Avyakt murli du jeudi 3 mars 1988

>

03 - 03 - 88 om shanti avyakt baapdaadaamdhuban

holi kaise manaayen tatha sadaakaal ka parivartan kaise ho?

do prakaar ke mahaarthi bachchon ko sadaakaal ka parivartan na hone ka kaaran aur nivaaran ki yuktiyaan bataate hue highest holiest shivaabaaba bole

aaj sarva ke bhaagyavidhaata baap apne holeehanson se gyaan ratnon ki holi manaane aaye hain। manaana arthaat milan manaana। baapdaada har ek ati snehi, sahajyogi,sada baap ke kaarya mein sahayogi, sada paavan vritti se, paavan drishti se srishti ko parivartan karne vaale sarva holi bachchon ko dekh sada harshit hote hain। paavan to aajkal ke gaaye hue mahaatmaayen bhi bante hain lekin aap shreshtha aatmaayen highest holi bante ho arthaat sankalp - maatra, svapna maatra bhi apvitrata vritti ko, drishti ko paavan sthiti se neeche nahin la sakti। har sankalp arthaat smriti paavan hone ke kaaran vritti, drishti svatah hi paavan ho jaati hai। na sirf aap paavan bante ho lekin prakriti ko bhi paavan bana dete ho। isliye paavan prakriti ke kaaran bhavishya anek janma shareer bhi paavan milte hain। aise holeehans va sada paavan sankalpadhaari shreshtha aatmaayen ban jaati ho। oonche - te - ooncha baap har baat mein shreshtha jeevan vaale banaate hain। pavitrata bhi oonche - te - oonchi pavitrata, saadhaaran nahin। saadhaaran pavitra aatmaayen aap mahaan pavitra aatmaon ke aage man se maanne ka namaskaar karenge ki aapki pavitrata ati shreshtha hai। aajkal ke grihasthi apne ko apvitra samajhne ke kaaran jin pavitra aatmaon ko mahaan samajhkar sir jhukaate hain, woh mahaan aatmaayen kahlaane vaali aap shreshtha paavan aatmaon ke aage maanengi ki aapki pavitrata aur hamaari pavitrata mein mahaan antar hai।

yeh holi ka utsav aap paavan aatmaon ke paavan banne ki vidhi ka yaadgaar hai। kyonki aap sabhi nambarvaar paavan aatmaayen baap ke yaad ki lagna ki agni dvaara sada ke liye apvitrata ko jala dete ho। isliye pahle jalaane ki holi manaate hain, phir rang ki holi va mangal - milan manaate hain। jalaana arthaat naam - nishaan samaapta karna। vaise kisko naam - nishaan se khatma karna hota hai to kya karte ho? jala dete hain। isliye raavan ko bhi maarne ke baad jala dete hain। yeh aap aatmaon ka yaadgaar hai। apvitrata ko jala diya arthaat paavan‘holi' ban gaye। baapdaada sadaiv sunaate hi hain ki braahmanon ka holi manaana arthaat holi (pavitra) banaana। to yeh check karo ki apvitrata ko sirf maara hai ya jalaaya hai?marne vaale phir bhi jinda ho jaate hain,kahaan - na - kahaan shvaans chhipa rah jaata hai। lekin jalna arthaat naam - nishaan samaapta karna। kahaan tak pahunche hain,apne aap ko check karna pade। svapna mein bhi apvitrata ka chhipa hua shvaans phir se jeevit nahin hona chaahiye। isko kehte hain - shreshtha paavan aatma। sankalp se svapna bhi parivartit ho jaate hain।

aaj vatan mein baapdaada bachchon ke samay - prati - samay sankalp dvaara va likhit dvaara baap se kiye hue vaayde dekh rahe the। chaahe sthiti mein mahaarthi, chaahe seva mein mahaarthi - donon ke samay - prati - samay ke vaayde bahut achhe - achhe kiye hue hain। mahaarthi bhi do prakaar ke hain। ek hain apne vardaan va varse ki praapti ke purooshaartha ke aadhaar se mahaarthi aur doosre hain koi na koi seva ki visheshta ke aadhaar se mahaarthi। kahlaate donon hi mahaarthi hain lekin jo pahla number sunaaya - sthiti ke aadhaar vaale, woh sada man se ateendriy sukh ke, santushtata ke, sarva ke dil ke sneh ke praapti swaroop ke jhoole mein jhoolte rehte hain। aur doosra number seva ki visheshta ke aadhaar vaale tan se arthaat baahar se seva ki visheshta ke phalasvaroop santushta dikhaai denge। seva ki visheshta ke kaaran seva ke aadhaar par man ki santushtata hai। seva ki visheshta - kaaran sarva ka sneh bhi hoga lekin man se va dil se sada nahin hoga। kabhi baahar se,kabhi dil se। lekin seva ki visheshta mahaarthi bana deti hai। ginti mein mahaarthi ki line mein aata hai।

to aaj baapdaada mahaarthi va purooshaarthi - donon ke vaayde dekh rahe the। abhi - abhi najdeek mein vaayde bahut kiye hain। to kya dekha?vaayde se phaayda to hota hai kyonki dridhta ka phal ‘attention' rehta hai। baar - baar vaayde ki smriti samarthi dilaati hai। is kaaran thoda bahut parivartan bhi hota hai। lekin beej daba hua rehta hai। isliye jab aisa samay va samasya aati hai to ‘samasya'va ‘kaaran'ka paani milne se daba hua beej phir se patte nikalna shuru kar deta hai। sada ke liye samaapta nahin hota hai। baapdaada dekh rahe the - jalaane ki holi kinhon ne manaai jab beej ko jalaaya jaata hai to jala huba beej kabhi phal nahin deta। vaayde to sabhi ne kiye ki beeti ko beeti kar jo ab tak hua, chaahe apne prati,chaahe auron ke prati - sarva ko samaapta kar parivartan karenge। sabhi ne abhi - abhi vaayde kiye hain na। rooh - roohaan mein sabhi vaayde karte hain na। har ek ka record baapdaada ke paas hai। bahut achhe roop se vaayde karte hain। koi geetakvita dvaara,koi chitron dvaara।

baapdaada dekh rahe the jitna chaahte hain, utna parivartan kyon nahin hota? kaaran kya hai, kyon nahin sada ke liye samaapta ho jaata hai, to kya dekha? apne prati va doosron ke prati sankalp karte ho ki yeh kamzori phir aane nahin degen va doosre ke prati sochte ho ki jo bhi kisi aatma ke prati sanskaar ke kaaran va hisaab - kitaab chuktu hone ke kaaran jo bhi sankalp mein va bol mein va karma mein sanskaar takraate hain,unka parivartan karenge। lekin samay par phir se kyon repeat hota hai?uska kaaran?sochte ho ki aage se is aatma ke is sanskaar ko jaante hue svayan ko safe rakh us aatma ko bhi shubh bhaavna - shubh kaamna denge lekin jaise doosre ki kamzori dekhne,sunne va grahan karne ki aadat natural aur bahutkaal ki ho gai hai, uske badle nahin rakhenge - yeh to bahut achha,lekin uske sthaan par kya dekhenge, kya us aatma se grahan karenge - woh baarbaar attention mein nahin rakhte। yeh nahin karna hai - yeh yaad rehta hai lekin aisi aatmaon ke prati kya karna hai, sochna hai, dekhna - woh baaten natural attention mein nahin rehti। jaise koi sthaan khaali rehta, usko achhe roop se use nahin karte to khaali sthaan mein phir bhi kichda ya machchhar aadi svatah hi paida ho jaate। kyonki vaayumandal mein mitti - dhool, machchhar hai hi; to woh phir se thoda - thoda karke badh jaata hai। jagah bharni chaahiye। jab bhi aatmaon ke samparka mein aate ho, pahle natural parivartan kiya hua shreshtha sankalp ka swaroop smriti mein aana chaahiye। kyonki knowledgeful to ho hi jaate ho। sabhi ke gun, karttavya,sanskaar,seva, svabhaav parivartan ke shubh sanskaar va sthaan sada bharpoor hoga to ashuddha ko svatah hi samaapta kar dega।

jaise sunaaya tha - kai bachche jab yaad mein baithte hain va brahman jeevan mein chalte - phirte yaad ka abhyaas karte hain to yaad mein shanti ka anubhav karte hain lekin khushi ka anubhav nahin karte। sirf shanti ki anubhooti kabhi maatha bhaari kar deti hai aur kabhi nidra ke taraph le jaati hai। shanti ki sthiti ke saath khushi nahin rehti। to jahaan khushi nahin,vahaan umang - utsaah nahin hota aur yog lagaate bhi apne se santushta nahin hote, thake hue rehte hain। sada soch ki mood mein rehte, sochte hi rehte। khushi kyon nahin aati, iska bhi kaaran hai। kyonki sirf yeh sochte ho ki main aatma hoon,bindu hoon,jyotisvaroop hoon, baap bhi aisa hi hai। lekin main kaun - si aatma hoon! mujh aatma ki visheshta kya hai? jaise main padmaapadma bhaagyavaan aatma hoon, main aadi rachna vaali aatma hoon, main baap ke diltakhtansheen hone vaali aatma hoon। yeh visheshtaayen jo khushi dilaati hai, woh nahin sochte ho। sirf bindi hoon, jyoti hoon, shaantasvaroop hoon - to nil mein chale jaate ho। isliye maatha bhaari ho jaata hai। aise hi jab svayan ke prati va anya aatmaon ke prati parivartan ka dridh sankalp karte ho to svayan prati va anya aatmaon ke prati shubh, shreshtha sankalp va visheshta ka swaroop sada emerge roop mein rakho to parivartan ho jaayega।

jaise yeh sankalp aata hai ki yeh hai hi aisa, yeh hoga hi aisa, ye karta hi aise hai। isko bajaaye yeh socho ki yeh visheshta pramaan vishesh aisa hai। jaise kamzori ka ‘aisa'aur ‘vaisa'aata hai,vaise shreshthata va visheshta ka ‘aisa'‘vaisa'hai - yeh saamne laao। smriti ko, swaroop ko,vritti ko,drishti ko parivartan mein laao। is roop se svayan ko bhi dekho aur doosron ko bhi dekho। isko kehte hai sthaan bhar diya, khaali nahin chhoda। is vidhi se jalaane ki holi manaao। apne prati va doosron ke prati aise kabhi nahin socho ki ‘dekh hamne kaha tha na ki yeh badalne vaale hain hi nahin।'lekin us samay apne se poochho ki ‘main kya badla hoon?'sva parivartan hi auron ka bhi parivartan saamne laayega। har ek yeh socho ki ‘pahle main badalne ka example banoon।' isko kehte hain holi jalaana। jalaane ke bina manaana nahin hota, pahle jalaana hi hota hai। kyonki jab jala diya arthaat svachchha ho gaye,shreshtha pavitra ban gaye। to aisi aatma ko svatah hi baap ke sang ka rang sada laga hua hi rehta hai। sada hi aisi aatma baap se va sarva aatmaon se mangal - milan arthaat kalyaankaari shreshtha shubh milan manaati hi rehti hai। samjha?

aisi holi manaani hai na। jahaan umang - utsaah hota hai, vahaan har ghadi utsav hai hi hai। to khushi se khoob manaao, khele - khaao, mauj karo lekin sada holi ban milan manaate raho। achha!

sada har second baap dvaara vardaan ki mubaarak lene vaale, sada har brahman aatma dvaara shubh bhaavna ki mubaarak lene vaale, sada ati shreshtha paavan aatmaon ko,sada sang ke rang mein rangi hui aatmaon ko, sada baap se milan manaane vaali aatmaon ko baapdaada ka yaadapyaar aur namaste।

personal mulaakaat ke samay vardaan ke roop mein uchchaare hue mahaavaakya

1. sada apne ko baap ki yaad ki chhatrachhaaya mein rahne vaali shreshtha aatma anubhav karte ho? chhatrachhaaya hi safety ka saadhan hai। is chhatrachhaaya se sankalp mein bhi agar paanv baahar niklaate ho to kya hoga? raavan uthaakar le jaayega aur shok vaatika mein bitha dega। to vahaan to jaana nahin hai। sada baap ki chhatrachhaaya mein rahne vaali, baap ki snehi aatma hoon - isi anubhav mein raho। isi anubhav se sada shaktishaali ban aage badhte rahenge।

2. sada apne ko baapdaada ki najron mein samaai hui aatma anubhav karte ho? naynon mein samaai hui aatma ka swaroop kya hoga? aankhon mein kya hota hai? bindi। dekhne ki saari shakti bindi mein hai na। to naynon mein samaai hui arthaat sada bindi swaroop mein sthit rahne vaali - aisa anubhav hota hai na! isko hi kehte hain - ‘noore ratna'। to sada apne ko is smriti se aage badhaate raho। sada isi nashe mein raho ki main ‘noore ratna'aatma hoon।