Avyakt murli du mardi 10 novembre 1987

>

10-11-87om shanti avyakt baapdaadaamdhuban

shubhchintak-mani ban vishwa ko chintaaon se mukta karo

apne roohaani personality sampanna shubhchintak-maniyon ko sevaaon ke programme ki saphalta ka foundation bataate hue ratnaagar baapdaada bole

aaj ratnaagar baap apne chaaron or ke vishesh shubh-chintak maniyon ko dekh rahe hain। ratnaagar baap ki maniyaan vishwa mein apni shubh-chintak kirnon se prakaash kar rahi hain। kyonki aaj ki is artificial chamak vaale vishwa mein sarva aatmaaen chintaamni hain। aise alpakaal ki chamakne vaali chintaamniyon ko aap shubh-chintak maniyaan apne shubh-chintan ki shakti dvaara parivartan kar rahi ho। jaise soorya ki kirnen door-door tak andhakaar ko mitaati hain, aise aap shubhaan chatak maniyon ki shubh sankalp roopi chamak kaho, kirnen kaho - vishwa ke chaaron or phail rahi hain। aajkal kai aatmaaen samajhti hain ki koi sprichual light gupta roop mein apna kaarya kar rahi hai। lekin ye light kahaan se ye kaarya kar rahi hai, vo jaan nahin sakte। koi hai - yahaan tak touching honi shuru ho gai hai। aakhir dhoondhate-dhoondhate sthaan par pahunch hi jaayenge। to yeh touching aap shubh-chintak maniyon ke shreshtha sankalp ki chamak hai। baapdaada harek bachche ke mastak dvaara mani ki chamak ko dekhte hain। kyonki nambarvaar chamakne vaale hain। hain sabhi shubh-chintak maniyaan lekin chamak nambarvaar hai।

shubh-chintak banna - yahi sahaj roop ki mansa seva hai jo chalte-phirte har brahman aatma va anjaan aatmaon ke prati kar sakte ho। aap sabke shubhaan chatak banne ke vibration vaayumandal ko va chintaamni aatma ki vritti ko bahut sahaj parivartan kar denge। aaj ke manushya aatmaon ke jeevan mein chaaron or se chaahe vyaktiyon dvaara, chaahe vaibhav dvaara - vyaktiyon mein svaartha bhaav hone ke kaaran,vaibhvon mein alpakaal ki praapti hone ke kaaran - thode samay ke liye shreshtha praapti ki anubhooti hoti hai lekin alpakaal ki khushi thode samay ke baad chinta mein badal jaati hai। arthaat vaibhav va vyakti chinta mitaane vaale nahin - chinta utpanna karaane ke nimitta ban jaate hain। aise koi na koi chinta mein pareshaan aatmaon ko shubh-chintak aatmaaen bahut thodi dikhaai deti hain। shubh-chintak aatmaon ke thode samay ka samparka bhi anek chintaaon ko mitaane ka aadhaar ban jaata hai। to aaj vishwa ko shubh-chintak aatmaon ki aavashyakta hai,isliye aap shubh-chintak maniyaan va aatmaaen vishwa ko ati priy hain। jab samparka mein aa jaate hain to anubhav karte hain ki aise shubh-chintak duniya mein koi dikhaai nahin dete।

shubh-chintak sada rahen - iska vishesh aadhaar hai - ‘shubh-chintan'। jiska sada shubh-chintan rehta, avashya woh shubh-chintak hai। agar kabhi-kabhi vyartha chintan va par-chintan hota hai to sada shubh-chintak bhi nahin rah sakte। shubhi chantak aatmaaen auro ke bhi vyartha chintan, par-chintan ko samaapta karne vaale hain। to har ek shreshtha sevaadhaari arthaat sada shubh-chintak mani ka shubh-chintan ka shaktishaali khazaana sada bharpoor hoga। bharpoorta ke kaaran hi auron ke prati shubh-chintak ban sakte hain। shubh-chintak arthaat sarva gyaan-ratnon se bharpoor। aur aisa gyaan-sampanna daata ban auron ke prati sada shubh-chintak ban sakta hai। to check karo ki saare din mein jyaada samay sampannata ke nashe mein rehta hai, isliye shubh-chintak swaroop dvaara doosron prati deta jaata aur bharta jaata। par-chintan aur vyartha chintan vaala sada khaali hone ke kaaran apne ko kamzor anubhav karega,isliye shubh-chintak ban auron ko dene ke paatra nahin ban sakta। vartamaan samay sarva ki chinta mitaane ke nimitta banne vaali shubh-chintak maniyon ki aavashyakta hai jo chinta ke bajaae shubh-chintan ki vidhi ke anubhvi bana saken। jahaan shubh-chintan hoga vahaan chinta svatah samaapta ho jaaegi। to sada shubh-chintak ban gupta seva kar rahe ho na?

ye jo behad ki vishwa-seva plan banaaya hai, is plan ko sahaj saphal banaane ka aadhaar bhi ‘shubh-chintak sthiti' hai। variety prakaar ki aatmaaen sambandh-samparka mein aayengi। aisi aatmaon ke prati shubh-chintak banna arthaat un aatmaon ko himmat ke pankh dena hai। kyonki sarva aatmaaen chinta ki chita par rahne ke kaaran apne himmat, umang,utsaah ke pankh kamzor kar chuki hain। aap shubh-chintak aatmaon ki shubh-bhaavna unhon ke pankhon mein shakti bharegi aur aap ki shubh-chintak bhaavnaaon ke aadhaar se udne lagenge arthaat sahayogi banenge। nahin to, dilshikasta ho gaye hain ki better world (sukhmay sansaar) banaana ham aatmaon ki kya shakti hai?jo svayan ko hi nahin bana sakte to vishwa ko kya banaayenge? vishwa ko badalna bahut mushkil samajhte hain। kyonki vartamaan sarva sattaaon ki result dekh chuke hain, isliye mushkil samajhte hain। aisi dilshikasta aatmaon ko, chinta ki chita par baithi hui aatmaon ko aapki shubh-chintak- shakti dilshikasta se dilkhush kar degi। jaise,doobe hue manushya ko tinke ka sahaara bhi dil khush kar deta hai, himmat mein le aata hai। to aapki shubhi chantak sthiti unhon ko sahaara anubhav hogi, jalti hui aatmaon ko sheetal jal ki anubhooti hogi।

sarva ka sahayog praapta karne ka aadhaar bhi shubh-chintak sthiti hai। jo sarva ke prati shubh-chintak hain, unko sarva se sahayog svatah hi praapta hota hi hai। shubhi chantak bhaavna auron ke man mein sahayog ki bhaavna sahaj aur svatah utpanna karegi। shubh chintak aatmaon ke prati harek ko dil ka sneh utpanna hota hai aur sneh hi sahayogi bana deta hai। jahaan sneh hota hai,vahaan samay,sampatti,sahayog sada nyauchhaavar karne ke liye taiyaar ho jaate hain। to shubh chintak snehi banaayega aur sneh sab prakaar ke sahayog mein nyauchhaavar banaayega। isliye, sada shubh-chintan se sampanna raho,shubh-chintak ban sarva ko snehi, sahayogi banaao। shubh-chintak aatma sarva ki sahaj sartiphket le sakti hai। shubh-chintak hi sada prasannata ki personality mein rah sakta hai, vishwa ke aage vishesh personality vaale ban sakte hain। aajkal personality vaali aatmaayen sirf naameegraami banti hain arthaat naam bulanda hota hai lekin aap roohaani personality vaale sirf naameegraami arthaat gaayan-yogya nahin lekin gaayan-yogya ke saath poojneey yogya bhi bante ho। kitne bhi bade dharma-kshetra mein, raajya-kshetra mein, science ke kshetra mein personality vaale prasiddha hue hain lekin aap roohaani personality samaan 63janma poojneey nahin bane hain। isliye yeh shubh-chintak banne ki visheshta hai। sarva ko jo praapti hoti hai - khushi ki, sahaare ki, himmat ke pankhon ki,umang-utsaah ki - yeh praapti ki duaayen, aasheervaaden kisko adhikaari bachche bana deti hain aur koi bhakta aatma ban jaate hain। isliye anek janma ke poojya ban jaate hain। shubh-chintak arthaat bahutkaal ki poojya aatmaaen।

isliye, yeh vishaal kaarya aarambha karne ke saath-saath jaise aur programme banaate ho, uske saath-saath sva ke prati programme banaao ki:-

*sada ke liye har aatma ke prati, aur anek prakaar ki bhaavnaaen parivartan kar ek shubh-chintak bhaavna sada rakhenge।

*sarva ko svayan se aage badhaane, aage rakhne ka shreshtha sahayog sada dete rahenge।

*better world arthaat shreshtha vishwa banaane ke liye sarva prati shreshtha kaamna dvaara sahayogi banenge।

*sada vyartha-chintan, par-chintan ko samaapta kar arthaat beeti baaton ko bindi lagaaye,bindi arthaat mani ban sada vishwa ko, sarva ko apni shreshtha bhaavna,shreshtha kaamna, sneh ki bhaavna, samartha banaane ki bhaavna ki kirnon se roshni dete rahengen।

yeh sva ka programme saare programme ke saphalta ka foundation hai। is foundation ko sada majboot rakhna। to pratyakshata ka aavaaj svatah hi bulanda hoga। samjha? sabhi, kaarya ke nimitta ho na। jab vishwa ko sahayogi banaate hain, to pahle to aap nimitta ho। chhote, bade,beemaar ho ya svastha ho, mahaarthi, ghodesvaar - sabhi sahayogi hain। pyaade to hain hi nahin। to sabhi ki anguli chaahiye। harek eent ka mahattva hai। koi foundation ki eent hai, koi oopar deevaar ki hai lekin ek-ek eent mahattva vaali hai। aap sabhi samajhte ho ki ham programme kar rahe hain ya samajhte ho programme vaale banaate hain,programme banaane vaalon ka programme hai? hamaara programme kehte ho na। to baapdaada bachchon ke vishaal kaarya ko, programme ko dekh harshit hain। desh-videsh mein vishaal kaarya ka umang-utsaah achha hai। harek brahman aatma ke andar vishwa ki aatmaon ke liye raham hai,taras hai ki hamaare sarva bhaai-bahnen baap ki pratyakshata ka aavaaj sunen ki baap apna kaarya kar raha hai। sameep aaven, sambandh mein aaven, adhikaari banen, poojya devta banen ya33 karod naam gaayan karne vaale hi banen lekin aavaaj zaroor sunen। aisa umang hai na? abhi to 9 laakh hi nahin banaaen hain। to samjha, apna programme hai। apnaapan hi apne programme mein apna vishwa banaayega। achha।

aaj paanch taraph ki paartiyaan aai hain। triveni kehte hain lekin ye paanch veni ho gai। paanch taraph ki nadiyaan saagar mein pahunch gai hain। to nadi aur saagar ka mela shreshtha mela hai। sabhi naye-puraane khushi mein naach rahe hain। jab na-ummeed se ummeed ho jaati to aur khushi hoti hai। puraanon ko bhi achaanak chance mila hai to aur jyaada khushi hoti hai। soch kar baithe the - pata nahin kab milenge? abhi milenge - yeh to socha bhi nahin tha। ‘kab'se ‘ab'ho jaata hai to khushi ka anubhav aur nyaara hota hai। achha। aaj videsh vaalon ko bhi vishesh yaadapyaar de rahe hain। vishesh sevaadhaari (jayanti behen) aai hai na। videsh-seva arth pahle nimitta bani na। vriksha ko dekh beej yaad aata hai। beejroop parivaar yeh nimitta bana videsh seva ke liye। to pahle nimitta parivaar ko yaad de rahe hain।

videsh ke sarva nimitta bane sevaadhaari bachche sada baap ko pratyaksha karne ke prayatna mein umang-utsaah se din-raat lage hue hain। unhon ko baar-baar yahi aavaaj kaanon mein goonjata hai ki videsh ke bulanda aavaaj se bhaarat mein baap ko pratyaksha karna hai। yeh aavaaj sada seva ke liye kadam aage badhaata rehta hai। vishesh seva ke umang-utsaah ka kaaran hai - baap se dil se pyaar, sneh hai। har kadam mein,har ghadi mukh mein ‘baba-baba'shabd rehta hai। jab bhi koi card athva gift bhejenge to usmein dil (heart) ka chitra zaroor banaate hain। iska kaaran hai ki dil mein sada dilaaraam hai। dil di hai aur dil li hai। dene aur lene mein hoshiyaar hain। isliye dil ka sauda karne vaale, dil se yaad karne vaale apni nishaani ‘dil' hi bhejte hain aur yahi dil ki yaad va dil ka sneh door hote bhi majority ko sameep ka anubhav karaata hai। sabse vishesh visheshta baapdaada yahi dekhte ki brahma baap se ati sneh hai। baap aur daada ke guhya raaz ko bahut sahaj anubhav mein laate hain। brahma baba ki saakaar paalna ka part na hote bhi avyakt paalna ka anubhav achha kar rahe hain। baap aur daada donon ka sambandh anubhav karna - is visheshta ke kaaran apni saphalta mein bahut sahaj badhte ja rahe hain। to harek desh vaale apna-apna naam pahle samjhen। harek bachcha apna naam samajhte hue baapdaada ka yaadapyaar sveekaar karna। samjha?

plan to bana hi rahe hain। desh, videsh ki reeti mein thoda-bahut antar to hota hai lekin preet ke kaaran reeti ka antar bhi ek hi lagta hai। videsh ka plan va bhaarat ka plan, lekin plan to ek hi hai। sirf tareeka thoda-bahut kahaan parivartan karna bhi padta hai। desh aur videsh ka sahayog is vishaal kaarya ko sada hi saphalta ko praapta karaata hi rahega। saphalta to sada bachchon ke saath hai hi। desh ka umang-utsaah aur videsh ka umang-utsaah - donon ka milkar kaarya ko aage badha raha hai aur sada hi aage badhta rahega। achha।

bhaarat ke chaaron or ke sada snehi, sahayogi bachchon ke sneh, sahayog ka shubh sankalp,shubh aavaaj baapdaada ke paas sada pahunchta rehta hai। desh, videsh ek do se aage hai। harek sthaan ki visheshta apni-apni hai। bhaarat baap ki avatran bhoomi hai aur bhaarat pratyakshata ka aavaaj bulanda karne ke nimitta bhoomi hai। aadi aur ant bhaarat mein hi part hain। videsh ka sahayog bhaarat mein pratyakshata karaayega aur bhaarat ki pratyakshata ka aavaaj videsh tak pahunchega। isliye, bhaarat ke bachchon ki visheshta sada shreshtha hai। bhaarat vaale sthaapna ke aadhaar bane। sthaapna ke aadhaarmoorta bhaarat ke bachche hain, isliye bhaaratvaasi bachchon ke bhaagya ka sabhi gaayan karte hain। yaad aur seva mein sada umang-utsaah se aage badh rahe hain aur badhte hi rahenge। isliye bhaarat ke har ek bachche apne-apne naam se baapdaada ka yaadapyaar sveekaar karna। to desh-videsh ke behad baap ke behad sevaadhaari bachchon ko baapdaada ka yaadapyaar aur namaste।

party se avyakt baapdaada ki mulaakaat

(1) sabhi raaj-rishi ho na?raaj arthaat adhikaari aur rishi arthaat tapasvi। tapasya ka bal sahaj parivartan karaane ka aadhaar hai। parmaatma-lagan se svayan ko aur vishwa ko sada ke liye nirvighna bana sakte hain। nirvighna banna aur nirvighna banaana - yahi seva karte ho na। anek prakaar ke vighnon se sarva aatmaon ko mukta karne vaale ho। to jeevanmukti ka vardaan baap se lekar auron ko dilaane vaale ho na। nirbandhan arthaat jeevanmukta।

(2) himmate bachche madde baap। bachchon ki himmat par sada baap ki madad padmaguna praapta hoti hai। bojh to baap ke oopar hai। lekin trustee ban sada baap ki yaad se aage badhte raho। baap ki yaad hi chhatrachhaaya hai। pichhla hisaab sooli hai lekin baap ki madad se kaanta ban jaata hai। paristhitiyaan aani zaroor hain kyonki sab kuchh yahaan hi chuktu karna hai। lekin baap ki madad kaanta bana deti hai,badi baat ko chhota bana deti hai kyonki bada baap saath hai। sada nishchay se aage badhte raho। har kadam mein trustee। trustee arthaat sab kuchh tera,mera-pan samaapta। grihasthi arthaat mera। tera hoga to badi baat, chhoti ho jaayegi aur mera hoga to chhoti baat, badi ho jaayegi। tera-pan halka banaata hai aur mera-pan bhaari banaata hai। to jab bhi bhaari anubhav karo to check karo ki kahaan mera-pan to nahin? mere ko tere mein badli kar do to usi ghadi halke ho jaayenge,saara bojh ek second mein samaapta ho jaayega।

(3) sada apne ko baap ki chhatrachhaaya mein rahne vaali vishesh aatmaaen anubhav karte ho? jahaan baap ki chhatrachhaaya hai,vahaan sada maaya se safe rahenge। chhatrachhaaya ke andar maaya aa nahin sakti। mehnat se svatah hi door ho jaayenge। sada mauj mein rahenge। kyonki jab mehnat hoti hai,to mehnat mauj anubhav nahin karaati। jaise, bachchon ki padhaai jab hoti hai to padhaai mein mehnat hoti hai na। jab imtihaan ke din hote hain to bahut mehnat karte hain,mauj se khelte nahin hain। aur jab mehnat khatma ho jaati hai, imtihaan khatma ho jaate hain to mauj karte hain। to jahaan mehnat hai, vahaan mauj nahin। jahaan mauj hai,vahaan mehnat nahin। chhatrachhaaya mein rahne vaale arthaat sada mauj mein rahne vaale। kyonki yahaan padhaai oonchi padhte ho lekin oonchi padhaai hote hue bhi nishchay hai ki ham vijayi hain hi, paas hue pade hain। isliye mauj mein rehte hain। kalpa-kalpa ki padhaai hai, nayi baat nahin hai। to sada mauj mein raho aur doosron ko bhi mauj mein rahne ka sandesh dete raho, seva karte raho। kyonki seva ka hi phal is samay bhi aur bhavishya mein bhi khaate rahenge। seva karenge tab to phal milega।

(4) apne ko sada double light anubhav karte ho? double arthaat pharishta aur pharishte ki nishaani hai - unka koi bhi deh aur dehdhaariyon se rishta nahin arthaat man ka lagaav nahin। to sada pharishte hokar har kaarya karte ho? kyonki pharishton ka paanv sada hi ooncha rehta hai,dharni par nahin rehta। dharni se ooncha arthaat deh-bhaan ki smriti se ooncha। aise pharishte bane ho?deh aur deh ki duniya donon ka anubhav achhi tarah se kar liya hai na?to jab anubhav kar liya to anubhav karne ke baad abhi phir se deh va deh ki duniya mein buddhi ja sakti hai? deh aur deh ki duniya ki smriti se ooncha rahne vaale pharishte bano। pharishte arthaat sarva bandhanon se mukta। to sab bandhan samaapta hue ya abhi samaapta karenge?duniya vaalon ko to kehte ho ki ‘ab nahin to kab nahin।' yeh pahle apne ko kehte ya doosron ko hi?doosron ko kehna arthaat pahle apne ko kehna। jab kisi se baat karte ho to pahle kaun sunta hai? pahle apne kaan sunte hain na। to kisi ko bhi kehna arthaat pahle apne aap ko kehna। to sada har kaarya mein ‘ab'karne vaale aage badhenge। agar ‘kab'par chhodenge to number aage nahin le sakenge, peechhe number mein aayenge।

(5) sabhi apne ko sada svadarshan-chakradhaari samajhte ho? sva ka darshan ho gaya hai na? aatma ka is srishti-chakra mein kya-kya part hai, unko jaanna arthaat svadarshan-chakradhaari banna। svadarshan-chakradhaari aatma sada maaya se mukta hai। svadarshan-chakradhaari hi baap ke priy hain kyonki gyaani tu aatma ban gaye na। sva ke chakra ko jaanna arthaat gyaani tu aatma banna। jo svadarshan chakradhaari hain,unke aage maaya thahar nahin sakti। woh sahaj hi maaya ko samaapta kar dete hain। to sabhi svadarshan-chakradhaari ho ya kabhi-kabhi chakra gir jaata hai? gyaan ko buddhi mein dhaaran karna arthaat svadarshan-chakra chalaana। ‘svadarshan chakra hi bhavishya mein chakravarti raaja banaayega'। to yeh vardaan sada yaad rakhna।