Avyakt murli du vendredi 6 novembre 1987

>

06-11-87om shanti avyakt baapdaadaamdhuban

nirantar sevaadhaari banne ka saadhan - ‘chaar prakaar ki sevaaen'

aasheervaadon ki jholiyaan bharne vaale, vidhaata,vardaata baapdaada apne sevaadhaari bachchon ka seva ka chart dekhkar bole

aaj vishwa-kalyaankaari, vishwa-sevaadhaari baap apne vishwa-sevaadhaari,sahayogi sarva bachchon ko dekh rahe the ki har ek bachcha nirantar sahajyogi ke saath-saath nirantar sevaadhaari kahaan tak bane hain? kyonki yaad aur seva - donon ka balance sada brahman jeevan mein baapdaada aur sarva shreshtha brahman aatmaon dvaara blessing (aasheervaad) ka paatra banaata hai। is sangamayug par hi brahman jeevan mein parmaatma-aasheervaaden aur brahman parivaar ki aasheervaaden praapta hoti hain। isliye is chhoti-si jeevan mein sarva praaptiyaan aur sadaakaal ki praaptiyaan sahaj praapta hoti hain। is sangamayug ko vishesh ‘blessing yug' kah sakte hain, isliye hi is yug ko mahaan yug kehte hain। svayan baap har shreshtha karma, har shreshtha sankalp ke aadhaar par har brahman bachche ko har samay dil se aasheervaad dete rehte hain। yeh brahman jeevan parmaatma-aasheervaad ke paalna se vriddhi ko praapta hone vaali jeevan hai। bholaanaath baap sarva aasheervaad ki jholiyaan khule dil se bachchon ko de rahe hain। lekin yeh sarva aasheervaad lene ka aadhaar - ‘yaad aur seva ka balance hai।' agar nirantar yogi hain to saath-saath nirantar sevaadhaari bhi hain। seva ka mahattva sada buddhi mein rehta hai?

kai bachche samajhte hain - seva ka jab chance milta hai va koi saadhan va samay jab milta hai tab hi seva karte hain। lekin baapdaada jaise yaad nirantar, sahaj anubhav karaate hain, vaise seva bhi nirantar aur sahaj ho sakti hai। to aaj baapdaada sevaadhaari bachchon ki seva ka chart dekh raha tha। jab tak nirantar sevaadhaari nahin bane tab tak sada ki aasheervaad ke anubhvi nahin ban sakte। jaise-samay pramaan, seva ke chance pramaan, programme pramaan seva karte ho, us samay seva ke phalasvaroop baap ki, parivaar ki aasheervaad va saphalta praapta karte ho lekin sadaakaal ke liye nahin। isliye kabhi aasheervaad ke kaaran sahaj sva va seva mein unnati anubhav karte ho aur kabhi mehnat ke baad saphalta anubhav karte ho kyonki nirantar yaad aur seva ka balance nahin hai। nirantar sevaadhaari kaise ban sakte, aaj us seva ka mahatva suna rahe hain।

saare din mein bhinna-bhinna prakaar se seva kar sakte ho। ismen ek hai - sva ki seva arthaat sva ke oopar sampanna aur sampoorn banne ka sada attention rakhna। aapke is padhaai ke jo mukhya subject hain, un sabmen apne ko paas with-honour banaana hai। ismen gyaanasvaroop,yaadasvaroop,dhaarnaasvaroop - sabmen sampanna banna hai। yeh sva-seva sada buddhi mein rahe। yeh sva-seva svatah hi aapke sampanna swaroop dvaara seva karaati rehti hai lekin iski vidhi hai - attention aur checking। sva ki checking karni hai, doosron ki nahin karni। doosri hai - vishwa seva jo bhinna-bhinna saadhnon dvaara, bhinna-bhinna vidhi se, vaani dvaara va sambandh-samparka dvaara karte ho। yeh to sab achhi tarah se jaante hain। teesri hai - yagya seva jo tan aur dhan dvaara kar rahe ho।

chauthi hai - mansa seva। apni shubh bhaavna, shreshtha kaamna, shreshtha vritti, shreshtha vibration dvaara kisi bhi sthaan par rehte hue anek aatmaon ki seva kar sakte ho। iski vidhi hai - light house,might house banna। light house ek hi sthaan par sthit hote door-door ki seva karte hain। aise aap sabhi ek sthaan par hote anekon ki seva arth nimitta ban sakte ho। itna shaktiyon ka khazaana jama hai to sahaj kar sakte ho। ismen sthool saadhan va chance va samay ki problem (samasya) nahin hai। sirf light-might se sampanna banne ki aavashyakta hai। sada man-buddhi vyartha sochne se mukta hona chaahiye, ‘manmanaabhav'ke mantra ka sahaj swaroop hona chaahiye। yeh chaaron prakaar ki seva kya nirantar sevaadhaari nahin bana sakti?chaaron hi sevaaon mein se har samay koi na koi seva karte raho to sahaj nirantar sevaadhaari ban jaayenge aur nirantar sevaaon par upasthit hone ke kaaran,sada busy rahne ke kaaran sahaj maayaajeet ban jaayenge। chaaron hi sevaaon mein se jis samay jo seva kar sakte ho woh karo lekin seva se ek second bhi vanchit nahin raho। 24ghanta sevaadhaari banna hai। 8ghante ke yogi va sevaadhaari nahin lekin nirantar sevaadhaari। sahaj hai na? aur nahin to sva ki seva to achhi hai। jis samay jo chance mile,woh seva kar sakte ho।

kai bachche shareer ke kaaran va samay na milne ke kaaran samajhte hain ki ham to seva kar nahin sakte hain। lekin agar chaar hi sevaaon mein se koi bhi seva mein vidhipoorvak busy rehte ho to seva ki sabjektas mein marks jama hoti jaati hain aur yeh mile hue number (ank) final result mein jama ho jaayenge। jaise vaani dvaara seva karne vaalon ke marks jama hote hain, vaise yagya-seva va sva ki seva va mansa seva - inka bhi itna hi mahattva hai,iske bhi itne number jama honge। har prakaar ki seva ke number itne hi hain। lekin jo chaaron hi prakaar ki seva karte uske utne number jama hote; jo ek va do prakaar ki seva karte, uske number us anusaar jama hote। phir bhi,agar chaar prakaar ki nahin kar sakte,do prakaar ki kar sakte hain to bhi nirantar sevaadhaari hain। to nirantar ke kaaran number badh jaate hain। isliye brahman jeevan arthaat nirantar sevaadhaari sahajyogi।

jaise yaad ka attention rakhte ho ki nirantar rahe, sada yaad ka link juta rahe;vaise seva mein bhi sada link juta rahe। jaise yaad mein bhi bhinna-bhinna sthiti ka anubhav karte ho - kabhi beejroop ka, kabhi pharishtaaroop ka, kabhi manan ka, kabhi rooh-roohaan ka lekin sthiti bhinna-bhinna hote bhi yaad ki subject mein nirantar yaad mein ginte ho। aise yeh bhinna-bhinna seva ka roop ho। lekin seva ke bina jeevan nahin। shvaanson shvaans yaad aur shvaanson shvaans seva ho - isko kehte hain balance। tab hi har samay blessing praapta hone ka anubhav sada karte rahenge aur dil se sada svatah hi yeh aavaaj niklega ki aasheervaadon se pal rahe hain,aasheervaad se, udti kala ke anubhav se ud rahe hain। mehnat se,yuddha se chhut jaayenge।‘kya', ‘kyon', ‘kaise' - in prashnon se mukta ho sada prasanna rahenge। saphalta sada janma-siddha adhikaar ke roop mein anubhav karte rahenge। pata nahin kya hoga। saphalta hogi va nahin hogi, pata nahin ham aage chal sakenge va nahin chal sakenge - yeh pata nahin ka sankalp parivartan ho ‘master trikaaldarshi sthiti' ka anubhav karenge। ‘vijay hui padi hai' -yeh nishchay aur nasha sada anubhav hoga। yahi blessing ki nishaaniyaan hain। samjha?

brahman jeevan mein, mahaan yug mein baapdaada ke adhikaari ban phir bhi mehnat karni pade, sada yuddha ki sthiti mein hi jeevan bitaayen - yeh bachchon ke mehnat ki jeevan baapdaada se dekhi nahin jaati। isliye nirantar yogi,nirantar sevaadhaari bano। samjha? achha।

puraane bachchon ki aasha poori ho gai na। paani ki seva karne vaale sevaadhaari bachchon ko aaphreen (shaabaash) hai jo anek bachchon ki aashaaon ko poorn karne mein raat-din sahayogi hain। nidraajeet bhi ban gaye to prakritijeet bhi ban gaye। to madhuban ke sevaadhaariyon ko, chaahe plan banaane vaale, chaahe paani laane vaale, chaahe aaraam se receive karne vaale, bhojan samay par taiyaar karne vaale - jo bhi bhinnabhinna seva ke nimitta hain, un sabko thanks dena। baapdaada to de hi rahe hain। duniya paani-paani karke chilla rahi hai aur baap ke bachche kitna sahaj kaarya chala rahe hain! baapdaada sabhi sevaadhaari bachchon ki seva dekhte rehte hain। kitna aaraam se aap logon ko madhuban nivaasi nimitta ban chance dila rahe hain! aap bhi sahayogi bane ho na? jaise woh sahayogi bane hain to aapko uska phal mil raha hai, vaise aap sabhi bhi har kaarya mein jaisa samay usi pramaan chalte rahenge to aapke sahayog ka phal aur braahmanon ko bhi milta rahega।

baapdaada muskara rahe the - satayug mein doodh ki nadiyaan bahengi lekin sangam par paani, ghi to ban gaya na। ghi ki nadi nalke mein aa rahi hai। paani ghi ban gaya to amoolya ho gaya na। isi vidhi se anekon ko chance dete rahenge। phir bhi dekho, duniya mein aur aap braahmanon mein antar hai na। kai sthaanon se phir bhi aap logon ko bahut aaraam hai aur abhyaas bhi ho raha hai। isliye raajayukta ban har paristhiti mein raaji rahne ka abhyaas badhaate chalo। achha।

sarva nirantar yogi, nirantar sevaadhaari shreshtha aatmaon ko,sada trikaaldarshi ban saphalta ke adhikaar ko anubhav karne vaale, sada prasannachitta,santushta,shreshtha aatmaon ko, har second blessing ke anubhav karne vaale bachchon ko vidhaata, vardaata baapdaada ka yaadapyaar aur namaste।

daadi ji se - sankalp kiya aur sarva ko shreshtha sankalp ka phal mil gaya। kitne aasheervaadon ki maalaayen padti hain! jo nimitta bante hain unhon ke bhi, baap ke saath-saath gun to gaate hain na। isliye to baap ke saath bachchon ki bhi pooja hoti hai,akele baap ki nahin hoti। sabhi ko kitni khushi praapta ho rahi hai! yeh aasheervaadon ki maalaayen bhakti mein maalaaon ke adhikaari banaati hain!