Avyakt murli du samedi 22 février 1986

>

22-02-86om shanti avyakt baapdaadaamdhuban

roohaani seva - nihsvaartha seva

sada vishwa-kalyaankaari shiv baba apne sevaadhaari bachchon prati bole

aaj sarva aatmaon ke vishwa-kalyaankaari baap apne sevaadhaari seva ke saathi bachchon ko dekh rahe hain। aadi se baapdaada ke saath-saath sevaadhaari bachche saathi bane aur ant tak baapdaada ne gupta roop mein aur pratyaksha roop mein bachchon ko vishwa-seva ke nimitta banaaya। aadi mein brahma baap aur brahman bachche gupta roop mein seva ke nimitta banen। abhi sevaadhaari bachche shakti sena aur paandav sena vishwa ke aage pratyaksha roop mein kaarya kar rahe hain। seva ka umang-utsaah majority bachchon mein achha dikhaai deta hai। seva ki lagan aadi se rahi hai aur ant tak rahegi। brahman jeevan hi seva ka jeevan hai। brahman aatmaayen seva ke bina ji nahin sakti। maaya se jinda rakhne ka shreshtha saadhan - ‘seva’hi hai। seva yogayukta bhi banaati hai। lekin kaun si seva? ek hai sirf mukh ki seva, suna hua sunaane ki seva। doosri hai man se mukh ki seva। sune hue madhur bol ka swaroop ban,swaroop se seva - nihsvaartha seva। tyaag,tapasya swaroop se seva। had ki kaamnaaon se pare nishkaam seva। isko kaha jaata hai - eeshvareey seva,roohaani seva। jo sirf mukh ki seva hai usko kehte hain sirf svayan ko khush karne ki seva। sarva ko khush karne ki seva, man aur mukh ki saath-saath hoti hai। man se arthaat ‘manmanaabhav sthiti’ se mukh ki seva।

baapdaada aaj apne right hands sevaadhaari aur left hand sevaadhaari donon ko dekh rahe the। sevaadhaari donon hi hain lekin right aur left mein antar to hai na। right hand sada nishkaam sevaadhaari hai। left hand koi na koi had ki is janma ke liye seva ka phal khaane ki ichchha se seva ke nimitta bante hain। woh gupta sevaadhaari aur woh naamdhaari sevaadhaari। abhi-abhi seva ki, abhi-abhi naam hua - bahut achha, bahut achha। lekin abhi kiya abhi khaaya। jama ka khaata nahin। gupta sevaadhaari arthaat nishkaam sevaadhaari। to gupta sevaadhaari saphalta ki khushi mein sada bharpoor rehta hai। kai bachchon ko sankalp aata hai ki ham karte bhi hain lekin naam nahin hota। aur jo baahar se naamdhaari ban seva ka show dikhaate hain,unka naam jyaada hota hai। lekin aise nahin hai। jo nishkaam avinaashi naam kamaane vaale hain, unke dil ka aavaaj dil tak pahunchta hain। chhipa hua nahin rah sakta hai। uski soorat mein,moortta mein sachche sevaadhaari ki jhalak avashya dikhaai deti hai। agar koi naamdhaari yahaan naam kama liya to aage ke liye kiya aur khaaya aur khatma kar diya,bhavishya shreshtha nahin,avinaashi nahin। isliye baapdaada ke paas sabhi sevaadhaariyon ka poora record hai। seva karte chalo, naam ho yeh sankalp nahin karo। jama ho yeh socho। avinaashi phal ke adhikaari bano। avinaashi varse ke liye aaye ho। seva ka phal vinaashi samay ke liye khaaya to avinaashi varse ka adhikaar kam ho jaayega। isliye sada vinaashi kaamnaaon se mukta nishkaam sevaadhaari, right hand ban seva mein badhte chalo। gupta seva ka mahattva jyaada hota hai। woh aatma sada svayan mein bharpoor hogi। beparvaah baadshaah hogi। naam-shaan ki parvaah nahin। ismen hi beparvaah baadshaah honge arthaat sada svamaan ke adhikaari honge। had ke maan ke takhtansheen nahin। svamaan ke takhtansheen,avinaashi takhtansheen। atal akhanda praapti ke takhtansheen। isko kehte hain - ‘vishwa-kalyaankaari sevaadhaari’। kabhi saadhaaran sankalpon ke kaaran vishwa-seva ke kaarya mein saphalta praapta karne mein peechhe nahin hatna। tyaag aur tapasya se sada saphalta ko praapta kar aage badhte rehna। samjha-

sevaadhaari kisko kaha jaata hai? to sabhi sevaadhaari ho? seva sthiti ko dagmag kare, woh seva nahin hai। kai sochte hain seva mein neeche oopar bhi bahut hote hain। vighna bhi seva mein aate hain aur nirvighna bhi seva hi banaati hai। lekin jo seva vighna roop bane woh seva nahin। usko sachchi seva nahin kahenge। naamdhaari seva kahenge। sachchi seva sachcha heera hai। jaise sachcha heera kabhi chamak se chhip nahin sakta। aise sachcha sevaadhaari sachcha heera hai। chaahe jhoothe heere mein chamak kitni bhi badhiya ho lekin moolyavaan kaun?moolya to sachche ka hota hai na। jhoothe ka to nahin hota। amoolya ratna sachche sevaadhaari hain। anek janma moolya sachche sevaadhaari ka hai। alpakaal ki chamak ka show naamdhaari seva hai। isliye sada sevaadhaari ban seva se vishwa-kalyaan karte chalo। samjha - seva ka mahattva kya hai! koi kam nahin hai। harek sevaadhaari apni-apni visheshta se vishesh sevaadhaari hai। apne ko kam bhi nahin samjho aur phir karne se naam ki ichchha bhi nahin rakho। seva ko vishwa-kalyaan ke arpan karte chalo। vaise bhi bhakti mein jo gupta daani punya aatmaayen hoti hain vo yahi sankalp karti hain ki - sarva ke bhale prati ho! mere prati ho,mujhe phal mile, nahin,sarva ko phal mile। sarva ki seva mein arpan ho। kabhi apnepan ki kaamna nahin rakhenge। aise hi sarva prati seva karo। sarva ke kalyaan ki bank mein jama karte chalo। to sabhi kya ban jaayenge? - ‘nishkaam sevaadhaari’। abhi koi ne nahin poochha to 2500 varsha aapko poochhenge। ek janma mein koi poochhe ya 2500varsha koi poochhe,to jyaada kya hua। woh jyaada hai na। had ke sankalp se pare hokar behad ke sevaadhaari ban baap ke diltakhtansheen beparvaah baadshaah ban, sangamayug ki khushiyon ko,maujon ko manaate chalo। kabhi bhi koi seva udaas kare to samjho - woh seva nahin hai। dagmag kare, halchal mein laaye to woh seva nahin hai। seva to udaane vaali hai। seva begampur ka baadshaah banaane vaali hai। aise sevaadhaari ho na? beparvaah baadshaah, begampur ke baadshaah। jiske peechhe saphalta svayan aati hai। saphalta ke peechhe woh nahin bhaagta। saphalta uske peechhe-peechhe hai। achha - behad ki seva ke plan banaate ho na। behad ki sthiti se behad ki seva ke plan sahaj saphal hoti hi hain। (double videshi bhaai bahnon ne ek plan banaaya hai jismen sabhi aatmaon se kuchh minute shanti ka daan lena hai।)

yeh bhi vishwa ko mahaadaani banaane ka achha plan banaaya hai na! thoda samay bhi shanti ke sanskaaron ko chaahe majboori se, chaahe sneh se emerge to karenge na। programme pramaan bhi karen to bhi jab aatma mein shanti ke sanskaar emerge hote hain to shanti‘svadharma’to hai hi na। shanti ke saagar ke bachche to hain hi। shantidham ke nivaasi bhi hain। to programme pramaan bhi woh emerge hone se woh shanti ki shakti unhon ko aakarshit karti rahegi। jaise kehte hain na - ek baari jisne meetha chakhkar dekha to chaahe use meetha mile,na mile lekin woh chakha hua ras usko baar-baar kheenchata rahega। to yeh bhi shanti ki maakhi chakhna hai। to yeh shanti ke sanskaar svatah hi smriti dilaate rahenge। isliye dheere-dheere aatmaon mein shanti ki jaagriti aati rahe yeh bhi aap sabhi shanti ka daan de unhon ko bhi daani banaate ho। aap logon ka shubh sankalp hai ki kisi bhi reeti se aatmaayen shanti ki anubhooti karen। vishwa shanti bhi aatmik shanti ke aadhaar par hogi na। prakriti bhi puroosh ke aadhaar se chalti hai। yeh prakriti bhi tab shant hogi jab aatmaon mein shanti ki smriti aaye। chaahe kis vidhi se bhi karen lekin ashaanti se to pare ho gaye na। aur ek minute ki shanti bhi unhon ko anek samay ke liye aakarshit karti rahegi। to achha plan banaaya hai। yeh bhi jaise koi ko thoda-sa oxygen de karke shanti ka shvaans chalaane ka saadhan hai। shanti ke shvaans se vaastav mein maanav jeevan hai,usse to murchchhit ho gaye hain na। ashaanti mein behosh pade hain। to yeh saadhan jaise oxygen hai। usse thoda shvaans chalna shuru hoga। kaeeyon ka shvaans oxygen se chalte-chalte chal bhi padta hai। to sabhi umang utsaah se pahle svayan poora hi samay shanti house ban shanti se aapke shanti ke sankalp se unhon ko bhi sankalp uthega aur kisi bhi vidhi se karenge,lekin aap logon ki shanti ke vibration unko sachchi vidhi tak kheenchakar le aayenge। yeh bhi kisi ko jo naaummeed hain unko ummeed ki jhalak dikhaane ka saadhan hai। naaummeed mein ummeed paida karne ka saadhan hai। jahaan tak ho sake vahaan tak jo bhi samparka mein aaye,jiske bhi samparka mein aaye to unko do shabdon mein aatmik shanti, man ki shanti ka parichay dene ka prayatna zaroor karna। kyonki harek apna-apna naam add to karaayenge hi। chaahe patra-vyavhaar dvaara karen lekin connection mein to aayenge na। list mein to aayega na। to jahaan tak ho sake shanti ka arth kya hai woh do shabdon mein bhi spashta karne ka prayatna karna। ek minute mein bhi aatma mein jaagriti aa sakti hai। samjha! plan to aap sabko bhi pasanda hai na। doosre to kaam utaarte hain aap kaam karte ho। jab hain hi shanti ke doot to chaaro or shanti dooton ki yeh aavaaj goonjegi aur shanti ke pharishte pratyaksha hote jaayenge। sirf aapas mein yeh raay karna ki pees ke aage koi aisa shabd ho jo duniya se thoda nyaara lage। pees march ya pees yeh shabd to duniya bhi use karti hai। to pees shabd ke saath koi vishesh shabd ho jo yunivarsal bhi ho aur sunne se hi lage ki yeh nyaare hain। to invention karna। baaki achhi baaten hain। kam se kam jitna samay yeh programme chale utna samay kuchh bhi ho jaae - svayan na ashaanta hona hai na ashaanta karna hai। shanti ko nahin chhodna hai। pahle to brahman yeh kangan baandhenge na! jab unhon ko bhi kangan baandhate ho to pahle brahman jab apne ko kangan baandhenge tab hi auron ko bhi baandh sakenge। jaise golden jubilee mein sabhi ne kya sankalp kiya? ham samasya swaroop nahin banenge, yahi sankalp kiya na! isko hi baar-baar underline karte rehna। aise nahin, samasya bano aur kaho ki samasya swaroop nahin banenge। to yeh kangan baandhana pasanda hai na?pahle sva,peechhe vishwa। sva ka prabhaav vishwa par padta hai। achha-

aaj Europe ka tarna hai। Europe bhi bahut bada hai na। jitna bada Europe hai utni badi dil vaale ho na। jaise Europe ka vistaar hai, jitna vistaar hai utna hi seva mein saar hai। vinaash ki chingaari kahaan se nikli? Europe se nikli na! to jaise vinaash ka saadhan Europe se nikla to sthaapna ke kaarya mein vishesh Europe se aatmaayen prakhyaat honi hi hai। jaise pahle bombs underground bane, peechhe kaarya mein laaye gaye। aise aisi aatmaayen bhi taiyaar ho rahi hain, abhi gupta hai, underground hain lekin prakhyaat ho bhi rahi hain aur hoti bhi rahegi। jaise har desh ki apni- apni visheshta hoti hai na to yahaan bhi har sthaan ki apni visheshta hai। naam baala karne ke liye Europe ka yantra kaam mein aayega। jaise science ke yantra kaarya mein aaye, aise aavaaj bulanda karne ke liye Europe se yantra nimitta banenge। nai vishwa taiyaar karne ke liye Europe hi aapka madadgaar banega। Europe ki cheez sada majboot hoti hai। jarmani ki cheez ko sab mahattva dete hain। to aise hi seva ke nimitta mahattva vaali aatmaayen pratyaksha hoti rahengi। samjha। Europe bhi kam nahin hai। abhi pratyakshata ka parda khulne shuru ho raha hai। samay par baahar aa jaayega। achha hai, thode samay mein chaaron or vistaar achha kiya hai,rachna achhi rachi hai। abhi is rachna ko paalna ka paani de majboot bana rahe hain। jaise Europe ki sthool cheeze majboot hoti hai vaise aatmaayen bhi vishesh achal adol majboot hongi। mehnat muhabbat se kar rahe ho isliye mehnat, mehnat nahin hai lekin seva ki lagan achhi hai। jahaan lagan hai vahaan vighna aate bhi samaapta ho, saphalta milti rehti hai। vaise total Europe ki agar quality dekho to bahut achhi hai। brahman bhi aai. pi. hain। vaise bhi aai. pi. hain। isliye Europe ke nimitta sevaadhaariyon ko aur bhi sneh bhari shreshtha paalna se majboot kar vishesh seva ke maidaan mein laate raho। vaise dharni phal dene vaali hai। achha yeh to visheshta hai jo baap ka bante hi doosron ko banaane mein lag jaate hain। himmat achhi rakhte hain aur himmat ke kaaran hi yeh gift hai jo sevaakendra vriddhi ko paate rehte hain। quality bhi badhaao aur quantity bhi badhaao। donon ka belensa ho। quality ki shobha apni hai aur quantity ki shobha phir apni hai। donon hi chaahiye। sirf quality ho quantity na ho to bhi seva karne vaale thak jaate hain। isliye donon hi apni-apni visheshta ke kaam ke hain। donon ki seva zaroori hai। kyonki 9 laakh to banaana hai na। 9 laakh mein videsh se kitne hue hain? (5 hajaar) achha- ek kalpa ka chakra to poora kiya। videsh ko last so fast ka vardaan hai to bhaarat se fast jaana hai। kyonki bhaarat vaalon ko dharni banaane mein mehnat hoti hai। videsh mein kalraathi jameen nahin hai। yahaan pahle bure ko achha banaana padta hai। vahaan bura suna hi nahin hai to buri baaten, ulti baaten suni hi nahin isliye saaph hai। aur bhaarat vaalon ko pahle salet saaph karni padti hai phir likhna padta hai। videsh ko samay pramaan vardaan hai - last so fast ka। isliye Europe kitne laakh taiyaar karega? jaise yeh miliyan minute ka programme banaaya hai aise hi praja ka banaao। praja to ban sakti hain na! miliyan minute bana sakte ho to miliyan praja nahin bana sakte ho?aur hi ek laakh kam 9 laakh hi kehte hain! samjha - Europe vaalon ko kya karna hai! jor shor se taiyaari karo। achha - double videshiyon ka double luck hai, vaise sabhi ko do murliyaan sunne ko milti aapko double mileen। conference bhi dekhi, golden jubilee bhi dekhi। badi-badi daadiyaan bhi dekhi। ganga,jamuna, godaavri,brahmaaputra sab dekhi। sab badi-badi daadiyaan dekhi na! ek-ek daadi ki ek-ek visheshta saugaat mein lekar jaana to sabhi ki visheshta kaam mein aa jaayegi। visheshtaaon ke saugaat ki jholi bhar karke jaana। ismen kastam vaale nahin rokenge। achha –

sada vishwa-kalyaankaari ban vishwa-seva ke nimitta sachche sevaadhaari shreshtha aatmaayen, sada saphalta ke janma siddha adhikaar ko praapta karne vaali vishesh aatmaayen,sada sva ke swaroop dvaara sarva ko swaroop ki samriti dilaane vaali sameep aatmaayen, sada behad ke nishkaam sevaadhaari ban udti kala mein udne vaale, double light bachchon ko baapdaada ka yaadapyaar aur namaste।