Avyakt murli du dimanche 6 décembre 1987

>

06-12-87om shanti avyakt baapdaadaamdhuban

siddhi ka aadhaar - ‘shreshtha vritti'

sva parivartan mein‘pahle main' aur seva mein ‘pahle aap' karne vaale - aise holeehans brahman aatmaon prati avyakt baapdaada bole

aaj baapdaada apne chaaron or ke holeehanson ki sabha ko dekh rahe hain। har ek holeehans apni shreshtha sthiti ke aasan par viraajmaan hai। sabhi aasandhaari holeehanson ki sabha saare kalpa mein alaukik aur nyaari hai। har ek holeehans apni visheshtaaon se ati sundar saja hua hai। visheshtaayen shreshtha shringaar hain। saje sajaaye holeehans kitne pyaare lagte hain? baapdaada har ek ki visheshtaaon ka shringaar dekh harshit hote hain। shringaare hue sabhi hain। kyonki baapdaada ne brahman janma dete hi bachpan se hi ‘vishesh aatma bhav' ka vardaan diya। nambarvaar hote bhi last number bhi vishesh aatma hai। brahman jeevan mein aana arthaat vishesh aatma mein aa hi gaye। brahman parivaar mein chaahe last number ho lekin vishwa ki anek aatmaon ke antar mein woh bhi vishesh gaaye jaate। isliye‘koton mein koi, koi mein bhi koi'gaaya hua hai। to braahmanon ki sabha arthaat vishesh aatmaon ki sabha।

aaj baapdaada dekh rahe the ki visheshtaaon ka shrringaar baap ne to sabhi ko samaan ek jaisa hi karaaya hai lekin koi us shrringaar ko dhaaran kar samay pramaan kaarya mein lagaate hain aur koi va to dhaaran nahin kar sakte va koi samay pramaan kaarya mein nahin laga sakte। jaise aajkal ki royal family vaale samay pramaan shrringaar karte hain to kitna achha lagta hai! jaisa samay vaisa shrringaar, isko kaha jaata hai - ‘knowledgeful'। aajkal shringaar ke alag-alag set rakhte hain na। to baapdaada ne anek visheshtaaon ke,anek shreshtha gunon ke kitne variety set diye hain! chaahe kitna bhi amoolya shringaar ho lekin samay pramaan agar nahin ho to kya lagega?aise visheshtaaon ke,gunon ke,shaktiyon ke,gyaan ke ratnon ke anek shringaar baap ne sabhi ko diye hain lekin number ban jaate hain - samay par kaarya mein lagaane ke। bhal yeh sab shringaar hain bhi lekin har ek visheshta va gun ka mahattva samay par hota hai। hote hue bhi samay par kaarya mein nahin lagaate to amoolya hote hue bhi uska moolya nahin hota। jis samay jo visheshta dhaaran karne ka kaarya hai usi visheshta ka hi moolya hai। jaise hans kankad aur ratna - donon ko parakh alag-alag kar ratna dhaaran karta hai। kankad ko chhod deta hai, baaki ratna-moti dhaaran karta hai। aise holeehans arthaat samay pramaan visheshta va gun ko parakh kar vahi samay par use kare। isko kehte hain - parakhne ki shakti,nirnay karne ki shakti vaala holeehans। to parakhna aur nirnay karna - yahi donon shaktiyaan number aage le jaati hain। jab yeh donon shaktiyaan dhaaran ho jaati tab samay pramaan usi visheshta se kaarya le sakte। to har ek holeehans apni in donon shaktiyon ko check karo। donon shaktiyaan samay par dhokha to nahin deti? samay beet jaane ke baad agar parakh bhi liya, nirnay kar bhi liya lekin samay to woh beet gaya na। jo number one holeehans hain,unhon ki yeh donon shaktiyaan sada samay pramaan kaarya karti hain। agar samay ke baad yeh shaktiyaan kaarya karti to second number mein aa jaate! third number ki to baat hi chhodo। aur samay par vahi hans kaarya kar sakta jiski sada buddhi holi (Holy) hai।

holi ka arth sunaaya tha na। ek holi arthaat pavitra aur hindi mein holi arthaat beeti so beeti। to jinki buddhi holi arthaat svachchha hai aur sada hi jo second, jo paristhiti beet gai woh ho li - yeh abhyaas hai, aisi buddhi vaale sada holi arthaat roohaani rang mein range hue rehte hain, sada hi baap ke sang ke rang mein range hue hain। to ek hi holi shabd teen roop se use hota hai। jismen yeh teenon hi arth ki visheshtaayen hain arthaat jin hanson ko yeh vidhi aati hai, woh har samay siddhi ko praapta hote hain। to aaj baapdaada holeehanson ki sabha mein sabhi holeehanson ki yeh visheshta dekh rahe hain। chaahe sthool kaarya athva roohaani kaarya ho lekin donon mein saphalta ka aadhaar parakhne aur nirnay karne ki shakti hai। kisi ke bhi samparka mein aate ho,jab tak uske bhaav aur bhaavna ko parakh nahin sakte aur parakhne ke baad yathaartha nirnay nahin kar paate, to donon kaarya mein saphalta nahin praapta hoti - chaahe vyakti ho va paristhiti ho। kyonki vyaktiyon ke sambandh mein bhi aana padta hai aur paristhitiyon ko bhi paar karna padta hai। jeevan mein yeh donon hi baaten aati hain। to number one holeehans arthaat donon visheshtaaon mein sampanna। yeh hua aaj ki is sabha ka samaachaar। yeh sabha arthaat sirf saamne baithe hue nahin। baapdaada ke saamne to aapke saath-saath chaaron or ke bachche bhi emerge hote hain। behad ke parivaar ke beech baapdaada milan manaate va roohrihaan karte hain। sabhi brahman aatmaayen apne yaad ki shakti se svayan bhi madhuban mein haajar hoti hain। aur baapdaada yeh bhi vishesh baat dekh rahe hain ki har ek bachche ke vidhi ki line aur siddhi ki line, yeh donon rekhaayen kitna spashta hain, aadi se ab tak vidhi kaisi rahi hai aur vidhi ke phalasvaroop siddhi kitni praapta ki hai,donon rekhaayen kitni spashta hain aur kitni lambi arthaat vidhi aur siddhi ka khaata kitna yathaartha roop se jama hai? vidhi ka aadhaar hai - ‘shreshtha vritti'। agar shreshtha vritti hai to yathaartha vidhi bhi hai aur yathaartha vidhi hai to siddhi shreshtha hai hi hai। to vidhi aur siddhi ka beej ‘vritti'hai। shreshtha vritti sada bhaai-bhaai ki aatmik vritti ho। yeh to mukhya baat hai hi lekin saath-saath samparka mein aate har aatma ke prati kalyaan ki, sneh ki, sahayog ki, nihsvaarthapan ki nirvikalp vritti ho, niravyartha-sankalp vritti ho। kai baar kisi bhi aatma ke prati vyartha sankalp va vikalpa ki vritti hoti hai to jaisi vritti,vaisi drishti aur vaise hi us aatma ke karttavya,karma ki srishti dikhaai degi। kabhi-kabhi bachchon ka sunte bhi hain aur dekhte bhi hain। vritti ke kaaran varnan bhi karte hain,chaahe woh kitna bhi achha kaarya kare lekin vritti vyartha hone ke kaaran sada hi us aatma ke prati vaani bhi aisi hi nikalti ki yeh to hai hi aisa,hota hi aisa hai। to yeh vritti,unke karma roopi srishti vaisi hi anubhav karaati hai। jaise aap log is duniya mein aankhon ki najar ke chashme ka drishtaanta dete hain; jis rang ka chashma pahnenge vahi dikhaai dega। aise yeh jaisi vritti hoti hai, to vritti drishti ko badalti hai, drishti - srishti ko badalti hai। agar vritti ka beej sada hi shreshtha hai to vidhi aur siddhi saphaltaapoorvak hai hi। to pahle vritti ke foundation ko check karo। usko shreshtha vritti kaha jaata hai। agar kisi sambandh-samparka mein shreshtha vritti ke bajaae mix hai to bhal kitni bhi vidhi apnaao lekin siddhi nahin hogi। kyonki beej hai vritti aur vriksha hai vidhi aur phal hai siddhi। agar beej kamzor hai to phal chaahe kitna bhi vistaar vaala ho lekin siddhi roopi phal nahin hoga। isi vritti aur vidhi ke oopar baapdaada bachchon ke prati ek vishesh rooh-roohaan kar rahe the।

sva-unnati ke prati va seva ki saphalta ke prati ek ramneek slogan rooh-roohaan mein bata rahe the। aap si yeh slogan ek do mein kehte bhi hodya har kaarya mein ‘pahle aap' - yeh slogan yaad hai na? ek hai ‘pahle aap', doosra hai ‘pahle main'। donon slogan‘pahle aap' aur‘pahle main' - donon aavashyak hain। lekin baapdaada rooh-roohaan karte muskara rahe the। jahaan ‘pahle main'hona chaahiye vahaan‘pahle aap'kar dete, jahaan‘pahle aap'karna chaahiye vahaan ‘pahle main' kar dete। badli kar dete hain। jab koi sva-parivartan ki baat aati hai to kehte ho ‘pahle aap', yeh badle to main badloon। to pahle aap hua na। aur jab koi seva ka ya koi aisi paristhiti ko saamna karne ka chance banta hai to koshish karte hain - pahle main,main bhi to kuchh hoon, mujhe bhi kuchh milna chaahiye। to jahaan ‘pahle aap' kehna chaahiye, vahaan‘main' kah dete। sada svamaan mein sthit ho doosre ko svamaan dena arthaat‘pahle aap'karna। sirf mukh se kaho ‘pahle aap' aur karma mein antar ho - yeh nahin। svamaan mein sthit ho svamaan dena hai। svamaan dena va svamaan mein sthit hona,uski nishaani kya hogi? usmein do baaten sada check karo –

ek hoti hai abhimaan ki vritti, doosri hai apmaan ki vritti। jo svamaan mein sthit hota hai aur doosre ko svamaan dene vaala daata hota, usmein yeh donon vritti nahin hogi - na abhimaan ki, na apmaan ki। yeh to karta hi aisa hai, yeh hota hi aisa hai, to yeh bhi royal roop ka us aatma ka apmaan hai। svamaan mein sthit hokar svamaan dena isko kehte hain ‘pahle aap' karna। samjha? aur jo bhi sva-unnati ki baat ho usmein sada ‘pahle main' ka slogan yaad ho to kya result hogi? pahle main arthaat ‘jo ote so arjun'। arjun arthaat vishesh aatma,nyaari aatma, alaukik aatma, alaukik vishesh aatma। jaise brahma baap sada ‘pahle main' ke slogan se jo ote so arjun bana na, arthaat number one aatma। number one ka sunaaya - number one division। vaise number one to ek hi hoga na। to slogan hain donon zaroori। lekin sunaaya na - number kis aadhaar par bante। jo samay pramaan koi bhi visheshta ko kaarya mein nahin lagaate to number aage pichhe ho jaata। samay par jo kaarya mein lagaata hai,woh win karta hai arthaat one ho jaata। to yeh check karo। kyonki is varsha sva ki checking ki baaten suna rahe hain। bhinna-bhinna baaten sunaai hain na? to aaj in baaton ko check karna - ‘aap' ke bajaae ‘main', ‘main' ke bajaae ‘aap'to nahin kar dete ho? isko kehte hain yathaartha vidhi। jahaan yathaartha vidhi hai vahaan siddhi hai hi। aur is vritti ki vidhi sunaai। do baaton ki checking karna - na abhimaan ki vritti ho, na apmaan ki। jahaan yeh donon ki apraapti hai vahaan hi ‘svamaan'ki praapti hai। aap kaho na kaho,socho na socho lekin vyakti, prakriti - donon hi sada svatah hi svamaan dete rahenge। sankalp-maatra bhi svamaan ke praapti ki ichchha se svamaan nahin milega। nirmeen banna arthaat‘pahle aap' kehna। nirmeen sthiti svatah hi svamaan dilaayegi। svamaan ki paristhitiyon mein ‘pahle aap' kehna arthaat baap samaan banna। jaise brahma baap ne sada hi svamaan dene mein pahle jagat amba pahle sarasvati maa,peechhe brahma baap rakha। brahma maata hote hue bhi svamaan deno ke arth jagat amba maa ko aage rakha। har kaarya mein bachchon ko aage rakha aur purooshaartha ki sthiti mein sada svayan ko ‘pahle main'engine ke roop mein dekha। engine aage hota hai na। sada yeh saakaar jeevan mein dekha ki jo main karoonga mujhe dekh sabhi karenge। to vidhi, mein,sva-unnati mein va teevra purooshaartha ki line mein sada ‘pahle main'rakha। to aaj vidhi aur siddhi ki rekhaayen check kar rahe the। samjha? to badli nahin kar dena। yeh badli karna maana bhaagya ko badli karna। sada holeehans ban nirnay shakti,parakhne ki shakti ko samay par kaarya mein lagaane vaale vishaal buddhi bano aur sada vritti roopi beej ko shreshtha banaae vidhi aur siddhi sada shreshtha anubhav karte chalo।

pahle bhi sunaaya tha ki baapdaada ka bachchon se sneh hai। sneh ki nishaani kya hoti hai? sneh vaala snehi ki kami ko dekh nahin sakta, sada svayan ko aur snehi aatma ko sampanna samaan dekhna chaahta hai। samjha? to baar-baar attention khinchavaate, checking karaate - yahi sampanna banaane ka sachcha sneh hai। achha –

abhi sab taraph se puraane bachche majority mein hain। puraana kisko kehte hain, arth jaante ho na? baapdaada puraanon ko kehte hain - sab baaton mein pakke। puraane arthaat pakke। anubhav bhi pakka banaata hai। aisa kachcha nahin jo jara-si maaya billi aave aur ghabra jaaven। sabhi puraane - pakke aaye ho na?milne ka chance lene ke liye sabhi ‘pahle main' kiya to koi harja nahin। lekin har kaarya mein kaayda aur phaayda to hai hi। aise bhi nahin ‘pahle main' to iska matlab ek hajaar aa jaaen। saakaar srishti mein kaayda bhi hai, phaayda bhi hai। avyakt vatan mein kaayde ki baat nahin, kaayda banaana nahin padta। avyakt milan ke liye mehnat lagti hai, saakaar milan sahaj lagta hai। isliye bhaag aate ho। lekin samay pramaan jitna kaayda utna phaayda hota hai। baapdaada thoda bhi eeshaara dete hain to samajhte hain - ab pata nahin kya hone vaala hai?agar kuchh hona bhi hoga to bataakar nahin hoga। saakaar baap avyakt hue to bataakar gaye kya? jo achaanak hota hai woh alaukik pyaara hota hai। isliye baapdaada kehte hain sada ever ready raho। jo hoga woh achhe te achha hoga। samjha? achha –

sarva holeehanson ko, sarva vishaal buddhi,shreshtha svachchha buddhi dhaaran karne vaale buddhivaan bachchon ko, sarva shaktiyon ko,sarva visheshtaaon ko samay pramaan kaarya mein laane vaale gyaani tu aatmaayen,yogi tu aatmaayen bachchon ko, sada baap samaan banne ke umang-utsaah mein rahne vaale sampanna bachchon ko baapdaada ka yaadapyaar aur namaste।

avyakt baapdaada ki party se mulaakaat

(1) sada apne ko samartha baap ke samartha bachche anubhav karte ho? kabhi samartha,kabhi kamzor - aise to nahin?samartha arthaat sada vijayi। samartha ki kabhi haar nahin ho sakti। svapna mein bhi haar nahin ho sakti। svapna, sankalp aur karma sabmen sada vijayi - isko kehte hain‘samartha'। aise samartha ho?kyonki jo ab ke vijayi hain, bahutkaal se vahi vijay maala mein gaayan-poojan yogya bante hain। agar bahutkaal ke vijayi nahin,samartha nahin to bahutkaal ke gaayan-poojan yogya nahin bante hain। jo sada aur bahut kaal vijayi hain,vahi bahut samay vijay maala mein gaayan-poojan mein aate hain aur jo kabhi-kabhi ke vijayi hain,woh kabhi-kabhi ki arthaat 16 hajaar ki maala mein aayenge। to bahutkaal ka hisaab hai aur sada ka hisaab hai। 16 hajaar ki maala sabhi mandiron mein nahin hoti, kahaan-kahaan hoti hai।

(2) sabhi apne ko is vishaal drama ke andar hero paartadhaari aatmaayen anubhav karte ho? aap sabka hero part hai। hero paartadhaari kyon bane? kyonki jo oonche te ooncha baap zero hai - uske saath part bajaane vaale ho। aap bhi zero arthaat bindi ho। lekin aap shareerdhaari bante ho aur baap sada zero hai। to zero ke saath part bajaane vaale hero actor hain - yeh smriti rahe to sada hi yathaartha part bajaayenge, svatah hi attention jaayega। jaise had ke drama ke andar hero paartadhaari ko kitna attention rehta hai! sabse bade te bada hero part aap sabka hai। sada is nashe aur khushi mein raho - vaah,mera hero part jo saare vishwa ki aatmaayen baar-baar hear-hear karti hain! yeh dvaapar se jo keertan karte hain yeh aapke is samay ke hero part ka hi yaadgaar hai। kitna achha yaadgaar bana hua hai! aap svayan hero bane ho tab aapke peechhe ab tak bhi aapka gaayan chalta rehta hai। antim janma mein bhi apna gaayan sun rahe hain। gopeevallabh ka bhi gaayan hai to gvaal baap ka bhi gaayan hai,gopikaaon ka bhi gaayan hai। baap ka shiv ke roop mein gaayan hai to bachchon ka shaktiyon ke roop mein gaayan hai। to sada hero part bajaane vaali shreshtha aatmaayen hain - isi smriti mein khushi mein aage badhte chalo।

kumaaron se

(1) sahajyogi kumaar ho na?nirantar yogi kumaar,karmayogi kumaar। kyonki kumaar jitna apne ko aage badhaane chaahen utna badha sakte hain। kyon?nirbandhan hai, bojh nahin hain aur jimmevaari nahin hai isliye halke hain। halke hone ke kaaran jitna ooncha jaana chaahe ja sakte hain। nirantar yogi, sahaj yogi - yeh hai oonchi sthiti,yeh hai ooncha jaana। aise oonch sthiti vaale ko kehte hain - ‘vijayi kumaar'। vijayi ho ya kabhi haar,kabhi jeet - yeh khel to nahin khelte ho? agar kabhi haar kabhi jeet ke sanskaar honge to ekras sthiti ka anubhav nahin hoga। ek ki lagna mein magna rahne ka anubhav nahin karenge।

(2) sada har karma mein kamaal karne vaale kumaar ho na? koi bhi karma saadhaaran nahin ho, kamaal ka ho। jaise baap ki mahima karte ho, baap ki kamaal gaate ho। aise kumaar arthaat har karma mein kamaal dikhaane vaale। kabhi kaise, kabhi kaise vaale nahin। aise nahin aajhaan koi kheenche vahaan khinch jaao। ludhakne vaale lote nahin। kabhi kahaan ludhak jaao,kabhi kahaan। aise nahin। kamaal karne vaale bano। avinaashi hain,avinaashi banaane vaale hain - aise challenge karne vaale bano। aisi kamaal karke dikhaao jo harek kumaar chalta-phirta pharishta ho,door se hi pharishtepan ki jhalak anubhav ho। vaani se seva ke programme to bahut bana liye,woh to karenge hi lekin aajkal pratyaksha proof chaahte hain। pratyaksha pramaan, sabse shreshtha pramaan hai। pratyaksha pramaan itne ho jaaen to sahaj seva ho jaayegi। pharishtepan ki seva karo to mehnat kam saphalta jyaada hogi। sirf vaani se seva nahin karo lekin man vaani aur karma teenon se saath-saath seva ho - isko kehte hain ‘kamaal'। achha –

vidaai ke samay

chaaron or ke teevra purooshaarthi, sada sevaadhaari, sada double light ban auron ko bhi double light banaane vaale,saphalta ko adhikaar se praapta karne vaale, sada baap samaan aage badhne vaale aur auron ko bhi aage badhaane vaale, aise sada umang-utsaah mein rahne vaale shreshtha aatmaon ko,snehi bachchon ko baapdaada ka bahut-bahut sik va prem se yaadapyaar aur goodmorning।