Avyakt murli du lundi 7 avril 1986

>

07-04-86om shanti avyakt baapdaadaamdhuban

tapasvi-moorta,tyaag moorta, vidhaata hi vishwa-raajya adhikaari

vishwa raajya ke bhaagya ke adhikaari banaane vaale shiv baba bole

aaj roohaani shama apne roohaani parvaanon ko dekh rahe hain। sabhi roohaani parvaane - shama se milan manaane ke liye chaaron or se pahunch gaye hain। roohaani parvaanon ka pyaar roohaani shama jaane aur roohaani parvaane jaane। baapdaada jaante hain ki sabhi bachchon ke dil ka sneh aakarshan kar is alaukik mele mein sabhi ko laaya hai। yeh alaukik mela alaukik bachche jaanen aur baap jaane! duniya ke liye yeh mela gupta hai। agar kisi ko kaho roohaani mele mein ja rahe hain to woh kya samjhenge? yeh mela sada ke liye maalaamaal banaane ka mela hai। yeh parmaatma-mela sarva praapti swaroop banaane vaala hai। baapdaada sabhi bachchon ke dil ke umang utsaah ko dekh rahe hain। har ek ke man mein sneh ke saagar ki lahren lahra raheen hain। yeh baapdaada dekh bhi rahe hain aur jaante bhi hain ki lagan ne vighna vinaashak banaae madhuban nivaasi bana liya hai। sabhi ki sab baaten sneh mein samaapta ho gai। ever ready ki rehearsal kar dikhaai। ever ready ho gaye ho na! yeh bhi sweet drama ka sweet part dekh baapdaada aur brahman bachche harshit ho rahe hain। sneh ke peechhe sab baaten sahaj bhi lagti hain aur pyaari bhi lagti। jo drama bana,vaah drama vaah! kitni baar aise daude-daude aaye hain। train mein aaye hain ya pankho se udke aaye hain! isko kaha jaata hai - jahaan dil hai vahaan asambhav bhi sambhav ho jaata hai। sneh ka swaroop to dikhaaya, ab aage kya karna hai। jo ab tak hua woh shreshtha hai aur shreshtha rahega।

ab samay pramaan sarva snehi, sarvashreshtha bachchon se baapdaada aur vishesh kya chaahte hain? vaise to poori season mein samay prati samay ishaare dete hain। ab un ishaaron ko pratyaksha roop mein dekhne ka samay aa raha hai। snehi aatmaayen ho,sahayogi aatmaayen ho। sevaadhaari aatmaayen bhi ho। abhi mahaatpasvi aatmaayen bano। apne sangathit swaroop ki tapasya ki roohaani jvaala se sarva aatmaon ko duhkh-ashaanti se mukta karne ka mahaan kaarya karne ka samay hai। jaise ek taraph khoone-naahak khel ki lahar badhti ja rahi hai, sarva aatmaayen apne ko beshaare anubhav kar raheen hain,aise samay par sabhi sahaare ki anubhooti karaane ke nimitta aap mahaatpasvi aatmaayen ho। chaaron or is tapasvi swaroop dvaara aatmaon ko roohaani chain anubhav karaana hai। saare vishwa ki aatmaayen prakriti se,vaayumandal se,manushya aatmaon se,apne man ke kamzoriyon se, tan se,bechain hain। aisi aatmaon ko sukh-chain ki sthiti ka ek second bhi anubhav karaayenge to aapka dil se baar-baar shukriya maanenge। vartamaan samay sangathit roop ke jvaala swaroop ki aavashyakta hai। abhi vidhaata ke bachche vidhaata swaroop mein sthit rah, har samay dete jaao। akhanda mahaan langar lagaao। kyonki royal bhikhaari bahut hain। sirf dhan ke bhikhaari, bhikhaari nahin hote lekin man ke bhikhaari anek prakaar ke hain। apraapta aatmaayen praapti ke boond ki pyaasi bahut hain। isliye abhi sangathan mein vidhaataapan ki lahar phailaao। jo khazaane jama kiye hain woh jitna master vidhaata ban dete jaayenge utna bharta jaayega। kitna suna hai। abhi karne ka samay hai। tapasvi moorta ka arth hai - tapasya dvaara shanti ke shakti ki kirnen chaaro or phailti hui anubhav mein aaven। sirf svayan ke prati yaad swaroop ban shakti sena ka milan manaana woh alag baat hai। lekin tapasvi swaroop auron ko dene ka swaroop hai। jaise soorya vishwa ko roshni ki aur anek vinaashi praaptiyon ki anubhooti karaata hai। aise mahaan tapasvi roop dvaara praapti ke kirnon ki anubhooti karaao। iske liye pahle jama ka khaata badhaao। aise nahin, yaad se va gyaan ke manan se svayan ko shreshtha banaaya, maayaajeet vijayi banaaya isi mein sirf khush nahin rehna। lekin sarva khazaanon mein saare din mein kitnon ke prati vidhaata bane? sabhi khazaane har roj kaarya mein lagaaye va sirf jama ko dekh khush ho rahe hain? abhi yeh chart rakho ki khushi ka khazaana,shanti ka khazaana,shaktiyon ka khazaana, gyaan ka khazaana, gunon ka khazaana, sahayog dene ka khazaana kitna baanta arthaat kitna badhaaya। isse woh common chart jo rakhte ho woh svatah hi shreshtha ho jaayega। samjha - abhi kaun-sa chart rakhna hai?yeh tapasvi swaroop ka chart hai - vishwa-kalyaankaari banna। to kitne ka kalyaan kiya! va sva-kalyaan mein hi samay ja raha hai? sva-kalyaan karne ka samay bahut beet chuka। abhi vidhaata banne ka samay aa gaya hai। isliye baapdaada phir se samay ka ishaara de rahe hain। agar ab tak bhi vidhaataapan sthiti ka anubhav nahin kiya to anek janma vishwa-raajya adhikaari banne ke padmaapdam bhaagya ko praapta nahin kar sakenge, kyonki vishwa-raajan vishwa ke maat-pita arthaat vidhaata hain। ab ke vidhaataapan ke sanskaar anek janma praapti karaata rahega,agar abhi tak lene ke sanskaar, koi bhi roop mein hain to naam levta, shaan levta va kisi bhi prakaar ke levta ke sanskaar vidhaata nahin banaayenge।

tapasya swaroop arthaat levta ke tyaagmoorta। yeh had ke levta, tyaag moorta, tapasvi moorta banne nahin dega। isliye ‘tapasvi moorta arthaat had ke ichchha maatram avidya roop’। jo lene ka sankalp karta woh alpakaal ke liye leta hai lekin sadaakaal ke liye ganvaata hai। isliye baapdaada baar-baar is baat ka ishaara de rahe hain। tapasvi roop mein vishesh vighna roop yahi alpakaal ki ichchha hai। isliye abhi vishesh tapasya ka abhyaas karna hai। samaan banne ka yeh saboot dena hai। sneh ka saboot diya yeh to khushi ki baat hai। abhi tapasvi moorta banne ka saboot do। samjha। bairaaiti sanskaar hote hue bhi vidhaata-pan ke sanskaar anya sanskaaron ko daba dega। to ab is sanskaar ko emerge karo। jaise madhuban mein bhaag kar pahunch gaye ho aise tapasvi sthiti ki manzil taraph bhaago। achha - bhale padhaare। sabhi aise bhaage hain jaise ki abhi vinaash hona hai। jo bhi kiya, jo bhi hua baapdaada ko priy hai, kyonki bachche priy hain। har ek ne yahi socha hai ki ham ja rahe hain। lekin doosre bhi aa rahe hain yeh nahin socha! sachcha kumbha mela to yahaan lag gaya hai। sabhi antim milan,antim tubbi dene aaye hai। yeh socha ki itne sab ja rahe hain to milne ki vidhi kaisi hogi! is sudh-budh se bhi nyaare ho gaye! na sthaan dekha na reservation ko dekha। abhi kab bhi yeh bahaana nahin de sakenge ki reservation nahin milti। drama mein yeh bhi ek rehearsal ho gai। sangam yug par apna raajya nahin hai। svaraajya hai lekin dharni ka raajya to nahin hai, na baapdaada ko sva ka rath hai। paraaya tan hai। isliye samay pramaan nai vidhi ka aarambha karne ke liye yeh season ho gai। yahaan to paani ka bhi sochte rehte,vahaan to jharnon mein nahaayenge। jo bhi jitne bhi aaye hain, baapdaada sneh ke respond mein sneh se svaagat karte hain।

abhi samay diya hai vishesh final imtahaan ke pahle taiyaari karne ke liye। final paper ke pahle time dete hain। chhutti dete hain na! to baapdaada anek raajon se yeh vishesh samay de rahe hai। kuchh raaz gupta hain, kuchh raaz pratyaksha hain। lekin vishesh har ek itna attention rakhna ki sada ‘bindu’ lagaana hai arthaat beeti ko beeti karne ka bindu lagaana hai। aur ‘bindu’ sthiti mein sthit ho raajya adhikaari ban kaarya karna hai। sarva khazaanon ke ‘bindu’sarva prati vidhaata ban, sindhu ban sabhi ko bharpoor banaana hai। to ‘bindu’ aur‘sindhu’yeh do baaten vishesh smriti mein rakh shreshtha certificate lena hai। sada hi shreshtha sankalp ki saphalta se aage badhte rehna। to‘bindu banna, sindhu banna’ yahi sarva bachchon prati vardaata ka vardaan hai। vardaan lene ke liye bhaage ho na! yahi vardaata ka vardaan smriti mein rakhna। achha!

chaaron or ke sarva snehi, sahayogi bachchon ko, sada baap ki aagya ka paalan karne vaale aagyaakaari bachchon ko, sada pharaakhdil badi dil, sarva ko sarva khazaane baantane vaale,mahaan punya aatmaayen bachchon ko, sada baap samaan banne ke umang-utsaah se udti kala mein udne vaale bachchon ko vidhaata, vardaata sarva khazaanon ke sindhu baapdaada ka yaadapyaar aur namaste।’’

vidaai ke samay

sabhi ne jaagran kiya! aapke bhakta jaagran karte hain to bhakton ko sikhaane vaale to ishta dev hi hote hain, jab yahaan ishta dev jaagran karen tab bhakta copy karen। to sabhi ne jaagran kiya arthaat apne khaate mein kamaai jama ki। to aaj ki raat kamaane ke season ki raat ho gai। jaise kamaai ki season hoti hai to season mein jaagna hi hota hai। to yeh kamaai ki season hai isliye jaagna arthaat kamaana। to harek ne apne-apne yathaashakti jama kiya aur yahi jama kiya hua mahaadaani ban auron ko bhi dete rahenge। aur svayan bhi anek janma khaate rahenge। abhi sabhi bachchon ko parmaatma mele ke golden chance ki golden morning kar rahen hain। vaise to golden se bhi diamond morning hai। svayan bhi diamond ho aur morning bhi diamond hai aur jama bhi diamond hi karte ho to sab diamond hi diamond hai isliye diamond morning kar rahe hain।