaar aadhaakalpa bhaktimaarga mein pooja bhi raajya bhaagya ke adhikaar ke hisaab se hoti hai। raajya pad shreshtha hai to poojya swaroop bhi itna hi shreshtha hota hai। itni sankhya mein praja bhi banti hai। praja apne raajya adhikaari vishwa-mahaaraajan va raajan ko maat pita ke roop se pyaar karti hai। itna hi bhakta aatmaayen bhi aise hi us shreshtha aatma ko va raajya adhikaari mahaan aatma ko apna pyaara eeshta samajh pooja karte hain। jo ashta bante hain woh eeshta bhi itne hi mahaan bante hain। is hisaab pramaan isi brahman jeevan mein raajya-pad aur poojya-pad paate ho। aadha kalpa raajya-pad vaale bante ho aur aadha kalpa poojya-pad ko praapta karte ho। to yeh janma va jeevan va yug saare kalpa ke khaate ko jama karne ka yug va jeevan hai। isliye aap sabhi ka ek slogan bana hua hai,yaad hai? - ‘ab nahin to kab nahin’। yeh is samay ke isi jeevan ke liye hi gaaya hua hai। braahmanon ke liye bhi yeh slogan hai to agyaani aatmaon ke liye bhi sujaag karne ka yeh slogan hai। agar brahman aatmaayen har shreshtha karma karne ke pahle shreshtha sankalp karte hue yeh slogan sada yaad rakhen ki - ab nahin to kab nahin, to kya hoga? sada har shreshtha kaarya mein teevra ban aage badhenge। saath-saath yeh slogan sada umang-utsaah dilaane vaala hai। roohaani jaagriti svatah hi aa jaati hai। achha phir kar lenge, dekh lenge। karna to hai hi। chalna to hai hi। banna bhi hai hi। yeh saadhaaran purooshaartha ke sankalp svatah hi samaapta ho jaate hain। kyonki smriti aa gai ki - ab nahin to kab nahin। jo karna hai woh ab kar lo। isko kaha jaata hai - teevra purooshaartha।

samay badalne se kabhi shubh sankalp bhi badal jaata hai। shubh kaarya jis umang se karne ka socha woh bhi badal jaata hai। isliye brahma baap ke number one jaane ki visheshta kya dekhi? kab nahin, lekin‘ab karna hai’। ‘turant daan mahaapunya’kaha jaata hai। agar turant daan nahin kiya,socha, samay lagaaya, plan banaaya phir practical mein laaya to isko turant daan nahin kaha jaayega। daan kaha jaayega। turant daan aur daan mein antar hai। turant daan mahaadaan hai। mahaadaan ka phal mahaan hota hai। kyonki jab tak sankalp ko practical karne mein sochta hai - achha karoon, karoonga,abhi nahin,thode samay ke baad karoonga। ab itna kar leta hoon yeh sochna aur karna is beech mein jo samay pad jaata hai usmein maaya ko chance mil jaata hai। baapdaada bachchon ke khaate mein kai baar dekhte hain ki sochne aur karne ke beech mein jo samay padta hai us samay mein maaya aa jaati hai to baat bhi badal jaati hai। maano kabhi tan se, man se sochte hain yeh karenge lekin samay padne se jo 100 pratishat sochte hain karne ke liye woh badal jaata hai। samay padne se maaya ka prabhaav hone ke kaaran maano 8 ghanta lagaane vaala 6ghanta lagaayega। 2ghanta kat ho jaayega। circumstance hi aise ban jaayenge। is prakaar dhan mein sochega 100 karna hai aur karega 50itna bhi pharka pad jaata hai। kyonki beech mein maaya ko margin mil jaati hai। phir kai sankalp aate hain। achha 50 abhi kar lete hain - 50 phir baad mein kar lenge। hai to baap ka hi। lekin tan-man-dhan sabhi ka jo ‘turant daan woh mahaapunya hota hai’। dekha hai na -bali bhi chadhaate hain to mahaaprasaad vahi hota jo turant hota। ek dhak se jhaatku bante hain usko ‘mahaaprasaad’kaha jaata hai। jo bali mein chillaate-chillaate sochte-sochte rah jaate hain woh mahaaprasaad nahin। jaise woh bakre ko bali chadhaate hain, woh bahut chillaata hai। yahaan kya karte? sochte hain, aisa karen va na karen। yeh hua sochna। chillaane vaale ko kabhi bhi mahaaprasaad ke roop mein sveekaar nahin karte hain। aise hi yahaan bhi turant daan mahaapunya yeh jo gaayan hai woh is samay ka hai। arthaat sochna aur karna turant ho। sochte-sochte rah nahin jaaven। kai baar aise anubhav bhi sunaate hain। socha to mainne bhi yahi tha lekin isne kar liya, mainne nahin kiya। to jo kar leta hai woh pa leta hai। jo sochte-sochte rah jaata, woh sochte-sochte tretaayug tak pahunch jaata hai। sochte-sochte rah jaata hai। yahi vyartha sankalp hai ki turant nahin karo। shubh kaarya shubh sankalp ke liye gaayan hai - ‘turant daan mahaapunya’। kabhi-kabhi koi bachche bada khel dikhaate hain। vyartha sankalp itna force se aate jo kantrol nahin kar paate। phir us samay kehte kya karen, ho gaya na। rok nahin sakte। jo aaya woh kar liya lekin vyartha ke liye kantroling power chaahiye। ek samartha sankalp ka phal padmaguna milta hai। aise hi ek vyartha sankalp ka hisaab-kitaab - udaas hona, dilshikasta hona va khushi gaayab hona va samajh nahin aana ki main kya hoon,apne ko bhi nahin samajh sakte - yeh bhi ek ka bahut guna ke hisaab se anubhav hota hai। phir sochte hain ki tha to kuchh nahin। pata nahin kyon khushi gum ho gai। baat to badi nahin thi lekin bahut din ho gaye hain - khushi kam ho gai hai। pata nahin kyon akelaapan achha lagta hai! kahaan chale jaaven, lekin jaayenge kahaan?akela arthaat bina baap ke saath akela to nahin jaana hai na। aise bhale akele ho jaao lekin baap ke saath se akele kabhi nahin hona। agar baap ke saath se akele hue, vairaagi,udaasi yeh to doosra math hai। brahman jeevan nahin। combined ho na। sangamayug combined rahne ka yug hai। aisi vandarpul jodi to saare kalpa mein nahin milegi। chaahe lakshmi naaraayan bhi ban jaaen lekin aisi jodi to nahin banegi na! isliye sangamayug ka combined roop hai। yeh second bhi alag nahin ho sakta। alag hua aur gaya। anubhav hai na aisa! phir kya karte? kabhi saagar ke kinaare chale jaate, kab chhat par, kab pahaadon par chale jaate। manan karne ke liye jaao, woh alag baat hai। lekin baap ke bina akele nahin jaana hai। jahaan bhi jaao saath jaao। yeh brahman jeevan ka vaayda hai। janmate hi yeh vaayda kiya hai na! saath rahenge saath chalenge। aise nahin jangal mein va saagar mein chale jaana hai। nahin। saath rehna hai, saath chalna hai। yeh vaayda pakka hai na sabhi ka?dridh sankalp vaale sada saphalta ko paate hain। dridhta saphalta ki chaabi hai। to yeh vaayda bhi dridh pakka kiya hai na। jahaan dridhta sada hai vahaan saphalta sada hai। dridhta kam to saphalta bhi kam।

brahma baap ki visheshta kya dekhi! yahi dekhi na - turant daan…kabhi socha ki kya hoga! pahle sochoon peechhe karoon, nahin। turant daan mahaapunya ke kaaran number one mahaan aatma banen। isliye dekho number one mahaan aatma banne ke kaaran krishna ke roop mein number one pooja ho rahi hai। ek hi yeh mahaan aatma hai jiski baal roop mein bhi pooja hai। baal roop bhi dekha hai na। aur yuva roop mein raadhe krishna ke roop mein bhi pooja hai। aur teesra gop gopiyon ke roop mein bhi gaayan poojan hai। chautha lakshmi naaraayan ke roop mein। ek yeh hi mahaan aatma hai jiske bhinna-bhinna aayu ke roop mein bhinna-bhinna charitra ke roop mein gaayan aur poojan hai। raadhe ka gaayan hai lekin raadhe ko baal roop mein kabhi jhoola nahin jhulaayenge। krishna ko jhulaate hain। pyaar krishna ko karte hain। raadhe ka saath ke kaaran naam zaroor hai। phir bhi number do aur ek mein pharka to hoga na। to number one banne ka kaaran kya bana? - ‘‘maha punya’’। mahaan punya aatma so mahaan poojya aatma ban gai। pahle bhi sunaaya tha na ki aap logon ki pooja mein bhi antar hoga। koi devi devtaaon ki pooja vidhipoorvak hoti hai aur koi ki aise kaam chalaau bhi hoti hai। iska to phir bahut vistaar hai। pooja ka bhi bahut vistaar hai। lekin aaj to sabhi ke jama ke khaate dekh rahe the। gyaan ka khajaana, shaktiyon ka khajaana, shreshtha sankalpon ka khajaana kahaan tak jama kiya hai aur samay ka khajaana kahaan tak jama kiya hai। yeh chaaron hi khajaane kahaan tak jama kiye hain?yeh khaata dekh rahe the। to abhi in chaaron hi baaton ka khaata apna check karna। phir baapdaada bhi sunaayenge ki result kya dekhi aur har ek khajaane ke jama karne ka praapti ka kya sambandh hai। aur kaise jama karna hai is sab baaton par phir sunaayenge। samjha

samay to had ka hai na। aate bhi had mein hain, apna shareer bhi nahin। loan liya hua shareer, aur hai bhi temporary part ka shareer। isliye samay ko bhi dekhna padta hai। baapdaada ko bhi har bachche se milne mein, har bachche ki meetheemeethi roohaani khushbu lene mein maja aata hai। baapdaada to har bachche ke teenon kaal jaante hain na। aur bachche sirf apne vartamaan ko jyaada jaante hain isliye kabhi kaise,kabhi kaise ho jaate hain। lekin baapdaada teenon kaalon ko jaanne kaaran usi drishti se dekhte hain ki yeh kalpa pahle vaala hakdaar hai। adhikaari hai। abhi sirf thoda sa koi halchal mein hai lekin abhi-abhi halchal abhi-abhi achal ho hi jaana hai। bhavishya shreshtha dekhte hain। isliye vartamaan ko dekhte bhi,nahin dekhte। to har ek bachche ki visheshta ko dekhte hain। aisa koi hai jismen koi bhi visheshta na ho! pahli visheshta to yahi hai jo yahaan pahunche ho। aur kuchh bhi na ho phir bhi sammukh milne ka yeh bhaagya kam nahin hai। yeh to visheshta hai na। yeh vishesh aatmaon ki sabha hai। isliye vishesh aatmaon ki visheshta ko baapdaada dekh harshit hote hain। achha –

sada‘turant daan mahaapunya’ke shreshtha sankalp vaale,sada kab ko ab mein parivartan karne vaale, sada samay ke vardaan ko jaan vardaanon se jholi bharne vaale,sada brahma baap ko follow kar brahma baap ke saath shreshtha raajya-adhikaari aur shreshtha pad adhikaari banne vaale, sada baap ke saath combined rahne vaale, aise sada ke saathi bachchon ko, sada saath nibhaane vaale bachchon ko baapdaada ka yaadapyaar aur namaste।’’

brijaindra daadi se avyakt baapdaada ki mulaakaat -chalaane vaala chala raha hai na। har second karaavanhaar nimitta banaae kara raha hai। karaavanhaar ke haath mein chaabi hai। usi chaabi se chal rahi hai। automatic chaabi mil jaati hai aur chalte phirte kitna nyaare aur pyaarepan ka anubhav hota hai। chaahe karma ka hisaab chuktu bhi kar rahe hain lekin karma ke hisaab ko bhi saakshi ho dekhte hue, saathi ke saath mauj mein rehte hain। aise hai na! aap to saathi ke saath mauj mein hain baaki yeh hisaab kitaab saakshi ho chuktu kaise ho raha hai woh dekhte hue bhi mauj mein rahne kaaran lagta kuchh nahin hai। kyonki jo aadi se sthaapna ke nimitta bane hain to jab tak hai tab tak baithe hain ya chal rahe hain, stage par hain ya ghar mein hain lekin mahaaveer bachche sada hi apne shreshtha stage par hone ke kaaran seva ki stage par hain। double stage par hain। ek svayan ki shreshtha stage par hain aur doosri seva ki stage par hain। to saara din kahaan rehti ho? makaan mein ya stage par?bed par baithti, koch par baithti ho ya stage par rehti ho? kahaan bhi ho lekin seva ki stage par ho। double stage hai। aise hi anubhav hota hai na! apne hisaab ko bhi aap saakshi hokar dekho। is shareer se jo bhi pichhla kiya hua hai woh chuktu kaise kar raha hai, woh saakshi hokar dekhte। ise karmabhog nahin kahenge। bhogne mein dukh hota hai। to bhogna shabd nahin kahenge kyonki dukhdarda ki mahsoosta nahin hai। aap logon ke liye karmabhog nahin hai, yeh bhi karmayog ki shakti se seva ka saadhan bana hua hai। yeh karma bhogna nahin,seva ki yojna hai। bhogna bhi seva ki yojna mein badal gai। aise hai na! isliye sada saath ki mauj mein rahne vaali। janma se yahi aasha rahi - saath rahne ki। yeh aasha bhakti roop mein poori hui,gyaan mein bhi poori hui,saakaar roop mein bhi poori hui aur abhi avyakt roop mein bhi poori ho rahi hai। to yeh janma ki aasha vardaan ke roop mein ban gai। achha - jitna saakaar baap ke saath rahne ka anubhav inka hai utna aur kiska nahin। saath rahne ka vishesh part mila yeh kam thode hi hai। harek ka bhaagya apna-apna hai। aap bhi kaho - ‘vaah re main’! achha –

aadi ratna sada san shovz father karne ke nimitta hain। har karma se baap ke charitra ko pratyaksha karne vaale ‘divya darpan’ hain। darpan kitna aavashyak hota hai? apna darshan ya doosre ka darshan karaane ke liye। to aap sabhi darpan ho baap ka saakshaatkaar karaane ke liye। jo vishesh aatmaayen nimitta hain unko dekh sabhi ko kya yaad aata hai? baapdaada yaad aa jaata hai। baap kya karte the, kaise chalte the…yeh yaad aata hai na। to baap ko pratyaksha karne ke darpan ho। baapdaada aise vishesh bachchon ko sada apne se bhi aage badhaate hain। sir ka taaj bana dete hain। sir ke taaj ki chamakti hui mani ho। achha –

sabhi bachchon ko vidaai ke samay yaadapyaar dete hue - baapdaada chaaron taraph ke sabhi bachchon ko yaadapyaar bhej rahe hain। har ek sthaan ke snehi bachche, sneh se seva mein aage badh rahe hain aur sneh sada aage badhaata rahega। sneh se seva karte ho isliye jinhon ki seva karte ho woh bhi baap ke snehi ban jaate hain। sabhi bachchon ko seva ki mubaarak bhi ho aur mehnat nahin lekin muhabbat ki mubaarak ho। kyonki naam mehnat hai lekin hai muhabbat। isliye jo yaad mein rahkar seva karte hain woh apna vartamaan aur bhavishya jama karte hain। isliye abhi bhi seva ki khushi milti hai aur bhavishya mein bhi jama hota hai। seva nahin ki lekin avinaashi bank mein apna khaata jama kiya। thodi si seva aur sadaakaal ke liye khaata jama ho jaata। to woh seva kya hui? jama hua na! isliye sabhi bachchon ko baapdaada yaadapyaar bhej rahe hain। harek apne ko samartha aatma samajh aage badho to samartha aatmaon ki saphalta sada hai hi। harek apne-apne naam se vishesh yaadapyaar sveekaar karna (dehli paandav bhavan mein taileksa laga hai) dehli nivaasi paandav bhavan ke sabhi bachchon ko vishesh seva ki mubaarak। kyonki yeh saadhan bhi seva ke liye hi bane hain। saadhan ki mubaarak nahin, seva ki mubaarak ho। sada in saadhnon dvaara behad ki seva, avinaashi karte rahenge। khushi-khashi se vishwa mein is saadhan dvaara baap ka sandesh pahunchaate rahenge। isliye baapdaada dekh rahe hain ki bachchon ki seva ka umang utsaah khushi kitni hai। isi khushi se sada aage badhte rehna। paandav bhavan ke liye sabhi videshi khushi ka certificate dete hain isko kaha jaata hai baap samaan mehmaan nivaaji mein sada aage rehna। jaise brahma baap ne kitni mehmaan nivaaji karke dikhaai। to mehmaan nivaaji mein follow karne vaale baap ka show karte hain। baap ka naam pratyaksha karte hain। isliye baapdaada sabhi ki taraph se yaadapyaar de rahe hain।

amritbele6 baje baapdaada ne phir se murli chalaai tatha yaadapyaar di

25-03-85

aaj ke din sada apne ko double light samajh udti kala ka anubhav karte rehna। karmayogi ka part bajaate bhi karma aur yog ka balance check karna ki karma aur yaad arthaat yog donon hi shaktishaali rahe? agar karma shakti- shaali raha aur yaad kam rahi to balance nahin। aur yaad shaktishaali rahi aur karma shaktishaali nahin to bhi balance nahin। to karma aur yaad ka balance rakhte rehna। saara din isi shreshtha sthiti mein rahne se apni karmaateet avastha ke najdeek aane ka anubhav karenge। saara din karmaateet sthiti va avyakt pharishte swaroop sthiti mein chalte phirte rehna। aur neeche ki sthiti mein nahin aana। aaj neeche nahin aana, oopar hi rehna। agar koi kamzori se neeche aa bhi jaae to ek do ko smriti dilaae samartha banaae sabhi oonchi sthiti ka anubhav karna। yeh aaj ki padhaai ka hom work hai। hom work jyaada hai, padhaai kam hai। aise sada baap ko follow karne vaale, sada baap samaan banne ke lakshya ko dhaaran kar aage badhne vaale, udti kala ke anubhvi bachchon ko baapdaada ka dil va jaan, sik va prem se yaadapyaar aur goodmorning।

prashn- sada double light sthiti ka anubhav kaise karen?

uttar-baap ka banna arthaat double light banna। kyonki baap ke bante hi sab bojh baap ko de diya। sada baap ke ho na! sab kuchh baap ko de diya। tanman- dhan-sambandh sab kuchh surrender kar diya। phir bojh kaahe ka! abhi yahi yaad rakhna - jab sab kuchh baap ka ho gaya to sada double light ban gaye। achha