Avyakt murli du lundi 5 octobre 1987

>

05-10-87om shanti avyakt baapdaadaamdhuban

brahman jeevan ka sukh - ‘santushtata'va ‘prasannata'

santushtata aur prasannata ka khazaana dene vaale, vidhaata,vardaata baapdaada bole

aaj baapdaada chaaron or ke apne ati laadle, sikeeldhe brahman bachchon mein se vishesh brahman jeevan ki visheshta sampanna bachchon ko dekh rahe hain। aaj amritvele baapdaada sarva brahman kul bachchon mein se un vishesh aatmaon ko chun rahe the jo sada santushtata dvaara svayan bhi sada santushta rahe hain aur auron ko bhi santushtata ki anubhooti apni drishti,vritti aur kriti dvaara sada karaate aaye hain। to aaj aisi santushtamniyon ki maala piro rahe the jo sada sankalp mein,bol mein, sangathan ke sambandh-samparka mein, karma mein santushtata ke golden pushpa baapdaada dvaara apne oopar barsaane ka anubhav karte aur sarva prati santushtata ke golden pushpon ki varsha sada karte rehte hain। aisi santushta aatmaayen chaaron or mein se koi-koi najar aai। maala badi nahin bani,chhoti-si maala bani। baapdaada baarbaar santushtamniyon ki maala ko dekh harshit ho rahe the। kyonki aisi santushtamniyaan hi baapdaada ke gale ka haar banti hain, raajya adhikaari banti hain aur bhakton ke simran ki maala banti hain।

baapdaada aur bachchon ko bhi dekh rahe the jo kabhi santushta aur kabhi asantushta ke sankalp-maatra chhaaya ke andar aa jaate hain aur phir nikal aate hain, phans nahin jaate। teesre bachche kabhi sankalp ki asantushtata,kabhi svayan ki svayan se asantushtata,kabhi paristhitiyon dvaara asantushtata,kabhi svayan ki halchal dvaara asantushtata aur kabhi chhoti-badi baaton se asantushtata - isi chakra mein chalte aur nikalte aur phir phansate rehte। aisi maala bhi dekhi। to teen maalaayen taiyaar hui। maniyaan to sabhi hain lekin santushta-maniyon ki jhalak aur doosre do prakaar ke maniyon ki jhalak kya hogi, yeh to aap bhi jaan sakte ho। brahma baap baar-baar teenon maalaaon ko dekhte hue harshit bhi ho rahe the, saath-saath prayatna kar rahe the ki doosre number ki maala ki maniyaan pahli maala mein aa jaaen। rooh-roohaan chal rahi thi। kyonki doosri maala ki koi-koi mani bahut thodi-si asantushtata ki chhaaya-maatra ke kaaran pahli maala se vanchit rah gayi hai, isko parivartan kar kaise bhi pahli maala mein laaven। ek-ek ke gun,visheshtaayen,seva - sabko saamne laate baar-baar yahi bole ki isko pahli maala mein kar len। aisi 25-30 ke kareeb maniyaan thi jinke oopar brahma baap ki vishesh rooh-roohaan chal rahi thi। brahma baap bole - pahle number maala mein in maniyon ko bhi daalna chaahiye। lekin phir svayan hi muskaraate hue yahi bole ki baap inhon ko avashya pahli mein laakar hi dikhaayenge। to aisi vishesh maniyaan bhi thi।

aise rooh-roohaan chalte hue ek baat nikli ki asantushtata ka vishesh kaaran kya hai? jabki sangamayug ka vishesh vardaan santushtata hai, phir bhi vardaata se vardaan praapta vardaani aatmaayen doosre number ki maala mein kyon aati? santushtata ka beej sarva praaptiyaan hain। asantushtata ka beej sthool va sookshm apraapti hai। jab braahmanon ka gaayan hai - ‘apraapta nahin koi vastu braahmanon ke khazaane mein athva braahmanon ke jeevan mein',phir asantushtata kyon? kya vardaata ne vardaan dene mein antar rakha va lene vaalon ne antar kar liya,kya hua?jab vardaata,daata ke bhandaar bharpoor hain, itne bharpoor hain jo aapke arthaat shreshtha nimitta aatmaon ke jo bahutkaal ke brahmaakumaar-brahmaakumaari ban gaye, unhon ki 21janmon ki vanshaavli aur phir unke bhakta, bhakton ki bhi vanshaavli,vo bhi un praaptiyon ke aadhaar par chalte rahenge। itni badi praapti,phir bhi asantushtata kyon? akhut khazaana sabhi ko praapta hai - ek hi dvaara,ek hi jaisa,ek hi samay,ek hi vidhi se। lekin praapta hue khazaane ko har samay kaarya mein nahin lagaate arthaat smriti mein nahin rakhte। mukh se khush hote hain lekin dil se khush nahin hote। dimaag ki khushi hai, dil ki khushi nahin, kaaran? praaptiyon ke khazaanon ko smritisvaroop ban kaarya mein nahin lagaate। smriti rehti hai lekin smritisvaroop mein nahin aate। praapti behad ki hai lekin unko kahaan-kahaan had ki praapti mein parivartan kar lete ho। is kaaran had arthaat alpakaal ki praapti ki ichchha, behad ki praapti ke phalasvaroop jo sada santushtata ki anubhooti ho,usse vanchit kar deti hai। had ki praapti dilon mein had daal deti hai। isliye asantushtata ki anubhooti hoti hai। seva mein had daal dete hain। kyonki had ki ichchha ka phal man ichchhit phal nahin praapta hota। had ki ichchhaaon ka phal alpakaal ki poorti vaala hota hai। isliye abhi-abhi santushtata,abhi-abhi asantushtata ho jaati hai। had, behad ka nasha anubhav karaane nahin deta। isliye,vishesh check karo ki man ki arthaat svayan ki santushtata,sarva ki santushtata anubhav hoti hai?

santushtata ki nishaani - woh man se, dil se,sarva se,baap se, drama se santushta honge; unke man aur tan mein sada prasannata ki lahar dikhaai degi। chaahe koi bhi paristhiti aa jaae, chaahe koi aatma hisaab-kitaab chuktu karne vaali saamna karne bhi aati rahe, chaahe shareer ka karma-bhog saamna karne aata rahe lekin had ki kaamna se mukta aatma santushtata ke kaaran sada prasannata ki jhalak mein chamakta hua sitaara dikhaai degi। prasannachitta kabhi koi baat mein prashnachitta nahin honge। prashn hain to prasanna nahin। prasannachitta ki nishaani - woh sada nihsvaarthi aur sada sabhi ko nirdosh anubhav karega;kisi aur ke oopar dosh nahin rakhega - na bhaagyavidhaata ke oopar ki mera bhaagya aisa banaaya, na drama par ki mera drama mein hi part aisa hai, na vyakti par ki iska svabhaav-sanskaar aisa hai, na prakriti ke oopar ki prakriti ka vaayumandal aisa hai, na shareer ke hisaabkitaab par ki mera shareer hi aisa hai। prasannachitta arthaat sada nihsvaartha,nirdosh vritti-drishti vaale। to sangamayug ki visheshta ‘santushtata'hai aur santushtata ki nishaani ‘prasannata'hai। yeh hai brahman jeevan ki vishesh praapti। santushtata nahin, prasannata nahin to brahman banne ka laabh nahin liya। brahman jeevan ka sukh hai hi santushtata,prasannata। brahman jeevan bani aur uska sukh nahin liya to naamdhaari brahman hue va praapti swaroop brahman hue?to baapdaada sabhi brahman bachchon ko yahi smriti dila rahe hain - brahman bane,aho bhaagya! lekin brahman jeevan ka varsa,property‘santushtata'hai। aur brahman jeevan ki parsanalti (Personality) ‘prasannata'hai। is anubhav se kabhi vanchit nahin rehna। adhikaari ho। jab daata, vardaata khuli dil se praaptiyon ka khazaana de rahe hain, de diya hai to khoob apni property aur parsanalti ko anubhav mein laao, auron ko bhi anubhvi banaao। samjha?har ek apne se poochhe ki main kis number ki maala mein hoon? maala mein to hai hi lekin kis number ki maala mein hoon। achha।

aaj raajasthaan aur yu.pi. group hai। raajasthaan arthaat raajaai sanskaar vaale, har sankalp mein,swaroop mein raajaai sanskaar practical mein laane vaale arthaat pratyaksha dikhaane vaale। isko kehte hain raajasthaan nivaasi। aise ho na? kabhi praja to nahin ban jaate ho na?agar vasheebhoot ho gaye to praja kahenge,maalik hain to raaja। aise nahin ki kabhi raaja, kabhi praja। nahin। sada raajaai sanskaar svatah hi smriti-swaroop mein hon। aise raajasthaan nivaasi bachchon ka mahattva bhi hai। raaja ko sadaiv sabhi oonchi najar se dekhenge aur sthaan bhi raaja ko ooncha denge। raaja sadaiv takhta par baithega, praja sadaiv neeche। to raajasthaan ke raajaai sanskaar vaali aatmaayen arthaat sada oonchi sthiti ke sthaan par rahne vaale। aise ban gaye ho va ban rahe ho? bane hain aur sampanna banna hi hai। raajasthaan ki mahima kam nahin hai। sthaapna ka headquarter hi raajasthaan mein hai। to oonche ho gaye na। naam se bhi oonche, kaam se bhi oonche। aise raajasthaan ke bachche apne ghar mein pahunche hain। samjha?

yu.pi. ki bhoomi vishesh paavan-bhoomi gaai hui hai। paavan karne vaali bhaktimaarga ki ganga nadi bhi vahaan hai aur bhakti ke hisaab se krishna ki bhoomi bhi yu.pi. mein hi hai। bhoomi ki mahima bahut hai। krishna leela, janmabhoomi dekhni hogi to bhi yu.pi. mein hi jaayenge। to yu.pi. vaalon ki visheshta hai। sada paavan ban aur paavan banaane ki visheshta sampanna hain। jaise baap ki mahima hai patit paavan… yu.pi. vaalon ki bhi mahima baap samaan hai। patit-paavni aatmaayen ho। bhaagya ka sitaara chamak raha hai। aise bhaagyavaan sthaan aur sthiti - donon ki mahima hai। ‘sada paavan' -yeh hai sthiti ki mahima। to aise bhaagyavaan apne ko samajhte ho? sada apne bhaagya ko dekh harshit hote svayan bhi sada harshit aur doosron ko bhi harshit banaate chalo। kyonki harshit-mukh svatah hi aakarshitmoorta hote hain। jaise sthool nadi apne taraph kheenchati hai na,kheenchakar yaatri jaate hain। chaahe kitna bhi kashta uthaana pade, phir bhi paavan hone ka aakarshan kheench leta hai। to yeh paavan banaane ke kaarya ka yaadgaar yu.pi. mein hai। aise hi harshit aur aakarshitmoorta banna hai। samjha?

teesra group double videshiyon ka bhi hai। double videshi arthaat sada videshi baap ko aakarshit karne vaale, kyonki samaan hain na। baap bhi videshi hai, aap bhi videshi ho। ham shareek pyaare hote hain। maa-baap se bhi phrendsa jyaada pyaare lagte hain। to double videshi baap samaan sada is deh aur deh ke aakarshan se pare videshi hain, ashareeri hain, avyakt hain। to baap apne samaan ashareeri, avyakt sthiti vaale bachchon ko dekh harshit hote hain। race bhi achhi kar rahe hain। seva mein bhinna-bhinna saadhan aur bhinna-bhinna vidhi se aage badhne ki race achhi kar rahe hain। vidhi bhi apnaate aur vriddhi bhi kar rahe hain। isliye, baapdaada chaaron or ke double videshi bachchon ko seva ki badhaai bhi dete aur sva ke vriddhi ki smriti bhi dilaate hain। sva ki unnati mein sada udti kala dvaara udte chalo। svaunnati aur seva ki unnati ke balance dvaara sada baap ke blessing ke adhikaari hain aur sada rahenge। achha।

chautha group hai baaki madhuban nivaasi। woh to sada hain hi। jo dil par so chul par, jo chul par so dil par। sabse jyaada vidhipoorvak brahma bhojan bhi madhuban mein hota। sabse sikeeldhe bhi madhuban nivaasi hain। sab function bhi madhuban mein hote। sabse,direct murliyaan bhi,jyaada madhuban vaale hi sunte। to madhuban nivaasi sada shreshtha bhaagya ke adhikaari aatmaayen hain। seva bhi dil se karte hain। isliye madhuban nivaasiyon ko baapdaada aur sarva braahmanon ki man se aasheervaad praapta hoti rehti hai। achha।

chaaron or ki sarva baapdaada ki vishesh santushtamniyon ko baapdaada ki vishesh yaadapyaar। saath-saath sarva bhaagyashaali brahman jeevan praapta karne vaale koton mein koi, koi mein bhi koi sikeeldhe aatmaon ko,baapdaada ke shubh sankalp ko sampanna karne vaali aatmaon ko, sangamayugi brahman jeevan ki property ke sampoorn adhikaar praapta karne vaali aatmaon ko vidhaata aur vardaata baapdaada ki bahut-bahut yaadapyaar sveekaar ho।

daadi jaanki ji evan daadi chandramni ji sevaaon par jaane ki chhutti baapdaada se le rahi hain

ja rahi ho ya sama rahi ho? jaao ya aao lekin sada samaai hui ho। baapdaada ananya bachchon ko kabhi alag dekhte hi nahin hain। chaahe aakaar mein, chaahe saakaar mein sada saath hain। kyonki sirf mahaaveer bachche hi hain jo yeh vaayda nibhaate hain ki har samay saath rahenge, saath chalenge। bahut thode yeh vaayda nibhaate hain। isliye,aise mahaaveer bachche, ananya bachche jahaan bhi jaate baap ko saath le jaate hain aur baap sada vatan mein bhi saath rakhte hain। har kadam mein saath dete। isliye ja rahi ho, aa rahi ho - kya kahenge? iseelie kaha ki ja rahi ho ya sama rahi ho। aise hi saath rehte-rehte samaan ban sama jaayegi। ghar mein thode samay ke liye rest karengi, saath rahengi। phir aap raajya karna aur baap oopar se dekhenge। lekin saath ka thode samay ka anubhav karna। achha।

(aaj baba aapne kamaal ki maala banaai)

aap log bhi to maala banaate ho na। maala abhi to chhoti hai। abhi badi banegi। abhi jo thoda kabhi-kabhi behosh ho jaate hain, unhein thode samay mein prakriti ka va samay ka aavaaj hosh mein le aayega;phir maala badi ban jaayegi। achha। jahaan bhi jaao baap ke vardaani to ho hi। aapke har kadam se baap ka vardaan sabko milta rahega। dekhenge to bhi baap ka vardaan drishti se lenge, bolenge to bol se vardaan lenge,karma se bhi vardaan hi lenge। chalte-phirte vardaanon ki varsha karne ke liye ja rahi ho। abhi jo aatmaayen aa rahi hain, unko vardaan ki va mahaadaan ki hi aavashyakta hai। aap logon ka jaana arthaat khule dil se unhon ko baap ke vardaan milna। achha।

double videshi bhaai-bahinon se - double videshi arthaat sada apne svasva roop, svadesh,svaraajya ke smriti mein rahne vaale। double videshiyon ko vishesh kaunsi seva karni hai?abhi silence ki shakti ka anubhav vishesh roop se aatmaon ko karaana। yeh bhi vishesh seva hai। jaise science ki power naameegraami hai na। bachche-bachche ko maaloom hai ki science kya hai। aise silence power, science se bhi oonchi hai। woh din bhi aana hai। silence ke power ki pratyakshata arthaat baap ki pratyakshata। jaise science pratyaksha proof dikhaati hai - vaise silence power ka practical proof hai - aap sabka jeevan। jab itne sab practical proof dikhaai denge to na chaahte hue sabhi ki najar mein sahaj aa jaayengen। jaise yeh (pichhle varsha) pees ka kaarya kiya na, isko stage par practical mein dikhaaya। aise hi chaltephirte pees ke model dikhaai den to science vaalon ki bhi najar silence vaalon ke oopar avashya jaayegi। samjha?science ki invention videsh mein jyaada hoti hai। to silence ke power ka aavaaj bhi vahaan se sahaj phailega। seva ka lakshya to hai hi, sabhi ko umang-utsaah bhi hai। seva ke bina rah nahin sakte। jaise bhojan ke bina rah nahin sakte,aise seva ke bina bhi rah nahin sakte। isliye baapdaada khush hai। achha।

yu.pi tatha raajasthaan group se baapdaada ki alag-alag mulaakaat - svadarshan chakradhaari shreshtha aatmaayen ban gaye, aise anubhav karte ho?sva ka darshan ho gaya na? apne aapko jaanna arthaat sva ka darshan hona aur chakra ka gyaan jaanna arthaat svadarshan chakradhaari banna। jab svadarshan chakradhaari bante hain to aur sab chakra samaapta ho jaate hain। dehbhaan ka chakra,sambandh ka chakra samasyaaon ka chakra - maaya ke kitne chakra hain! lekin svadarshan-chakradhaari banne se yeh sab chakra samaapta ho jaate hain,sab chakron se nikal aate hain। nahin to jaal mein phans jaate hain। to pahle phanse hue the, ab nikal gaye। 63 janma to anek chakron mein phansate rahe aur is samay in chakron se nikal aaye, to phir phansana nahin hai। anubhav karke dekh liya na?anek chakron mein phansane se sab kuchh ganva diya aur svadarshan-chakradhaari banne se baap mila to sab kuchh mila। to sada svadarshan-chakradhaari ban, maayaajeet ban aage badhte chalo। isse sada halke rahenge,kisi bhi prakaar ka bojh anubhav nahin hoga। bojh hi neeche le aata hai aur halka hone se oonche udte rahenge। to udne vaale ho na? kamzor to nahin? agar ek bhi pankh kamzor hoga to neeche le aayega, udne nahin dega। isliye, donon hi pankh majboot hon to svatah udte rahenge। svadarshan-chakradhaari banna arthaat udti kala mein jaana। achha।

raajayogi, shreshtha yogi aatmaayen ho na? saadhaaran jeevan se sahajyogi, raajayogi ban gaye। aisi shreshtha yogi aatmaayen sada hi ateeindriy sukh ke jhoole mein jhoolti hain। hathayogi yog dvaara shareer ko ooncha uthaate hain aur udne ka abhyaas karte hain। vaastav mein aap raajayogi oonchi sthiti ka anubhav karte ho। isko hi kaapi karke vo shareer ko ooncha uthaate hain। lekin aap kahaan bhi rehte oonchi sthiti mein rehte ho, isliye kehte hain - yogi ooncha rehte hain। to man ki sthiti ka sthaan ooncha hai। kyonki double light ban gaye ho। vaise bhi pharishton ke liye kaha jaata ki pharishton ke paanv dharni par nahin hote। pharishta arthaat jiska buddhi roopi paanv dharti par na ho,dehbhaan mein na ho। dehbhaan se sada oonche -aise pharishte arthaat raajayogi ban gaye। abhi is puraani duniya se koi lagaav nahin। seva karna alag cheez hai lekin lagaav na ho। yogi banna arthaat baap aur main,teesra na koi। to sada isi smriti mein raho ki ham raajayogi,sada pharishta hain। is smriti se sada aage badhte rahenge। raajayogi sada behad ka maalik hain, had ke maalik nahin। had se nikal gaye। behad ka adhikaar mil gaya - isi khushi mein raho। jaise behad ka baap hai, vaise behad ki khushi mein raho, nashe mein raho। achha।

vidaai ke samay

sabhi amritvele ke vardaani bachchon ko vardaata baap ki sunahri yaadapyaar sveekaar ho। saath-saath sunahri duniya banaane ki seva ke sada plan manan karne vaale aur sada seva mein dil va jaan, sik va prem se,tan-man-dhan se sahayogi aatmaayen,sabhi ko baapdaada goodmorning,diamond morning kar rahe hain aur sada diamond ban is diamond yug ki visheshta ko vardaan aur varse mein lekar svayan bhi sunahri sthiti mein sthit rahenge aur auron ko bhi aise hi anubhav karaate rahenge। to chaaron or ke double heeron bachchon ko diamond morning। achha।