Avyakt murli du lundi 20 janvier 1986

>

20-01-86om shanti avyakt baapdaadaamdhuban

purooshaartha aur parivartan ke golden chance ka varsha

aadi anaadi baap apne aadi bachchon prati bole

aaj samartha baap apne samartha bachchon ko dekh rahe hain। jin samartha aatmaon ne sabse bade te bada samartha kaarya, vishwa ko naya shreshtha vishwa banaane ka dridh sankalp kiya hai। har aatma ko shant va sukhi banaane ka, samartha kaarya karne ka sankalp kiya hai aur isi shreshtha sankalp ko lekar dridh nishchay buddhi ban kaarya ko pratyaksha roop mein la rahe hain। sabhi samartha bachchon ka ek hi yeh shreshtha sankalp hai ki yeh shreshtha kaarya hona hi hai। isse bhi jyaada yeh nishchit hai ki yeh kaarya hua hi pada hai। sirf karma aur phal ke,purooshaartha aur praalabdha ke nimitta aur nirmaan ke karma-philaasphi ke anusaar nimitta ban kaarya kar rahe hain। bhaavi atal hai। lekin sirf aap shreshtha bhaavna dvaara,bhaavna ka phal avinaashi praapta karne ke nimitta bane hue hain। duniya ki anjaan aatmaayen yahi sochti hain ki - shanti hogi,kya hoga,kaise hoga! koi ummeed nahin dikhaai deti। kya sachmuch hoga! aur aap kehte ho, hoga to kya lekin hua hi pada hai। kyonki nai baat nahin hai। anek baar hua hai aur ab bhi hua hi pada hai। nishchaybuddhi nishchit bhaavi ko jaante ho। itna atal nishchay kyon hai? kyonki sva-parivartan ke pratyaksha pramaan se jaante ho ki pratyaksha pramaan ke aage aur koi pramaan ki aavashyakta hi nahin hai। saath-saath parmaatma vaarya sada saphal hai hi hai। yeh kaarya aatmaon, mahaan aatmaon va dharma aatmaon ka nahin hai। parmaatma kaarya saphal hua hi pada hai aise nishchay buddhi, nishchit bhavishya ko jaanne vaale nishchinta aatmaayen ho। log kehte hain va darte hain ki vinaash hoga aur aap nishchinta ho ki nai sthaapna hogi। kitna antar hai - asambhav aur sambhav ka। aapke saamne sada svaarnim duniya ka svaarnim soorya uday hua hi pada hai। aur unhon ke saamne hai - vinaash ki kaali ghataayen। abhi aap sabhi to samay sameep hone ke kaaran sada khushi ke ghungharu daal naachte rehte ho ki aaj puraani duniya hai, kal svaarnim duniya hogi। aaj aur kal, itna sameep pahunch gaye ho।

abhi is varsha ‘‘sampoornata aur samaanta’’ka sameep anubhav karna hai। sampoornata aap sabhi pharishton ka vijay maala le aahvaahan kar rahi hai। vijay maala ke adhikaari to banna hai na। sampoorn baap aur sampoorn stage, donon hi aap bachchon ko bula rahe hain ki - aao shreshtha aatmaayen aao,samaan bachche aao, samartha bachche aao, samaan ban apne sweet hom mein vishraami bano। jaise baapdaada vidhaata hai, vardaata hai aise aap bhi is varsha vishesh brahman aatmaon prati va sarva aatmaon prati ‘vidhaata bano, vardaata bano’। pharishta kya karta? vardaata ban vardaan deta hai। devta sada deta hai, leta nahin hai। levta nahin kehte। to vardaata aur vidhaata, pharishta so devta … abhi yeh mahaamantra ham‘pharishta so devta’, is mantra ko vishesh smriti swaroop banaao। manmanaabhav to ho hi gaye, yeh aadi ka mantra raha। abhi is samartha mantra ko anubhav mein laao। ‘‘yeh hona chaahiye,yeh milna chaahiye’’ yeh donon hi baaten levta banaati hain, levta-pan ke sanskaar devta banne mein samay daal denge। isliye in sanskaaron ko samaapta karo। pahle janma mein brahma ke ghar se devta ban naye jeevan, naye yug ke one number mein aao। sanvat bhi one-one-one ho। prakriti bhi satopradhaan number one ho। raajya bhi number one ho। aapki golden stage bhi number one ho। ek din ke pharka mein bhi one-one-one se badal jaayega। abhi se pharishta so devta banne mein bahut kaal ke sanskaar practical karma mein emerge karo। kyonki bahut kaal jo gaya hai, woh bahut kaal ki seema ab samaapta ho rahi hai। uski date nahin ginti karo।

vinaash ko antakaal kaha jaayega। us samay bahut kaal ka chance to samaapta hai hi, lekin thode samay ka bhi chance samaapta ho jaayega। isliye baapdaada bahut kaal ki samaapti ka ishaara de rahe hai। phir bahut kaal ki ginti ka chance samaapta ho thoda samay purooshaartha,thoda samay praalabdha, yahi kaha jaayega। karmon ke khaate mein ab bahut kaal khatma ho thoda samay va alpakaal aarambha ho raha hai। isliye yeh varsha ‘parivartan kaal’ ka varsha hai। bahut kaal se thode samay se parivartan hona hai। isliye is varsha ke purooshaartha mein bahut kaal ka hisaab jitna jama karne chaaho woh kar lo। phir ulhana nahin dena ki ham to albele hokar chal rahe the। aaj nahin to kal badal hi jaayenge। isliye ‘karmon ki gati’ ko jaanne vaale bano। knowledgeful ban teevragti se aage badho। aisa na ho do hajaar ka hisaab hi lagaate raho। purooshaartha ka hisaab alag hai aur srishti parivartan ka hisaab alag hai। aisa nahin socho - ki abhi 15 varsha pada hai,abhi 18varsha pada hai। 99 mein hoga, 88 mein hoga… yeh nahin sochte rehna। hisaab ko samjho। apne purooshaartha aur praalabdha ke hisaab ko jaan us gati se aage badho। nahin to bahut kaal ke puraane sanskaar agar rah gaye to is bahut kaal ki ginti dharmaraajpuri ke khaate mein jama ho jaayegi। koi-koi ka bahut kaal ke vyartha, aythaartha karma-vikarma ka khaata abhi bhi hai, baapdaada jaante hain sirf out nahin karte hain। thoda-sa parda daale hain। lekin vyartha aur aythaartha yeh khaata abhi bhi bahut hai। isliye yeh varsha extra golden chance ka varsha hai - jaise purooshottam yug hai vaise yeh ‘purooshaartha aur parivartan’ke golden chance ka varsha hai। isliye vishesh himmat aur madad ke is vishesh vardaan ke varsha ko saadhaaran 50 varsha ke samaan nahin ganvaana। abhi tak baap sneh ke saagar ban sarva sambandh ke sneh mein, albelaapan,saadhaaran purooshaartha isko dekhte-sunte bhi na sun na dekh bachchon ko sneh ki extra madad se, extra marks dekar badha rahe hain। lift de rahe hain। lekin abhi samay parivartan ho raha hai। isliye abhi karmon ki gati ko achhi tarah se samajh samay ka laabh lo। sunaaya tha na - ki 18 vaan adhyaay aarambha ho gaya hai। 18ven adhyaay ki visheshta - ab ‘smriti swaroop bano’। abhi smriti, abhi vismriti nahin। smriti swaroop arthaat bahut kaal smriti svatah aur sahaj rahe। abhi yuddha ke sanskaar, mehnat ke sanskaar,man ko munjhaane ke sanskaar iski samaapti karo। nahin to yahi bahut kaal ke sanskaar ban, ‘ant mati so bhavishya gati’praapta karaane ke nimitta ban jaayenge। sunaaya na - abhi bahut kaal ke purooshaartha ka samay samaapta ho raha hai aur bahut kaal ki kamzori ka hisaab shuru ho raha hai। samajh mein aaya! isliye yeh vishesh parivartan ka samay hai। abhi vardaata hai phir hisaab-kitaab karne vaale ban jaayenge। abhi sirf sneh ka hisaab hai। to kya karna hai! smriti swaroop bano। smriti swaroop svatah hi nashtomoha bana hi dega। abhi to moh ki list badi lambi ho gai hai। ek sva ki pravritti,ek daivi parivaar ki pravritti,seva ki pravritti,had ke praaptiyon ki pravritti - in sabhi se nashtomoha arthaat nyaara ban pyaara bano। main-pan arthaat moh। isse nashtomoha bano। tab bahutkaal ke purooshaartha se bahutkaal ke praalabdha ki praapti ke adhikaari banenge। bahutkaal arthaat aadi se ant tak ki praalabdha ka phal। vaise to ek-ek pravritti hone ka raaz bhi achhi tarah se jaante ho aur bhaashan bhi achha kar sakte ho। lekin nivritta hona arthaat nashtomoha hona। samjha! points to aapke paas baapdaada se bhi jyaada hain। isliye point kya sunaayen।‘points’to hain ab‘point’bano। achha –

sada shreshtha karmon ke praapti ki gati ko jaanne vaale, sada bahutkaal ke teevra purooshaartha ke, shreshtha purooshaartha ke shreshtha sanskaar vaale,sada svaarnim yug ke aadi ratna, sangamayug ke bhi aadi ratna, aise aadi dev ke samaan bachchon ko, aadi baap, anaadi baap ki sada aadi banne ki shreshtha vardaani yaadapyaar aur saath-saath sevaadhaari baap ki namaste।’’