Avyakt murli du mardi 4 mars 1986

>

04-03-86om shanti avyakt baapdaadaamdhuban

sarvashreshtha nai rachna ka foundation - nihsvaartha sneh

sarva snehi baapdaada bole

aaj baapdaada apne shreshtha aatmaon ki rachna ko dekh harshit ho rahe hain। yeh shreshtha va nai rachna saare vishwa mein sarvashreshtha hai aur ati priy hai। kyonki pavitra aatmaon ki rachna hai। pavitra aatma hone ke kaaran abhi baapdaada ko priy ho aur apne raajya mein sarva ke priy honge। dvaapar mein bhakton ke priy dev aatmaayen banenge। is samay ho ‘paramatma-priy brahman aatmaayen’। aur satayug treta mein honge raajya adhikaari param shreshtha daivi aatmaayen aur dvaapar se ab kaliyug tak bante ho poojya aatmaayen। teenon mein se shreshtha ho is samay - paramatma priy brahman so pharishta aatmaayen। is samay ki shreshthata ke aadhaar par saara kalpa shreshtha rehte ho। dekh rahe ho ki is last janma tak bhi aap shreshtha aatmaon ka bhakta log kitna aahvaahan kar rahe hain। kitna pyaar se pukaar rahe hain। jad chitra jaante bhi aap shreshtha aatmaon ki bhaavna se pooja karte, bhog lagaate, aarti karte hain। aap double videshi samajhte ho ki hamaare chitron ki pooja ho rahi hai! bhaarat mein baap ka karttavya chala hai isliye baap ke saath aap sabke chitra bhi bhaarat mein hi hain। jyaada mandir bhaarat mein banaate hain। yeh nasha to hai na ki ham hi poojya aatmaayen hain। seva ke liye chaaron or vishwa mein bikhar gaye the। koi America to koi aphreeka pahunch gaye। lekin kislie gaye ho? is samay seva ke sanskaar, sneh ke sanskaar hain। seva ki visheshta hai hi - ‘sneh’। jab tak gyaan ke saath roohaani sneh ki anubhooti nahin hoti to gyaan koi nahin sunega।

aap sab double videshi baap ke bane to aap sabka foundation kya raha? baap ka sneh। parivaar ka sneh। dil ka sneh। nihsvaartha sneh। isne shreshtha aatma banaaya। to seva ka pahla saphalta ka swaroop hua ‘sneh’। jab sneh mein baap ke ban jaate ho to phir koi bhi gyaan ki point sahaj spashta hoti jaati। jo sneh mein nahin aata woh sirf gyaan ko dhaaran kar aage badhne mein samay bhi leta,mehnat bhi leta। kyonki unki vritti - kyon, kya aisa kaise ismen jyaada chali jaati। aur sneh mein jab lavleen ho jaate to sneh ke kaaran baap ka har bol snehi lagta। question samaapta ho jaate। baap ka sneh aakarshit karne ke kaaran question karenge to bhi samajhne ke roop se karenge। anubhvi ho na। jo pyaar mein kho jaate hain to jisse pyaar hai usko woh jo bolega unko woh pyaar hi dikhaai dega। to seva ka mool aadhaar hai - sneh। baap bhi sadaiv bachchon ko sneh se yaad karte hain। sneh se bulaate hain,sneh se hi sarva samasyaaon se paar karaate hain। to eeshvareey janma ka, brahman janma ka foundation hai hi - sneh। sneh ke foundation vaale ko kabhi bhi koi mushkil baat nahin lagegi। sneh ke kaaran umang utsaah rahega। jo bhi shreemat baap ki hai, humein karna hi hai। dekhenge, karenge yeh snehi ke lakshan nahin। baap ne mere prati kaha hai aur mujhe karna hi hai। yeh hai - snehi aashik aatmaon ki sthiti। snehi halchal vaale nahin honge। sada baap aur main, teesra na koi। jaise baap bade te bada hai vaise snehi aatmaayen bhi sada badi dil vaali hoti hain। chhoti dil vaale thodi-thodi baat mein moonjhenge। chhoti baat bhi badi ho jaayegi। badi dil vaalon ke liye badi baat chhoti ho jaayegi। double videshi sab badi dil vaale ho na! baapdaada sabhi double videshi bachchon ko dekh khush hote hain। kitna door-door se parvaane shama ke oopar phida hone pahunch jaate hain। pakke parvaane hain।

aaj America vaalon ka tarna hai! America vaalon ko baap kehte hain - ‘aa mere’। America vaale bhi kehte hain, ‘aa mere’। yeh visheshta hai na। vriksha ke chitra me aadi se vishesh shakti ke roop mein America dikhaaya hua hai। jab se sthaapna hui hai to America ko baap ne yaad kiya hai। vishesh part hai na। jaise ek vinaash ki shakti shreshtha hai - doosri kya visheshta hai? visheshtaayen to sthaan ki hain hi। lekin America ki visheshta yeh bhi hai - ek taraph vinaash ki taiyaariyaan bhi jyaada hain। doosri taraph phir vinaash ko samaapta karne ki yu.N. bhi vahaan hai। ek taraph vinaash ki shakti। doosre taraph hai sabhi ko milaane ki shakti। to double shakti ho gai na। vahaan sabhi ko milaane ke liye prayatna karte hain, to vahaan se hi phir yeh roohaani milan ka bhi aavaaj bulanda hoga। woh log to apni reeti se sabhi ko milaakar shanti ka prayatna karte hain lekin yathaartha reeti se milaana to aap logon ka hi karttavya hai na। woh milaane ki koshish karte bhi hain lekin kar nahin paate hain। vaastav mein sabhi dharma ki aatmaon ko ek parivaar mein laana yeh hai - aap braahmanon ka vaastavik kaarya। yeh vishesh karna hai। jaise vinaash ki shakti vahaan shreshtha hai aise hi sthaapna ki shakti ka aavaaj bulanda ho। vinaash aur sthaapna saath-saath donon jhande lahraaven। ek science ka jhanda aur ek silence ka। science ki shakti ka prabhaav aur silence ki shakti ka prabhaav donon jab pratyaksha hon tab kahenge pratyakshata ka jhanda lahraana। jaise koi vi.aai.pi. kisi bhi desh mein jaate hain to unka svaagat karne ke liye jhanda laga lete hain na। apne desh ka bhi lagaate hain aur jo aata hai unke desh ka bhi lagaate hain। to parmaatma-avatran ka bhi jhanda lahraaven। parmaatma-kaarya ka bhi svaagat karen। baap ka jhanda kone-kone mein lahraave tab kahenge vishesh shaktiyon ko pratyaksha kiya। yeh golden jubilee ka varsha hai na। to golden sitaara sabhi ko dikhaai de। koi vishesh sitaara aakaash mein dikhaai deta hai to sabhi ka attention us taraph jaata hai na। yeh golden chamakta hua sitaara sabhi ki aankhon mein, buddhi mein dikhaai de। yeh hai golden jubilee manaana। yeh sitaara pahle kahaan chamkega?

abhi videsh mein achhi vriddhi ho rahi hai aur honi hi hai। baap ke bichhude hue bachche kone-kone mein jo chhipe hue hain woh samay pramaan samparka mein aa rahe hain। sabhi ek do se seva mein umang utsaah se aage badh rahe hain। himmat se madad bhi baap ki mil jaati hai। naaummeed mein bhi ummeedon ke deepak jag jaate hain। duniya vaale sochte hain yeh hona to asambhav hai। bahut mushkil hai। aur lagan nirvighna banaakar udte panchhi ke samaan udaate pahuncha deti hai। double udaan se pahunche ho na। ek plen, doosra buddhi ka vimaan। himmat umang ke pankh jab lag jaate hain to jahaan bhi udna chaahen ud sakte hain। bachchon ki himmat par baapdaada sada bachchon ki mahima karte hain। himmat rakhne se ek se doosra deepak jagte maala to ban gai hai na। muhabbat se jo mehnat kehte hain uska phal bahut achha nikalta hai। yeh sabhi ke sahayog ki visheshta hai। koi bhi baat ho lekin pahle dridhta, sneh ka sangathan chaahiye। usse saphalta pratyaksha roop mein dikhaai deti hai। dridhta kalraathi jameen mein bhi phal paida kar sakti hai। aajkal science vaale bhi ret mein bhi phal paida karne ka prayatna kar rahen hain। to silence ki shakti kya nahin kar sakti hai। jis dharni ko sneh ka paani milta hai vahaan ke phal bade bhi hote aur svaadishta bhi hote hain। jaise svarga mein bade-bade phal aur tasty bhi achhe hote hain। videsh mein bade phal hote hain lekin tasty nahin hote। phal ki shakla bahut achhi hoti lekin taste nahin। bhaarat ke phal chhote hote lekin taste achhi hoti hai। foundation to sab yahaan hi padta। jis centre par sneh ka paani milta hai woh centre sada phaleebhoot hota hai। seva mein bhi aur saathiyon mein bhi। svarga mein shuddh paani shuddh dharti hogi। tab aise phal milte hain। jahaan sneh hai vahaan vaayumandal arthaat dharni shreshtha hoti hai। vaise bhi jab koi disturb hota hai to kya kehte hain?mujhe aur kuchh nahin chaahiye,sirf sneh chaahiye। to disturb hone se bachne ka saadhan bhi sneh hi hai। baapdaada ko sabse badi khushi is baat ki hai ki khoye hue bachche phir se aa gaye hain। agar aap vahaan nahin pahunchte to seva kaise hoti? isliye bichhudna bhi kalyaankaari ho gaya। aur milna to hai hi kalyaankaari। apne-apne sthaan par sab achhe umang se aage badh rahe hain aur sabhi ke andar ek lakshya hai ki baapdaada ki jo ek hi aash hai ki sarva aatmaon ko anaath se sanaath bana den,yeh aash ham poorn karen। sabhi ne milkar jo shanti ke liye vishesh programme banaaya hai woh bhi achha hai। kam se kam sabhi ko thoda silence mein rahne ka abhyaas karaane ke nimitta to ban jaayenge। agar koi sahi reeti se ek minute bhi silence ka anubhav kare to woh ek minute ka silence ka anubhav baar-baar unko svatah hi kheenchata rahega। kyonki sabhi ko shanti chaahiye। lekin vidhi nahin aati hai। sang nahin milta hai। jabki shanti priy sab aatmaayen hai to aisi aatmaon ko shanti ki anubhooti hone se svatah hi aakarshit hote rahenge। har sthaan par apne-apne vishesh kaarya karne vaale achhi nimitta bani hui shreshtha aatmaayen hain। to kamaal karna koi badi baat nahin hai। aavaaj phailaane ka saadhan hai hi aaj kal ki vishesh aatmaayen। jitna koi vishesh aatmaayen samparka mein aati hain to unke samparka se anek aatmaon ka kalyaan hota hai। ek vi.aai.pi. dvaara anek saadhaaran aatmaon ka kalyaan ho jaata hai। baaki sameep sambandh mein to nahin aayenge। apne dharma mein, apne part mein unhon ko visheshta ka koi na koi phal mil jaata hai। baap ko pasanda saadhaaran hi hai। samay bhi woh de sakte। unhon ko to samay hi nahin hai। lekin woh nimitta bante hain to phaayda anekon ko ho jaata hai। achha - omshaanti।’’

party se

sada amar bhav ki vardaani aatmaayen hain -aisa anubhav karte ho? sada vardaanon se palte hue aage badh rahe ho na! jinka baap se atoot sneh hai woh ‘amar bhav’ ke vardaani hain,sada bephikar baadshaah hain। kisi bhi kaarya ke nimitta bante bhi bephikar rehna yahi visheshta hai। jaise baap nimitta to banta hai na। lekin nimitta bante bhi nyaara hai isliye bephikar hai। aise follow father। sada sneh ki safety se aage badhte chalo। sneh ke aadhaar par baap sada safe kar aage udaake le ja raha hai। yeh bhi atal nishchay hai na। sneh ka roohaani sambandh jut gaya। isi roohaani sambandh se kitna ek do ke priy ho gaye। baapdaada ne maataaon ko ek shabd ki bahut sahaj baat bataai hai, ek shabd yaad karo ‘‘mera baba’’bas। mera baba kaha aur sab khazaane mile। yeh baba shabd ki chaabi hai khazaanon ki। maataaon ko chaabiyaan sambhaalna achha aata hai na। to baapdaada ne bhi chaabi di hai। jo khazaana chaahen woh mil sakta hai। ek khazaane ki chaabi nahin hai, sabhi khazaanon ki chaabi hai। bas ‘baba-baba’kehte raho to abhi bhi baalak so maalik aur bhavishya mein bhi maalik। sada isi khushi mein naachte raho। achha।