Avyakt murli du samedi 14 décembre 1985

>

14-12-85om shanti avyakt baapdaadaamdhuban

madhuban nivaasiyon ke saath avyakt baapdaada ki mulaakaat

aaj vishwa-rachayita baap apne master rachayita bachchon ko dekh rahe hain। master rachayita apne rachtaapan ki smriti mein kahaan tak sthit rehte hain! aap sabhi rachayita ki vishesh pahli rachna yeh deh hai। is deh roopi rachna ke rachayita kahaan tak bane hain? deh roopi rachna kabhi apne taraph rachayita ko aakarshit kar rachnaapan vismrit to nahin kar deti hai? maalik ban is rachna ko seva mein lagaate rehte?jab chaahen jo chaahen maalik ban kara sakte hain? pahle-pahle is deh ke maalikpan ka abhyaas hi prakriti ka maalik va vishwa ka maalik bana sakta hai! agar deh ke maalikpan mein sampoorn saphalta nahin to vishwa ke maalikpan mein bhi sampanna nahin ban sakte hain। vartamaan samay ki yeh jeevan - bhavishya ka darpan hai। isi darpan dvaara svayan ka bhavishya spashta dekh sakte ho। pahle is deh ke sambandh aur sanskaar ke adhikaari banne ke aadhaar par hi maalikpan ke sanskaar hain। sambandh mein nyaara aur pyaaraapan aana - yeh nishaani hai maalikpan ki। sanskaaron mein nirmaan aur nirmaan,donon visheshtaayen maalikanpan ki nishaani hain। saath-saath sarva aatmaon ke samparka mein aana, snehi banna, dilon ke sneh ki aasheervaad arthaat shubh bhaavna sarva ke andar se us aatma ke prati nikle। chaahe jaane,chaahe na jaane। door ka sambandh va samparka ho lekin jo bhi dekhe woh sneh ke kaaran aise hi anubhav kare ki yeh hamaara hai sneh ki pahchaan se apnaapan anubhav karega। sambandh door ka ho lekin sneh sampanna ka anubhav karaayega। vishwa ke maalik va deh ke maalikpan ki abhyaasi aatmaon ki yeh bhi visheshta anubhav mein aayegi ki woh jiske bhi samparka mein aayenge usko us vishesh aatma se daataapan ki anubhooti hogi। yeh kisi ke sankalp mein bhi nahin aa sakta ki yeh lene vaale hain। us aatma se sukh ki, daataapan ki va shanti,prem,aananda,khushi, sahayog,himmat,utsaah,umang - kisi na kisi visheshta ke daataapan ki anubhooti hogi। sada vishaal buddhi aur vishaal dil, jisko aap badi dil vaale kehte ho - aisi anubhooti hogi। ab in nishaaniyon se apne aapko check karo ki kya banne vaale ho? darpan to sabhi ke paas hai। jitna svayan ko svayan jaan sakte utna aur koi nahin jaan sakte। to svayan ko jaano। achha-

aaj to milne aaye hain। phir bhi sabhi aaye hain to baapdaada ko bhi sabhi bachchon ka sneh ke saath regard bhi rakhna hota hai। isliye rooh-roohaan ki। madhuban vaale apna adhikaar nahin chhodte phir bhi sameep baithe ho। bahut baaton se nishchinta baithe ho। jo baahar rehte unhon ko phir bhi mehnat karni padti hai। kamaana aur khaana yeh kam mehnat nahin hai। madhuban mein kamaane ki chinta to nahin hai na! baapdaada jaante hain, pravritti mein rahne vaalon ko sahan bhi karna padta। saamna bhi karna padta। hans bagulon ke beech mein rah apni unnati karte aage badh rahe hain। lekin aap log kai baaton se svatah hi nyaare ho। aaraam se rehte ho। aaraam se khaate ho aur aaraam karte ho। baahar daphtar mein jaane vaale din mein aaraam karte hain kya? yahaan to shareer ka bhi aaraam to buddhi ka bhi aaraam। to madhuban nivaasiyon ki sthiti sabhi se number one ho gai na। kyonki ek hi kaam hai। study karo to bhi baap kara raha hai। seva karte ho to bhi ‘yagya seva’hai। behad baap ka behad ka ghar hai। ek hi baat ek hi laat hai। doosra kuchh hai nahin। mera centre yeh bhi nahin hai। sirf meri charge, yeh nahin hona chaahiye। madhuban nivaasiyon ko kai baaton mein sahaj purooshaartha aur sahaj praapti hai। achha- sabhi madhuban vaalon ne golden jubilee ka bhi programme banaaya hai na। function ka nahin। uske to pholdarsa aadi chhape hain। woh hua vishwa-seva ke prati। svayan ke prati kya plan banaaya hai? svayan ki stage par kya part bajaayenge? us stage ke to speakers, programme bhi bana lete ho। sva ki stage ka kya programme banaaya hai? charity begins at hom to madhuban nivaasi hain na! koi bhi function hota hai to kya karte ho? (deep jalaate hain) to golden jubilee ka deep kaun jagaayega?har baat aarambha kaun karega? madhuban nivaasiyon mein himmat hai,umang bhi hai,vaayumandal bhi hai, sab madad hai। jahaan sarva sahayog hai vahaan sab sahaj hai। sirf ek baat karni padegi - woh kaun-si?

baapdaada sabhi bachchon se yahi shreshtha aasha rakhte hain ki har ek baap samaan bane। santushta rehna aur santushta karna yahi visheshta hai। pahli mukhya baat hai svayan se arthaat apne purooshaartha se, apne svabhaav sanskaar se,baap ko saamne rakhte hue santushta hain - yeh check karna hai। haan,main santushta hoon। yathaashakti vaala - woh alag baat hai। lekin vaastavik swaroop ke hisaab se svayan se santushta hona aur phir doosron ko santushta karna - yeh santushtata ki mahaanta hai। doosre bhi mahsoos karen ki yeh yathaartha roop mein santushta aatma hai। santushtata mein sab kuchh aa jaata hai। na disturb ho na disturb karen। isko kehte hain - ‘santushtata’। disturb karne vaale bahut honge lekin svayan disturb na hon। aag ki sek se svayan ko svayan kinaara kar safe rahen। doosre ko nahin dekhen। apne ko dekhen - mujhe kya karna hai। mujhe nimitta ban oron ko shubh bhaavna aur shubh kaamna ka sahayog dena hai। yeh hai vishesh dhaarna। ismen sab kuchh aa jaayega। iski to golden jubilee mana sakte ho na! nimitta madhuban vaalon ke liye kehte hain lekin hai sabhi ke prati। moh jeet ki kahaani suni hai na! esi santushtata ki kahaani banaao। jiske paas bhi koi jaave,kitna bhi cross egjaamin kare lekin sabke mukh se, sabke man se santushtata ki visheshta anubhav ho। yeh to aisa hai। nahin। main kaise banke aur banaaoon। bas, yeh chhoti-si baat stage par dikhaao। achha!

daadiyaan baapdaada ke sameep aakar baithi hain - baapdaada ke paas aap sabke dil ke sankalp pahunchte hi hain। itni sab shreshtha aatmaon ke shreshtha sankalp hain to saakaar roop mein hona hi hai। plans to bahut achhe banaaye hain। aur yahi plan hi sabko plen bana denge। saare vishwa ke andar vishesh aatmaon ki shakti to ek hi hai। aur kaho bhi aisi vishesh aatmaon ka sangathan nahin hai। yahaan sangathan ki shakti vishesh hai। isliye is sangathan par sabki vishesh najar hai। aur sabhi dagamga rahe hain। gaddiyaan hil rahi hain। aur yeh raajya gaddi ban rahi hai। yahaan guru ki gaddi nahin hai। isliye hilti nahin। sva raajya ki ya vishwa ke raajya ki gaddi hai। sabhi hilaane ki koshish bhi karenge lekin sangathan ki shakti iska vishesh bachaav hai। vahaan ek-ek ko alag karke unity ko disayooniti karte, phir hilaate hain। yahaan sangathan ki shakti ke kaaran hila nahin sakte। to is sangathan ki shakti ki visheshta ko sada aur aage badhaate chalo। yeh sangathan hi kila hai। isliye vaar nahin kar sakte। vijay to hui padi hai। sirf repeat karna hai। jo repeat karne mein hoshiyaar bante vahi vijayi ban stage par prasiddha ho jaate। sangathan ki shakti hi vijay ka vishesh aadhaar swaroop hai। is sangathan ne hi seva ki vriddhi mein saphalta ko praapta karaaya hai। paalna ka return daadiyon ne achha diya hai। sangathan ki shakti ka aadhaar kya hai? sirf yeh paath pakka ho jaae ki ‘regard dena hi regard lena hai’। dena lena hai। lena, lena nahin hai। lena arthaat ganvaana। dena arthaat lena। koi de to deven yeh koi business nahin। yeh to daata banne ki baat hai। daata lekar phir nahin deta। woh to deta hi jaata। isliye is sangathan ki saphalta hai। lekin abhi kangan taiyaar hua hai। maala nahin taiyaar hui hai।

aane vaale samay ke liye baapdaada ka ishaara vriddhi na ho to raajya kis par karenge। abhi to vriddhi ki list mein kami hai। 9 laakh hi taiyaar nahin hue hain। kisi bhi vidhi se milenge to sahi na। vidhi change hoti rehti hai। jo saakaar mein mile aur avyakt mein mil rahe hain। vidhi change hui na। aage bhi vidhi change hoti rahegi। vriddhi pramaan milne ki vidhi bhi change hoti rahegi।’’ achha-

prashn - roohaaniyat mein kami aane ka kaaran kya hai?

uttar -svayan ko va jinki seva karte ho unhein ‘amaanat’nahin samajhte। amaanat samajhne se anaasakta rahenge। aur anaasakta banne se hi roohaaniyat aayegi। achha-