Avyakt murli du jeudi 25 novembre 1993

>

25-11-93 om shanti avyakt baapdaadaamdhuban

sahaj siddhi praapta karne ke liye gyaan swaroop prayogi aatma bano

yog ke prayog ki vidhi sikhaane vaale gyaan daata baap apne gyaani tu aatma bachchon prati bole-

aaj gyaan daata vardaata apne gyaani tu aatma, yogi tu aatma bachchon ko dekh rahe hain। har ek bachcha gyaan swaroop aur yogayukta kahaan tak bana hai? gyaan sunne aur sunaane ke nimitta bane hain va gyaan swaroop bane hain? samay pramaan yog lagaane vaale bane hain va sada yogi jeevan arthaat har karma mein yogayukta, yuktiyukta, svatah va sada ke yogi bane hain? kisi bhi brahman aatma se koi bhi poochhenge ki gyaani aur yogi hain to kya kahenge? sabhi gyaani aur yogi hain na? gyaan swaroop banna arthaat har sankalp, bol aur karma samartha hoga। vyartha samaapta hoga। kyonki jahaan samartha hai vahaan vyartha ho nahin sakta। jaise prakaash aur andhiyaara saath-saath nahin hota। to ‘gyaan’ prakaash hai, ‘vyartha’ andhakaar hai। vartamaan samay vyartha ko samaapta karne ka attention rakhna hai। sabse mukhya baat sankalp roopi beej ko samartha banaana hai। agar sankalp roopi beej samartha hai to vaani, karma, sambandh sahaj hi samartha ho hi jaata hai। to gyaan swaroop arthaat har samay, har sankalp, har second samartha।

yogi tu aatma sabhi bane ho lekin har sankalp svatah yogayukta, yuktiyukta ho, ismen nambarvaar hain। kyon number bane? jab vidhaata bhi ek hai, vidhi bhi ek hai phir number kyon? baapdaada ne dekha yogi to bane hain lekin prayogi kam bante hain। yog karne aur karaane donon mein sabhi hoshiyaar hain। aisa koi hai jo kahe ki yog karaana nahin aata? jaise yog karne-karaane mein yogya ho, aise hi prayog karne mein yogya banna aur banaana-isko kaha jaata hai yogi jeevan arthaat yogayukta jeevan। abhi prayogi jeevan ki aavashyakta hai। jo yog ki paribhaasha jaante ho, varnan karte ho vo sabhi visheshtaayen prayog mein aati hain? sabse pahle apne aapmen yeh check karo ki apne sanskaar parivartan mein kahaan tak prayogi bane ho? kyonki aap sabke shreshtha sanskaar hi shreshtha sansaar ke rachna ki neenv hain। agar neenv majboot hai to anya sabhi baaten svatah majboot hui hi padi hain। to yeh dekho ki sanskaar samay par kahaan dhokha to nahin dete hain? shreshtha sanskaar ko parivartan karne vaale kaise bhi vyakti ho, vastu ho, paristhiti ho, yog ke prayog karne vaali aatma ko shreshtha se saadhaaranta mein hila nahin sakte। aise nahin ki baat hi aisi thi, vyakti hi aisa tha va vaayumandal aisa tha isliye shreshtha sanskaar ko parivartan kar saadhaaran va vyartha bana diya, to kya isko prayogi aatma kahenge? agar samay par yog ki shaktiyon ka prayog nahin hua to isko kya kaha jaayega? to pahle is foundation ko dekho ki kahaan tak samay par prayogi bane hain? agar sva ke sanskaar parivartak nahin bane hain to naye sansaar parivartak kaise banenge?

prayogi aatma ki pahli nishaani hai-sanskaar ke oopar sada prayog mein vijayi। doosri nishaani-prakriti dvaara aane vaali paristhitiyon par yog ke prayog dvaara vijayi। samay prati samay prakriti ki halchal bhi yogi aatma ko apne taraph aakarshitkarti hai। aise samay par yog ki vidhi prayog mein aati hai? kabhi yogi puroosh ko va purooshottam aatma ko prakriti prabhaavit to nahin karti? kyonki brahman aatmaayen purooshottam aatmaayen ho। prakriti purooshottam aatmaon ki daasi hai। maalik, daasi ke prabhaav mein aa jaaye-isko kya kahenge? aajkal purooshottam aatmaon ko prakriti saadhnon aur salvation ke roop mein prabhaavit karti hai। saadhan va salvation ke aadhaar par yogi jeevan hai। saadhan va salvation kam to yogayukta bhi kam-isko kaha jaata hai prabhaavit hona। yogi va prayogi aatma ki saadhna ke aage saadhan svatah hi svayan aate hain। saadhan saadhna ka aadhaar nahin ho lekin saadhna saadhnon ko svatah aadhaar banaayegi। isko kaha jaata hai prayogi aatma-to check karo-sanskaar parivartan vijayi aur prakriti ke prabhaav ke vijayi kahaan tak bane hain? teesri nishaani hai-vikaaron par vijayi। yogi va prayogi aatma ke aage ye paanch vikaar, jo doosron ke liye jahreele saamp hai lekin aap yogi-prayogi aatmaon ke liye ye saamp gale ki maala ban jaate hain। aap braahmanon ke aur brahma baap ke ashareeri tapasvi shankar swaroop ka yaadgaar abhi bhi bhakta log poojte aur gaate rehte hain। doosra yaadgaar-ye saamp aapke adheen aise ban jaate jo aapke khushi mein naachne ki stage ban jaate hain। jab vijayi ban jaate hain to kya anubhav karte hain? kya sthiti hoti hai? khushi mein naachte rehte hain na। to yeh sthiti stage ke roop mein dikhaai hai। sthiti ko bhi stage kaha jaata hai। aise vikaaron par vijay ho-isko kaha jaata hai prayogi। to yeh check karo-kahaan tak prayogi bane hain? agar yog ka samay par prayog nahin, yog ki vidhi se samay par siddhi nahin to yathaartha vidhi kahenge? samay apni teevra gati samay prati samay dikha raha hai। anekta, adharma, tamopradhaanta har kshetra mein teevra gati se badhta ja raha hai। aise samay par aapke yog ke vidhi ki vriddhi va vidhi ke siddhi mein vriddhi teevra gati se hona aavashyak hai। number aage badhne ka aadhaar hai-prayogi banne ki sahaj vidhi। to baapdaada ne kya dekha-samay par prayog karne mein teevra gati ke bajaay saadhaaran gati hai। abhi isko badhaao। to kya hoga-siddhi swaroop anubhav karte jaayenge। aapke jad chitron dvaara siddhi praapta karne ka anubhav karte rehte hain। chaitanya mein siddhi swaroop bane ho tab yeh yaadgaar chala aa raha hai। riddhi-siddhi vaale nahin, vidhi se siddhi। to samjha kya karna hai? hai sab kuchh lekin samay par prayog karna aur prayog saphal hona isko kaha jaata hai gyaan swaroop aatma। aise gyaan swaroop aatmaayen ati sameep aur ati priy hain। achha!

sada yog ki vidhi dvaara shreshtha siddhi ko anubhav karne vaale, sada saadhaaran sanskaar ko shreshtha sanskaar mein parivartan karne vaale, sanskaar parivartak aatmaon ko, sada prakriti jeet, vikaaron par jeet praapta karne vaale vijayi aatmaon ko, sada prayog ke gati ko teevra anubhav karne vaale gyaan swaroop, yogayukta yogi aatmaon ko baapdaada ka yaad-pyaar aur namaste।

(24 November ko do kumaariyon ke samarpan samaaroh ke baad raatri 10 baje daadi all-rounder ne apna puraana chola chhod baapdaada ki god li, 25 taareekh dophar mein unka antim sanskaar kiya gaya, saayankaal murli ke pashchaat daadiyon se mulaakaat karte samay baapdaada ne jo mahaavaakya uchchaare woh is prakaar hain) :-

khel mein bhinna-bhinna khel dekhte rehte ho। saakshi ho khel dekhne mein maja aata hai na। chaahe koi utsav ho, chaahe koi shareer chhode-donon hi kya lagta hai? khel mein khel lagta hai। aur lagta bhi aise hi hai na jaise khel hota hai aur samay pramaan samaapta ho jaata hai। aise hi jo hua sahaj samaapta hua to khel hi lagta hai। har aatma ka apna-apna part hai। sarva aatmaon ki shubh bhaavna, anek aatmaon ki shubh bhaavna praapta hona-yeh bhi har aatma ke bhaagya ki siddhi hai। to jo bhi hua, kya dekha? khel dekha ya mrityu dekha? ek taraph wahin alaukik svayanvar dekha aur doosre taraph chola badalne ka khel dekha। lekin donon kya lage? khel mein khel। pharka padta hai kya? sthiti mein pharka padta hai? alaukik svayanvar dekhne mein aur chola badalte hue dekhne mein pharka pada?thodi lahar badli hui ki nahin? saakshi hokar khel dekho to vo apne vidhi ka aur vo apne vidhi ka। sahaj nashtomoha hona yeh bahut kaal ke yog ke vidhi ki siddhi hai। to nashtomoha, sahaj mrityu ka khel dekha। is khel ka kya rahasya dekha? deh ke smriti se bhi upraam। chaahe vyaadhi dvaara, chaahe vidhi dvaara - aur koi bhi aakarshan ant samay aakarshitanheen kare। isko kaha jaata hai sahaj chola badli karna। to kya karna hai? nashtomoha, centre bhi yaad nahin aaye। (teachers ko dekhte hue) aise nahin koi jigyaasu yaad aa jaaye, koi centre ki vastu yaad aa jaaye, kuchh kinaare kiya hua yaad aa jaaye …। sabse nyaare aur baap ke pyaare। pahle se hi kinaare chhute hue hon। koi kinaare ko sahaara nahin banaana hai। sivaaemanzil ke aur koi lagaav nahin ho। achha!

nirmalshaanta daadi se mulaakaat

sangathan achha lagta hai? sangathan ki vishesh shobha ho। sabki najar kitne pyaar se aap sabke taraph jaati hai! jab tak jitni seva hai utni seva shareer dvaara honi hi hai। kaise bhi karke shareer chalta hi rahega। shareer ko chalaane ka dhang aa gaya hai na। achha chal raha hai। kyonki baap ki aur sabki duaayen hain। khush rehna hai aur khushi baantani hai aur kya kaam hai। sab dekh-dekh kitne khush hote hain to khushi baant rahe hain na। kha bhi rahe hain, baant bhi rahe hain। aap sab ek-ek darshaneey moorta ho। sabki najar nimitta aatmaon taraph jaati hai to darshaneey moorta ho gaye na। achha!

avyakt baapdaada ki personal mulaakaat

group nan. 1

brahman jeevan ka aadhaar - yaad aur seva

drama anusaar brahman jeevan mein sabhi ko seva ka chance mila hua hai na। kyonki brahman jeevan ka aadhaar hi hai yaad aur seva। agar yaad aur seva kamzor hai to jaise shareer ka aadhaar kamzor ho jaata hai to shareer davaaiyon ke dhakke se chalta hai na। to brahman jeevan mein agar yaad aur seva ka aadhaar majboot nahin, kamzor hai, to woh brahman jeevan bhi kabhi tej chalega, kabhi dheela chalega, dhakke se chalega। koi sahayog mile, koi saath mile, koi circumstance mile to chalenge, nahin to dheele ho jaayenge। isliye yaad aur seva ka vishesh aadhaar sada shaktishaali chaahiye। donon hi shaktishaali hon। seva bahut hai, yaad kamzor hai ya yaad bahut achhi hai, seva kamzor hai to bhi teevragti nahin ho sakti। yaad aur seva donon mein teevragti chaahiye। shaktishaali chaahiye। to donon hi shaktishaali hain ya pharka pad jaata hai? kabhi seva jyaada ho jaati, kabhi yaad jyaada ho jaati? donon saath-saath hon। yaad aur nisvaartha seva। svaartha ki seva nahin, nisvaartha seva hai to maaya jeet banna bahut sahaj hai। har karma mein, karma ki samaapti ke pahle sada vijay dikhaai degi। itna atal nishchay ka anubhav hoga ki vijay to hui padi hai? agar brahman aatmaon ki vijay nahin hogi to kiski hogi? kshatriyon ki hogi kya? braahmanon ki vijay hai na। question mark nahin hoga। kar to rahe hain, chal to rahe hain, dekh lenge, ho jaayega, hona to chaahiye-to ye shabd nahin aayenge। pata nahin kya hoga, hoga ya nahin hoga-yeh nishchay ke bol hain? nishchaybuddhi vijayi-yeh gaayan hai na? to jab practical hua hai tab to gaayan hai। nishchaybuddhi ki nishaani hai-vijay nishchit। jaise kisi bhi prakaar ki kisko shakti hoti hai-chaahe dhan ki ho, buddhi ki ho, sambandh-samparka ki ho to usko nishchay rehta hai-yeh kya badi baat hai, yeh to koi baat hi nahin hai। aapke paas to sab shaktiyaan hain। dhan ki shakti hai ki dhan ki shakti karodaptiyon ke paas hai? sabse bada dhan hai avinaashi dhan, jo sada saath hai। to dhan ki shakti bhi hai, buddhi ki shakti bhi hai, position ki shakti bhi hai। jo bhi shaktiyaan gaai hui hain sab shaktiyaan aap mein hain। hain ya kabhi praayah lop ho jaati hain? inhen emerge roop mein anubhav karo। aise nahin-haan, hoon to sarvashaktimaan ka bachcha lekin anubhav nahin hota। to sabhi bharpoor ho ki thoda-thoda khaali ho? samay par vidhi dvaara siddhi praapta ho। aise nahin samay par ho nahin aur vaise nasha ho ki bahut shaktiyaan hain। kabhi apni shaktiyon ko bhoolna nahin, use karte jaao-agar sva prati kaarya mein lagaana aata hai to doosre ke kaarya mein bhi laga sakte hain। paandavon mein shakti aa gai ya kabhi krodh aata hai? thoda-thoda krodh aata hai? koi krodh kare to krodh aata hai, koi insult kare to krodh aata hai? yeh to aise hi hua jaise dushman aata hai to haar hoti hai। maataaon ko thoda-thoda moh aata hai? paandavon ko apne har kalpa ke vijaypan ki sada khushi emerge honi chaahiye। kabhi bhi koi paandavon ko yaad karenge to paandav shabd se vijay saamne aayegi na। paandav arthaat vijayi। paandavon ki kahaani ka rahasya hi kya hai? vijay hai na। to har kalpa ke vijayi। emerge roop mein nasha rahe। merge nahin। achha!

group nan. 2

sarva dvaara maan praapta karne ke liye nirmaan bano

sabhi apne ko sada koton mein koi aur koi mein bhi koi shreshtha aatma anubhav karte hon? ki koton mein koi jo gaaya hua hai vo aur koi hai? ya aap hi ho? to kitna ek-ek aatma ka mahatva hai arthaat har aatma mahaanhai। to jo jitna mahaanhota hai, mahaanta ki nishaani jitna mahaan utna nirmaan। kyonki sada bharpoor aatma hai। jaise vriksha ke liye kehte hain na jitna bharpoor hoga utna jhuka hua hoga aur nirmaanta hi seva karti hai। jaise vriksha ka jhukna seva karta hai, agar jhuka hua nahin hoga to seva nahin karega। to ek taraph mahaanta hai aur doosre taraph nirmaanta hai। aur jo nirmaan rehta hai woh sarva dvaara maan paata hai। svayan nirmaan banenge to doosre maan denge। jo abhimaan mein rehta hai usko koi maan nahin dete। usse door bhaagenge। tomhaan aur nirmaan hai ya nahin hai - uski nishaani hai ki nirmaan sabko sukh dega। jahaan bhi jaayega, jo bhi karega woh sukhdaayi hoga। isse check karo ki kitne mahaan hain? jo bhi sambandh-samparka mein aaye sukh ki anubhooti kare। aise hai ya kabhi duhkh bhi mil jaata hai? nirmaanta kam to sukh bhi sada nahin de sakenge। to sada sukh dete, sukh lete ya kabhi duhkh dete, duhkh lete? chalo dete nahin lekin le bhi lete ho? thoda feel hota hai to le liya na। agar koi bhi baat kisi ki feel ho jaati hai to isko kahenge duhkh lena। lekin koi de aur aap nahin lo, yeh to aapke oopar hai na। jiske paas hoga hi duhkh vo kya dega? duhkh hi dega na। lekin apna kaam hai sukh lena aur sukh dena। aise nahin ki koi duhkh de raha hai to kahenge main kya karoon? mainne nahin diya lekin usne diya। apne ko check karna hai-kya lena hai, kya nahin lena hai। lene mein bhi hoshiyaari chaahiye na। isliye brahman aatmaon ka gaayan hai-sukh ke saagar ke bachche, sukh swaroop sukhdeva hain। to sukh swaroop sukhdeva aatmaayen ho। duhkh ki duniya chhod di, kinaara kar liya ya abhi tak ek paanv duhkhadhaam mein hai, ek paanv sangam par hai? aise to nahin ki thoda-thoda vahaan buddhi rah gai hai? paanv nahin hai lekin thodi anguli rah gai hai? jab duhkhadhaam ko chhod chale to na duhkh lena hai na duhkh dena hai।

achha! ye variety group hai। double videshi bhi hain। kahaan ke bhi ho lekin ek ke ho। ek ke hain aur ek hain। sab ek kya hain? brahman aatmaayen hain। ye to seva ke liye bhinna-bhinna sthaan par baithai ho lekin yaad kya rehta hai? ham ek ke hain aur sab ek brahman aatmaayen hain। itni khushi rehti hai? jab brahman aapas mein milte hain to kitni khushi hoti hai! aur khushi bhi avinaashi khushi। kyonki apnaakhzaana hai na। to apnaakhzaana saath rakhenge ya alag kar denge। to sabhi udte chalo aur udaate chalo। samjha। abhi udna hai, chalna nahin hai।

vartamaan va bhavishya mein kabhi moonjhate to nahin ho। lekin sva-sthiti ke aage paristhiti kuchh bhi nahin। kitna bhi bada pahaad ho lekin aap oonche ho to pahaad chhota-sa lagega। to jab koi badi paristhiti lage to udti kala mein chale jaao। phir paristhiti khilauna lagegi। kya bhi ho, kaise bhi ho lekin udti kala ke aage kuchh nahin hai।

group nan… 3

maaya jeet banne ke liye master savarshaktimaanki position smriti mein rakho

apne ko kamal pushpa samaan nyaare aur pyaare samajhte ho? sada nyaare aur baap ke pyaare anubhav karte ho? va kabhi-kabhi karte ho? agar kisi bhi prakaar ki maaya ki parchhaai bhi pad gai to kamal pushpa kahenge? to maaya aati hai ya sabhi maayaajeet ho? kyonki sada apne ko master sarvashaktimaan shreshtha aatma samajhte ho to master sarvashaktimaan ke aage maaya aa nahin sakti। maaya cheenti hai ya sher hai? to cheenti par vijay praapta karna badi baat hai kya? jab apni smriti ki oonchi stage par hote ho to maaya cheenti ko jeetna sahaj lagta hai aur jab kamzor hote ho to cheenti bhi sher maaphik lagti hai। to sada amritvele is smriti ko emerge karo ki main master sarvashaktimaan hoon। to amritvele ki smriti saara din sahayog deti rahegi। jaise sthool position vaale apne position ko bhoolte nahin। aajkal ka prime minister apne ko bhool jaayega kya ki main prime minister hoon? aapka position hai-master sarvashaktimaan। to bhool nahin sakte। lekin bhool jaate ho isliye roj amritvele is smriti ko emerge karne se nirantar yaad ho jaayegi।

maataaon ko nasha rehta hai ki jo duniya dhoondh rahi hai vo humein praapta hai, duniya vaalon ne thukraaya lekin baap ne humein aage kiya।

(teen bhaasha vaale baithe hain) bas, ye variety bhaashaaon ka thoda sa samay hai, phir to ek bhaasha ho jaayegi। kaun si ek bhaasha hogi? (hindi hogi) to aapko bhi seekhni padegi na। abhi dekho sthool padhaai bhi ho rahi hai, roohaani padhaai bhi ho rahi hai। hindi bhi seekh rahe ho na।

achha hai, lagan, sneh achha hai। kitna sneh hai? saagar bhi iske aage kuchh nahin hai। jitna jo sneh mein rehta hai utna hi baap dvaaraapdamguna sneh praapta hua anubhav karta hai। achha। sabhi umang-utsaah mein ho na। kya se kya ban gaye!

group nan. 4

himmat aur umang-utsaah ke aadhaar par udti kala ka anubhav karo

sada udti kala ke liye vishesh kya smriti aavashyak hai? kabhi bhi neeche nahin aayen sada oopar rahen uske liye kya aavashyak hai? udne ke liye pankh chaahte hain na। to udti kala ke do pankh kaun se hai? (gyaan aur yog) gyaan aur yog ke saath himmat aur umang-utsaah। agar himmat hai to himmat se jo chaahe, jaise chaahe vaise kar sakte hain। isliye gaaya hua bhi hai himmate bachche madde baap। to himmat aur umang-utsaah rehta hai? kyonki kisi bhi kaarya mein saphalta praapta karne ke liye umang utsaah bahut zaroori hai। agar umang utsaah nahin hoga to kaarya saphal nahin ho sakta। kyon? jahaan umang-utsaah nahin hoga vahaan thakaavat bahut jyaada hogi aur thaka hua kabhi saphal nahin hoga। to himmat aur umang-utsaah-isi aadhaar par sada udti kala ka anubhav kar sakte ho। vartamaan samay ke anusaar udti kala ke sivaaemanzil par pahunch nahin sakte। kyonki purooshaartha hai ek janma ka aur praapti 21 janma ke liye hi nahin saare kalpa ki hai। dvaapar ke baad bhi poojya to bante ho na। ek janma ki mehnat aur anek janmon ki praapti। to kitna teevra gati se purooshaartha karte ho? aise teevrapurushaarthi ho ya purushaarthi ho? jab samay ki pahchaan smriti mein rehti hai to teevra purooshaartha ke bina rah nahin sakte। samay ka mahatva sada yaad rakho। aise kabhi socha tha ki ek janma mein anek janma sudhar jaayenge, saphal ho jaayenge। socha nahin tha lekin anubhav kar liya।

abhi kya visheshta karenge? pradarshani aur mela karenge! mela to common ho gaya। naya kya karenge? jo kiya, jitna kiya vo achha kiya lekin abhi koi powerful mike nikaalo। kyonki abhi thode samay mein taiyaari jyaada karni hai to mike chaahiye na jo aapki taraph se ek anekon ko sandesh de। aap kab tak apna parichay dete rahenge? abhi doosre aapka parichay den। maataayen aisi maataayen nikaalo। aisi bahut maataayen hain jinka aavaaj bulanda ho sakta hai। mike ka arth hai jiska aavaaj bulanda ho। mehnat kam aur phal jyaada nikle। sada isi smriti mein raho ki ham baap ke right hand arthaat sada har kaarya mein sahayogi aatmaayen hain। to right hand to kamaal karega na। achha, kumaariyaan bhi aai hui hain। kumaariyaan kamaal ka plan bana rahi ho ya apne ko chhoti samajhti ho? kya kamaal karengi? sabse bade se bade ko aise samjho jo vo chhota ho jaaye aap badi ho jaao। achha hai, kumaariyon ki jeevan shreshtha ho gai। apne ko bhaagyavaan samajhti ho na। achha!

group nan. 5

vishesh paartadhaari arthaat har kadam, har second sada alert, albele nahin

sada apne ko chalte-phirte, khaate-peete behad world drama ki stage par vishesh paartadhaari aatma anubhav karte ho? jo vishesh paartadhaari hota hai usko sada har samay apne karma arthaat part ke oopar attention rehta hai। kyonki saare drama ka aadhaar hero paartadhaari hota hai। to is saare drama ka aadhaar aap ho na। to vishesh aatmaon ko va vishesh paartadhaariyon ko sada itna hi attention rehta hai? vishesh paartadhaari kabhi bhi albele nahin hote। alert hote hain। to kabhi albelaapan to nahin aa jaata? kar to rahe hain, pahunch hi jaayenge, aise to nahin sochte? kar rahe hain lekinkis gati se kar rahe hain? chal rahe hain lekin kis gati se chal rahe hain? gati mein to antar hota hai na। kahaan paidal chalne vaala aur kahaan plen mein chalne vaala! kahne mein to aayega ki paidal vaala bhi chal raha hai aur plen vaala bhi chal raha hai lekin pharka kitna hai? to sirf chal rahe hain, brahmaakumaar ban gaye maana chal rahe hain lekin kis gati se? teevragti vaala hi samay parmanzil par pahunchega। nahin to peechhe rah jaayega। yahaan bhi praapti to hoti hai lekin sooryavanshi ki hoti hai ya chandravanshi ki hoti hai antar to hota hai na। to sooryavanshi mein aane ke liye har sankalp, har bol se saadhaaranta samaapta ho। agar koi hero actor saadhaaran act kare to sabhi us par hansenge na। to yeh sada smriti rahe ki main vishesh paartadhaari hoon isliye har karma vishesh ho, har kadam vishesh ho, har second, har samay, har sankalp shreshtha ho। aise nahin ki ye to 5 minute saadhaaran hua। paanch minute, paanch minute nahin hai। sangamayug ke paanch minute bahut mahatva vaale hain, paanch minute paanch saal se bhi jyaada hain isliye itna attention rahe। isko kehte hain teevrapurushaarthi। teevra purooshaarthiyon ka slogan kaun-sa hai? ‘‘ab nahin to kab nahin।’’ to yeh sada yaad rehta hai? kyonki sada ka raajya bhaagya praapta karna chaahte ho to attention bhi sada। ab thoda samay sada ka attention bahutkaal, sada ki praapti karaane vaala hai। to har samay ye smriti rahe aur checking ho ki chalte-chalte kabhi saadhaaranta to nahin aa jaati? jaise baap ko param aatma kaha jaata hai, to param hai na। to jaise baap vaise bachche bhi har baat mein param yaani shreshtha।

to abhi svayan ka purooshaartha bhi teevra aur seva mein bhi kam samay, kam mehnat aur saphalta jyaada। ek anekon jitna kaam kare। to aisa plan banaao। panjaab hai to bahut puraana। seva ke aadi se ho to aadi sthaan vaale koi aadi ratna nikaalo। vaise bhi panjaab ko sher kehte hain na। to sher gajgor karta hai na। to gajgor arthaat bulanda aavaaj। ab dekhenge - kya karte hain aur kaun karte hain?

sada smriti rahe ki main vishesh paartadhaari hoon। har kadam vishesh ho, har second, har samay, har sankalp shreshtha ho, usko kehte hain teevrapurushaarthi। teevra

purooshaarthiyon ka slogan hai --’’ab nahin to kab nahin।’’