Avyakt murli du samedi 18 janvier 1992

>

18-01-92 om shanti avyakt baapdaadaamdhuban

avyakt divas par avyakt baapdaada apne bachchon prati boleh -

aaj behad ke maat pita ke saamne saara behad ka parivaar hai। sirf yeh sabha nahin hai lekin chaaron or ke snehi sahayogi bachchon ka chhota sa brahman parivaar ati pyaara aur nyaara parivaar, alaukik parivaar ,chitra mein hote vichitra anokha parivaar saamne hai। baap-daada amritvele se sabhi bachchon ke sneh ki, milan manaane ki, vardaan lene ki meethi-meethi roohrihaan sun rahe the। sabhi ke man mein sneh ki bhaavna aur samaan banne ki shreshtha kaamna yahi umang utsaah chaaron or dekha। aaj ke din majority bachchon ke saamne number one shreshtha aatma brahma maat-pita emerge roop mein tha। sabhi ke dil mein aaj vishesh pyaar ke saagar baapdaada ka prem swaroop pratyaksha roop mein naynon ke saamne raha। chaaron or ke sarva bachchon ke sneh ke,dil ke geet baapdaada ne sune। sneh ke return mein vardaata baap bachchen ko yahi vardaan de rahe hain -’’sada har samay, har ek aatma se, har paristhiti mein snehi moorta bhav’’। kabhi bhi apna snehi moorta,sneh ki seerat, snehi vyavhaar, sneh ke samparka-sambandh ko chhodna mat,bhoolna mat। chaahe koi vyakti, chaahe prakriti, chaahe maaya kaisa bhi vikraal roop,jvaala roop dhaaran kar saamne aaye lekin vikraal jvaala roop ko sada sneh ke sheetalta dvaara parivartan karte rehna। is naye varsha mein vishesh sneh lena hai, sneh dena hai। sada sneh ki drishti, sneh ki vritti, snehmayi kriti dvaara snehi srishti banaani hai। koi sneh nahin bhi de lekin aap master sneh swaroop aatmaayen daata ban roohaani sneh dete chalo। aaj ki jeev aatmaayen sneh arthaat sachche pyaar ki pyaasi hain। sneh ki ek ghadi arthaat ek boond ki pyaasi hai। sivaae sachche sneh ke kaaran pareshaan ho bhatak rahe hain। sachche roohaani sneh ko dhoondh rahe hain। aisi pyaasi aatmaon ko sahaara dene vaale aap master gyaan saagar ho। apne aap se poochho aap sabhi aatmaon ko brahman parivaar mein parivartan karne ka, aakaarshit karne ka vishesh aadhaar kya raha?yahi sachcha pyaar, maat-pita ka pyaar, roohaani parivaar ka pyaar - is pyaar ki praapti ne parivartan kiya। gyaan to peechhe samajhte ho lekin pahla aakarshan sachcha nisvaartha paarivaarik pyaar। yahi foundation raha na, isse hi sabhi aaye na। vishwa mein arab kharab pati bahut hain lekin parmaatma sachche pyaar ke bhikhaari hain kyon? arab kharab se yeh pyaar nahin milta। science vaalon ne dekho kitne bhi alpakaal ke sukh ke saadhaan vishwa ko diya hai lekin jitne bade vaigyaanik hain utna aur kuchh khoj karen, aur kuchh khoj karen is khoj mein hi khoye hue hain। santushtata ki anubhooti nahin hai, aur kuchh karen, aur kuchh karen, is mein hi samay ganva dete hain। unhon ka sansaar hi khoj karna ho gaya hai। aap jaise sneh-sampanna jeevan ki anubhooti nahin hai। netaaen dekho apni kursa sambhaalne mein hi lage hue hain। kal kya hoga- is chinta mein lage hue hain। aur aap brahman sada parmaatma-pyaar ke jhoole mein jhulte ho। kal ka phikra nahin hain। na kal ka phikra hai, na kaal ka phikra hai। kyon? kyonki jaante ho - jo ho raha hai woh bhi achha aur jo hona hai woh aur achha। is-liye achha-achha kehte achhe ban gaye ho।

brahman jeevan arthaat buraai ko vidaai dena aur sada sab achhe te achha hai -iski badhaaiyaan manaana। aisa kiya hai ya abhi vidaai de rahe ho? jaise puraane varsha ko vidaai di naye varsha ke liye badhaaiyaan di na। badhaaiyon ke card bahut aaye hain na। bahut bachchon ke badha-iyon ke card tatha patra aaye hain। baapdaada kehte hain - jaise naye varsha ke card bheje va sankalp kiya,to sangamayug par to har sekend naya hai na। sangamayug ke har second ki badhaai ke card nahin bhejna, card sambhaalna mushkil ho jaata hai। lekin card ki bajaae record rakhna ki har sekend naya anubhav kiya? har naye sekend naya umang-utsaah anubhav kiya?har sekend apne mein navi-nata arthaat divyata-visheshta kya anubhav ki?uski badhaaiyaan dete hain। aap brahman aatmaon ki sabse bade te badi ceremony har samay kaun si hai? ceremony arthaat khushi ka samay ya khushi ka din। ceremony mein sabse badi baat milan manaane ki hoti hai। milan manaana hi khushi manaana hai। aap sabka parmaatma milan, shreshtha aatmaon ka milan har samay hota hai na! to har samay seri-mani hui na! naacho gaao aur khaao - yahi ceremony hoti hai। brahma baap ke bhandaare se khaate ho isliye sada brahma bhojan khaate ho। koi pravritti vaale apne kamaai se nahin khaate hain, centre vaale centre ke bhandaari se nahin khaate hain lekin brahma baap ke bhandaare se,shiv baap ki bhandaari se khaate hain। na meri pravritti hai, na mera centre hai। pravritti mein ho to bhi trustee ho,baap ki shreemat pramaan nimitta bane hue ho, aur centre par ho to bhi baap ke centre hain na ki mere। isliye sada shiv baap ki bhandaari hai,brahma baap ka bhandaara hai - is smriti se bhandaari bhi bharpoor rahegi,to bhandaara bhi bharpoor rahega। meraapan laaya to bhandaara va bhandaari mein barakkat nahin hogi। kisi bhi kaarya mein agar koi prakaar ki khot athva kami hoti hai to iska kaaran baap ki bajaae merepan ki khot hai iseelie khot hoti hai। khot shabd kami ko bhi kaha jaata hai aur khot shabd ashuddhi mix ko bhi kaha jaata hai। jaise sone mein khot (khaad) pad jaati hai na। lekin brahman jeevan to har second ceremony manaane ki badhaaiyon ki hai। samjha!

vaise aaj ke din aap sabhi aavaaz se pare jaate ho aur baapdaada jo aavaaz se pare hain unko aavaaz mein laate ho। yeh practice bahut achhi hai - abhi-abhi bahut aavaaz mein ho,chaahe discuss kar rahe ho, aise vaataavran mein bhi sankalp kiya aavaaz se pare ho jaaen to second mein aavaaz se nyaare pharishta sthiti mein tik jaao। abhi-abhi karmayogi, abhi-abhi pharishta arthaat aavaaz se pare avyakt sthiti। yeh nahin ki vaataavran bahut aavaaz ka hai,isliye aavaaz se pare hone mein time chaahiye। nahin,aisa nahin hona chaahiye। kyonki last samay chaaron or vyaktiyon ka, prakriti ka jalchal or aavaaz hoga - chillaane ka,hilaane ka - yahi vaayumandal hoga। aise samay par hi second mein avyakt pharishta so niraakaari ashareeri aatma hoon - yeh abhyaas hi vijayi ban-yega। yeh smriti simarni arthaat vijay maala mein laayegi। isliye yeh abhyaas abhi se ati aavashyak hai। isko kehte hain - prakritijeet,maayaajeet। maalik ban chaahe to mukh ka saaz bajaaen, chaahen to kaanon dvaara sunen,agar nahin chaahen to second mein full-stop। aadha stop bhi nahin,fullstop। yahi hai brahma baap ke samaan banna। sneh ki nishaani hai samaan banna। harek kehte mera sneh jyaada hai। koi se bhi poochhenge kiska sneh brahma baap se jyaada hai?to sabhi yahi kahenge ki mera। to jaise sneh mein samajhte ho - mera sneh jyaada hai, aise samaan banne mein bhi teevra purooshaartha karo ki main number one ke saath, yugal daane ke saath daana maala mein piroya jaaoon। isko kehte hain sneh ka return diya। sneh mein manuban mein bhaagne mein to hoshiyaar ho। sabhi jaldi-jaldi bhaag kar pahunch gaye ho na। jaise yeh pratyaksha swaroop dikhaaya, aise samaan banne ka pratyaksha swaroop dikhaao। sthaan chhota hai aur dil badi hai isliye ulhana nahin dena ki jagah nahin mili। jab dil badi hai to pyaar mein koi bhi takleeph, takleeph nahin lagti hai। baapdaada ko bachchon ki tak-leeph bhi dekhi nahin jaati। haan yog lagaao to sthaan taiyaar ho jaayega। achha।

chaaron or ke desh videsh ke sneh mein samaaye hue shreshtha aatmaon ke bahut-bahut sankalp dvaara,patron dvaara, sandeshon dvaara is smriti divas va nav varsha ki yaad pyaar baapdaada ko mili। sabke dil ke meethe-meethe pyaare-pyaare bachche kah yaad pyaar de rahe hain। ud rahe ho aur teevra gati se udte raho। maaya ke khel khilaadi ban dekhte chalo। prakriti ki paristhitiyaan master sarvashaktivaan ban khel-khel mein paar karte chalo। baap ka haath aur divya buddhi yog roopi saath- sada anubhav kar samartha ban sada paas with honour bante chalo। sada sneh-moorta bhav ke vardaan ko smriti swaroop mein yaad rakh, aise sarva snehi moortiyon ko sada master daata aatmaon ko maat-pita ka shakti sampanna yaad pyaar aur namaste।

daadiyon se - baap ke saath ka varsa hai hi vishesh powers। is powers dvaara sarva kaarya sahaj aage badhte

ja rahe hain। sabhi sameep ke saathi hai na! saath rahen aur saath chalenge aur saath hi raajya karenge। sangam par bhi sameep,niraakaari duniya mein bhi sameep aur raajdhaani mein bhi sameep। janmate hi sameepta ka vardaan mila। sabhi sameepta ke vardaani hain - aise anubhav hota hai na?saath ka anubhav hona yahi sameepta ki nishaani hai। alag hona mushkil hai saath rehna svatah hi hai। sameepta ke sangathan ke sameep hai। raajya aasinhaasan lenge na? sihaansan par bhi jeet praapta karenge na। jaise abhi dil par jeet hai, dil ko jeeta phir number-vaar vishwa ke raajya aasinhaasan par jeet hogi। aise vijayi hai na? aap logon ke oomang utsaah ko dekh sabhi umang utsaah mein chal rahe hain, aur sada chalte rahenge। bachche baap ki kamaal gaate hain aur baap bachchon ki kamaal gaate hain। aap kehte ho vaah baba vaah aur baba kehte hain? vaah bachche vaah। achha।

party se avyakt baapdaada ki mulaakaat

ham sabhi poojya aur poorvaj aatmaayen hain - itna nasha rehta hai? aap sabhi is srishti roopi vriksha ki jad mein baithe ho na? aadi pita ke bachche aadi ratan ho। to is vriksha ke tana bhi aap ho। jo bhi daal-daaliyaan nikalti hai woh beej ke baad tana se hi nikalti hain। to sabse aadi dharma ki aap aatmaaen ho aur sabhi peechhe nikalte hain isliye poorvaj ho। to aap foundation ho। jitna phaaunde-shan pakka hota hai utni rachna bhi pakki hoti hai। to itna attention apne upar rakhna hai। poorvaj arthaat tana hone ke kaaran daay-rekta beej se connection hai। aap phalak se kah sakte ho ki ham direct paramatma dvaara rache hue hain। duniya vaalon se poochho ki kisne racha? to suni-sunaai kah denge ki bhagwan ne racha। lekin kahne maatra hain aur aap direct param aatma ki rachna ho। aajkal ke brahman bhi kehte hain ki ham brahma ke bachche hain। lekin brahma ke bachche practical mein aap ho। to yeh khushi hai ki ham direct rachna hai। koi mahaan aatma,dharma aatma ki rachna nahin,direct param aatma ki rachna hain। to direct kitni shakti hai! duniya vaale dhoondh rahe hain ki koi vesh mein bhagwan aa jaayega aur aap kehte mil gaya। to kitni khushi hain! to itni khushi rehti hai ki aapko dekh karke aur bhi khush ho jaaen। kyonki khush rahne vaale ka chehra sada hi khushnumah hoga na?

(hospital staaph ko dekhte hue)

hospital mein koi duhkhi aata hai to khush ho jaata hai?aisa vaataavran khushi ka hai jo koi bhi aaye,duhkh bhool jaaye। kyonki vaataavran banta hai vyakti ke vibration se। koi duhkhi aatmaon ka sangathan ho to vahaan ka vaataavran bhi duhkh ka hoga। vahaan koi hansata bhi aayega to chup ho jaayega aur kahin khush rahne vaale vyaktiyon ka sangathan ho,khushi ka sangathan ho to kaisi bhi duhkhi aatmaayen aayengi to badal jaayengi। prabhaav zaroor padta hai। to ever happy hospital hai na? sirf healthy nahin,happy bhi। sab muskaraate rahenge, hansate rahenge to aadhi davaai ho jaayegi। aadhi davaai khushi hai। to davaaiyon ka bhi kharcha bach jaayega na। patient bhi khush ho jaayenge ki kam kharche mein nirogi ban gaye aur hospital ka kharcha bhi kam ho jaayega। doctors ko time bhi kam dena padega। jaise saakaar mein dekha -brahma baap ke aage aate the to kya anubhav sunaate the? bahut baaten lekar aate the lekin baap ke aage aane se na baaton ka hal andar hi andar ho jaata tha। yeh anubhav sune hain na। aise aap doctors ke saamne koi bhi aaye to aate hi aadhi beemaari wahin theek ho jaaye। sabhi doctors aise ho na। jaise baap alaukik hain to baap ke bachche jo kaarya ke nimitta hain vo bhi sab alaukik honge na। aap sabhi ki alaukik jeevan hai ya saadhaaran jeevan hai? jitna-jitna tapasya mein aage badhte jaayenge utna aapke vibration bahut teevragti se kaam karenge। achha। kam kharcha baala nasheen vaali hospital honi chaahiye। time bhi kam kharcha ho aur sthool dhan bhi kam kharcha aur baala nasheen। naam bada or kharcha kam। to aise alaukik sevaadhaari ho na? phaaunde-shan achha daala hai। hospital lagti hai va yog bhavan lagta hai? aisa aavaaj hoga ki yeh hospital nahin hai lekin yog kendra hai, happy house hai। aise laukik mein bhi happy house banaate hain। jo bhi andar jaayega hansata hi rahega। lekin ye man ki muskraahat hai। woh hota hai thode samay ke liye aur yeh hai sada kaal ke liye। achha। sada harshit mood mein raho। kuchh bhi ho jaae apni mood nahin oph karna। koi gaali bhi de,insult bhi karen lekin aap sada harshit rehna। achha। omshaanti।