Avyakt murli du samedi 22 mars 1986

>

22-03-86om shanti avyakt baapdaadaamdhuban

sukh, shanti aur khushi ka aadhaar- “pavitrata”

patit paavan shiv baba apne holi, happy bachchon ke prati bole

aaj baapdaada apne chaaron or ke sarva holiness aur happiness bachchon ko dekh rahe hain। itne bade sangathit roop mein aise holi aur happy donon visheshta vaale, is saare drama ke andar aur koi itni badi sabha va itni badi sankhya ho hi nahin sakti। aajkal kisi ko bhal ‘highness va holiness’ka title dete bhi hain lekin pratyaksha pramaan roop mein dekho to woh pavitrata, mahaanta dikhaai nahin degi। baapdaada dekh rahe the - itni mahaan pavitra aatmaon ka sangathan kahaan ho sakta hai। har ek bachche ke andar yeh dridh sankalp hai ki na sirf karma se lekin man- vaani-karma teenon se pavitra banna hi hai। to yeh pavitra banne ka shreshtha dridh sankalp aur kahaan bhi rah nahin sakta। avinaashi ho nahin sakta, sahaj ho nahin sakta। aur aap sabhi pavitrata ko dhaaran karna kitna sahaj samajhte ho! kyonki baapdaada dvaara knowledge mili aur knowledge ki shakti se jaan liya ki mujh aatma ka anaadi aur aadi swaroop hai hi ‘pavitra’। jab aadi anaadi swaroop ki smriti aa gai to yeh smriti samartha banaae sahaj anubhav kara rahi hai। jaan liya ki hamaara vaastavik swaroop ‘pavitra’hai। yeh sang-dosh ka swaroop ‘apvitra’hai। to vaastavik ko apnaana sahaj ho gaya na!

sva-dharma, sva-desh,sva ka pita aur sva-swaroop,sva-karma sabki knowledge mili hai। to knowledge ki shakti se mushkil ati sahaj ho gaya। jis baat ko aajkal ki mahaan aatma kahlaane vaale bhi asambhav samajhte hain, annechural samajhte hain lekin aap pavitra aatmaon ne us asambhav ko kitna sahaj anubhav kar liya! pavitrata ko apnaana sahaj hai va mushkil hai?saare vishwa ke aage challenge se kah sakte ho ki pavitrata to hamaara sva-swaroop hai। pavitrata ki shakti ke kaaran jahaan pavitrata hai vahaan sukh aur shanti svatah hi hai। pavitrata foundation hai। pavitrata ko maata kehte hain aur sukh shanti unke bachche hain। to jahaan pavitrata hai vahaan sukh-shanti svatah hi hai। isliye happy bhi ho। kabhi udaas ho nahin sakte। sada khush rahne vaale। jahaan holi hai to happy bhi zaroor hai। pavitra aatmaon ki nishaani - ‘sada khushi’hai। to baapdaada dekh rahe hain ki kitne nishchay buddhi paavan aatmaayen baithi hain। duniya vaale sukh shanti ke peechhe bhaag daud karte hain। lekin sukh shanti ka foundation hi pavitrata hai। us foundation ko nahin jaante hain। isliye pavitrata ka foundation majboot na hone ke kaaran alpakaal ke liye sukh va shanti praapta hoti bhi hai lekin abhi-abhi hai,abhi-abhi nahin hai। sadaakaal ki sukh shanti ki praapti sivaae pavitrata ke asambhav hai। aap logon ne foundation ko apna liya hai। isliye sukh-shanti ke liye bhaag daud nahin karni padti hai। sukh shanti, pavitra-aatmaon ke paas svayan svatah hi aati hai। jaise bachche maa ke paas svatah hi jaate hain na। kitna bhi alag karo phir bhi maa ke paas zaroor jaayenge। to sukh-shanti ki maata hai - ‘pavitrata’। jahaan pavitrata hai vahaan sukh-shanti,khushi svatah hi aati hai। to kya ban gaye? ‘begampur ke baadshaah’। is puraani duniya ke baadshaah nahin,lekin begampur ke baadshaah। yeh brahman parivaar begampur arthaat sukh-sansaar hai। to is sukh ke sansaar begampur ke baadshaah ban gaye। his holiness bhi ho na। taaj bhi hai, takhta bhi hai। baaki kya kami hai! kitna badhiya taaj hai। light ka taaj pavitrata ki nishaani hai aur baapdaada ke diltakhtansheen ho। to begampur ke baadshaahon ka taaj bhi nyaara aur takhta bhi nyaara hai। baadshaahi bhi nyaari to baadshaah bhi nyaare ho।

aajkal ki manushyaatmaaon ko itni bhaag daud karte hue dekh baapdaada ko bhi bachchon par taras padta hai। kitna prayatna karte rehte hain। prayatna arthaat bhaag daud, mehnat bhi jyaada karte lekin praapti kya? sukh bhi hoga to sukh ke saath koi na koi dukh bhi mila hua hoga। aur kuchh nahin to alpakaal ke sukh ke saath chinta aur bhay yeh do cheeze to hain hi hai। to jahaan chinta hai vahaan chain nahin ho sakta। jahaan bhay hai vahaan shanti nahin ho sakti। to sukh ke saath yeh duhkh-ashaanti ke kaaran hai hi hai। aur aap sabko dukh ka kaaran aur nivaaran mil gaya। abhi aap samasyaaon ko samaadhaan karne vaale samaadhaan swaroop ban gaye ho na। samasyaaen aap logon se khelne ke liye khilaune ban kar aati hai। khel karne ke liye aati hain, na ki daraane ke liye। ghabraane vaale to nahin ho na?jahaan sarva shaktiyon ka khazaana janma-siddha adhikaar ho gaya to baaki kami kya rahi, bharpoor ho na! master sarvashaktivaan ke aage samasya koi nahin। haathi ke paanv ke neeche agar cheenti aa jaae to dikhaai degi?to yeh samasyaaen bhi aap mahaarthiyon ke aage cheenti samaan hai। khel samajhne se khushi rehti। kitni bhi badi baat bhi chhoti ho jaati। jaise aajkal bachchon ko kaun se khel karaate hain, buddhi ke। vaise bachchon ko hisaab karne do to tang ho jaayenge। lekin khel ki reeti se hisaab khushi-khushi karenge। to aap sabke liye bhi samasya cheenti samaan hai na! jahaan pavitrata, sukh shanti ki shakti hai vahaan svapna mein bhi dukh ashaanti ki lahar aa nahin sakti। shaktishaali aatmaon ke aage yeh dukh aur ashaanti himmat nahin rakh sakti aage aane ki। pavitra aatmaayen sada harshit rahne vaali aatmaayen hain,yeh sada smriti mein rakho। anek prakaar ki ulajhnon se bhatakne se dukh ashaanti ki jaal se nikal aaye। kyonki sirf ek dukh nahin aata hai। lekin ek dukh bhi vanshaavli ke saath aata hai। to us jaal se nikal aaye। aise apne ko bhaagyavaan samajhte ho na!

aaj Australia vaale baithe hain। Australia vaalon ki baapdaada sada hi tapasya aur mahaadaani-pan ki visheshta varnan karte hain। sada seva ki lagan ki tapasya anek aatmaon ko aur aap tapasvi aatmaon ko phal de rahi hai। dharni ke pramaan vidhi aur vriddhi donon ko dekh baapdaada eksatra khush hain। Australia hain hi eksatra ordinary। tyaag ki bhaavna, seva ke liye sabhi mein bahut jaldi aati hai isliye to itne centres khole hain। jaise hamko bhaagya mila hai aise auron ka bhaagya banaana hai। dridh sankalp karna yeh tapasya hai। to tyaag aur tapasya ki vidhi se vriddhi ko praapta kar rahe hain। seva-bhaav anek had ke bhaav samaapta kar deta hai। yahi tyaag aur tapasya saphalta ka aadhaar bana hai, samjha। sangathan ki shakti hai। ek ne kaha aur doosre ne kiya। aise nahin ek ne kaha aur doosra kahe yeh to ho nahin sakta। ismen sangathan tootta hai। ek ne kaha doosre ne umang se sahayogi ban practical mein laaya, yeh hai sangathan ki shakti। paandavon ka bhi sangathan hai,kabhi tu main nahin। bas, ‘baba-baba’kaha to sab baaten samaapta ho jaati hai। khitkhit hoti hi hai - tu main,mera tera mein। baap ko saamne rakhenge to koi bhi samasya aa nahin sakti। aur sada nirvighna aatmaayen teevra purooshaartha se udti-kala ka anubhav karti hain। bahut kaal ki nirvighna sthiti, majboot sthiti hoti hai। baar-baar vighnon ke vash jo hote unhon ka foundation kachcha ho jaata hai aur bahut kaal ki nirvighna aatmaayen foundation pakka hone ke kaaran svayan bhi shaktishaali,doosron ko bhi shaktishaali banaati hain। koi bhi cheez tooti hui cheez ko jodne se woh kamzor ho jaati hai। bahutkaal ki shaktishaali aatma,nirvighna aatma ant mein bhi nirvighna ban paas with honour ban jaati hai ya first division mein aa jaati hai। to sada yahi lakshya rakho ki bahutkaal ki nirvighna sthiti ka anubhav avashya karna hai। aise nahin samjho - vighna aaya, mit to gaya na। koi harja nahin। lekin baar-baar vighna aana aur mitaana ismen time vesta jaata hai। energy vesta jaati hai। woh time aur energy seva mein lagaao te ek ka padam jama ho jaayega। isliye bahutkaal ki nirvighna aatmaayen,vighna vinaashak roop se pooji jaati hain। ‘vighna vinaashak’ title poojya aatmaon ka hai। ‘main vighna vinaashak poojya aatma hoon’ - is smriti se sada nirvighna ban aage udti kala dvaara udte chalo aur udaate chalo। samjha। apne vighna vinaash to ikaye lekin auron ke liye vighna vinaashak banna hai। dekho aap logon ko nimitta aatma bhi aisi mili hai (nirmala doctor) jo shuru se lekar kisi bhi vighna mein nahin aaye। sada nyaare aur pyaare rahe hain। thoda sa strikta rehti। yeh bhi zaroori hai। agar aisi strikta teacher nahin milti to itni vriddhi nahin hoti। yeh aavashyak bhi hota hai। jaise kadvi davaai beemaari ke liye zaroori hoti hai na। to drama anusaar nimitta aatmaon ka bhi sang to lagta hi hai aur jaise svayan aane se hi seva ke nimitta ban gaye to Australia mein aane se centre kholne ki seva mein lag jaate। yeh tyaag ki bhaavna ka vibration saari Australia aur jo bhi samparka vaale sthaan hain unmein usi roop se vriddhi ho rahi hai। tapasya aur tyaag jismen hai - vahi shreshtha aatma hai। teevra purushaarthi to sabhi aatmaayen hain lekin purushaarthi hote hue bhi visheshtaaen apna prabhaav zaroor daalti hain। sampanna to abhi sab ban rahe hain na। sampanna ban gaye, yeh saartiphiket kisko bhi mila nahin hai। lekin sampannata ke sameep pahunch gaye hain। ismen nambarvaar hain। koi bahut sameep pahunch gaye hain। koi nambarvaar aage peechhe hain। Australia vaale lucky hai। tyaag ka beej bhaagya praapta kara raha hai। shakti sena bhi baapdaada ko ati priy hai। kyonki himmat-vaali hai। jahaan himmat hai vahaan baapdaada ki madad sada hi saath hai। sada santushta rahne vaale ho na। santushtata saphalta ka aadhaar hai। aap sab santushta aatmaayen ho to saphalta aapka janma siddha adhikaar hai। samjha। jo nearest aur dearest hota hai unko apna samajh, hamesha peechhe, lekin Australia vaalon ke oopar extra hujjat hai। achha