Avyakt murli du jeudi 10 décembre 1987

>

10-12-87om shanti avyakt baapdaadaamdhuban

tan, man,dhan aur sambandh ka shreshtha sauda

sarva khazaanon ke akhut bhandaar, sarva shaktiyon ke daata, ratnaagar baap apne parmaatma-saudaagar bachchon prati bole

aaj sarva khazaanon ke saagar ratnaagar baap apne bachchon ko dekh muskara rahe hain ki sarva khazaanon ke ratnaagar baap ke saudaagar bachche arthaat sauda karne vaale kaun hain aur kisse sauda kiya hai? parmaatma-sauda dene vaale aur paramatma se sauda karne vaali soortiyaan kitni bholi hain aur sauda kitna bada kiya hai! yeh itna bada sauda karne vaale saudaagar aatmaayen hain - yeh duniya vaalon ki samajh mein nahin aa sakta। duniya vaale jin aatmaon ko naaummeed,ati gareeb samajh, asambhav samajh kinaare kar diya ki yeh kanyaayen, maataayen parmaatma-praapti ke kya adhikaari banenge? lekin baap ne pahle maataaon, kanyaaon ko hi itna bade te bada sauda karne vaali shreshtha aasaami bana diya। gyaan ka kalash pahle maataaon, kanyaaon ke oopar rakha। yagya-maata jagdamba nimitta gareeb kanya ko banaaya। maataaon ke paas phir bhi apni kuchh na kuchh chhipi hui property rehti hai lekin kanya maataaon se bhi gareeb hoti। to baap ne gareeb se gareeb ko pahle saudaagar banaaya aur sauda kitna bada kiya! jo gareeb kumaari se jagat- amba so dhan devi lakshmi bana diya! jo aaj din tak bhi bhal kitne bhi multi-milineeyar (karodapti) hon lekin lakshmi se dhan zaroor maangenge, pooja zaroor karenge। ratnaagar baap apne saudaagar bachchon ko dekh harshit ho rahe hain। ek janma ka sauda karne se anek janma sada maalaamaal bharpoor ho jaate hain। aur nimitta sauda karne vaala bhal kitna bhi bada bijnismain ho lekin woh sirf dhan ka sauda, vastu ka sauda karenge। ek hi behad ka baap hai jo dhan ka bhi sauda karte, man ka bhi sauda karte, tan ka bhi aur sada shreshtha sambandh ka bhi sauda karte। aisa daata koi dekha? chaaron hi prakaar ke saude kiye hain na? tan sada tanduroosta rahega, man sada khush, dhan ke bhandaar bharpoor aur sambandh mein nihsvaartha sneh। aur guarantee hai। aajkal bhi jo moolyavaan vastu hoti hai uski guarantee dete hain। 5 varsha, 10 varsha ki guarantee denge, aur kya karenge?lekin ratnaagar baap kitne samay ki guarantee dete hain? anek janmon ki guarantee dete hain। chaaron mein ek ki bhi kami nahin ho sakti। chaahe praja ki praja bhi banen lekin unko bhi last janma tak arthaat treta ke ant tak bhi yeh chaaron hi baaten praapta hongi। aisa sauda kab kiya?ab to kiya hai na sauda?pakka sauda kiya hai ya kachcha? paramatma se kitna sasta sauda kiya hai! kya diya, koi kaam ki cheez di?

foreigners baapdaada ke paas sadaiv dil banaakar bhej dete hain। patra bhi dil ke chitra ke andar likhenge, gift bhi dil ki bhejenge। to dil diya na। lekin kaunsi dil di? ek dil ke kitne tukde hue pade the? maa,baap, chaacha,maama, kitni lambi list hai? agar sambandh ki list nikaalo kaliyug mein to kitni lambi list hogi! ek sambandh mein dil de diya, doosra vastuon mein bhi dil de di… to dil lagaane vaali vastuen kitni hain, vyakti kitne hain? sabmen dil lagaake dil hi tukda-tukda kar di। baap ne anek tukde vaali dil ko ek taraph jod liya। to diya kya aur liya kya! aur sauda karne ki vidhi kitni sahaj hai! second ka sauda hai na। ‘‘baba'' shabd hi vidhi hai। ek shabd ki vidhi hai, ismen kitna samay lagta? sirf dil se kaha - ‘‘baba'' to second mein sauda ho gaya। kitni sahaj vidhi hai। itna sasta sauda sivaae is sangamayug ke aur kisi bhi yug mein nahin kar sakte। to saudaagron ki soorat-moorat dekh rahe the। duniya ke antar mein kitne bhole-bhaale hain! lekin kamaal to in bhole-bhaalon ne kiya hai। sauda karne mein to hoshiyaar nikle na। aaj ke badebad e naameegraami dhanvaan, dhan kamaane ke bajaae dhan ko sambhaalne ki uljhan mein pade hue hain। usi uljhan mein baap ko pahchaanne ki bhi phursat nahin hai। apne ko bachaane mein,dhan ko bachaane mein hi samay chala jaata hai। baadshaah bhi hon lekin phikar vaale baadshaah hain। kyonki phir bhi kaala dhan hai na। isliye phikar vaale baadshaah hain। aur aap baahar se bin kaudi ho lekin‘bephikar baadshaah' ho,beggar hote bhi baadshaah। shuru-shuru mein sign kya karte the? beggar tu prince। abhi baadshaah aur bhavishya mein bhi baadshaah hain। aajkal ke number one dhanvaan aasaami ho lekin unke saamne aapke treta ant vaali praja bhi jyaada dhanvaan hogi। aajkal ki sankhya ke hisaab se socho - dhan to vahi hoga,aur hi daba hua dhan bhi niklega। to jitni badi sankhya hai, usi pramaan dhan baanta hua hai। aur vahaan sankhya kitni hogi? usi hisaab se dekho to kitna dhan hoga! praja ko bhi apraapta koi vastu nahin। to baadshaah hue na। baadshaah ka arth yeh nahin ki takhta par baithen। baadshaah arthaat bharpoor, koi apraapti nahin, kami nahin। to aisa sauda kar liya hai ya kar rahe ho? va abhi soch rahe ho? kabhi koi badi cheez sasti aur sahaj mil jaati hai to bhi uljhan mein pad jaate ki pata nahin theek hai va nahin? aisi uljhan mein to nahin ho na?kyonki bhakti maarga vaalon ne sahaj ko itna mushkil kar aur chakra mein daal diya hai, jo aaj bhi baap ko usi roop se dhoondhate rehte hain। chhoti baat ko badi baat bana di hai, isliye uljhan mein pad jaate hain। oonche te ooncha bhagwan unse milne ki vidhiyaan bhi lambi-chaudi bata di। usi chakra mein bhakta aatmaayen soch mein hi padi hui hain। bhagwan bhakti ka phal dene bhi aa gaye hain lekin bhakta aatmaayen uljhan ke kaaran patte-patte ko paani dene mein hi busy hain। kitna bhi aap sandesh dete ho to kya kehte hain?itna ooncha bhagwan, aise sahaj aaye - ho hi nahin sakta। isliye baap muskara rahe the ki aajkal ke chaahe bhakti ke naameegraami,chaahe dhan ke naameegraami,chaahe kisi bhi occupation ke naameegraami - apne hi kaarya mein busy hain। lekin aap saadhaaran aatmaon ne baap se soda kar liya। paandavon ne pakka sauda kar liya na?double foreigners sauda karne mein hoshiyaar hain। sauda to sabne kiya lekin sab baat mein nambarvaar hote hain। baap ne to sabhi ko ek jaise sarva khazaane diye kyonki akhut saagar hai। baap ko dene mein nambarvaar dene ki aavashyakta hi nahin hai।

jaise aajkal ki vinaashkaari aatmaayen kehti hain ki vinaash ki itni saamagri taiyaar ki hai jo aisi kai duniya vinaash ho sakti hai। baap bhi kehte baap ke paas bhi itna khazaana hai jo saare vishwa ki aatmaayen aap jaise samajhdaar ban sauda kar len to bhi akhut hai। jitni aap braahmanon ki sankhya hai, usse aur padmaguna bhi aa jaae to bhi le sakte hain। itna athaah khazaana hai! lekin lene vaalon mein number ho jaate hain। khule dil se sauda karne vaale himmatvaan thode hi nikalte hain। isliye do prakaar ki maala pooji jaati hai। kahaan ashta ratna aur kahaan 16 hajaar ka last! kitna antar ho gaya! sauda karne mein to ek jaisa hi hai। last number bhi kehta - ‘baba' aur first number bhi kehta - ‘baba'। shabd mein antar nahin hai। sauda karne ki vidhi ek jaisi hai aur dene vaala daata bhi ek jaisa deta hai। gyaan ka khazaana va shaktiyon ka khazaana, jo bhi sangamayugi khazaane jaante ho, sabke paas ek jaisa hi hai। kisko sarvashaktiyaan di, kisko ek shakti di va kisko ek gun va kisko sarvagun diye - yeh antar nahin। sabhi ki title ek hi hai - aadi-madhya-ant ke gyaan ko jaanne vaale trikaaldarshi,master sarvashaktivaan hain। aise nahin ki koi sarvashaktivaan hai, koi sirf shaktivaan hai। nahin। sabhi ko sarvagun sampanna banne vaali dev aatma kehte hain, gun moorti kehte hain। khazaana sabhi ke paas hai। ek maas se study karne vaala bhi gyaan ka khazaana aise hi varnan karta jaise 50 varsha vaale varnan karte hain। agar ek-ek gun par, shaktiyon par bhaashan karne ke liye kahen to bahut achha bhaashan kar sakte hain। buddhi mein hai tab to kar sakte hain na। to khazaana sabke paas hai, baaki antar kya ho gaya? number one saudaagar khazaane ko sva ke prati manan karne se kaarya mein lagaate hain। usi anubhav ki athaarti se anubhvi ban doosron ko baantate। kaarya mein lagaana arthaat khazaane ko badhaana। ek hain sirf varnan karne vaale, doosre hain manan karne vaale। to manan karne vaale jisko bhi dete hain woh svayan anubhvi hone ke kaaran doosre ko bhi anubhvi bana sakte hain। varnan karne vaale doosre ko bhi varnan karne vaala bana dete। mahima karte rahenge, lekin anubhvi nahin banenge। svayan mahaan nahin banenge lekin mahima karne vaale banenge।

to number one arthaat manan shakti se khazaane ke anubhvi ban anubhvi banaane vaale arthaat doosre ko bhi dhanvaan banaane vaale। isliye unhon ka khazaana sada badhta jaata hai aur samay pramaan svayan prati aur doosron ke prati kaarya mein lagaane se saphalta swaroop sada rehte hain। sirf varnan karne vaale doosre ko bhi dhanvaan nahin bana sakenge aur apne prati bhi samay pramaan jo shakti, jo gun, jo gyaan ki baaten use karni chaahiye woh samay par nahin kar sakenge। isliye khazaane ke bharpoor swaroop ka sukh aur daata ban dene ka anubhav nahin kar sakte। dhan hote bhi dhan se sukh nahin le sakte। shakti hote bhi samay par shakti dvaara saphalta pa nahin sakte। gun hote bhi samay pramaan us gun ko use nahin kar sakte। sirf varnan kar sakte hain। dhan sabke paas hai lekin dhan ka sukh samay par use karne se anubhav hota। jaise aajkal ke samay mein bhi koi-koi vinaashi dhanvaan ke paas bhi dhan bank mein hoga,almaari mein hoga ya takiye ke neeche hoga,na khud kaarya mein laayega,na auron ko lagaane dega। na svayan laabh lega, na doosron ko laabh dega। to dhan hote bhi sukh to nahin liya na। takiye ke neeche hi rah jaayega, khud chala jaayega। to yeh varnan karna arthaat use na karna,sada gareeb dikhaai denge। yeh dhan bhi agar svayan prati va doosron prati samay pramaan use nahin karte,sirf buddhi mein rakha hai to na svayan avinaashi dhan ke nashe mein, khushi mein rehte, na doosron ko de sakte। sada hi kya karen, kaise karen… is vidhi chalte rahenge। isliye do maalaayen ho jaati hain। woh manan karne vaali,woh sirf varnan karne vaali। to kaun se saudaagar ho, number one vaale ya doosre number vaale?is khazaane ka condition (sharta) yeh hai - jitna auron ko denge, jitna kaarya mein lagaayenge utna badhega। vriddhi hone ki vidhi yeh hai। ismen vidhi ko na apnaane ke kaaran svayan mein bhi vriddhi nahin aur doosron ki seva karne mein bhi vriddhi nahin। sankhya ki vriddhi nahin kah rahe hain, sampanna banaane ki vriddhi। kai students sankhya mein to ginti mein aate hain lekin ab tak bhi kehte rehte - samajh mein nahin aata yog kya hai, baap ko yaad kaise karen?abhi shakti nahin hai। to students ki line mein to hain, register mein naam hai lekin dhanvaan to nahin bana na। maangata hi rahega। kabhi koi teacher ke paas jaayega - madad de do, kabhi baap se rooh-roohaan karega - madad de do। to bharpoor to nahin hua na। jo svayan apne prati manan shakti se dhan ko badhaata hai woh doosre ko bhi dhan mein aage badha sakta hain। manan shakti arthaat dhan ko badhaana। to dhanvaan ki khushi, dhanvaan ka sukh anubhav karna। samjha?manan shakti ka mahattva bahut hai। pahle bhi thoda ishaara sunaaya hai। aur bhi manan shakti ke mahattva ka aage sunaayenge। check karne ka kaam dete rehte hain। result aaoot ho aur phir aap kaho ki humein to pata nahin,yeh baat to baapdaada ne kahi nahin thi। isliye roj sunaate rehte hain। check karna arthaat change karna। achha –

sarva shreshtha saudaagar aatmaon ko, sada sarva khazaanon ko samay pramaan kaarya mein lagaane vaale mahaan vishaal buddhivaan bachchon ko, sada svayan ko aur sarva ko sampanna anubhav kar anubhvi banaane vaale anubhav ki athaarti vaale bachchon ko almighty athaarti baapdaada ka yaadapyaar aur namaste।

party se avyakt baapdaada ki mulaakaat (eastern zone)

(1) east se soorya uday hota hai na। to eastern zone arthaat sada gyaan soorya uday hai hi। eastern vaale arthaat sada gyaan soorya ke prakaash dvaara har aatma ko roshni mein laane vaale,andhakaar samaapta karne vaale। soorya ka kaam hai andhakaar ko khatma karna। to aap sab master gyaan soorya arthaat chaaron or ka agyaan samaapta karne vaale ho na। sabhi isi seva mein busy rehte ho ya apni va pravritti ki paristhitiyon ke jhanjhat mein phanse rehte ho?soorya ka kaam hai roshni dene ke kaarya mein busy rehna। chaahe pravritti mein, chaahe koi bhi vyavhaar mein ho, chaahe koi bhi paristhiti saamne aaye lekin soorya roshni dene ke kaarya ke bina rah nahin sakta। to aise master gyaan soorya ho ya kabhi uljhan mein aa jaate ho? pahla karttavya hai- gyaan ki roshni dena। jab yeh smriti mein rehta hai ki parmaartha dvaara vyavhaar aur parivaar donon ko shreshtha banaana hai tab yeh seva svatah hoti hai। jahaan parmaartha hai vahaan vyavhaar siddha va sahaj ho jaata hai। aur parmaartha ki bhaavna se parivaar mein bhi sachcha pyaar,ekta svatah hi aa jaati hai। to parivaar bhi shreshtha aur vyavhaar bhi shreshtha। parmaartha vyavhaar se kinaara nahin karaata, aur hi parmaartha-kaarya mein busy rahne se parivaar aur vyavhaar mein sahaara mil jaata hai। to parmaartha mein sada aage badhte chalo। nepaal vaalon ki nishaani mein bhi soorya dikhaate hain na। vaise raajaaon mein sooryavanshi raajaayen prasiddha hain,shreshtha maane jaate hain। to aap bhi master gyaan soorya sabko roshni dene vaale ho। achha –